Հնդկաստանում միջկրոնական բախումներ են. կան զոհեր, ներգրավվել է զորքը

Հնդկաստանի մայրաքաղաք Դելիում միջկրոնական բախումներ են. The Guardian կայքի գնահատմամբ՝ մայրաքաղաք Դելիում վերջին մի քանի տասնամյակներում տեղի ունեցած ամենաարյունալի կրոնական բախումներն են, արդեն մոտ 20 զոհ է գրանցվել:

Դելիի գլխավոր նախարար Արվինդ Քեժրիվալն իրավիճակը որակել է «մտահոգիչ» և ասել, որ անհրաժեշտ է ներգրավել բանակի ուժերը՝ բռնությունները կանխելու համար: «Որքան էլ ոստիկանը ջանք թափի, այս իրավիճակը չի կարողանա վերահսկել, պետք է անհապաղ զորքը ներգրավել և պարետային ժամ հայտարարել»:

Երեկ կեսօրին մոտ 500 երիտասարդ հինդուիստների վայրենի ամբոխը հարձակվել է Աշոք Նագարի մզկիթի վրա, կոտրել դռները, մագլցել մինարեթ և այնտեղից ծածանել հինդուիզմի պաշտոնական դրոշը: Նրանք թալանել են այս մզկիթը, ևս մի՝ ավելի փոքր մզկիթ, մուսուլմանների խանութներ, իսկ վերջում՝ հրկիզել դրանք:

Տեղացի մի մուսուլման, որը, անվտանգության նկատառումներից ելնելով, խնդրել է չնշել իր անունը, պատմել է, թե ինչպես է ամբոխն ավելի քան երեք ժամ մզկիթը քանդել, ինչպես են անդադար վանկարկել հինդուիստական ազգայնականության կարգախոսներ: «Նրանք եկել են ցերեկը և այրել ամեն ինչ ներսից, այնուհետև նրանք թալանել և այրել են մզկիթի ներսում գտնվող խանութը, հետո՝ կողքին գտնվող երկու մահմեդական տուն: Ես նույնիսկ չգիտեմ՝ ինչ ասել: 35 տարվա ընթացքում ես երբեք չեմ տեսել նման իրավիճակ. հնդկացիները և մուսուլմանները միշտ այստեղ խաղաղ ապրել են: Բոլորս միասին նշեցինք Էյդը և Դիվալին: Հինդու կանայք հաճախ իրենց երեխաների հետ մզկիթ էին մտնում. սա շենք էր ոչ միայն մուսուլմանների, այլև ողջ համայնքի համար: Բայց խաղաղությունը հիմա լիովին վերացավ»,- ասել է նա:

Այսօր առավոտյան մահմեդականների տների վրա հարձակումները շարունակվել են: Այնուամենայնիվ, հարկ է նշել, որ որոշ տեղացի հինդուիստներ զինված հսկողություն են սահմանել մզկիթի տարածքում՝ փորձելով պաշտպանել մահմեդական ընտանիքներին:

Խռովությունները շարունակվում են տարածվել դեպի Դելիի հյուսիս-արևմտյան հատվածը: Առավել տուժած շրջաններում արդեն տեսանելի է Դելիի ոստիկանության և զորքի տեղակայումը:

Հիշեցնենք, որ Հնդկաստանում բողոքի ալիքը ծավալվել էր 2019թ. դեկտեմբերին՝ վարչապետ Նարենդրա Մոդիի կառավարության ընդունած օրենսդրական փոփոխություններից հետո: Քաղաքացիության մասին նոր օրենքով սահմանվել է, որ քաղաքացիություն է տրամադրվում այստեղ ապրող կրոնական բոլոր մեծ համայնքների ներկայացուցիչներին, բացառությամբ՝ մահմեդական փախստականների:

Նման խտրական մոտեցման դեմ մի խումբ մուսուլմաններ Դելիում ճանապարհներ էին փակել: Բողոքի խաղաղ ակցիաները վերաճել են արյունալի բռնությունների, երբ իշխող «Բհարաթիա ջանաթա» կուսակցության (BJP) առաջնորդ Կապիլ Միշրան հրահանգել էր հինդուներին բռնի կերպով հեռացնել նրանց: Երկու կողմերից խմբերն իրար կողմ քարեր էին նետել և գրոհել միմյանց վրա: Քարով գլխին հարվածից երկուշաբթի մահացել էր մի ոստիկան, ոստիկաններն արցունքաբեր գազ էին կիրառել, սակայն ամբոխը ցրել չէին կարողացել: Իջեցվել էր հրաման, որով արգելվում էր շրջել չորս մարդուց ավելի խմբերով: Սակայն, ըստ էության, ոստիկանությունն այս օրերին չէր կարողացել վերահսկել, որ այս կարգը պահվի:

Տպել
725 դիտում

Տեղորոշման համակարգն արդյունավետ ընթացք ունի. տեղի է ունեցել կորոնավիրուսի տարածումը կանխարգելող հանձնաժողովի նիստը

Անասուններին էլ դաշտ չենք տանում. Արցախի Միրիկ գյուղը, որտեղ հարսի եւ սկեսրոջ մոտ կորոնավիրուս է հաստատվել, մեկուսացած է

«Ռոման» կփորձի եւս 1 տարով վարձակալել Հենրիխ Մխիթարյանին

ՊՆ 5-րդ զորամիավորումում ամփոփվել են կատարված աշխատանքները

Արցախում 9 քաղաքացիներից բացի, ևս 4 հոգու փորձանմուշ ուղարկվել է հետազոտության. 14 նոր մարդ ինքնամեկուսացել է

Բժշկական դիմակներով դեմքերը քողարկած անձինք կողոպտել են Գյումրի քաղաքի բնակչուհուն. հարուցվել է քրգործ

Գրանցվել է 12-րդ մահը, որը դեռ պաշտոնապես հայտարարված չէ. Արսեն Թորոսյան

Առանձնապես խոշոր չափերի առերևույթ հափշտակություն dasaran.am-ի դրամաշնորհային ծրագրի իրականացման գործընթացում

2 նոր նշանակում շրջակա միջավայրի նախարարությունում

Մշակույթի նախկին նախարարը «Տատիկիս վարսերը» ֆիլմի ռեժիսորից պահանջել և ստացել է շուրջ 7 մլն դրամ. ՔԿ

Վթարի հետևանքով «Mercedes»-ը մասամբ հայտնվել է «Toyota Camry» մակնիշի ավտոմեքենայի վրա. կա տուժած

Հայբիզնեսբանկը միացել է կորոնավիրուսի տնտեսական հետևանքների չեզոքացման միջոցառումներին

Բոլորս ապրում ենք բարդ ժամանակներ. Նիկոլ Փաշինյանի խոսքը՝ ԵԱՏՄ տեսակոնֆերանսի ժամանակ (տեսանյութ)

Ապրիլի 9-ին Հանրապետության տարածքում վարակազերծվել են 490 հանրային վայրեր

Ո՞վ ես դու, պարզ ասում եմ՝ ո՞վ ես դու. Գյուլագարակի համայնքապետը մարզպետի հետ կապեց իր հրաժարականը

Արշակունյաց-Գարեգին Նժդեհ խաչմերուկում կանջատվեն լուսացույցները. փորձնական շրջանաձեւ երթեւեկություն կկազմակերպվի

Կորոնավիրուսով հիվանդ ընդունելուց հետո ախտահանում են շտապօգնության մեքենան (տեսանյութ)

Քաշաթաղի բուժմիավորումում մեկուսացված 6 քաղաքացի կա, 2-ը ջերմում են. ընդհանուր 9 անձի թեստի պատասխան է սպասվում

Հրաժարականի դիմում կներկայացնի Գյուլագարակ խոշորացված համայնքի ղեկավարը

Կորոնավիրուսի 16 նոր դեպք է հաստատվել. գրանցվել է եւս մեկ մահ. դեպքերի ընդհանուր թիվը 937 է