Արտակ Մանուկյանը կոչ արեց դեմ քվեարկել իր նախագծին. ԱԺ-ում շարունակվում է քառօրյա նիստը

Ազգային ժողովն այսօր շարունակում է չորրորդ նստաշրջանի հերթական նիստը: Պատգամավորներն այսօր գրեթե միաձայն ընդունեցին բոլոր օրինագծերը:

ԼՀԿ-ի առաջարկած «Պետական կենսաթոշակների մասին ՀՀ օրենքում լրացում կատարելու մասին» օրենքի նախագիծը 2-րդ ընթերցմամբ եւ ամբողջությամբ ընդունվեց միաձայն՝ 110 կողմ, ոչ մի դեմ եւ ձեռնպահ քվեով:

Հիշեցնենք, որ այս օրինագիծը վերաբերում էր այն կենսաթոշակառուներին, որոնք թոշակներն ստանում են անկանխիկ եղանակով: Այսուհետ նրանք ստիպված չեն լինի տարվա մեջ մեկ անգամ ներկայանալ բանկ՝ ապացուցելու իրենց Հայաստանում գտնվելու փաստը, քանի որ դա կլինի հեռահար տարբերակով:

«Պետական նպաստների մասին ՀՀ օրենքում լրացումներ կատարելու մասին օրենքի նախագիծը երկրորդ ընթերցմամբ եւ ամբողջությամբ ընդունվեց կրկին միաձայն:

Կառավարության ներկայացրած «Սոցիալական աջակցության մասին օրենքում փոփոխություններ կատարելու մասին» օրինագիծը երկրորդ ընթերցմամբ եւ ամբողջությամբ նույնպես ընդունվեց ոչ մի դեմ եւ ձեռնպահ ձայնով:

Կառավարության ներկայացրած «ՀՀ Պետական պարգեւների եւ պատվավոր կոչումների մասին» ՀՀ օրենքում լրացում կատարելու մասին հարցն առաջին ընթերցմամբ ընդունվեց կրկին միաձայն: Այս օրինագծով առաջարկվում է «Ծնողական փառքի» մեդալով պարգեւատրված անձանց տալ ամենամսյա պատվովճար: Գումարի սահմանաչափն ի սկզբանե նախատեսված էր 40 հազար դրամ, սակայն պատգամավորների մի մասն առաջարկեց բարձրացնել շեմը՝ դարձնելով 100 հազար դրամ կամ՝ ավելի: Նախագծի համահեղինակները համաձայնեցին մինչեւ երկրորդ ընթերցում քննարկել այդ առաջարկը:

Սիսակ Գաբրիելյանի՝ դեղերի մասին օրենքում փոփոխություններ եւ լրացումներ կատարելու մասին օրենքի նախագիծն առաջին ընթերցմամբ ընդունվեց 93 կողմ եւ 12 ձեռնպահ ձայներով:

«Վարչական իրավախախտումների վերաբերյալ ՀՀ օրենսգրքում փոփոխություններ կատարելու մասին» եւ «ՀՀ քրեական օրենսգրքում փոփոխություններ կատարելու մասին» օրենքների նախագծերի փաթեթն ամբողջությամբ ընդունվեց կրկին միաձայն:

«Հայաստանի Հանրապետության պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին» Հայաստանի Հանրապետության օրենքում փոփոխություն եւ լրացում կատարելու մասին նախագիծն առաջին ընթերցմամբ ընդունվեց միաձայն:

«Էներգետիկայի մասին» օրենքում լրացումներ կատարելու մասին օրենքի նախագիծը երկրորդ ընթերցմամբ չընդունվեց, քանի որ հեղինակը՝ Արտակ Մանուկյանը, կոչ արեց այս փուլում դեմ քվեարկել, վերադարձնել նախագիծն առաջին փուլ, որպեսզի ավելացվեն առաջարկություններ:

«Միջուկային վթարի կամ ճառագայթային վթարային իրավիճակների առաջացման դեպքում դրանց հետեւանքների վերացման փոխօգնության պատրաստակամության ապահովման ԱՊՀ մասնակից պետությունների փոխգործակցության մասին» համաձայնագիրը վավերացնելու մասին օրինագիծը կրկին ընդունվեց առանց դեմ եւ ձեռնպահ ձայների:

Միաձայն ընդունվեցին նաեւ «Անկախ պետությունների համագործակցության շրջանակներում ահաբեկչության եւ ծայրահեղականության այլ բռնի դրսեւորումների, ինչպես նաեւ դրանց ֆինանսավորման դեմ պայքարի ոլորտում տեղեկության փոխանակման մասին» համաձայնագիրը վավերացնելու մասին օրինագիծը, «Նյութական պահուստի մասին» եւ կից ներկայացված օրենքների նախագծերի փաթեթը եւ «Վարչական իրավախախտումների վերաբերյալ օրենսգրքում փոփոխություններ եւ լրացում կատարելու մասին» օրենքի նախագիծը:

Այս պահին խորհրդարանը շարունակում է քննարկել «Հայաստանի Հանրապետության դատական օրենսգիրք» սահմանադրական օրենքում լրացում կատարելու մասին օրենքի նախագիծը: Մտքերի փոխանակման համար հերթագրվել է 20-ից ավելի պատգամավոր:

Տպել
827 դիտում

Վերջին 1 ժամում Նորքի հիվանդանոցում կորոնավիրուսից 2 մահվան դեպք է արձանագրվել. նախարար

Ժամը 21:00-ի դրությամբ Հայաստանում հաստատված է կորոնավիրուսի 407 դեպք

Երևանում հարբած վարորդը մարմնական վնասվածք է պատճառել ոստիկանին. տղամարդը ձերբակալվել է

ՌԴ նոր սահմանափակումների որոշումը Հայաստանի վրա չի ազդի. Նիկոլ Փաշինյան

Ժամը 19:30-ի դրությամբ թոքաբորբով 13 պացիենտ է գտնվում ինֆեկցիոն հիվանդանոցի ինտենսիվ թերապիայի բաժանմունքում

Գյուրջյան փողոցում ծառը վնասվել է. առկա է եղել ընկնելու վտանգ

«Սոցիալական շտապօգնություն». Գյումրիում պարենի ծանրոցներ կստանան ստեղծված իրավիճակում օրվա հացից զրկված ընտանիքները

Մայր Աթոռ Սուրբ Էջմիածնում Հանրապետական մաղթանք է կատարվում. դուրս է բերվել Սուրբ Գրիգոր Լուսավորչի Աջը (ուղիղ)

Պարետի որոշմամբ՝ վեց ժամով արգելվել է սուպերմարկետների մի շարք խոշոր ցանցերի որոշ մասնաճյուղերի գործունեությունը

Մոտ կես միլիոն դրամի հագուստի գողության դեպքը բացահայտվել է. (տեսանյութ)

Նուբար Աֆեյանը գարնանը կորոնավիրուսի պատվաստանյութի փորձարկումից արդյունք ստանալու հույս հայտնեց

Ոստիկանները վարդերի փնջերը ձեռքերին գողերի են բռնել

Մարտի 28-ի ժամը 15-ի դրությամբ ոստիկանությունը 361 արձանագրություն է կազմել

Ալաշկերտում «ԳԱԶ-3110» մակնիշի ավտոմեքենա է այրվել

Վաղն Արցախում ըտրարշավի վերջին օրն է. Արմեն Սարգսյանը հեռախոսազրույց է ունեցել Բակո Սահակյանի հետ

ԱԻՆ-ը վարակազերծման միջոցառումներ է իրականացրել հանրապետության 666 հանրային վայրերում (տեսանյութ)

Հայ խաղաղապահները ներկայացնում են զորախմբերի ներկա վիճակն ու կորոնավիրուսի հետ կապված առկա տվյալները (ուղիղ)

Ոստիկանությունը փողոցում ոչ թե դիմակ ու ձեռնոց է պահանջում, այլ՝ անձնագիր ու տեղաշարժման թերթիկ

ՃՏՊ Մարգարա-Վանաձոր ավտոճանապարհին. կա տուժած

«COVID-19. առերեսվելով համաշխարհային վախին». առցանց քննարկմանը նաեւ Արսեն Թորոսյանն է մասնակցում (ուղիղ)