Բացելով Եվրոպայի հետ սահմանը, Թուրքիան ազատվել է ավելի քան 100 հազար փախստականից (լուսանկարներ)

Սիրիայի Իդլիբ նահանգում վերջին օրերին տեղի ունեցող զարգացումներին, ռազմական բախումներին եւ մարտերին զուգընթաց Թուրքիան որոշում է կայացրել փախստականների   առջեւ բացել դեպի Եվրոպա տանող «դարպասները»: Որոշման պատճառ է հանդիսացել փետրվարի 27-ին Սիրիայի Իդլիբ նահանգում սիրիական կառավարական ուժերի հետ մարտերում թուրք զինծառայողների մեծաքանակ կորուստը: 

Թուրքիական իշխանությունների կայացրած որոշումն ուժի մեջ է մտել անմիջապես, բացվել են սահմանները եւ որոշումից անմիջապես հետո էլ Թուրքիայում ժամանակավոր բնակություն հաստատած տասնյակ հազարավոր ապօրինի ներգաղթյալներ սկսել են շարժվել դեպի Եվրոպա: Ներգաղթյալների հատկապես մեծ ներհոսք է եղել դեպի Հունաստան եւ Բուլղարիա:

Եվրոպա են անցել հազարավոր փախստականներ, նրանց իրական թիվը գերազանցել է բոլոր կանխատեսումները: Պաշտոնական Թուրքիան ապշեցնող թվեր է հրապարակել, երկրի ներքին գործերի նախարար Սուլեյման Սոյլուն հայտարարել է, որ շուրջ 117.700 փախստականի հաջողվել է անցնել սահմանը եւ մուտք գործել Եվրոպա:

Մինչ փախստականները անարգել լքում էին Թուրքիայի սահմանները, Եվրոպական Միության արտաքին գործերի եւ անվտանգության քաղաքականության հարցերով բարձր ներկայացուցիչ Ժոզեֆ Բորելը ԵՄ անդամ- երկրների  ԱԳ նախարարներին կոչ է արել ժամանել Իդլիբի հարցով գումարված արտակարգ նիստին:  Կարեւորելով Իդլիբում հրադադարի ռեժիմի հաստատումը, Բորելը ԵՄ-ի անունից հայտարարություն է տարածել՝ մտահոգություն հայտնելով Սիրիայում ծավալվող իրադարձությունների շուրջ: Նա նշել է, որ պետք է լրացուցիչ ջանքեր գործադրել Իդլիբում տեղի ունեցող զարգացումների  հետեւանքով կանխատեսվող հումանիտար ճգնաժամը կանխելու համար:

Բորելը անդրադարձել է նաեւ Հունաստանի սահմանին կուտակվող սիրիացի փախստականների վիճակին: Նշենք, որ չնայած հույն ոստիկանների ու սահմանապահների` փախստականների մուտքն արգելող բազմաթիվ միջոցների, այնուամենայնիվ, հազարավոր փախստականներ կարողացել են ճեղքել պատնեշն ու հատել սահմանը՝ անցնելով Եվրոպա:

«Պետք է պարտավորություն ունենալ՝ իրականացնել Թուրքիայի ու ԵՄ-ի միջև կնքված միգրացիոն համաձայնագրի պահանջները:  Մենք աջակցում ենք Հունաստանին ու Բուլղարիային  եւ ուշադիր հետեւում ենք մեր արտաքին սահմանների միգրացիոն վիճակին»,- ասել է ԵՄ պաշտոնյան:

Հիշեցնենք, որ փետրվարի 27-ին Սիրիայի Իդլիբ նահանգում սիրիական բանակի ավիահարվածների հետեւանքով 33 թուրք զինվորականի զոհվելուց եւ տասնյակների վիրավորվելուց հետո պաշտոնական Անկարան հայտարարեց, որ այլեւս ի վիճակի չէ իր երկրում  պահել Սիրիայից Թուրքիա շարժվող փախստականներին: Էրդողանի հրամանով, հայտարարությունից անմիջապես հետո Թուրքիան բացել է դեպի Եվրոպատանող սահմանները՝ թուրք-հունականն ու թուրք-բուլղարականը՝ թույլ տալով փախստականներին անցնել Եվրոպա:

Փախստականները հիմնականում փորձում են Եվրոպա մտնել Հունաստանի սահմանով, այնտեղ հսկայական կուտակումներ են: Հունաստանը սահմանը փակել է ու ամեն կերպ փորձում է թույլ չտալ փախստականների մուտքը երկիր: Փախստականների զգալի մասն էլ Էգեյան ծովով նավերով է շարժվում դեպի հունական կղզիներ: 

Ավելի վաղ, ամեն պատեհ առիթի , Էրդողանը շարունակ սպառնում էր, որ իր ցանկություններն ու Թուրքիայի պահանջները չբավարարելու  կամ Սիրիայի հարցով համաձայնության չգալու դեպքում ինքը կբացի Եվրոպայի դարպասները փախստականների առաջ՝ խնդիրներ ստեղծելով ԵՄ-ի համար:

Euronews-ը հայտնում է, որ բացի սահմանները բացելուց,   Թուրքիան չի դադարեցնում նաեւ ռազմական գործողությունները Սիրիայում: Հենց Թուրքիայի Պն-ի պաշտոնական հայտարարությամբ, հանգստյան օրերին թուրքական անօդաչուների գնդակոծության հետեւանքով Սիրիայում սպանվել է կառավարական ուժերի 26 զինծառայող: Անկարան հայտարարել է, որ դա պատասխանն է՝ սիրիական օդուժի կողմից սպանված  33 թուրք զինվորականի համար:

Միաժամանակ, Սիրիայում ամրապնդվում է թուրքական ներկայությունը: Շաբաթ օրը հերթական թուրքական զինախումբն է ճեղքել Բաբ-էլ-Հավայի հյուսիս-արեւմտյան սահմանային անցակետը եւ ուղեւորվել դեպի Ջաբալ ալ-Զավիա: Զինվորական շարասյան մեջ ներառված են եղել զրահապատ մեքենաներ, տանկեր եւ բուլդոզերներ:

Հիշեցնենք, որ սիրիական կառավարական ուժերին՝ Ասադի բանակին, աջակցում են ռուսական զորքերը: Այս համատեքստում Թուրքիայի Պաշտպանության նախարար Հուլուսի Աքարը հայտարարել է, որ իրենք ցանկություն չեն հետապնդում դիմակայել Ռուսաստանի Դաշնությանը, այլ ուզում են  ստիպել ռեժիմին դադարեցնել կոտորածը Սիրիայում, կանխել արմատականացումը եւ միգրացիան:

Տպել
771 դիտում

ԴԱՀԿ հարկադիր կատարողը չի կարող ձեռնպահ մնալ վարույթ հարուցելուց, արգելանքներ կիրառելուց. հայտարարություն

ՀՀ փաստաբանների պալատի նախագահ Արա Զոհրաբյանը դիմել է պարետ Տիգրան Ավինյանին

Երևանի քաղաքապետարանը Մաշտոցի պողոտայում վերջերս կառուցված տաղավար է ապամոնտաժել

Արցախում վստահաբար են խոսում ընտրությունների երկրորդ փուլի մասին, բայց դեռ պետք է սպասել ԿԸՀ-ի թվերին. ՀՀ ԱԺ պատգամավոր

Արմեն Սարգսյանը հեռախոսազրույց է ունեցել հայտնի գիտնական Յոզեֆ Բաբիկյանի հետ

Ընտանեկան բռնություն, ծեծ, փաստաթղթի կեղծիք ու սպանության սպառնալիք. ոստիկանության ամփոփագիրը

Արցախի նախագահական ընտրություններում հավանաբար երկրորդ փուլ կլինի. Իոաննիսյան

Վարչապետը շնորհավորական ուղերձ է հղել Հայաստանի ասորական համայնքին՝ ասորական Նոր տարվա առթիվ

Երևանի մետրոպոլիտենը փակ է. 39 տարվա մեջ առաջին անգամ այն ամբողջությամբ չի աշխատում

Կորոնավիրուսի հաստատված դեպքերի թիվը 571 է. գրանցվել է 37 նոր դեպք

Իտալիան, Իսպանիան, Ֆրանսիան, Մեծ Բրիտանիան 1 օրում գրանցել են կորոնավիրուսից մահերի ամենաբարձր ցուցանիշը. Guardian

Մարդիկ շարունակում են անտեսել կանոնները, երկար ժամանակ են անցկացնում բակերում. ՄԻՊ-ը կոչ է անում մնալ տանը

Այսօր ու առաջիկա օրերին Երեւանում եւ մարզերում սպասվում է անձրեւ ու ամպրոպ

Նախագահը ստորագրել է աղմկահարույց փաթեթը եւ պարզաբանել՝ ինչու է այն անհրաժեշտ

Գորիսում Mitsubishi Pajero-ն գլորվել է և բախվել ծառի. կա տուժած

Չորաթան գյուղում տրակտոր է շրջվել. 38-ամյա տղամարդը տեղում մահացել է

ԱՄՆ-ը Հայաստանին տրամադրում է 1,1 միլիոն դոլար՝ կորոնավիրուսի դեմ պայքարի համար

Արցախի նախագահական ընտրություններում առաջատարն Արայիկ Հարությունյանն է. նախնական

Աշխատանքի գնալիս անհրաժեշտ է լինելու ներկայացնել գործատուի կողմից լրացված ձևաթուղթը. պարետի որոշումը

Դադարեցվում է հանրային տրանսպորտի գործունեությունը, թույլատրվում է տաքսիների գործունեությունը. պարետի նոր որոշսւմը