Քրեական գործի 82 թերթում որեւէ նշում չկա Սերժ Սարգսյանի անձը բնութագրող տվյալների մասին. պաշտպան

Երեւանի ընդհանուր իրավասության դատարանի Ավան եւ Նոր Նորք նստավայրում քիչ առաջ սկսված դատական նիստին Սերժ Սարգսյանի պաշտպանը հայտարարություն արեց:

Այն պահին, երբ նախագահող դատավոր Վահե Միսակյանը ճշտում էր ամբաստանյալների ինքնությունը, ընթերցեց նաեւ Սերժ Սարգսյանի վերաբերյալ գործում առկա տվյալները: Այնուհետեւ դիմելով Սերժ Սարգսյանին՝ հետաքրքրվեց՝ ճի՞շտ էին արդյոք ներկայացված տվյալները, ինչին Սերժ Սարգսյանը պատասխանեց՝ ոտքի չկանգնելով:

Դրանից հետո նրա պաշտպան Ամրամ Մակինյանը հայտարարեց, որ քրեական գործի 82 թերթում որեւէ նշում չկա Սարգսյանի անձը բնութագրող տվյալների մասին՝ խնդրելով պետական իրավասու մարմիններից պահանջել այդ տվյալները՝ կցելով գործի նյութերին.

«Դատաքննության հենց սկզբից, երբ պարոն Սարգսյանը ներգրավվել է որպես մեղադրյալ, բազմաթիվ են խախտումները, ես կդժվարանամ նաեւ հաշվել, թե իմ ներկայացրած քանի միջնորդություն է մերժվել, այդ խախտումները ավարտվեցին մեղադրական եզրակացության կազմամբ, հիմա էլ չի ներկայացվում պարոն Սարգսյանի անձի բնութագիրը»: Ամրամ Մակինյանն ընդգծեց՝ պարտադիր չէ, որ օրենքը քննիչի համար նման պարտականություն է սահմանել. «Ինչո՞ւ չի նշվել, որ երրորդ նախագահը արցախյան ինքնապաշտպանական ուժերն է ղեկավարել, որ եղել է ՊՆ նախարար, արդյոք նրա անձը չե՞ն բնութագրում նաեւ իրադարձությունները, որ տեղի են ունեցել 1989-93 թթ., այն, որ 1994 թվականի զինադադարը ստորագրվել է Սերժ Սարգսյանի կողմից»: Պաշտպանի խոսքով՝ Սարգսյանը 14 տարի անընդմեջ պատասխանատվություն է կրել ՀՀ սահմանների պաշտպանության համար, իսկ 2008-18 թթ. նախագահ հանդիսանալով՝ եղել է Գերագույն գլխավոր հրամանատար, ինչի մասին որեւէ նշում եւս չկա:

Պաշտպանի այս հայտարարությանն առարկեց մեղադրող դատախազ Արսեն Մարտիրոսյանը՝ ասելով, որ վարույթն իրականացնող մարմինը նշել է այն հանգամանքները, որոնք իրեն հայտնի են դարձել քրեական գործով. «Իսկ պաշտպանի կողմից նշվածներն արդեն հայտնի տեղեկություններ են, եւ վարույթն իրականացնող մարմինը գտել է, որ դրանք քրեական գործում ներառելու անհրաժեշտություն չկա, եթե, ամեն դեպքում, պաշտպանները գտնում են, որ դրանք կարեւոր նշանակություն ունեն, զրկված չեն քրեական գործում դրանք ներառելուց»:

Լսելով կողմերին՝ նախագահող դատավորը հայտնեց, որ միջնորդության քննությանը կանդրադառնա ավելի ուշ:

Այս պահին դատավորը ճշտում է մյուս ամբաստանյալների ինքնությունը:

Նշենք, որ մեղադրող դատախազը դատավորի ուշադրությունը հրավիրվեց այն հանգամանքին, որ ամբաստանյալները դատավորի հետ խոսելիս ոտքի չեն կանգնում, ինչից հետո Բարսեղ Բեգլարյանն անմիջապես ոտքի կանգնեց: Նախագահող դատավորն էլ ասաց, որ թույլատրում է նստած դիրքորոշում հայտնել, որպեսզի նրանց ձայնը լսելի լինի նիստերի դահլիճում աշխատող լրագրողներին: Դատավորը հետաքրքրվեց դատավարության մասնակիցներից՝ արդյոք առարկություն չունեն նստած ելույթ ունենալու հետ կապված, եւ մասնակիցները առարկություն չներկայացրին:

Ամբաստանյալ Սամվել Գալստյանի պաշտպան Վաչագան Քոսյանը եւս նշեց, որ քրեական գործում ներառված չեն իր պաշտպանյալի անձը բնութագրող տվյալներ, ապա թվարկեց, թե ինչ կոչումներ, մեդալների է նա արժանացել:

Տպել
1083 դիտում

«Գյումրի» ԲԿ-ի 29 աշխատակիցներ մեկուսացված են, կորոնավիրուսով հիվանդ որսորդի հետ շփված մարալիկցիները՝ ևս

Արցախում կառավարությունն ամրագրել է հյուրանոցային ավելի քան 80 համարներ, առանձնացվել են մեկուսացման տարածքներ

Վարակի տարածման ինտենսիվության գործակիցը գնահատված մոտ 2 արժեքից հաջողվել է նվազեցնել մինչև 1.4-ի

Չունեմ կորոնավիրուսային հիվանդություն, հիվանդանոցում կամ հյուրանոցում չեմ բնակվում. փոխնախարարի պարզաբանումը

Նոր Նորքի բազմաբնակարանները երեկվանից ախտահանվում են նոր, ավելի արդյունավետ սարքերով

Կոչ եմ անում չմասնակցել ընտրությունների երկրորդ փուլի քվեարկությանը․ Մասիս Մայիլյան

Ստեփանակերտի համեմատաբար խոշոր առևտրային սրահների տարածքներն ու մարդաշատ վայրերը ախտահանվել են

Տնտեսական բլոկի եւ կենտրոնական բանկի մասնագետների հետ քննարկում՝ վարչապետի գլխավորությամբ

Արցախ ներկրված նոր տեխնիկան ժամանակավորապես փոխանցվել է ՊԲ-ին՝ լրացուցիչ ախտահանման համար

Փլուզվել է ջրամբարի արտաքին պատը

Կորոնավիրուսի տարածման 7-օրյա կրկնապատկման տեմպը պահպանվում է. Արսեն Թորոսյան

Միասին ընթերցում ենք «Փոքրիկ իշխանը», Օր 2.ԿԳՄՍ նախարարն ուղիղ եթերում է

Քաղաքական խաղերի ժամանակը չէ

Թուրքիայի ԶՈՒ-ն 4 քուրդ զինյալի է սպանել Սիրիայի հյուսիս-արևելքում

Առողջապահության նախարարն այցելել է կորոնավիրուսի բուժմամբ զբաղվող բժշկական կազմակերպություններ

Վեհափառ Հայրապետն աղոթել է մխիթարության եւ բժշկության համար. դուրս է բերվել Աստվածամուխ Սուրբ Գեղարդը

Վրաերթ Արարատի մարզում․ 30 գառ տեղում սատկել է

Առաջիկա օրերին սպասվում է ձյան եւ անձրեւի տեսքով տեղումներ. կցրտի մինչեւ 10-12 աստիճանով

AC19 հավելվածն այլևս չի գործելու․ տվյալների բազաները տեղափոխվել են Covid-19 Armenia հավելված․ ՀՀ պարետ

Ուկրաինայի հայերը ֆինանսավորել են վիրուսաբանության լաբորատորիայի վերակառուցումը