Երևան
15 °C
ՇՄ ընդհանուր իրավասության դատարանում այսօր շարունակվեց մանկահասակ երեխայի սպանության մեջ մեղադրվող Գյումրիի բնակիչ Անի Մինասյանի գործով դատական նիստը:
Հիշեցնենք, որ Անի Մինասյանին մեղադրանք է առաջադրվել այն բանի համար, որ նա 2019թ. օգոստոսի 30-ին ,ժ.22:00-24:00-ն ընկած ժամանակահատվածում, ապօրինաբար մանկահասակ դստերը` 16.09.2018թ. ծնված Գ.Ալեքսանյանին կյանքից զրկելու դիտավորությամբ, իր փաստացի բնակության վայրի բնակարանում կպչուն ժապավենով կապել է վերջինիս ձեռքերը և ոտքերը, բերանին փաթաթել կիսաշրջազգեստ, որից հետո նրան բնակարանից տեղափոխել և դրել է մոտակայքում` Շիրակացի փողոցում տեղակայված աղբարկղներից մեկի մեջ, ինչի հետևանքով վերջինս մահացել է:
Դատական նիստում ամբաստանյալ Մինասյանը հայտարարեց, որ առաջադրված մեղադրանքում իրեն մեղավոր չի ճանաչում: Գործով դատաքննությունը սկսելուց հետո դատարանն անցավ իրեն ապացույցների հետազոտման փուլին: Իրեղեն ապացույցներ էին ճանաչվել երեխայի շորերը, բերանին փաթաթված կիսաշրջազգեստը, կպչուն ժապավենը: Դրանք պարկով բերվեցին դահլիճ, կողմերը փաթեթները բացելու անհրաժեշտություն չտեսան:
Որպես վկա հարցաքննվեց տուժողի իրավահաջորդը՝ մահացած երեխայի հայրը՝ Արթուր Ալեքսանյանը: Նա դատարանից խնդրեց, որ կնոջն արժանի պատիժ նշանակվի, մի այնպիսի բան, որը համարժեք լինի նրա կատարած քայլին: «Իրա արածն անմարդկային բան է, մարդու ուղեղի մեջ չտեղավորվող, անբնական քայլ է: Դիտավորյալ սպանել է իմ երեխային: Ես չգիտեմ, իրա նմանների արժանի պատիժ եմ պահանջում: Այլ ասելիք չկա»,-հուզված ասաց մահացած փոքրիկի հայրը:
Արթուրն ու Անին ամուսնացել են մոտ 3 տարի առաջ: Գրանցված ամուսիններ չեն եղել, սակայն ապրել են օրինական ընտանեկան կյանքով, ապահովված ընտանիք են եղել, գումարի խնդիրներ չեն ունեցել: «Ես իրան տեսել եմ տատիկի հետ առեւտուր անելու ժամանակ: Տատիկը շուկայում շորեր կծախեր, մենք էլ էդ տարածքում մրգի տաղավար ունեինք, հայրիկիս էի օգնում: Ծանոթացանք, հետո բերեցի մեր տուն որպես կին: Դա երեք տարի առաջ է եղել: Երեխան նույն տարում չի ծնվել, այլ 2018 թվականին, սեպտեմբերի 16-ին: Անին տատիկի ասելով մայր չունի, հորից տեղեկություններ չունեն: Իրենցի բացի էլի մեկ քույր եւ երկու եղբայր ունի»,-դատարանին պատմեց Արթուրը:
Դատավորի հարցին՝ ինչպե՞ս էիք ընտանիքում վերաբերվում Անիին, որովհետեւ նա իր ցուցմունքում դժգոհել է ամուսնու վերաբերմունքից, իրեն ուշադրություն չդարձնելուց եւ ուշ տուն գալուց, Արթուրը պատասխանեց. «Շատ լավ ենք վերաբերվել, չափից դուրս լավ»: Իր ուշ տուն գալու վերաբերյալ էլ ասաց առեւտուր է անում, հանրապետության տարբեր մարզերից, նաեւ Վրաստանից միրգ ու բանջարեղեն է բերում, վաճառում, բնական է, որ պետք է եւ ուշ տուն գար, եւ հեռախոսով տարբեր մարդկանց հետ խոսեր: Ինչ վերաբերվում է Անիին, ըստ ամուսնու, նա ոչ ուշադրության պակաս է ունեցել, ոչ սիրո: «Ես աշխատող, սիրող ամուսին եմ եղել եւ նվիրված հայր»,-հայտարարեց Արթուր Ալեքսանյանը:
Դատական նիստի ընթացքում Արթուր Ալեքսանյանը պատմեց, թե ինչպես է Անին տանից մի քանի անգամ հեռացել, եւ ինչպես է հետագայում գտնվել:
Առաջին անգամ տանից հեռանալու համար Արթուրն Անիին ներել, ընդունել է: Ասաց՝ հանուն երեխայի է այդ քայլին գնացել: Երկրորդ անգամ, ինչպես առաջինի դեպքում, Անին կրկին տանից հեռացել է առանց երեխայի: Ըստ ամուսնու, Անին տնից հեռացել է առանց պատճառի: Այս անգամ նրան գտնելը դժվար է եղել: Կնոջ եղբոր հետ տեւական ժամանակ որոնել են Անիին, չեն գտել: Իրավապահներին չեն դիմել այն հույսով, որ կկարողանան ինքնուրույն գտնել: Այդ ընթացքում փոքրիկին պահելը մեծ դժվարություն է եղել, քանի որ երեխան անընդհատ անհանգիստ է եղել: «Եղբոր հետ ման եկանք, տեսանք, որ չենք գտնում, տատիկին զգուշացրեցինք, որ եթե չգտնենք, ոստիկաններին կդիմենք: Ուղիղ 2 օր հետո տատիկը մայրիկիս ասել էր, թե դրսերից գտել, բերել ենք: Գնացել էր «Արաքս» հյուրանոցը կմնար: Ես իրա եղբոր հետ գնացի, հարցրեցի ի՞նչն է պատճառը, որ գնացել ես, ասաց, առանձին գուզեմ ապրիմ: Ես էլ բացատրեցի, որ հնարավոր չէ: Ես տան փոքր տղեն եմ ու դրանից բացի պատճառ էլ չկա մենակ ապրելու: Ու իրար չհասկացանք, էդ է եղել»,-ասաց Արթուրը: Անիի ամուսինը դատարանի դահլիճում նաեւ հայտարարեց, որ տանից հեռանալուց հետո կինը տարբեր մարդկանց հետ կոնտակտի մեջ է եղել: «Ուրիշ տղաների հետ կապ է ունեցել, ես դա տեսել եմ զապիսով, որը որ քննիչն է տրամադրել: Իսկ ըդքան բանից հետո ես էլ չէի կարող իրեն ընդունել որպես կին, բայց ես իմ երեխայից չեմ հրաժարվել»,-հայտարարեց Արթուրը: Ըստ նրա, երեխան քանի որ ընդամենը 11 ամսական է եղել, պահելու դժվարություններ են ունեցել: Դրանով հանդերձ, Անիին առաջարկել է, որ կինը հրաժարվի երեխայից ընդհանրապես, ասել է, որ կկարողանա մոր օգնությամբ փոքրիկին մեծացնել, սակայն Անին հրաժարվել է:
Մեղադրող դատախազի հարցին, արդյո՞ք չի եղել անհանգստություն, որ աշխատանք չունեցող Անին բնակարանի վարձակալության համար գումար չունի, ինչպես նաեւ չի ունենա երեխային պահելու ֆինանսական հնարավորություն: Ի պատասխան Արթուր Ալեքսանյանն ասաց, որ կնոջ հետ եկել էին համաձայնության, որ ամեն շաբաթ երեխայի կարիքների համար 5000 դրամ է տալու առձեռն, դրանից բացի անհրաժեշտ քանակով տակդիրներ եւ կաթ: Անին համաձայնել է: Երկու անգամ Արթուրն այդ գումարն ու պարագաները փոխանցել է կնոջը: Նաեւ ամեն անգամ երեխային տարել է իր տուն, պահել, խնամել, երեկոյան վերադարձրել:
Դրանից բացի, ըստ Արթուրի, Անին տանից հեռանալիս երեխային թողել, սակայն 600-ից 700.000 դրամի ոսկեղեն է հետը տարել: «Մտածում էի, որ կվաճառի, կապրի, հետո կհասկանանք ինչպես ենք անելու երեխայի հարցը»,-ասաց Արթուրը:
Թե որտեղ է ապրել Անին, Արթուրը չգիտի: Կինը հասցեն չի ասել: Գումարը փոխանցելու եւ երեխային տեսնելու համար հանդիպել են Գյումրու Վարդանանց հրապարակում՝ Նորմա Թերզյան գրախանութի մոտ: Մեկ անգամ էլ Արթուրը երեխային տուն վերադարձնելու համար Անիի ընկերուհու տուն է գնացել:
Դատախազի հարցին՝ ինչպե՞ս իմացաք դեպքի մասին, Արթուրը պատմեց, որ Գյումրիից հեռու է եղել, ընկերոջ հարսանիքին: Նաեւ ասաց, որ հենց այդ օրը Անին Արթուրի մորը բջջային հաղորդագրություն է ուղարկել, որով տեղեկացրել է, թե տեղափոխվում է Երեւան, որտեղ մեծացնելու է երեխային: Արթուրն ասաց, կարծում է, այդ պահին արդեն երեխան Անիի հետ չի եղել, ուղղակի կինն ուզեցել է իրենց ուշադրությունը շեղել:
Տուժողի իրավահաջորդը նաեւ ասաց, որ երեխային ինքն է վերցրել դիահերաձրանից եւ հուղարկավորել, որին միայն իր հարազատներն ու ընտանիքի անդամներն են մասնակցել: Անիի կողմից որեւէ մեկը մինչ օրս երեխայի գերեզմանի տեղն անգամ չգիտի, չեն էլ հետաքրքրվել,-ասաց մահացած երեխայի հայրը:
Այսօրվա դատական նիստում այլ վկաներ եւս պետք է հարցաքննվեին, սակայն տուժողի իրավահաջորդին լսելուց հետո ամբաստանյալի պաշտպան Ժորա Պետրոսյանը դատական նիստը հետաձգելու միջնորդություն ներկայացրեց: Նա ասաց, որ նիստի ընթացքում եղան հարցադրումներ, որոնց իրենք պատրաստ չէին եւ պատշաճ ներկայանալու կարիք ունեն: Դատական հաջորդ նիստը կկայանա մարտի 20-ին:
Ովքեր ուզում են շարունակաբար ունենալ հաջողակ պետություն, պետք է ապահովեն այդ պետության մրցունակությունը․ Նիկոլ Փաշինյան
Քենիայում ռազմական ուղղաթիռ է կործանվել․ զոհերի թվում է երկրի պաշտպանության ուժերի հրամանատարը
3-ի փոխարեն 8 մասնաշենք․ Փոքր Վեդիի միջնակարգ դպրոցը շահագործման կհանձնվի մինչև տարեվերջ (տեսանյութ)
Մենք հիմա նստած ենք ռումբի վրա, դա պայթեցնելու վահանակը ռուսների մոտ է, Հայաստանը քայլ պիտի անի. Մեհրաբյան
Արտակարգ դեպք Երևանում․ «Էվոկաբանկ»-ի հաճախորդը իր տղայի և ընկերոջ հետ ծեծել են մասնաճյուղի կառավարչին ու աշխատակցին
ԳՐԵԿՈ-ն բարձր է գնահատել ՆԳՆ ոստիկանության բարեփոխումները․ զեկույց
Հրդեհ է բռնկվել Արթիկի անտառտնտեսության տարածքում․ ծառեր են ջերմահարվել
Թուրքիայում տեղի ունեցած երկրաշարժի հետևանքով ավերածություններ կան
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ այն վարել է Նիկոլ Փաշինյանը
«Նուբարաշեն» ՔԿՀ-ի անցագրային կետում փաթեթ գցած քաղաքացին ձերբակալվել է
Բախվել են «Մերսեդես»-ն ու «Կամազ»-ը. մարդատարի 20-ամյա վարորդն ու նրա հասակակից 2 ուղևորները հիվանդանոցում են
ՀՀ ֆինանսների նախարարության պատվիրակությունը Վաշինգտոնում է․ ինչ հանդիպումներ են տեղի ունեցել
Կայծակի հարվածից Աբու Դաբիից Երևան թռչող ինքնաթիռի դիմապակին վնասվել է (տեսանյութ)
Ֆինլանդիան ժամանակավորապես կկրճատի փախստականների նպաստները
Բերդկունք ամրոցը կվերածվի արգելոց-թանգարանի
Կարևորվել է Ֆրանսիայի հետ տնտեսական փոխգործակցության խորացումը․ փոխվարչապետն ընդունել է Բրիս Ռոքֆոյին
Որտեղ է հայտնաբերվել քրեական պատմություններով հայտնի նորատուսցի Արայի տղայի «յաշիկը»
«Օբյեկտիվ չեք». Պետրոս Ղազարյանը դիմել է Մայր Աթոռի տեղեկատվական համակարգի տնօրեն Եսայի քահանա Արթենյանին
«Գարդման-Շիրվան-Նախիջևան»-ն ակնկալում է, որ ԱՄՆ դեսպանը կնպաստի ԼՂ հայերի վերադարձի ժամկետների և միջոցների մատնանշմանը
Թուրքիայում 5․6 մագնիտուդ ուժգնությամբ երկրաշարժ է տեղի ունեցել
ԵԽԽՎ վերադառնալու համար Բաքուն պետք է որոշ պահանջներ կատարի․ Ադրբեջանի հարցով զեկուցող
ԱԽ քարտուղարը Բրիս Ռոքֆոյին է ներկայացրել հայ-ադրբեջանական բանակցային գործընթացի վերջին զարգացումները
Ֆրանսիան որոշել է մենակ չթողնել Հայաստանին Ադրբեջանի շարունակվող ագրեսիայի դեմ․ Աստրիդ Փանոսյան-Բուվե
ԲՏԱ փոխնախարարն ու ծրագրերի վարչության պետն այցելել են «Ինժեներական քաղաք», ծանոթացել շինաշխատանքներին
Վարչապետն ընդունել է Մարտին Շտիկելին․ ՀՀ կառավարության և «Fichtner»-ի միջև փոխգործակցությանն առնչվող հարցեր են քննարկվել
Արարատի մարզում բենզալցակայանի գործունեություն է դադարեցվել, այն ապամոնտաժվել է
Մինչև 1% cashback Wildberries-ում IDBank-ի քարտով վճարելիս
Նիկոլ Փաշինյանն ու Բրիս Ռոքֆոն Հայաստան-ԵՄ համագործակցությանը վերաբերող հարցեր են քննարկել
Բրյուսելյան հանդիպմանը գաղտնի օրակարգ չի եղել, Ադրբեջանական լրատվամիջոցներում հրապարակված թուղթը կեղծ է․ ԱԳՆ խոսնակ
Երևանում հաստաբուն ծառը կոտրվել և ընկել է ավտոմեքենաների վրա
ԵՄ-ն մեկնաբանել է Լեռնային Ղարաբաղից ռուս խաղաղապահ զորքի դուրսբերման գործընթացը
Amio Visa Signature Business քարտ. երբ հնարավորությունները սահմաններ չունեն
Հայտնի է՝ Գեղարքունիքում ովքեր են բռնաբարել 13-այա աղջկան. նրանք 74 և 66 տարեկան տղամարդիկ են
Բացահայտվել է ավելի քան 13 կգ թմրամիջոցի մաքսանենգության դեպք․ հետախուզվողը հայտնաբերվել է, խմբի 2 անդամ կալանավորված է
Հայաստանում ԵՄ դիտորդական առաքելությունը ոչ մի օգուտ չի բերում Հարավային Կովկասին. Զախարովա
Դավիթ Տոնոյանի խափանման միջոցը փոխելու միջնորդությունը մերժվել է
Հայաստանին պետք է ռազմական օգնություն ցուցաբերել․ Ֆրենկ Փալոնը կոչով դիմել է ԱՄՆ-ին
13-ամյա երեխայի նկատմամբ սեքսուալ բնույթի գործողություններ են կատարվել․ 2 տղամարդ է կալանավորվել
«Խաղաղության խաչմերուկ»-ը կարող է ներդաշնակորեն համադրվել բոլոր ենթակառուցվածքային ծրագրերին. Հայկ Կոնջորյան
Դոլարը կրկին էժանացել է․ ինչ փոփոխություններ է արձանագրել տարադրամի շուկան ապրիլի 18-ին
© 2024 Հայկական ժամանակ