Օպերային թատրոնի նվագախումբը ստացել է խոստացված գումարը, երգչախումբը սպասում է. բողոքից հետո նրանց շորերը լվացել են

Երեւանի Ա. Սպենդիարյանի անվան օպերայի եւ բալետի ազգային ակադեմիական թատրոնի նվագախմբի անդամները վերջապես ստացել են տնօրինության խոստացած եւ երկար սպասված գումարները: Նվագախմբի երաժիշտ, «Օպերային թատրոնի աջակցման հիմնադրամի» տնօրեն Շմավոն Գրիգորյանը «Հայկական ժամանակի» հետ զրույցում ասաց, որ մի քանի օր առաջ են գումարը փոխանցել իրենց:

Նվագախմբի բարձրաձայնած մնացած խնդիրներին թատրոնի տնօրինությունը խոստացել է լուծում տալ աստիճանաբար: Խոսքը մասնավորապես երաժշտական գործիքները համալրելու մասին է:

Բանն այն է, որ դեռ նախորդ տարվանից տնօրինությունը նրանց հոնորար էր խոստացել, որը անընդհատ ուշանում էր: Գումարը նախատեսված էր «Բյուրեղապակյա դղյակը» խաղացանկային բալետային ներկայացման համար, սակայն, ըստ արտիստների, տարատեսակ պատճառաբանություններով այն այդպես էլ չէր վճարվում: Խոսքն ընդհանուր առմամբ 12 միլիոն դրամի մասին է, որը, ըստ թատրոնի գեղարվեստական ղեկավար Կոնստանտին Օրբելյանի խոստման, պիտի ստանային մոտ 100 երաժիշտներ: 

Երաժիշտները գումարի ուշացման պատճառով տեւական ժամանակ է՝ ժողովներ ու փոքր ակցիաներ էին կազմակերպում թատրոնի տնօրինության դեմ մինչեւ որ կարողացան ստանալ:

Երգչախմբի խնդիրները չեն հանգուցալուծվում

Նվագախմբից ավելի լարված էին Օպերային թատրոնի մեկ այլ կոլեկտիվի հարաբերությունները թատրոնի տնօրինության հետ: Երգչախմբի կոնֆլիկտն սկսվել է դեռեւս 2018 թ.-ին՝ ԱՄԷ Դուբայ քաղաքում տեղի ունեցած հյուրախաղերից հետո: Նախքան ելույթը նրանք Օրբելյանի հետ եկել են փոխհամաձայնության, որ քանի որ հասանելիք օրապահիկի գումարը քիչ է, տարվա վերջում կստանան հավելավճարներ: Օրբելյանի բանավոր խոստումը մինչեւ օրս չի կատարվել, եւ երգչախմբի անդամները բողոքել էին, անձնակազմը մոտ 40 հոգանոց ասուլիսի ընթացքում բարձրաձայնել էր այդ եւ մնացյալ նյութական խնդիրները:

Երգչախմբի անդամ Աբգար Սարգսյանը «Հայկական ժամանակի» հետ զրույցում ասաց, որ ասուլիսից հետո Օրբելյանը խոստացել է երկու ամսից վճարել, սակայն վստահ չեն, թե կիրականացնի: Խոստումը կրկին բանավոր է: «Ամեն ինչ խոստումների վրա է, մեր բողոքելուց հետո փաստացի միակ բանը, որը տեսանք, ավելացել է եւս մեկ մարդ, որը վերահսկում է մեր աշխատանքը»,- ասաց նա՝ նկատելով, որ երգչախմբում նոր հաստիք է ավելացվել:

Բողոքի ժամանակ նրանք բարձրաձայնել էին, որ համերգներին տրամադրված հագուստները հակահիգիենիկ եւ հակասանիտարական, վատ վիճակում են, կոշիկները՝ նույնպես: Նաեւ նշել էին, որ ոչ մի աքսեսուար չի տրամադրվում, բոլոր անհրաժեշտ աքսեսուարներն արտիստներն օգտագործում են իրենց անձնականը:

«Հագուստի հետ կապված առաջխաղացում կա, շորերը կիսով չափ մաքրվել են, կոշիկները նույնն են, փաստացի դեռեւս փոփոխություն չենք տեսել»,- ասաց Աբգար Սարգսյանը:

Տպել
382 դիտում

Արցախի ժողովրդի ինքնորոշման իրավունքը ղարաբաղյան հակամարտության կարգավորման հիմնաքարն է. ՀՀ ԱԳՆ

Մասնագիտական պարապմունքներ են անցկացվել 4-րդ զորամիավորումում․ ՊՆ

Արցախում Հայաստանից մեկնած երկու քաղաքացի է մեկուսացվել, իրականացվել է նմուշառում

Արցախ մեկնած ՀՀ քաղաքացիները կարող են վերադառնալ մինչև ապրիլի 2-ը՝ ժամը 23:59-ը

Երեկ գիշերը միջադեպ է տեղի ունեցել Քաշաթաղի շրջանի Մուշ համայնքում. գյուղապետին եւ այլ մասնակիցներին բերման են ենթարկել

Կայացել է ՈՒԵՖԱ-ի անդամ ասոցիացիաների գլխավոր քարտուղարների քննարկումը

Աշխարհը հումորի շատ հետաքրքիր զգացում ունի․ այսօր ապրիլի 1-ն է

Քննարկվել են կորոնավիրուսի հետևանքների չեզոքացմանն ուղղված միջոցառումների իրականացման ընթացքը և աջակցության նոր ծրագրերը

Շիրակի մարզպետարանի աշխատակիցները հրաժարվել են մարտի պարգևավճարից. 8 մլն դրամն այլ նպատակի կուղղվի

Վարչական վարույթի մասնակիցները հանձնաժողովի նիստերին առցանց մասնակցելու հնարավորություն ունեն. ՏՄՊՊՀ

Արմեն Սարգսյանը ուղերձ է հղել Արցախի Հանրապետությունում կայացած համապետական ընտրությունների առթիվ

Սահմանափակումների նոր ռեժիմ է մտնում նաև աշխատանքի վայր այցելող անձանց համար. կայացել է պարետատան նիստը

2-րդ զորամիավորումում անցկացվել է կրակային պատրաստության պարապմունք․ ՊՆ

ՖԻՖԱ-ն 2.74 միլիարդ դոլար պահուստային գումար ունի. օգնելու է ֆուտբոլի ֆեդերացիաներին. The New York Times

«Նորք» ինֆեկցիոն կլինիկական հիվանդանոցում մահվան դեպք է արձանագրվել. Ալինա Նիկողոսյան

Արմեն Սարգսյանը նախաձեռնել է հեռավար զրույցների շարք գիտակրթական հաստատությունների ղեկավարների, մշակույթի գործիչների հետ

Մոլորակի վրա արդեն գտել եմ այն աշխարհը, որ հաստատ իմն է, որտեղ ապրում է սիրո, երջանկության ու երազանքի Կապույտ թռչունը

6 ժամով արգելվել է Կապանի 3, Ծաղկաձորի 2 եւ Երևանի 1 սուպերմարկետի գործունեություն

Անցակետերում կիրականացվեն մարդկանց ու տրանսպորտային միջոցների շարժը վերահսկելու գործողություններ (տեսանյութ)

Վիճաբանություն և կրակոց է տեղի ունեցել Գայ գյուղի գյուղմթերքի շուկայում