Տագնապը օրգանիզմն առավել խոցելի է դարձնում վարակի դեմ. մասնագետները՝ կորոնավիրուսի շուրջ ստեղծված աղմուկի մասին

Այն տագնապը, որն այսօր կա՝ կապված կորոնավիրուսի նոր ենթատեսակի հետ, առավել վտանգավոր է մեր օրգանիզմի համար, քան վարակը, որով հիվանդացության ընդամենը մեկ դեպք ենք ունեցել:

Այս կարծիքին է հոգեբան Արմինե Փաշայանը: Այսօր լրագրողների հետ զրույցում նա նշեց, որ տագնապը եւ խրոնիկ սթրեսն իջեցնում են մեր օրգանիզմի դիմադրողականությունը եւ խոցելի դարձնում ցանկացած հիվանդության հանդեպ: Նրա խոսքով՝ կան իրականացրած հետազոտություններ, որոնք ցույց են տալիս, որ գրիպով հիվանդ մարդու սենյակ մտնելու դեպքում ավելի հակված են վարակվելու այն անձինք, որոնք ունեն խրոնիկ սթրես:

Այս օրերին թե՛ աշխարհում, թե՛ այստեղ առաջացած տագնապը հոգեբանը, այնուամենայնիվ, արդարացված է համարում. վիրուսն անծանոթ էր, այն տարիներ անց կարող է նման վախ չառաջացնել, ինչպես թռչնագրիպն այսօր: Նրա խոսքով՝ մարդիկ այս օրերին բաժանվել են խմբերի: Մի խումբը վստահ է, որ իրենք չեն վարակվի, մի մասը կասկածում է, որ կվարակվի, բայց կբուժվի, հերթական խմբում տագնապած մարդիկ են, ում կարծիքով հիվանդությունն իրենց մոտ վատ ելք է ունենալու: Այս ամեննն էլ նրանց անհատական կյանքի պատմությունից է գալիս:

ՀՀ առողջապահության նախարարության Առողջապահության ազգային ինստիտուտի տնօրենի խորհրդական Դավիթ Պետրոսյանի կարծիքով՝ այսօր ամբողջ աշխարհում տիրող վախերը եւ խուճապները հիմնականում անհիմն են: Նա վարակի աղբյուր Չինաստանին վերաբերող տվյալներ ներկայացրեց. հիվանդությունն առաջացնում է թոքաբորբ շատ փոքր տոկոսի մոտ, 80%-ի մոտ այն շատ թեթեւ է ընթանում, մինչդեռ այդ 20%-ի դեպքում էլ կարող են բարդությունները շատ լուրջ չլինել. մահացությունը 2.7-3% է:

Նա այս հիվանդության բռնկման պատճառով առաջացած աղմուկն անհասկանալի է համարում: Հակահամաճարակային մեթոդներով պետք է այնպես անել, որ վարակվածների թիվը քիչ լինի, սակայն արհեստականորեն խուճապ տարածելն էլ ճիշտ չի համարում:

Պետրոսյանի կարծիքով՝ Հայաստանում իրավիճակը լավ է, քանի որ բավականին ուշ գրանցվեց հիվանդացության դեպքը, եւ ընթացքում բավականին փորձ կուտակեցինք: Նա ընդգծեց, որ վիրուսները մշտապես լինելու են, դրանք մուտացիաների են ենթարկվում եւ մի քանի տարին մեկ կարող են կրկնվել, պետք է ուղղակի պատրաստ լինել:

Այն հարցին, թե ինչ բուժում է կիրառվում կորոնովիրուսով վարակված երիտասարդի նկատմամբ, որի դեպքը դեռեւս Հայաստանում հաստատված միակն է, նշեց, որ ընդհանրապես վիրուսային վարակները չունեն առանձնահատուկ բուժում: Շատ քիչ վիրուսներ կան, որոնց կարելի է ինչ-որ դեղով սպանել: Հիվանդին, ըստ նրա, այս դեպքում կարելի է հեղուկներով, թթվածնով հագեցնել եւ ժամանակ տալ իմունային համակարգին, որպեսզի այն արտադրի անհրաժեշտ հակամարմիններ, որոնք կպայքարեն վիրուսի դեմ: Այս դեպքում եւս տվյալ անձի նկատմամբ կոնկրետ բուժում չի տարվում:

Լրագրողի այն պնդմանը, թե Հայաստանում խուճապ կա, քանի որ բավարար չափով չեն իրականացվում իրազեկման աշխատանքներ, Առողջապահության ազգային ինստիտուտի տնօրենի խորհրդականը հակադարձեց, որ այդ ոլորտի մարդիկ պրոֆեսինոնալ են աշխատում եւ անում են ամեն հնարավոր բան, միգուցե ինչ-որ բան անում են մի փոքր ուշ, կամ գուցե ինչ-որ բաներ էլ էֆֆեկտիվ չեն արվում, դա էլ կախված է ծախսերից: Նա օրինակ բերեց, որ իր ֆեյսբուքյան ուղիղ եթերի միջոցով արդեն քանի անգամ խոսել է այս վիրուսի մասին, սակայն ընդունեց լրագրողի դիտողությունը, թե բոլորը չէ, որ լսում ու հետեւում են իրեն:

Տպել
705 դիտում

Արցախում կայացած նախագահական ընտրությունների նախնական արդյունքներ

Առանձնացվել են տարբեր վայրեր, որոնք կարող են արդյունավետ ծառայել քաղաքացիների մեկուսացման համար

Միայն «մենք» չենք կարող կոտրել այս տեմպը, դա կարող ենք անել «մենք բոլորս»․ Արսեն Թորոսյան

Ինչու է ԱՄՆ-ը ցանկանում արդիականացնել Գերմանիայում գտնվող իր միջուկային զինանոցը

ԱԺ-ն ամբողջությամբ ընդունեց մարդկանց տեղաշարժն ու հեռախոսազանգերը ֆիքսելու մասին օրինագիծը

Անցկացվել է Լոռու կորոնավիրուսի վարակի տարածման, կանխարգելման եւ արձագանքման շտաբի հերթական նիստը

Հավաք-պարապմունքներ են անցկացվել 5-րդ զորամիավորումում․ ՊՆ

ԱԺ նախագահը 3 ժամ առաջ հայտարարել էր, որ 21։30-ից հետո նիստ է լինելու, սակայն ընդդիմությունն էլի չկա․ Ռուբեն Ռուբինյան

Բյուրեղավանի ոստիկանները գողության դեպքեր են բացահայտել

Կրակային պատրաստության պարապմունք է անցկացվել 4-րդ զորամիավորումում․ ՊՆ

Անելու եմ ամեն ինչ, որ իրավապահ մարմինները պատշաճ կերպով ընթացքավորեն բոլոր առերևույթ իրավախախտումները. ԱՀ ՄԻՊ

Կորոնավիրուսից մինչեւ նավթի շուկայում տիրող իրավիճակ. Պուտինն ու Թրամփը հեռախոսազրույց են ունեցել

Ես պատրաստ եմ ընդունել Արցախի բնակչության քվեարկության ցանկացած արդյունք. Արայիկ Հարությունյան

Ոստիկանության Նաիրիի բաժնի ծառայողները բնակարանային գողության դեպք են բացահայտել

Զոհրաբ Մնացականյանը երախտագիտություն է հայտնել ԱՄՆ-ին կորոնավիրուսի դեմ պայքարում աջակցության համար

Արցախի ընտրություններին մասնակցել է ընտրողների 72.7 տոկոսը. ամենացածր մասնակցությունը գրանցվել է Երեւանի տեղամասում

Ժամը 18:30-ի դրությամբ գանձապետարանում բացված ֆինանսական աջակցության հաշվի մուտքերը կազմել են 813 մլն 144 հազար դրամ

Կորոնավիրուսի հաստատված դեպքով եւս մեկ քաղաքացի այսօր վերակենդանացման բաժանմունքից տեղափոխվել է բուժական բաժանմունք

Փոխվարչապետը միջազգային գործընկերներին ներկայացրել է ՀՀ կառավարության կողմից նախաձեռնված աջակցության ծրագրերը

ԱՀ ընտրությունների ընթացքում անձնագրային ծառայություններ է դիմել 101 քաղաքացի