6 ամիս կոմայի մեջ գտնվող փոխգնդապետ Արա Մխիթարյանի մայրն այսօր երկու պահանջ է ներկայացրել կառավարությանը

Վայոց ձորի նախկին մարզպետը Եղեգնաձորում երեկ քարոզարշավին մասնակցել է այն նույն կոստյումով, որը հագած է եղել 2019 թվականի սեպտեմբերի 18-ին, այսինքն այն օրը, երբ  Վայոց ձորում դաժան ծեծի է ենթարկվել փոխգնդապետ Արա Մխիթարյանը: Այս մասին Գյումրիում լրագրողների հետ զրույցի ժամանակ այսօր ասաց փոխգնդապետի մայրը՝ Սոֆիկ Մխիթարյանը: Ըստ տիկնոջ, այն, որ նախկին մարզպետը դեպքի օրը  նույն հագուստն է կրել եւ ներկա է եղել որդու ծեծին, պնդել են այդ օրը դեպքի վայրում գտնված սպաները:

Ծեծի հետեւանքով արդեն 6 ամիս կոմայի մեջ գտնվող փոխգնդապետի մայրն ու եղբոր կինը՝ Ցողիկը, այսօր ասուլիս էին հրավիրել եւ երկու պահանջ ունեին: Առաջինը Արա Մխիթարյանին արտերկիր տեղափոխելն ու կյանքը փրկելն է, եւ երկրորդ՝ պատասխանատվության ենթարկել բոլոր մեղավորներին, առանց հանցագործությունը կոծկել, թաքցնելու, ինչն, ըստ տիկին Սոֆիկի արվում է հիմա:

«Քննչական մարմիններին կխոչընդոտեն, ես չիդեմ ով, բայց կխոչընդոտեն, չկա արդար քննություն: Վախեցած են ժողովուրդը, բայց 2 հոգի մեծ մարդիկ, որոնք խիղճ ունեին, ըսեցին, որ ըդքան ժամանակ Արան ստեղ ապրել է, մե ավելորդ բառըմ չենք լսե իրանից: Տեսած շատ մարդիկ կան, բայց կվախենան, չեն խոսա: Մի աղջիկ  կա, վկայություն տվող, էն էլ իրան էլ գուզեն շարքից հանեն, կվախեցնեն»,-ասաց Ցողիկ Մխիթարյանը:

Փոխգնդապետի մայրը պատմեց, որ Գյումրու օրը՝ տոնակատարության ժամանակ, երբ ՀՀ վարչապետ Նիկոլ Փաշինյանն էլ էր եկել Գյումրի, Արայի հայրը նրան մոտեցել, զրուցել է: Նիկոլ Փաշինյանն էլ, ըստ տիկին Սոֆիկի, փոքր եղբոր նման խոստացել է, որ արդար քննություն է լինելու: «Բայց արդար քննությունը ո՞րն է, երբ դեպքին մասնակից են եղել 6-7 հոգի, ձերբակալեցին ընդամենը 2-ին, մեկին էլ ազատ արձակեցին, մարզպետ Տրդատ Սարգսյանին էլ մեջից հանեցին, իբր ընդհանրապես չի էլ եղել: Առերեսման ժամանակ սպաները պնդել են, որ կանգնած է եղել մարզպետը, կարող է չի մասնակցել, անձամբ չի խփել, բայց կանգնել, նայել է, թե ինչպես էդ 6-7 հոգին Արային կծեծեն: Թուրք էր ընկե՞լ իրանց ձեռքը կսպանեին, էսօրվա օրն էլ հաղթանակի կենաց կխմեն, ի՞նչ են հաղթել, թուրքի՞ն են հաղթել: Երկի՞ր են պաշտպանել, էդ կենացը կխմե՞ն անամոթաբար»,-ասաց փոխգնդապետի մայրը:

Փոխգնդապետի ընտանիքին մասնավորապես վրդովվեցրել է այն հանգամանքը, որ Վայոց ձորում փոխգնդապետ Արա Մխիթարյանին դաժան ծեծի ենթարկելու միջադեպի գործով մեղադրյալ Վայոց Ձորի նախկին մարզպետ Տրդատ Սարգսյանի օգնականի եղբորը՝ Զավեն Գրիգորյանին 1.5 մլն դրամ գրավի դիմաց ազատ են արձակել: Ցողիկն ասաց, այս կերպ փորձում են խուսափել խմբակային ծեծի որակումից: Բայց ամեն ինչ անելու են, որպեսզի հասնեն հենց այդ մեղադրանքին, քանի որ դա է իրականությունը: «Փոխգնդապետին ծեծելու համար մեղադրանք է առաջադրվել միայն Վայոց ձորի նախկին մարզպետի օգնական Հարություն Գրիգորյանին, բայց դա եղել է խմբակային ծեծ, ինչու՞ են մենակ մեկին մեղադրել, որ պատիժը մեղմ ու ուրիշ լինի: Իրանք թիկունք ունին, կառավարությունն է ուրեմն իրանց թիկունքն, որ հետներն էլ էսօրվա օրը ման կբերեն»,-ասաց Ցողիկը:

Ընտանիքը նաեւ բարձրաձայնում է. Արայի պատիվն արատավորող տեղեկատվություն է տարածվում: Պնդում են, թե փոխգնդապետը դեպքի պահին հարբած է եղել, գլորվել է աստիճաններից: Սա, ըստ Արայի հարազատների, կեղտոտ սուտ է: «Արան նվիրյալ ծառայող է, չփորձեն Արայի հեղինակությանը կպնել, հանցագործներին արդարացնել, ինքը վաստակած հեղինակություն ունի, նվիրված ծառայող է եղել, անգամ իր աշխատավարձը չի խնայել բանակի, զորքի համար, զորք է ղեկավարել։ Էնքան խաղաղասեր տղա է եղել, պարկեշտ, երբեք ոչ մեկին վնաս չէր տա: Արան սարերից, ձորերից է գլորվել սահմանը պահելու ժամանակ, մի քերծվածք չի ստացել, աստիճաններից գլորվելով էս վիճակին չէր հասնի»,-ասաց Ցողիկ Մխիթարյանը:

«Հարությունը թիկունքից խփել, գցել է Արային, ու սկսել են ծեծել: Հետո բերել ջուր են լցրել վրան, որ երեխես ուշքի գա, ուշքի չի եկել, ըդքանով չեն բավարարվել, նորից քացով փխել են Արայի գլխին: Սպաների ցուցմունքներն են սրանք»,-պատմեց Սոֆիկ Մխիթարյանը

Փոխգնդապետն արդեն 6-րդ ամիսն է, գտնվում է Մուրացանի զինվորական հոսպիտալում: Մայրն ասում է, տղայի աչքերը բաց են, որդին սակայն, անհաղորդ է, կոմայի մեջ: Մասնագետներն ասել են իրենցից կախված ամեն ինչ արել են, հետագա ընթացքը Աստծո եւ ժամանակի ձեռքերում է:   

Անցնող 6 ամիսներին Եղեգնաձորի նախկին մարզպետը չի այցելել Արային, երբեք չի հանդիպել փոխգնդապետի ծնողների հետ: Նույնիսկ չի զանգել:

Փոխգնդապետ Արա Մխիթարյանն ամուսնացած է, ունի տասնամյա մեկ որդի:  27 տարի ծառայել է հայկական բանակում, սկզբում Շամշադինում, հետո Եղեգնաձորում։  

Արայի մայրը ասուլիսի ավատին ասաց, արդար դատաքննության, որդու պատիվը պաշտպանելու  եւ Արային արտերկիր տեղափոխելու պայքարում արդեն ամեն ամեն քայլի պատրաստ է: «Թող Փաշինյանը գա քարոզարշավի, ես գիտեմ, թե ինչ կենեմ, կերտամ փողոցը կնստիմ, էս քյոռպեկին կառնիմ, փողոցը կնստիմ, ես էլ ճար չունիմ: Ոչ մեկը պատվով ծառայած ու կյանքը բանակին նվիրած փոխգնդապետ որդուս հասցեին ավելորդ բառեր ասելու իրավունք չունի»,-ասաց Սոֆիկ Մխիթարյանը:

Հիշեցնենք, որ 2019 թվականի սեպտեմբերի 17-ին Եղեգնաձոր քաղաքում վիճաբանության ժամանակ ծեծի էր ենթարկվել, փոխգնդապետ Արա Մխիթարյանը։ Նույն օրը՝ ժամը 11:00-ի սահմաններում, Եղեգնաձորի բաժին է ինքնակամ ներկայացել Եղեգնաձորի բնակիչ, 1992 թվականին ծնված մի տղամարդ եւ տվել բացատրություն: Հարուցվել է քրեական գործ 112-րդ հոդվածի 1-ին մասի հատկանիշներով (դիտավորությամբ առողջությանը ծանր վնաս պատճառելը) եւ գործը փոխանցվել է մարզի քննչական վարչություն

Տպել
1424 դիտում

«Նորք»-ի վերակենդանացման բաժանմունքում 25 հիվանդ կա. նրանցից 1-ի վիճակը ծայրահեղ ծանր է

Կորոնավիրուսը, Արմեն Մուրադյանը եւ նախարարի պորտֆելը

ՀՀ մարզերում ձյուն է տեղում, Լարսը բաց է միայն բեռնատարների համար

Արցախում առայսօր կորոնավիրուսային վարակի դեպք չի գրանցվել, մեկուսացվածներ ևս չկան

Աբովյանի բնակարաններից մեկում 62-ամյա տղամարդու դի է հայտնաբերվել

Ապրիլի 6-ին Մոսկվայից կազմակերպվող չարտերային թռիչքի ուղևորներն ընտրվել են ըստ առաջնահերթության

Ապրիլի 4-ին Արցախում աճել է ադամաթզի, սոխ գինը, անկել՝ վարունգի, բենզինի, կիտրոնի, լոլիկի և այլ ապրանքների գները

ՀՀ ՊՆ պարզաբանումը լրատվամիջոցներում հրապարակված բաց նամակի կապակցությամբ

Երևանում բետոնե պատշգամբ է փլուզվել

Մեր «մշտական կորոնավիրուսը»

«Աղավնո», «Խարխափուտ», «Խնձորեսկ» բժշկասանիտարական հսկիչ կետերում ջերմաչափվում են Արցախ մեկնող բոլոր քաղաքացիները

Մոսկվա-Երևան չարտերային թռիչքի ապրիլի 6-ի տոմսերը սպառված են. երկրորդ թռիչքի անհրաժեշտություն կա

Ապրիլի 6-ին, ժամը 18.30-ից Նիկոլ Փաշինյանը ֆեյսբուքի իր էջի ուղիղ եթերում կպատասխանի քաղաքացիների հարցերին

Վթարի ենթարկված շտապօգնության մեքենայում կորոնավիրուսով հիվանդ 3 պացիենտ է գտնվել. Ալինա Նիկողոսյան

2017թ-ից հետախուզման մեջ գտնվող տղամարդը ներկայացել է ոստիկանության Արաբկիրի բաժին

ԱԻՆ-ը Երևանում 49 սուպերմարկետ և 128 հանրային տարածք է վարակազերծել

Կենտրոն համայնքում քամին ծառեր է տապալել

Հայաստանում կորոնավիրուսով վարակվածներից 500-ը բուժման կարիք չունի, նրանք նաև ջերմություն չունեն. Նիկոլ Փաշինյան

Վարդենյաց լեռնանցքը փակ է, տարբեր մարզերում ձյուն է տեղում

Դանակահարություն Երևանում. 28-ամյա քաղաքացին խոստովանական բացատրություն է տվել