«Գոլդեն փելես»-ում բժիշկների հերթապահության կարիք չկա, իսկ սպասարկող անձնակազմը շրջապատի համար վտանգավոր չի կարող լինել

Իրանից ժամանած 32 քաղաքացիներին Ծաղկաձորի «Գոլդեն փելես» հյուրանոցում մեկուսացնելը հանրության շրջանում միանշանակ չընդունվեց: Մի մասը մտահոգություն հայտնեց, թե կարող է տուժել տուրիզմը, մյուս մասն ընդհանրապես կարծում էր, որ մարդկանց պետք է առանձնացնել հիվանդանոցներում:

ՀՀ առողջապահության նախարարության առողջապահության ազգային ինստիտուտի տնօրենի խորհրդական Դավիթ Պետրոսյանի խոսքով՝ ԲԿ-ի փոխարեն ընտրվեց հյուրանոցը, քանի որ տվյալ մարդիկ հիվանդ չէին, իսկ առողջներին չի կարելի մեկուսացնել կենտրոններում, որտեղ այլ հիվանդներ կան: Այս մասին այսօր լրագրողների հետ զրույցում նշեց նա՝ հավելելով, որ եթե առողջներին հիվանդանոցներում պահեն, նրանց այլ վտանգների կարող են ենթարկել:

Դավիթ Պետրոսյանի խոսքով՝ ընտրվեց «Գոլդեն փելես»-ը, քանի որ այն կատարյալ տեղ է մարդկանց արժանավայել պահելու համար, որպեսզի իրենց չզգան աքսորված եւ 2 շաբաթ դիմանան: Պայմանները շատ լավն են, եւ այդ պահին այնտեղ այլ հանգստացողներ չկային. շենքը չէր շահագործվում:

Այն պնդմանը, թե այս քայլը կարող է վնաս հասցնել Ծաղկաձորի տուրիզմին, նկատեց, որ բոլորն էլ գիտեն՝ 32 քաղաքացիները սարի գլխին են մեկուսացված, եւ վիրուսը չի կարող այնտեղից գլորվելով հասնել այլ հանգստացողների: Այս հանգամանքը նույնիսկ չի կարող խանգարել, որ շենքը հետագայում վաճառվի, քանի որ մասնագետները բազմիցս նշել են, որ մեկուսացվածները հիվանդ չեն, եւ հավանականությունը մեծ է, որ այդպես էլ վիրուսը նրանց մոտ չի հայտնաբերվի:

Հարցին ի պատասխան՝ նա նշեց, որ Հայաստանում համաճարակային ծառայությունը հզոր է. ԱՆ հիվանդությունների վերահսկման կենտրոնն աշխատում է բոլոր մարզերում եւ ընթացքում հետեւում ամեն ինչին, հյուրանոցում քաղաքացիներին սպասարկող անձնակազմը նույնպես պատրաստություն է անցել, թրեյնինգների մասնակցել:

Պետրոսյանը տեղյակ չէր՝ սպասարկող անձնակազմի մեջ միշտ լինում է բժիշկ, թե ոչ, եւ արդյոք սահմանվել է հերթապահություն, սակայն իր կարծիքով դրա անհրաժեշտությունը չկա, քանի որ մեկուսացվածները հիվանդ չեն, իրենց բժշկի օգնություն պետք չէ, տվյալ մասնագետը կարող է ամեն օր գնալ, հետաքրքրվել իրավիճակով եւ հեռանալ:

Արդյոք սպասարկող անձնակազմի դեպքում սահմանված է հերթապահություն, նույնպես դժվարացավ պատասխանել, միայն նշեց, որ անձնակազմն անհրաժեշտ հատուկ հագուստներով եւ դիմակներով ապահովված է, եւ նույնիսկ եթե իրենք դուրս գան եւ նրանց փոխարինեն, վտանգ չկա, քանի որ հագուստները պաշտպանում են, եւ տվյալ անձինք պոտենցիալ վիրուսակրի հետ կոնտակտ չեն ունենում:

Հավելելով Պետրոսյանին՝ հոգեբան Արմինե Փաշայանը նշեց, որ այս պահին հյուրանոցում մեկուսացված քաղաքացիների մասին ունի այնքան տեղեկություն, ինչքան բոլորս, սակայն կարելի է ենթադրել, որ գտնվող մարդիկ կունենան որոշակի տագնապային վիճակ, ինչ-որ մեկի մոտ այն կարող է շատ լինել, մյուսի մոտ՝ քիչ: Պատճառն այն է, որ այդ վիրուսի մասին մարդիկ շատ տեղեկատվություն չունեն:

Անձնակազմի թվի ու հերթապահության վերաբերյալ փորձեցինք տեղեկատվություն ստանալ նախարարությունից, սակայն լրատվության բաժնից նշեցին, որ այն խիստ աշխատանքային է, ինֆորմացիա չեն կարող տրամադրել:

Տպել
2840 դիտում

«Նորք»-ում գրանցվեց մահվան եւս մեկ դեպք. Հայաստանում կորոնավիրուսից մահացածների թիվը դարձավ յոթ

Բոլորս պետք է լծվենք գազի գնի հայտի ուսումնասիրության հիմնավորվածությանն ու դրա գնահատականին. պատգամավոր

Դատավորը նկատողություն ստացավ «օրենքով գող» Հայկո Աստրախանսկիին երկիրը լքելու թույլտվություն տալու համար

Բելառուսը ռուսական նավթը կգնի բարելի դիմաց 4 դոլար արժեքով. հավելավճարներ չեն լինի

ԲԴԽ-ն խիստ նկատողություն է հայտարարել դատավոր Նաիրա Մխիթարյանին

Արցախում մեկուսացված 3 քաղաքացու հետազոտության արդյունքները եղել են բացասական․ ԱՀ-ում առայսօր կորոնավիրուսի դեպք չկա

«Առականի». նոր նախագիծ ԿԳՄՍ նախարարությունից

Բագրատաշենի սահմանային անցակետում հետախուզվող է հայտնաբերվել

Ռուսաստանում կարանտինային արձակուրդը կտեւի ամբողջ ապրիլ. Պուտինը նոր ուղերձով է հանդես եկել

Հայաստանում արձանագրվել է կորոնավիրուսի հետեւանքով մահվան 6-րդ դեպքը

Ներդրումային առաջարկներին մեր արձագանքի արագությունը եւ որակը պետք է էական փոփոխությունների ենթարկվի. վարչապետ

Անցկացվել են հրետանավորների գործնական պարապմունքներ․ ՊՆ

Մահակով եւ հակագազով ցուցմունք կորզելու գործով տուժողն առերեսվել է երկու մեղադրյալների հետ

Արցախում մարտին թանկացել են բժշկական դիմակը, ալյուրը, հավի ձուն, սոխը, կիտրոնն ու այլ ապրանքներ

ՊԵԿ-ը շարունակում է խրախուսել հարկերը պարտաճանաչ վճարող տնտեսվարողներին․ 4 տնտեսվարողի հավաստագիր է ուղարկվել փոստով

Ապրիլյան ագրեսիան ամրապնդել է Արցախի ժողովրդի և իշխանությունների՝ պետականության զարգացումը շարունակելու վճռականությունը

Գյումրիի խանութնրից մեկում հայտնաբերվել եւ ոչնչացվել են ժամկետանց վաֆլիներ․ ՍԱՏՄ

Օտարերկրացիների՝ Վրաստան մուտքն արգելող որոշումը շարունակում է ուժի մեջ մնալ

Ոստիկանության Դիլիջանի ու Վարդենիսի բաժիններում քաղաքացիներն ապօրինի հրազեններ են հանձնել

Խոնարհվեցի հայրենիքի պաշտպանության ժամանակ ընկած հերոսների շիրիմների առջեւ․ Արարատ Միրզոյան