Կորոնավիրուսային իրավիճակն Իրանում մարտի 16-ի ամփոփմամբ. 129 մահ, մի քանի հարյուր նոր դեպք

17/03/2020 schedule09:54

Վերջին 24 ժամվա ընթացքում կորոնավիրուսի տարածմամբ պայմանավորված իրավիճակն Իրանում ամփոփել է RegionMonitor-ը՝ ներկայացնելով հետեւյալ պատկերը.

• Վերջին 24 ժամվա ընթացքում վարակվածների թիվն ավելացել է 1053-ով՝ կազմելով 14991։

• Վերջին 24 ժամվա ընթացքում մահվան 129 դեպք է արձանագրվել։ Մահացած հիվանդների ընդհանուր թիվը կազմում է 853։

• Ապաքինված հիվանդների թիվը ավելացել է 406-ով՝ կազմելով 4996։

• Վերջին 24 ժամվա ընթացքում վիրուսն ամենաշատը տարածվել է Թեհրանում (200 դեպք) և Սպահանում (118 դեպք)։ Մնացյալ նահանգներում՝ երկնիշ, իսկ 7 նահանգում միանիշ ցուցանիշ է արձանագրվել:

• Հայաստանի սահմանակից Արևելյան Ատրպատական նահանգում գրանցվել է 35 նոր դեպք։ Երեկ 36 էր։

• Վարակի օջախ Ղոմում նվազում է նկատվել, արձանագրվել է վարակի 19 դեպք, երեկ 84 էր։

• Քաղաքացիների այցերը հիվանդանոցներ նվազեցնելու և առողջ քաղաքացիներին կորոնավիրուսով վարակվելու վտանգից զերծ պահելու նպատակով Իրանում գործարկվել է salamat.gov.ir կայքը։ Քաղաքացիները մուտք են գործում այդ կայք և լրացնում իրենց անձնական տվյալները։ Համակարգ մուտք գործելուց հետո քաղաքացին լրացնում է ներկայացվող հարցաշարը: Պատասխաններից հետո համակարգը ցույց է տալիս՝ արդյոք քաղաքացու մոտ առկա է կորոնավիրուսի ախտանշաններ, թե ոչ։ Եթե համակարգը ցույց է տալիս, որ առկա են ախտանշաններ, ապա համապատասխան շրջանի հիվանդանոցից կապվում են քաղաքացու հետ և համապատասխան ցուցումներ տալիս։ Օրվա ընթացքում միայն մեկ անգամ է հնարավոր մուտք գործել համակարգ և լրացնել տվյալները։

• Իրանի նախագահը թեև հայտարարել է, որ համաճարակի պիկն արդեն անցնում է, քաղաքացիներին կոչ է արել դուրս չգալ տներից և ճամփորդել խիստ անհրաժեշտության դեպքում։ Իրանի միջնահանգային և միջքաղաքային անցակետերում քաղաքացիները ջերմաչափվում են, կասկածելի ախտանշաններով քաղաքացիները հոսպիտալացվում են կամ պահանջում են ինքնամեկուսացվել։

• Իրանի ոստիկանությունն այս օրերին կորոնավիրուսի տարածման վերաբերյալ սոցիալական ցանցերում կեղծ տեղեկատվություն և տեսանյութեր հրապարակելու համար տարբեր նահանգներում երկու տասնյակից ավելի քաղաքացու է ձերբակալել։

• Սոցիալական ցանցերում այս օրերին տարբեր օգտատերեր տեղեկատվություն էին հրապարակում, թե ալկոհոլը իբր նպաստում է վարակների կանխարգելմանը։ Վերջին օրերին ալկոհոլ օգտագործելու հետևանքով Իրանում մահացել է 134, իսկ թունավորվել՝ 1021 քաղաքացի։ Այժմ Իրանի հեռուստաընկերությունները սոցիալական հոլովակներ են տարածում՝ քաղաքացիներին իրազեկելով, որ ձեռնպահ մնան ալկոհոլ օգտագործելուց։

• Բենզալցակայաններում ևս արգելվել է կանխիկ վճարումներ կատարել, դրանք կա՛մ պետք է փոխանցումով, կա՛մ՝ քարտերի միջոցով։

• Իրանի դատական իշխանության ղեկավարը 83 հազար բանտարկյալի ազատ արձակման մասին հայտարարություն է արել։

• Կորոնավիրուսից մահացել է Իրանի փորձագետների խորհրդի (88 անդամ ունեցող այդ կառույցը հոգևոր առաջնորդ է ընտրում) անդամ Սեյյեդ Հաշեմ Բոթհայի Գոլփայեգանին։

Տպել
4900 դիտում

Բորիս Ջոնսոնը վերակենդանացման բաժանմունքից տեղափոխվել է հիվանդասենյակ

Գյումրիի թաղամասերից մեկում իր տանը հայտնաբերվել է բնակչի դին

Արցախի «Աղավնո» հսկիչ անցակետում ծառայող 4 ոստիկաններ ինքնամեկուսացել են՝ ապահովության նկատառումներով

Տավուշի մարզում կորոնավիրուսով վարակված 6 մարդ կա. մեկուսացած է 96, ինքնամեկուսացած՝ 188 մարդ. մարզպետ

Գյումրիում բժշկական դիմակով անձինք կողոպտել են ՀՀ ՊՆ N զորամասի կին զինծառայողին

Պարետի որոշմամբ՝ 6 ժամով արգելվել է Իջևանի և Ստեփանավանի 2 խանութի, Երևանի մեկ սուպերմարկետի գործունեությունը

Ձնեմարդ՝ ծաղկած այգիների տակ. Արցախում եւս ցրտահարություն է գրանցվել (լուսանկար)

Մարդկանց կորոնավիրուսային մեկուսացման շնորհիվ բնությունը շնչում է, օդը մաքրվում է, պանդաները՝ զուգավորվում

Արաբական կոալիցիան եւս Եմենում հրադադար է հայտարարել

Երեւանը բժշկական պարագաներ է ստացել չինական Չոնգցին գործընկեր քաղաքից

Կորոնավիրուսի համաճարակի հետեւանքով աշխարհում կարող է աղքատանալ 500 միլիոն մարդ

Դանակահարություն Արտաշատում. բերման է ենթարկվել 37-ամյա տղամարդ

ՌԴ-ում մնացած նորածինն ու մայրն արդեն Հայաստանում են, ինքնամեկուսացման մեջ. ՄԻՊ-ը ևս մեկ ընտանիք է վերամիավորել

Հակաճգնաժամային միջոցառումների շրջանակներում բաշխվել է 10 միլիարդ 700 միլիոն դրամի աջակցություն. վարչապետ

Ո՞ր դեպքերում են թույլատրվում միջմարզային և դեպի Երևան ուղևորափոխադրումները (տեսանյութ)

Հրետանային ստորաբաժանումների զինծառայողները պարապմունքներ են անցկացրել

Միջադեպեր, ծեծկռտուք Սիսիանում. կիզակետում Սիսիանի ոստիկանապետի պաշտոնակատարն է

Չգիտեմ, թե ինչն է իմ ԱԱԾ-ում հանդիպման շուրջ անհանգստության եւ անառողջ աժիոտաժի իմաստը. Հակոբ Ճաղարյանը

Հանրային պաշտպանները 108 միջնորդություն են ներկայացրել. կալանավորված 29 անձի խափանման միջոց արդեն փոխվել է

Գագիկ Սուրենյանը գյուղատնտեսներին խորհուրդ է տալիս բացօթյա սածիլում չկատարել. ցուրտ օդային հոսանքները պահպանվելու են