Վանաձորում այսօր 2 հոգի թեստավորում է անցել, ձեւավորվել է մարզային շտաբ. Լոռու մարզպետ

Լոռու մարզպետ Անդրեյ Ղուկասյանի որոշմամբ ձևավորվել է ՀՀ Լոռու մարզային կորոնավիրուսի վարակի տարածման, կանխարգելման և արձագանքման շտաբ։ Լոռու մարզպետարանից տեղեկացնում են, որ շտաբի աշխատանքները միտված են լինելու կորոնավիրուսի դեմ պայքարի միջոցառումների համակարգմանն ու իրականացմանը։ Շտաբի կազմում են բոլոր պատասխանատու ստորաբաժանումները, կառույցները և կազմակերպությունները։
Այսօր տեղի է ունեցել շտաբի աշխատանքային առաջին փակ նիստը, որի ժամանակ քննարկվել են կորոնավիրուսի դեմ պայքարի կանխարգելիչ միջոցառումների իրականացման ընթացքին ու ձեռնարկվելիք քայլերին վերաբերող հարցեր։
Կարևորելով բոլոր պատասխանատու կառույցների համագործակցությունը՝ Լոռու մարզպետը հորդորել է աշխատանքներում լինել օպերատիվ, չափազանց զգոն, ուշադրության կենտրոնում պահել բոլոր աշխատանքները, ամեն ինչ անել բացթողումներից խուսափելու համար։

Մարզպետի մեկ այլ հանձնարարականով՝ ախտահանիչ միջոցառումներ են իրականացվում մարզի ներհամայնքային և միջհամայնքային կանոնավոր ուղևորափոխադրումներ իրականացնող կազմակերպությունների երթուղիներում շահագործվող տրանսպորտային միջոցներում։ Ախտահանման միջոցառումներ իրականացվում են նաեւ Վանաձորի մասնավոր բազմաթիվ տաքսի ծառայություններում, սպասարկման օբյեկտներում:

Վանաձորի քաղաքապետի հանձնարարությամբ ախտահանման աշխատանքները մեկնարկել էին օրեր առաջ:

Լոռու մարզպետ Անդրեյ Ղուկասյանը ՀԺ-ի հետ զրույցում հայտնեց, որ աշխատանքի եւ սննդամթերքի անվտանգության տեսչությունների  կողմից բոլոր կառույցներին տրվել են համապատասխան հանձնարարականներ ու ուղեցույցներ, թե ինչով ու ինչպես պետք է ախտահանեն: Իրենք հսկում են աշխատանքների կատարման ընթացքը: Մարզի ղեկավարի խոսքով մարզպետարանի բոլոր այն աշխատակիցները, որոնք տարեց են, ունեն քրոնիկ հիվանդություն, մանկահասակ երեխա կամ հղի են, աշխատանքները հնարավորինս կիրականացնեն տանից: Նման հանձնարարական իջեցվել է նաեւ համայնքների ղեկավարներին:

Անդրադառնալով շուրջ երկու հազար աշխատակից ունեցող  «Գլորիա» կարի ֆաբրիկայի՝ աշխատանքների ժամանակավոր դադարեցմանը, մարզպետն ասաց. «Տրված են հստակ ցուցումներ, այնտեղ իրենց տրանսպորտը վաղվանից կախտահանվի, կախտահանվի նաեւ աշխատավայրը, ձեռքերի լվացման ու ախտահանման հնարավորություններ կդրվեն, օդափոխության կազմակերպման հարցը կքննարկվի… Իրենք կաշխատեն այդ ռեժիմով: Այս պահին աշխատանքները դադարեցնելու հարց չի քննարկվում»:

Մարզպետից տեղեկացանք, որ կորոնավիրուսի կասկածանքով այսօր եւս 2 քաղաքացի է թեստավորում անցել: Պատասխանները դեռ հայտնի չեն: Ստացվելուն պես, դրանք կհրապարակվեն մարզպետի ֆեսյբուքյան էջում:

Հիշեցնենք՝ մինչ այս պահը Վանաձորում 10 քաղաքացի է թեստավորում անցել: Բոլոր պատասխանները բացասական են եղել: Վանաձորում, ի տարբերություն նախորդ օրերի, ավելի շատ են փողոցներում անհատական պաշտպանիչ դիմակներ կրող քաղաքացիները: Սպասարկման ոլորտում աշխատակիցները քաղաքացիների սպասարկում են ձեռնոցներով: 

Տպել
1537 դիտում

Թուրքիայում ձերբակալել են Կարսի քաղաքապետին

Առաջիկա օրերին սպասվում է առանց տեղումների եղանակ. ջերմաստիճանն էապես չի փոխվի

Հայկական արտադրության խելացի հաշվիչները բաժանորդին թարմ տվյալներ են տալիս սպառած էլէներգիայի մասին կես ժամ պարբերությամբ

«Զինառ»-ում իրականացվում են զինվորի կենցաղային պայմանների բարելավմանը նպաստող փոփոխություններ

Երեւանի Ագաթանգեղոսի փողոցում կին վարորդը վրաերթի է ենթարկել անձը չպարզված քաղաքացու

Մեկնարկել է Գյուղական կյանքի և ավանդույթների յոթերորդ փառատոնը․ նախարարը ծանոթացել է ներկայացված գյուղմթերքին

22-ամյա երիտասարդի մոտ զենք-զինամթերք է հայտնաբերվել

Արմավիրի մարզում բախվել է 5 մեքենա.նրանցից մեկը հայտնվել է գնացքի գծերի վրա

«Սանիթեքը» աճուրդի է դրել աղբահավաք մեքենաներն ու կոնտեյներները, այդ թվում՝ 200 հատ կոտրված կամ կիսավառվածները

ՀԴՄ կտրոն չվերցնելու համար քաղաքացիներին տուգանելու նախագիծ օրակարգում չկա․ Բաբկեն Թունյան

Երևանի Ազատության պողոտայում մեքենա է այրվել. վարորդը հոսպիտալացվել է

Ստեփանծմինդա-Լարս ավտոճանապարհը բաց է միայն ՀՀ-ից մեկնող բեռնատարների համար

Հայաստանը շարունակում է շնորհավորանքներ ստանալ. շնորհավորել է Սերբիայի նախագահ Ալեքսանդր Վուչիչը

«Արարատ-Արմենիա» - «Ցրվենա Զվեզդա» խաղը` ակադեմիայի մարզադաշտում

Կրկեսի վերածվող թեժ աշունը

Ջրամատակարարման նոր գրաֆիկը չի ենթադրում ջրամատակարարման ժամերի կրճատում․ «Վեոլիա Ջուր»-ը պարզաբանում է

Առցանց քննարկում՝ Երևանի կենդանաբանական այգու և ՀԱԱՀ անասնաբուժական բժշկագիտության և անասնաբուծության ֆակուլտետի միջև

Առցանց քննարկում՝ Երևանի կենդանաբանական այգու և ՀԱԱՀ անասնաբուժական բժշկագիտության և անասնաբուծության ֆակուլտետի միջև

Ոստիկանները ուշ ժամի հրավառություն կատարած անձանց են հայտնաբերել

Նախորդ շաբաթ հակառակորդի կողմից հրադադարի պահպանման ռեժիմը խախտվել է շուրջ 330 անգամ