Կունենանք անկառավարելի վարակ եւ մեծ թվով պացիենտներ. ՁԻԱՀ-ի կենտրոնի աշխատակիցները բողոքի ցույց են անում

ՁԻԱՀ-ի կանխարգելման հանրապետական կենտրոնի աշխատակիցներն անօրինական են համարում թե՛ նույն կենտրոնը «Նորք» ինֆեկցիոն կլինիկական հիվանդանոցին միացնելու որոշումը, թե՛ երեկ տեղի ունեցած իրադարձությունները:

Հիշեցնենք, որ ՀՀ առողջապահության նախարարի հրամանով երեկ դադարեցվել է վերոնշյալ կենտրոնի տնօրեն Սամվել Գրիգորյանի աշխատանքային պայմանագիրը: Պաշտոնակատար է նշանակվել Արթուր Բերբերյանը: Նույն օրն արդեն ՀՀ ոստիկանության բաժանմունքում է հայտնվել ՁԻԱՀ կենտրոնի փոխտնօրեն Արամ Հակոբյանն այն պատճառով, որ հրաժարվել է պաշտոնակատարին տրամադրել հիմնարկի կնիքը եւ բացել տնօրենի սենյակը:

Աշխատակիցների բողոքի ակցիան սկսվել էր դեռեւս երեկ ոստիկանության Նոր Նորքի բաժնի բակում, այսօր նրանք արդեն ՀՀ կառավարության շենքի դիմաց էին:

Մասնակիցները պահանջում են կասեցնել կենտրոններն իրար միացնելու մասին կառավարության որոշումը եւ մասնագիտական քննարկում անցկացնել:

Նրանց խոսքով՝ հենց նախարարությունն է ստիպել, որ դուրս գան իրենց աշխատասենյակներից, ու կառուցողական քննարկում չիրականանա, քանի որ շուրջ մեկ տարի է՝ հրավիրում են մասնագիտական քննարկումների, սակայն, ըստ նրանց, ԱՆ-ի հետ երկխոսություն ունենալ չի հաջողվում:

Այսօր էլ որոշել են կառավարության դիմաց իրենց ձայնը բարձրացնել, նամակ փոխանցել ՀՀ վարչապետ Նիկոլ Փաշինյանին, որտեղ մանրամասն ներկայացրել են իրենց հիմնավորումները: Բուժաշխատողները հավաստիացրին, որ բողոքի ցույցի գալով՝ իրենց գործը չի տուժի. բոլոր բաժանմունքներում մնացել են համապատասխան աշխատողներ:

Ակցիայի մասնակիցների խոսքով՝ իրենց հիմնավորումներն ու մտահոգությունները բազմիցս են արտահայտել, սակայն՝ ապարդյուն, իսկ փոխտնօրենին բերման ենթարկելն ու տնօրենին աշխատանքից ազատելը համարում են այդ ձայնը լռեցնելու միջոց:

«Այս ամենը շղթայի մի մասն է. ամեն ինչ անել, հարցը շուտ լուծել, մենք էլ ձայն չհանենք, հարցը փակվի գնա: Մենք ուզում ենք ասել, որ դրան համաձայն չենք»,- նշեց կենտրոնի համաճարակաբանական հսկման բաժնի վարիչ Արշակ Պապոյանը՝ հավելելով, որ նորանշանակ տնօրենին չեն կարող ընդունել, քանի որ դեմ են միացմանը, իսկ Բերբերյանը եկած-չեկած խոսում է այդ մասին՝ առանց իր գործառույթներն իմանալու, առանց կենտրոնը ճանաչելու:

Նա թվարկեց միացման դեպքում սպասվելիք բոլոր վտանգները. «Կունենանք անկառավարելի վարակ եւ մեծ թվով պացիենտներ, անպատրաստ համակարգ»:

Անձնակազմից Արշակ Պետրոսյանն էլ նշեց, որ իրենց համար անհասկանալի է միացման նպատակը. ինչո՞ւ փոխել կառավարման մոդելը, եթե կենտրոնը լուծում է իր առջեւ դրված խնդիրները: Ինչո՞ւ օպտիմալացնել, եթե աշխատանքներն այսպես թե այնպես լավ են կատարվում:

Աշխատակիցները վստահ են, որ մեկ տնօրենը չի կարող 2 կենտրոն ղեկավարել. «Հո գերմարդ չէ»: Նրանք հավելեցին՝ չեն ցանկանում, որ երկրում առողջապահության ոլորտում նման քաղաքականություն իրականացվի: Կարծում են, որ այս ամենը կարող է շատ գործուն մեխանիզմների քանդման պատճառ դառնալ, որից մեկն էլ իրենց կլինիկան են համարում:

Նշենք, որ առողջապահության նախարար Արսեն Թորոսյանը տնօրենին ազատել է համապատասխան հանձնարարականները չկատարելու հիմնավորմամբ: Կառավարության նիստից հետո լրագրողների հետ ճեպազրույցի ժամանակ նա մանրամասնել է, որ տնօրենը բազմիցս հրաժարվել է կատարել կառավարության որոշման պահանջները՝ երկու ծառայությունների միավորումը եւ փաստաթղթերի տրամադրումը:

Նախարարը հավելել է, որ կառավարության որոշումը ոչ թե նշանակում է որեւէ բան փակել, այլ զարգացնել ծառայությունները, իսկ միավորումը կտա ավելի մեծ հասանելիություն՝ որակյալ ծառայություն մատուցելու համար։

Տպել
1203 դիտում

Իքս մարդը բարեգործություն է արել, որի գովազդային գինը կպանահջեր ավելի մեծ գումար․ Նիկոլ Փաշինյան

3 օր առաջ իմ աչքերով տեսել եմ ռազմաարդյունաբերական համալիրի մի նմուշ, որին մի քիչ հեշտ չէր հավատալ․ Նիկոլ Փաշինյան

Հայաստանյան գրանցումով ինքնաթիռներն Աֆրիկայում ներգրավված են եղել ապօրինի գործունեության, զենքի վաճառքի մեջ. վարչապետ

Օժանդակություն ստանալու համար կինը մարտի 30-ի դրությամբ պետք է լինի առնվազն 12, առավելագույնը 34 շաբաթական հղի

Բոլորը սկսել են հավատալ, որ իմբիրը կորոնավիրուսի պատվաստանյութ է, դրա համար էլ անվերահսկելիորեն թանկացել է․ վարչապետ

Դա ինձ համար կլինի բարոյական ավարտ. Փաշինյանը՝ նախկին իշխանություններին նմանվելու, նրանց թալանածը հետ բերելու մասին

Տիգրան Համասյանի «ոչՊաշտոնական» համերգը Լոս Անջելեսից. Կառավարության ուղիղ եթերում

Ճամբարակում այս տարի կրկնակի կավելանա գարնանացանը

Տնտեսական փլուզումները բացելու են հնարավորություններ․ Նիկոլ Փաշինյան

Ապրիլյանի հանձնաժողով են հրավիրվել Յուրի Խաչատուրովն ու Սերժ Սարգսյանը. դա կլինի աշխատանքների կուլմինացիան

Ես չեմ ասում՝ Արցախի ընտրությունները կատարյալ են եղել. Փաշինյանը պատասխանեց հարցին՝ ինչո՞ւ է աչք փակում կեղծիքների վրա

Աննախադեպ իրավիճակը թելադրեց շտապ լուծումներ գտնել. դատավորը՝ էլեկտրոնային դատավարության մասին

Գործատուի կողմից տրամադրվող տեղեկանքը ենթարկվել է որոշակի փոփոխությունների. պարետի որոշումը

Արցախում ՀՀ-ից ժամանած երկու քաղաքացիներ են մեկուսացվել. նրանց թեստերի պատասխանները կստացվեն վաղը

Մոտ 550 հազար դոլարի ներդրում ենք արել՝ Հայաստանում թեստերի տեղական արտադրություն ունենալու համար․ ՀՀ վարչապետ

Մասնագիտական պատրաստության պարապմունք է անցկացվել 3-րդ զորամիավորումում. ՊՆ

Կրակոցներ Երևանում. մոտ 40 տարեկան տղամարդը հրազենային վնասվածքներով հիվանդանոցում է

Եթե պարգեւավճարներն ուղղվեին թոշակների բարձրացմանը՝ դրանք կբարձրանային 165 դրամով. վարչապետը հաշվարկ ներկայացրեց

Եթե բոլորին տանք օգնություն, կնշանակի, որ ռեսուրսը օգտագործում ենք նաեւ նրանց համար, որոնք դրա կարիքը չունեն․ վարչապետ

Արմավիրում գյուղատնտեսական աշխատանքներն ակտիվորեն շարունակվում են