Օլիմպիադայում մեդալներ նվաճած 12 աշակերտները մեկ տարի անվանական կրթաթոշակ կստանան. նախարարը ստորագրել է հրամանը

Ղազախստանի Ալմաթի քաղաքում այս տարվա հունվարի 8-14-ին տեղի ունեցած Ժաուտիկովյան միջազգային 16-րդ օլիմպիադայի հայ մեդալակիր աշակերտները 1 տարի շարունակ անվանական կրթաթոշակ կստանան: Նրանցից 12-ը Երեւանի Արտաշես Շահինյանի անվան ֆիզիկամաթեմատիկական հատուկ դպրոցից են, 6-ը՝ «Քվանտ» վարժարանից։ Համապատասխան հրամանը ՀՀ կրթության, գիտության, մշակույթի եւ սպորտի նախարարության կողմից ստորագրվել է օրեր առաջ՝ մարտի 3-ին:

Ֆիզմաթցի Եվա Հունանյանը, որը 10-րդ դասարանից մասնակցում է տարբեր օլիմպիադաների, արդեն 2-րդ անգամ է Ժաուտիկովյան օլիմպիադայից արծաթե մեդալով վերադարձել։ Տրվելիք գումարը որոշել է հավաքել, որպեսզի հետագայում ուսման վրա ծախսի, թեեւ ապագայի հետ կապված պլանները դեռեւս հստակ չեն։ Եվան սովորում է 12-րդ դասարանում, որոշել է ընդունվել Երեւանի պետական համալսարան, որից հետո հավանաբար այլ երկրում կշարունակի ուսումը։

Այն հարցին, թե ինչով է սիրում զբաղվել երիտասարդ մեդալակիրն ազատ ժամանակ, մի քիչ տատանվելով պատասխանեց՝ ազատ ժամանակ գրեթե չունի։

Ի տարբերություն նրա, Դավիթ Գյուլամիրյանը՝ այս անգամ «Քվանտ» վարժարանից, անկեղծացավ, որ ֆիզիկա առարկան այնքան է սիրում, որ ազատ ժամանակ եւս նախընտրում է խնդիրներ լուծել։ Բացի դա սիրում է ֆիլմեր նայել ու հասցնում է սպորտով զբաղվել։ 11-րդ դասարանում սովորող Դավիթն այս օլիմպիադայից բրոնզե մեդալով էր վերադարձել։ Նա եւս ուսման ընթացքում մի քանի անգամ մասնակցել է հանրապետական օլիպիադաների։

Դավիթը, սակայն, դեռեւս չի որոշել՝ ստանալիք գումարն ինչպես է ծախսելու։

Նշենք, որ անվանական կրթաթոշակը մինչեւ այս էլ է տրվել լավ արդյունք ցուցաբերած աշակերտներին, սակայն 2020 թվականի հունվարի 1-ից ՀՀ կրթության, գիտության, մշակույթի եւ սպորտի նախարար Արայիկ Հարությունյանի հրամանով հաստատվել է հանրակրթական ուսումնական հաստատությունների սովորողներին ԿԳՄՍ նախարարության անվանական կրթաթոշակի տրամադրման նոր կարգը։

Ինչպես բացատրեց ՀՀ ԿԳՄՍ նախարարության հանրակրթության վարչության պետ Աշոտ Արշակյանը, նախկինում այն տրամադրվում էր 4 մասնագիտացված դպրոցների այն աշակերտներին, որոնք գերազանց առաջադիմություն ունեին (թե որոնք էին այդ 4 դպրոցները, նախարարությունից պարզաբանում ստանալ չհաջողվեց երկու օր շարունակ): Նոր կարգի համաձայն՝ այն ստանալու հնարավորություն են ստանում բոլոր հանրակրթական դպրոցների աշակերտները, որոնք համապատասխանում են վերոնշյալ հրամանով հաստատված չափանիշերին։

Հավելենք, որ փոխվել է նաեւ ֆինանսական չափը, եթե օրինակ 2018 թ.-ին շուրջ 300 աշակերտի կրթաթոշակի համար հատկացվել է մոտ 13 մլն․ դրամ, 2020 թ. պետական բյուջեի նախագծում նախատեսվել է ավելի քան 35 մլն․ դրամ շուրջ 370 աշակերտի համար։

Աշակերտներն ամսական կրթաթոշակ կստանան մեկ տարի ժամկետով: Գումարի չափը կախված կլինի որոշակի չափանիշներին համապատասխանությունից։ Միջազգային առարկայական օլիմպիադաների եզրափակիչ փուլերի մասնակիցներից առաջին կարգի դիպլոմակիրները կստանան 25․000 դրամ, երկրորդը՝ 20․000, երրորդը՝ 15․000, եզրափակիչ փուլերի այլ մասնակիցներն էլ՝ 10․000:

Միջազգային դպրոցական այլ օլիմպիադաների (Ժաուտիկովյան միջազգային օլիմպիադա, Մենդելեեւյան միջազգային օլիմպիադա եւ այլն) եզրափակիչ փուլերի մասնակիցներից առաջին կարգի դիպլոմակիրները կստանան 15․000 դրամ, երկրորդը՝ 10․000, երրորդը 7․500 դրամ:

Անվանական կրթաթոշակներ կան սահմանված նաեւ ՀՀ առարկայական հանրապետական օլիմպիադաների եզրափակիչ փուլերի հաղթողների համար: Համապատասխանաբար առաջին կարգի համար 10․000 դրամ, երկրորդի՝ 7․500 դրամ, երրորդի՝ 5․000:

Կրթաթոշակը սովորողներին տրվում է հաստատությունների միջոցով։ Եթե աշակերտները տվյալ հաստատությունում դադարեցնեն իրենց ուսումնառությունը, կրթաթոշակի չվճարված մասը սովորողին վճարվում է միանվագ: Կրթաթոշակ ստացողների ցանկում միաժամանակ երկու կամ երեք հիմքով ընդգրկվելու դեպքում՝ սովորողը կստանա կրթաթոշակ՝ դրանց հանրագումարի չափով:

Տպել
848 դիտում

Պարետի որոշմամբ՝ 6 ժամով արգելվել է Իջևանի և Ստեփանավանի 2 խանութի, Երևանի մեկ սուպերմարկետի գործունեությունը

Ձնեմարդ՝ ծաղկած այգիների տակ. Արցախում եւս ցրտահարություն է գրանցվել (լուսանկար)

Մարդկանց կորոնավիրուսային մեկուսացման շնորհիվ բնությունը շնչում է, օդը մաքրվում է, պանդաները՝ զուգավորվում

Արաբական կոալիցիան եւս Եմենում հրադադար է հայտարարել

Երեւանը բժշկական պարագաներ է ստացել չինական Չոնգցին գործընկեր քաղաքից

Կորոնավիրուսի համաճարակի հետեւանքով աշխարհում կարող է աղքատանալ 500 միլիոն մարդ

Դանակահարություն Արտաշատում. բերման է ենթարկվել 37-ամյա տղամարդ

ՌԴ-ում մնացած նորածինն ու մայրն արդեն Հայաստանում են, ինքնամեկուսացման մեջ. ՄԻՊ-ը ևս մեկ ընտանիք է վերամիավորել

Հակաճգնաժամային միջոցառումների շրջանակներում բաշխվել է 10 միլիարդ 700 միլիոն դրամի աջակցություն. վարչապետ

Ո՞ր դեպքերում են թույլատրվում միջմարզային և դեպի Երևան ուղևորափոխադրումները (տեսանյութ)

Հրետանային ստորաբաժանումների զինծառայողները պարապմունքներ են անցկացրել

Միջադեպեր, ծեծկռտուք Սիսիանում. կիզակետում Սիսիանի ոստիկանապետի պաշտոնակատարն է

Չգիտեմ, թե ինչն է իմ ԱԱԾ-ում հանդիպման շուրջ անհանգստության եւ անառողջ աժիոտաժի իմաստը. Հակոբ Ճաղարյանը

Հանրային պաշտպանները 108 միջնորդություն են ներկայացրել. կալանավորված 29 անձի խափանման միջոց արդեն փոխվել է

Գագիկ Սուրենյանը գյուղատնտեսներին խորհուրդ է տալիս բացօթյա սածիլում չկատարել. ցուրտ օդային հոսանքները պահպանվելու են

Քաշաթաղի ինքնամեկուսացված համայնքները առաջիկայում կապահովվեն անհրաժեշտ պարենամթերքով. ԱՀ ԱՆ

Մայիսի 1-ից գազալցակայաններում այլեւս խաղային ավտոմատներ չեն լինի. վարչապետ

Այս օրերին ճիշտ կլինի թուրմերը եւ համեմունքները համադրել․ Դավիթ Պիպոյանի խորհուրդները

Վարչապետ Նիկոլ Փաշինյանը նոր նշանակում է արել

ԱԺ նախկին պատգամավոր Արթուր Գեւորգյանին կալանավորելու որոշում է կայացվել. նա հետախուզվում է