Արսեն Թորոսյանն առաջարկում է մի քանի շաբաթով հետաձգել հարսանեկան եւ նշանադրության արարողությունները

Անհրաժեշտ է հնարավորինս սահմանափակել շփումներն այլ մարդկանց հետ: Դրանք իրականացնել միայն կենսական նշանակության դեպքում, իսկ անձնական միջոցառումները՝ հարսանիք, նշանադրություն եւ այլն, գոնե մի քանի շաբաթով հետաձգել:

Այս մասին ֆեյսբուքյան իր էջի ուղիղ եթերում հայտարարել է ՀՀ առողջապահության նախարար Արսեն Թորոսյանը՝ նշելով, որ պետք է հնարավորինս խուսափել մարդկային կուտակումներից, փակ տարածքներում գտնվելուց: Եթե նույնիսկ ստիպված ենք մասնակցել նման միջոցառումների, ապա՝ սենյակը հաճախ օդափոխելու դեպքում:

Նախարարը կոչ է արել իրար միջեւ պահպանել նվազագույն հեռավորություն եւ ժամանակավոր խուսափել ձեռքով բարեւելուց, գրկախառնվելուց, քանի որ վիրուսը երկար չի կարող ճամփորդել օդում, այլ փոխանցվում է սերտ շփման ժամանակ, հատկապես երբ բերանի եւ քթի խոռոչի արտադրությունը դուրս գալուց հետո հայտնվում է ձեռքերին: Այս ամենը պահպանելը թույլ կտա կանխարգելել նաեւ բոլոր շնչառական վարակները: Այս հորդորներն առավել խստությամբ պետք է պահպանեն տարեցները եւ խրոնիկ հիվանդություն ունեցողները:  

«Խուսափե՛ք ձեռքով դիպչել աչքերին կամ քթին, պարբերաբար լվացե՛ք ձեռքերն օճառով եւ երկար ժամանակ պահեք ջրի տակ կամ ախտահանեք սպիրտային ախտահանիչով»,- իր խոսքում նշել է Թորոսյանը:

Նախարարն անդրադարձել է նաեւ սոցիալական պատասխանատվությանը՝ կոչ անելով բոլոր մարդկանց, որոնք եկել են ռիսկային գոտում գտնվող երկրներից, չթաքցնել, այլ հակառակը, իրենց ախտանշանների մասին տեղեկացնել համապատասխան մարմիններին:

Նա, խոսելով դասերը մեկ շաբաթով հետաձգելու մասին, շեշտել է, որ որոշումներն ընդունվում են իրավիճակին համահունչ, եթե կարիք լինի, ապա նոր որոշումներ կլինեն՝ հավուր պատշաճի եւ ժամանակին:

Թորոսյանի խոսքով՝ Ծաղկաձորի «Գոլդեն փելես» հյուրանոցում մեկուսացված 31 անձինք այսօր կթեստավորվեն, եթե այն բացասական լինի, նրանք դուրս կգրվեն: Պատասխանը պարզ կլինի երեկոյան:

Հիշեցնենք, որ Հայաստանում արդեն կորոնավիրուսի 8 դեպք կա, քիչ առաջ դրական է եղել եւս 2 անձի թեստի պատասխանը: 2 դեպքերն էլ այն անձանց շրջանակից են, որոնք մեկուսացվել են երեկ Էջմիածնից, ու եղել են վիրուսակիրների հետ շփված անձինք: Ստացվում է՝ կորոնավիրուսով վարակված 8 անձանցից 5-ը միեւնույն շրջապատի մտերիմ մարդիկ են:

Տպել
3978 դիտում

«Նորք»-ում գտնվող 25 հիվանդներից 1-ի վիճակը ծայրահեղ ծանր է, 3-ին միացված է թոքերի արհեստական օդափոխության սարք

Կորոնավիրուսը, Արմեն Մուրադյանը եւ նախարարի պորտֆելը

ՀՀ մարզերում ձյուն է տեղում, Լարսը բաց է միայն բեռնատարների համար

Արցախում առայսօր կորոնավիրուսային վարակի դեպք չի գրանցվել, մեկուսացվածներ ևս չկան

Աբովյանի բնակարաններից մեկում 62-ամյա տղամարդու դի է հայտնաբերվել

Ապրիլի 6-ին Մոսկվայից կազմակերպվող չարտերային թռիչքի ուղևորներն ընտրվել են ըստ առաջնահերթության

Ապրիլի 4-ին Արցախում աճել է ադամաթզի, սոխ գինը, անկել՝ վարունգի, բենզինի, կիտրոնի, լոլիկի և այլ ապրանքների գները

ՀՀ ՊՆ պարզաբանումը լրատվամիջոցներում հրապարակված բաց նամակի կապակցությամբ

Երևանում բետոնե պատշգամբ է փլուզվել

Մեր «մշտական կորոնավիրուսը»

«Աղավնո», «Խարխափուտ», «Խնձորեսկ» բժշկասանիտարական հսկիչ կետերում ջերմաչափվում են Արցախ մեկնող բոլոր քաղաքացիները

Մոսկվա-Երևան չարտերային թռիչքի ապրիլի 6-ի տոմսերը սպառված են. երկրորդ թռիչքի անհրաժեշտություն կա

Ապրիլի 6-ին, ժամը 18.30-ից Նիկոլ Փաշինյանը ֆեյսբուքի իր էջի ուղիղ եթերում կպատասխանի քաղաքացիների հարցերին

Վթարի ենթարկված շտապօգնության մեքենայում կորոնավիրուսով հիվանդ 3 պացիենտ է գտնվել. Ալինա Նիկողոսյան

2017թ-ից հետախուզման մեջ գտնվող տղամարդը ներկայացել է ոստիկանության Արաբկիրի բաժին

ԱԻՆ-ը Երևանում 49 սուպերմարկետ և 128 հանրային տարածք է վարակազերծել

Կենտրոն համայնքում քամին ծառեր է տապալել

Հայաստանում կորոնավիրուսով վարակվածներից 500-ը բուժման կարիք չունի, նրանք նաև ջերմություն չունեն. Նիկոլ Փաշինյան

Վարդենյաց լեռնանցքը փակ է, տարբեր մարզերում ձյուն է տեղում

Դանակահարություն Երևանում. 28-ամյա քաղաքացին խոստովանական բացատրություն է տվել