Առողջապահության նախարարությունը 160 հազար բժշկական դիմակ է պահեստավորել

Կորոնավիրուսի նոր ենթատեսակը մոտեցել է Հայաստանի սահմանին, զուգահեռաբար էլ այստեղ շարունակում են սեզոնով պայմանավորված սուր շնչառական հիվանդություններ գրանցվել (չնայած իրավիճակը, ըստ ՀՀ առողջապահության նախարարության, կայունանում է), բայց դեղատներում գրեթե չկան բժշկական դիմակներ:

Արդեն քանի օր է՝ շատ քաղաքացիների անհանգստացնում է Հայաստանի դեղատներում դիմակների բացակայությունը կամ դրանց գների բարձրացումը:

Մեր իրականացրած ուսումնասիրության ժամանակ պարզ դարձավ, որ Երեւանի մոտ 10-ը դեղատներից միայն մեկում կային դիմակներ: Մնացած բոլոր դեպքերում դրանք կա՛մ այսօր էին սպառվել, կա՛մ արդեն քանի օր է՝ բացակայում էին: Դեղատների աշխատողները նշեցին, որ նոր խմբաքանակ չեն ստացել, չգիտեն՝ երբ կլինի:

Նրանք հաստատեցին, որ այս օրերին մարդիկ շատ են գալիս դիմակ գնելու, եւ բացասական պատասխան ստանալուց հետո՝ հեռանում:

Պարզվեց, որ այն դիմակները, որոնք դեռեւս չեն սպառվել թանկացել են ոչ թե կրկնակի, այլ եռակի՝ հասնելով 130-150 դրամի. շատ դեղատներում դրանց գինը շաբաթներ առաջ 50 դրամ էր:

Դեղատների աշխատողներից ոմանք նշեցին, որ վերջին օրերին է այսպես թանկացել, ոմանք էլ չցանկանալով մանրամասնել՝ ընդգծեցին միշտ էլ 130 դրամ է եղել, չի թանկացել:

Կորոնավիրուսը որքան մոտենում է, այնքան մարդկանց մոտ խուճապային տրամադրություններ են նկատվում, եւ մեծանում է բժշկական դիմակների պահանջարկն ու սպառումը: Բացի այդ էլ հայտնի է, որ դրանք մեծ ծավալներով ուղարկվել են Չինաստան:  

Հիշեցնենք, որ ավելի վաղ Պետական եկամուտների կոմիտեի նախագահի տեղակալ Շուշանիկ Ներսիսյանը լրագրողների հետ զրույցում ասել էր, որ Չինաստանից ամեն օր մի խմբաքանակ բժշկական դիմակի պատվեր է լինում:

Շաբաթներ առաջ էլ չինական Սիան քաղաքն օգնություն էր խնդրել Գյումրիից, եւ Գյումրիի քաղաքապետարանը որոշել էր Չինաստան ուղարկել դիմակներ, բախիլներ, բժշկական այլ պարագաներ:

ՀՀ առողջապահության նախարարության հիվանդությունների վերահսկման եւ կանխարգելման ազգային կենտրոնի գլխավոր տնօրեն Արտավազդ Վանյանը կարծում է, որ բժշկական դիմակների պակասը խնդիր է ոչ միայն Հայաստանի, այլեւ շատ երկրների համար, սակայն խուճապի պետք չէ մատնվել: Այս մասին այսօր նա նշեց լրագրողների հետ զրույցի ընթացքում՝ հավելելով, որ Կորոնավիրուսի նոր ենթատեսակից պաշտպանվելու համար մեր երկրում դեռեւս դիմակ կրելու անհրաժեշտություն չկա, կարեւոր է հիգիենան պահպանել, բացի այդ, ըստ նրա, միայն դիմակ կրելով՝ վիրուսից ամբողջովին պաշտպանվել հնարավոր չէ:

Վանյանի խոսքով՝ այսօր այդ խնդիրը լուծելու համար քննարկումներ են իրականացվում ԱՆ համապատասխան ստորաբաժանումներում: Նախարարությունն ունի որոշակի քանակով պահեստավորած դիմակներ՝ մոտ 160.000 հատ, այս պահին գործընթաց է տարվում լրացուցիչ դիմակներ ձեռք բերելու ուղղությամբ:

Լրագրողի այն հարցին, թե հնարավոր է Հայաստան բերվեն ոչ սովորական դիմակներ, որոնք ավելի լավ են պաշտպանում վիրուսից, Վանյանը նշեց, որ նմանատիպ դիմակներ հիմնականում կրում են բժիշկները, քանի որ օգնություն են ցույց տալիս հիվանդներին, եւ անհրաժեշտ է առավել զգույշ լինել, սակայն դրանք կրելն այնքան էլ հեշտ չէ, բացի այդ դրա անհրաժեշտությունը չկա:

Հիշեցնենք, որ այսօր թեմայի հետ կապված հայտարարություն էր տարածել նաեւ ՀՀ տնտեսական մրցակցության պաշտպանության պետական հանձնաժողովը, որը հորդորում էր դեղերի շրջանառության ոլորտում գործունեություն իրականացնող տնտեսավարող սուբյեկտներին զերծ մնալ բժշկական դիմակների, հակավիրուսային դեղերի եւ այլ բժշկական պարագաների գների չհիմնավորված բարձրացումներից, ինչպես նաեւ շուկայում արհեստական պակասուրդի ստեղծումից:

«Միաժամանակ, ՀՀ ՏՄՊՊՀ-ն տեղեկացնում է, որ այս ոլորտում իրականացվում են մշտադիտարկումներ: Հնարավոր խախտումների կամ չարաշահումների դեպքում Հանձնաժողովը կհարուցի վարչական վարույթներ եւ կկիրառի օրենքով սահմանված պատասխանատվության խիստ միջոցներ: Հիշեցնում ենք նաև, որ ՀՀ ՏՄՊՊՀ-ն այս տարի իրականացնում է ուսումնասիրություն դեղերի շրջանառության ոլորտում»,- նշված էր հայտարարության մեջ:

Տպել
1533 դիտում

«Նորք»-ում գրանցվեց մահվան եւս մեկ դեպք. Հայաստանում կորոնավիրուսից մահացածների թիվը դարձավ յոթ

Բոլորս պետք է լծվենք գազի գնի հայտի ուսումնասիրության հիմնավորվածությանն ու դրա գնահատականին. պատգամավոր

Դատավորը նկատողություն ստացավ «օրենքով գող» Հայկո Աստրախանսկիին երկիրը լքելու թույլտվություն տալու համար

Բելառուսը ռուսական նավթը կգնի բարելի դիմաց 4 դոլար արժեքով. հավելավճարներ չեն լինի

ԲԴԽ-ն խիստ նկատողություն է հայտարարել դատավոր Նաիրա Մխիթարյանին

Արցախում մեկուսացված 3 քաղաքացու հետազոտության արդյունքները եղել են բացասական․ ԱՀ-ում առայսօր կորոնավիրուսի դեպք չկա

«Առականի». նոր նախագիծ ԿԳՄՍ նախարարությունից

Բագրատաշենի սահմանային անցակետում հետախուզվող է հայտնաբերվել

Ռուսաստանում կարանտինային արձակուրդը կտեւի ամբողջ ապրիլ. Պուտինը նոր ուղերձով է հանդես եկել

Հայաստանում արձանագրվել է կորոնավիրուսի հետեւանքով մահվան 6-րդ դեպքը

Ներդրումային առաջարկներին մեր արձագանքի արագությունը եւ որակը պետք է էական փոփոխությունների ենթարկվի. վարչապետ

Անցկացվել են հրետանավորների գործնական պարապմունքներ․ ՊՆ

Մահակով եւ հակագազով ցուցմունք կորզելու գործով տուժողն առերեսվել է երկու մեղադրյալների հետ

Արցախում մարտին թանկացել են բժշկական դիմակը, ալյուրը, հավի ձուն, սոխը, կիտրոնն ու այլ ապրանքներ

ՊԵԿ-ը շարունակում է խրախուսել հարկերը պարտաճանաչ վճարող տնտեսվարողներին․ 4 տնտեսվարողի հավաստագիր է ուղարկվել փոստով

Ապրիլյան ագրեսիան ամրապնդել է Արցախի ժողովրդի և իշխանությունների՝ պետականության զարգացումը շարունակելու վճռականությունը

Գյումրիի խանութնրից մեկում հայտնաբերվել եւ ոչնչացվել են ժամկետանց վաֆլիներ․ ՍԱՏՄ

Օտարերկրացիների՝ Վրաստան մուտքն արգելող որոշումը շարունակում է ուժի մեջ մնալ

Ոստիկանության Դիլիջանի ու Վարդենիսի բաժիններում քաղաքացիներն ապօրինի հրազեններ են հանձնել

Խոնարհվեցի հայրենիքի պաշտպանության ժամանակ ընկած հերոսների շիրիմների առջեւ․ Արարատ Միրզոյան