Քաղաքապետարանը մտադիր է բարեկարգել Օպերային թատրոնի հարակից տարածքի նաեւ 2-րդ գոտին. 1-ինում սրճարաններ էին ապամոնտաժվել

Երեւանի քաղաքապետարանը Օպերային թատրոնի հարակից տարածքի առաջին գոտու սրճարանների մի մասը 2019 թվականին ապամոնտաժելուց հետո ձեռնամուխ է եղել նույն տարածքի երկրորդ գոտում բարեկարգման աշխատանքներին: Քաղաքապետարանը տեղեկացրել էր, որ հայտարարվելու է նշված տարածքի բարեկարգման եւ կանաչապատման բաց մրցույթ:

Արդյունքում, ըստ նախատեսվածի, ապահովվելու է հնարավորինս մեծ կանաչապատ ծածկույթ: Կատարվելու է նստարանների, աղբամանների դիզայնի մշակում եւ տեղադրում: Ստեղծվելու է հարմարավետ հետիոտն շարժման ճեմուղիներ եւ անցուղիներ՝ կազմակերպելով դրանց արտաքին լուսավորությունը: Ա. Սպենդիարյանի անվան օպերայի եւ բալետի ազգային ակադեմիական թատրոնի հարակից Ազատության հրապարակի ասֆալտե ծածկաշերտն ապամոնտաժվելու է, դրա փոխարեն լինելու է սալահատակ, որի նկարվածքի եւ նյութի սահմանափակումներ չեն սահմանված:

Մրցույթում հաղթողին քաղաքապետարանը խոստանում է 3 միլիոն դրամ մրցանակ: Մրցույթն անցկացվելու է մեկ փուլով: Օրը դեռ հայտնի չէ:

Օպերային թատրոնի հարակից տարածքում համայնքին պատկանող առաջին գոտում անցյալ տարի ազատվել էին «Ատլանտիկ», «Ջազզվե» եւ «Ռիչ» սրճարանների զբաղեցրած տարածքները: Նույն հատվածում գտնվող «Շոկոլադնիցա», «Մագնոլիա» եւ «Մոնտալ» սրճարանները դեռ շարունակում են կանգուն մնալ: Դրանք ապամոնտաժելու իրավական հիմքեր քաղաքապետարանը մինչեւ այս պահը չունի, ինչն ստանալու համար 2019 թվականին դիմել էր դատարան: Գործընթացը դեռ չի ավարտվել:

Նախկինում ապամոնտաժման ենթակա սրճարանների սեփականատերերը դժգոհում էին, որ Ազատության հրապարակի հարակից տարածքի առաջին գիծը «Շոկոլադնիցա»-ից հետո ընդհատվում է ու չի ընդգրկում որոշակի հատվածներ: Քաղաքապետարանի հրապարակած նոր գծագրով առաջին գիծն ավելի երկար տարածում ունի, եւ ապամոնտաժման ենթակա են համարվել ինչպես այդտեղ գտնվող սրճարանները, այնպես էլ դրանց հարակից երկրորդ գոտու տաղավարները, հասարակական զուգարանն ու փոքր ավտոկայանատեղին:

Երեւանի քաղաքապետարանը, ի տարբերություն առաջին գոտու, երկրորդը բարեկարգելուց առաջ սկսել է բանակցությունների ճանապարհով գնալ: Նաեւ փորձում է բանակցությունների միջոցով հասնել առաջին գոտում գործունեությունը դեռեւս շարունակող սրճարանների ապամոնտաժմանը:

«Շոկոլադնիցա», «Մագնոլիա» եւ «Մեղեդի» սրճարանների ցանցի տնօրեն Արսեն Մանուկյանը «Հայկական ժամանակի» հետ զրույցում հայտնեց, որ մոտ երկու շաբաթ առաջ Երեւանի քաղաքապետարանից բանակցությունների առաջարկ են իրենց ներկայացրել, որը հիմնականում վերաբերել է սրճարաններից մեկին՝ «Շոկոլադնիցա»-ին:

Ցանցի տնօրենն այս պահին գաղափար չունի, թե ուր կտանեն բանակցությունները, եւ թե ինչու են դրանք արվում դատական պրոցեսն սկսելուց մեկ տարի անց: «Անկեղծ ասած՝ ես մի տեսակ չեմ հասկանում իրենց, նախ, դատական հայց ներկայացրին, հետո, հրավիրեցին բանակցությունների»,- ասաց Մանուկյանը՝ ենթադրելով, որ քաղաքապետարանին դատական ընթացքն ինչ-որ բան է հուշել, որից ելնելով էլ՝ գնացել են բանակցությունների քայլին:

«Վերջին նիստն է մոտենում, շուտով դատարանը վճիռ կկայացնի: Կարծում եմ՝ ընթացքն իրենց չի գոհացրել, դրա համար էլ շտապել են, որոշել բանակցությունների գնալ: Քանի որ հարցը դատարանում է, մենք ավելի շատ հակված ենք սպասել եւ տեսնել, թե իրավական դաշտում խնդիրն ինչպես կլուծվի»,- նկատեց Մանուկյանը:

Նշեց, որ շատ դեպքերում քաղաքապետարանը դատական նիստերին չի էլ ներկայանում: «Չգիտենք, թե նրանց այդ քայլն ինչով է պայմանավորված: Հերթական նիստը պետք է կայանա ապրիլի սկզբին, ապացուցողական փուլին ենք հասել»,- ասաց նա:

Արսեն Մանուկյանի խոսքով՝ բանակցություններից առաջ նախ պետք է օրինական ճանապարհով գնահատել գույքն ու վնասները: Վերջինս մտահոգություն հայտնեց, որ «Մագնոլիա» սրճարանը 5 տարով վարկային գիծ ունի, դեռ երկու տարի կա գումարը մարելուն: Այս երկրորդ գծագրով նրանց տարածքի մոտ 60 տոկոսն ընկնում է վտանգի տակ:

«Մեզ միայն «Մեղեդին» է մնում եւ սեզոնային աշխատող բացօթյա մի սրճարան, որն էլ առանց խոհանոցային հատվածի միայն կարող է սուրճ մատակարարել: Եթե գովազդում են ներդրումները, ասում՝ եկեք, դրսից ներդրումներ արեք, հիմա մենք ներսում ենք արել: Աղքատությունը հանել ենք մեր գլուխներից, վարկ ենք վերցրել, բիզնես դրել, աշխատում ենք: Տնտեսվարողին պետք է լսել, հենց սկզբից էի ասում՝ չի կարելի այդ ձեւով, առանց հարցնելու տրակտորով գալ կանգնել ու ասել՝ դուք ազգի.... կամ ասել, որ եկել, բետոնել նստել եք»,- ասաց ցանցի տնօրենը:

Վերջինս նաեւ նկատեց, որ, իրենց տեղեկություններով, հարակից տարածքի բարեկարգման աշխատանքները քաղաքապետարանը նախատեսում է սկսել մայիսից, այսինքն՝ տուրիզմի բուռն շրջանում, որը կարող է ունենալ իր ոչ արդյունավետ հետեւանքները: «Օպերայի հատվածը քաղաքի կենտրոնն է, այստեղից է տուրիստների ելումուտը դեպի Կասկադ եւ Հյուսիսային պողոտա: Ինչպես են աշխատանքները կազմակերպելու՝ չեմ կարող ասել: Այդ ամիսներին են շինարարությունն անելու ամբողջ Օպերային տարածքով մեկ, որը, անկախ ամեն ինչից, կխաթարի բոլոր հարակից սրճարանների բնականոն աշխատանքը»,- ասաց Մանուկյանը:

«Մոնտալի» սեփականատերերի հետ մեզ չհաջողվեց խոսել: Այս սրճարանի հետ կապված էլ դատական պրոցեսներ են ընթանում:

Երեւանի քաղաքապետարանի տեղեկատվության եւ հասարակայնության հետ կապերի վարչության պետ Հովսեփ Կուբատյանը տեղեկացրեց, որ երկրորդ գոտում են ընդգրկված ապամոնտաժման ենթակա դեռ առաջին գոտում մնացած եւ վերը նշված սրճարանները, որոնց ավելացվել է Օպերայից դեպի Մաշտոցի պողոտայի կողմ ընկած հատվածը՝ ցայտաղբյուրի մոտ գտնվող տաղավարներն ու փոքրիկ ավտոկայանատեղին: Մնացած՝ Սայաթ-Նովա պողոտայով, Թումանյան եւ Տերյան փողոցներով պարփակված հատվածներում, նախատեսվում է միայն բարեկարգում: Կուբատյանը նաեւ նկատեց. «Քարտեզի վրա ներկայացված է առկա իրավիճակը: Իսկ թե նշված շինություններից ինչը երբ կապամոնտաժվի, ինչը կմնա՝ կորոշվի մրցույթի արդյունքներն ամփոփելուց հետո»:

Մրցույթին կարող են մասնակցել ինչպես ֆիզիկական, (ուսանողներ, անհատ ճարտարապետներ եւ խմբեր) այնպես էլ իրավաբանական անձիք՝ ճարտարապետական նախագծային կազմակերպություններ:

Մրցույթի հայեցակարգային պայմաններում ներկայացված է բարեկարգման ենթակա տարածքի հստակ սահմանները, այն ներառում է նաեւ «Կարապի լիճ»-ը, բացառությամբ՝ հրապարակը գոտիավորող հատակագիծը՝ տարածքին հարող Մեսրոպ Մաշտոց եւ Սայաթ-Նովա պողոտաների մայթերը, որոնք ընդգրկված չեն տվյալ մրցութային ծրագրի մեջ: Նախագծով ներկայացվել է «Կարապի լիճ» ջրային կառույցի վերկառուցում՝ լիճը շրջակա միջավայրի հետ կապելու առաջարկ՝ պայմանով՝ պահպանելով նրա առկա նկարվածքը:

Բարեկարգվող հետիոտն ուղիներն ու կանաչ գոտիները միմյանց կապվելու են սահուն հատակագծային լուծումներով՝ ապահովելով ամբողջ այգու միասնական շարունակական համակարգը: Խստիվ արգելվում է որեւէ նոր շինարարական աշխատանք: Պարտադիր պայման է նաեւ հաշվի առնել նախագծվող տարածքի գլխավոր առանցքի եւ ստորգետնյա տարածք մտնող ուղիների անարգել շարժումը, ինչպես նաեւ հաշմանդամություն ունեցող եւ բնակչության սակավաշարժ խմբերի տեղաշարժման տարածքի մատչելիությունն ապահովող միջոցառումները:

Հայեցակարգ-նախագիծը կարող է ներառել ցանկացած լուծումներ եւ տարրեր՝ առանց նյութերի, տարրերի եւ մանրամասների սահմանափակման:

Տպել
3128 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում