ԱՄՆ-ի նախկին փոխնախագահը շարունակում է ջախջախիչ հաղթանակներ տանել նահանգների պրայմերիզներում

ԱՄՆ-ի նախագահական ընտրություններում Դեմոկրատական կուսակցության կողմից թեկնածու առաջադրվելու համար պայքարի դուրս եկած 2 հիմնական մրցակիցներից  Ջո Բայդենը ջախջախել է իր հիմնական հակառակորդ Բերնի Սանդերսին՝ Ֆլորիդա նահանգում Դեմոկրատական կուսակցության պրայմերիզների (նախնական ընտրություններ) ժամանակ:

Նա նաեւ վստահ առաջատար է Իլլինոյս եւ Արիզոնա նահանգներում: Այս հաղթանակներն ավելի են ամրապնդել Բայդենի հիմնական թեկնածությունը նոյեմբերին Միացյալ նահանգներում կայանալիք նախագահական ընտրություններում որպես Դոնալդ Թրամփի հիմնական թեկնածու:

Ֆլորիդայում արդեն հաշվարկել են գրեթե բոլոր քվեաթերթիկները եւ պարզ է դարձել, որ նախկին փոխնախագահ Բայդենը առաջ է անցնում իր ձախ արմատական հիմնական թեկնածուից՝ Սանդերսից՝ 62 տոկոսը 23 տոկոսի դեմ հարաբերակցությամբ:

Մարտի 17-ին  Իլլինոյս եւ Արիզոնա նահանգներում եւս կայացած նախնական ընտրությունների արդյունքներն էլ գրեթե պատրաստ են: Իլլինոյսում Բայդենը վստահ առաջատար է եւ հավաքել է ընտրողների 59 տոկոսի ձայները: Արիզոնայում թեպետ կրկին են հաշվարկելու արդյունքները, սակայն CNN-ն ու NBC հեռուստաալիքները աղաղակում են Բայդենի հաղթանակի մասին:

Հարցումները ցույց են տվել, որ Ֆլորիդայում ժողովրդավարական ընտրողները ավելի շատ կարևորում են նախագահի ընտրություններին նոյեմբերին Թրամփի հաղթելու հավանականությունը, քան դեմոկրատ թեկնածուների ներկայացրած գաղափարական մաքրությունը կամ հավատարմությունն իրենց քաղաքական հայացքներին եւ նախասիրություններին: Ֆլորիդայի դեմոկրատների երեք քառորդը կարծում է, որ Բայդենը հաղթելու ավելի մեծ հնարավորություններ ունի: Միայն 20 տոկոսն է առավել նախընտրելի համարում Սանդերսի՝ նախագահի  թեկնածու դառնալու հավանականությունը:

Առաջին երեք նահանգներում `Այովա, Նյու Հեմփշիր եւ Նեւադա, Ջո Բայդենը վատ հանդես եկավ նախնական ընտրություններում: Այնուամենայնիվ, դա չխանգարեց նրան  այնուհետ համոզիչ հաղթանակ տոնել Հարավային Կարոլինայի կարեւոր պրայմերիզում ՝ ցուցադրելով իր ժողովրդականությունը աֆրոամերիկյան ընտրազանգվածի մեջ եւ մյուս հետ մնացող  թեկնածուներին համոզելով, որ իրենց թեկնածությունը հանեն ու հանդես գան իր օգտին:

Հարավային Կարոլինայում գրանցած կարեւոր հաղթանակին հաջորդեց նրա հաջողությունների շարքը ԱՄՆ-ի նահանգների գերակշիռ մասում՝ մանավանդ մարտի 3-ին կայացած «Սուպեր երեքշաբթի»-ի ժամանակ, որից հետո նա համարվեց արդեն Դեմոկրատական կուսակցության ֆավորիտը: Ներկա պահին ԱՄՆ-ի նախկին փոխնախագահը վստահ հաղթանակ է տարել 21 նահանգների նախնական ընտրություններից 16-ում:

Բայդենը հատկապես հայտնի է տարեց ընտրողների շրջանում, որոնք գրեթե միշտ պարտաճանաչ մասնակցում են ընտրություններին եւ հիմնական քվեարկողներն են նախնական ընտրություններում:

Բերնի Սանդերսը պնդում էր, որ նա կարողացել է ընդլայնել Դեմոկրատական կուսակցության ընտրազանգվածը երիտասարդության հաշվին, որոնց շրջանում նա իրականում շատ երկրպագուներ ուներ: Այնուամենայնիվ, երիտասարդ ամերիկացիները հաճախ անտեսում են ընտրությունները եւ Սանդերսի հաշվարկը չի իրականացվել նախընտրական ընթացիկ առաջնություններում, որոնք չափազանց կարեւոր են թեկնածու դառնալու համար:

Ֆլորիդայում շատ դեմոկրատներ գտան, որ Սանդերսը չափազանց ձախ հայացքներ ունի: Բանն այն է, որ իսկապես, նա բազմիցս ասել է, թե բռնապետական կոմունիստական ռեժիմները, ներառյալ ԽՍՀՄ-ը և Կուբան, դրական կողմեր ունեին: Ֆլորիդայում, որտեղ շատ կուբացիներ են ապրում, այդ տեսակետը տարածված չէ եւ չընդունվեցին Սանդերսի հայացքները:

Երեքշաբթի պրայմերիզներ պետք է տեղի ունենային նաեւ Օհայո նահանգում: Սա ոչ միայն բավական մեծ նահանգ է, այլեւ այստեղ տարբեր ազգությունների մարդիկ են ապրում, որի արդյունքում թե՛ դեմոկրատները, թե՛ հանրապետականները հաղթելու շանսեր ունեն: Օհայոյում, սակայն, նախնական ընտորթւյունները չեղյալ համարվեցին կորոնավիրուսի բռնկման պատճառով:

Հիշեցնենք, Միացյալ Նահանգներում նախընտրական գործընթացները երկար են ու բարդ եւ անցնում են բազմաստիճան համակարգով: Պրայմերիզների անցկացումն այն գործընթացն է, երբ նահանգնեում անցկացվում են նախնական ընտրություններ եւ պատվիրակներ են ընտրվում, բաշխվում թեկնածուների միջեւ։ Արդյունքում պարզ է դառնում, թե որ թեկնածուների միջեւ են բաշխվելու Դեմոկրատական կուսակցության ազգային համագումարի բոլոր պատվիրակների 1/3-րդից ավելին: Նահանգներում հավաքած ձայների հանրագումարով կորոշվի, թե ով է լինելու Դեմոկրատական կուսակցությունից Թրամփի հիմնական թեկնածուն:

Տպել
459 դիտում

Մինչեւ 18 տարեկան երեխաներ ունեցող ընտանիքներին աջակցություն կտրամադրվի․ կառավարությունը հաստատեց նախագիծը

Միանվագ աջակցություն կցուցաբերենք նաեւ օրավարձով աշխատող մեր հայրենակիցներին. վարչապետ

Արցախում բնակվող 440 միայնակ քաղաքացիներին պետությունը տրամադրում է մեկ ամսվա պարենամթերք և հիգիենիկ պարագաներ

Սիրելի՛ հայրենակիցներ, ես խնդրում եմ այդքան հանգիստ մի վերաբերվեք էս պրոբլեմին․ վարչապետ

Քաղաքացիներին վերահսկելու անհրաժեշտություն են ունենում այն կառավարությունները, որոնք չունեն լեգիտիմություն․ Փաշինյան

«Ֆլայ Արմենիա Էյրվեյզ» ՍՊԸ-ին օդանավի շահագործման վկայական չի տրամադրվել թերությունները չվերացնելու պատճառով

«Սուրբ Գրիգոր Լուսավորիչ» ԲԿ-ն ամբողջությամբ կդատարկվի եւ կծառայի որպես կորոնավիրուսի դեմ պայքարի հիվանդանոց․ Թորոսյան

Խաղաղությունը հնարավոր է այնտեղ, որտեղ դրան հավատում են. Աննա Հակոբյանը՝ ապրիլյան քառօրյայի մասին

2020 թվականի բյուջեի եկամուտները առաջին եռամսյակի տվյալներով գերակատարվել են 8.9 մլրդ դրամով․ վարչապետ

Ախտահանվում է Բագրատաշենի սահմանային կետը. ՍԱՏՄ աշխատակիցները կաշխատեն արտահագուստով

Կարծում եմ, որ Արցախում տեղի են ունեցել բարձր որակի ընտրություններ․ վարչապետ

Կառավարության անդամները 1 րոպե լռությամբ հարգեցին Ապրիլյան պատերազմի բոլոր զոհերի հիշատակը

Հայաստանում կորոնավիրուսի 92 նոր դեպք է հաստատվել. հանրագումարով՝ 663 դեպք կա

Դիլիջանի ոլորաններում ձյուն է տեղում. դժվարանցանելի են Աշոցքի և Ամասիայի միջհամայնքային ավտոճանապարհները

ԱՄՆ-ը գերազանցում է բոլոր ռեկորդները. առաջին անգամ 1 գիշերում 1300 մահ է գրանցվել 1 երկրի տարածքում. JHU

Եթե մեզ հաջողվի սահմանին գազի գինը նվազեցնել 23 դոլարով, ապա գազի սակագինը չի փոխվի․ փոխվարչապետ

Մուշ գյուղի 8/46 ընտրատեղամասի դիմաց վիճաբանության փաստով Արցախի ոստիկանությունը ստուգումներ է իրականացնում

Վարչապետը հարգանքի տուրք է մատուցել ապրիլյան քառօրյայի հերոսների հիշատակին. Եռաբլուր այցը՝ լուսանկարներով

Արմեն Սարգսյանը «Եռաբլուր» պանթեոնում հարգանքի տուրք է մատուցել քառօրյայի ժամանակ զոհված հերոսների հիշատակին

Հրշեջ-փրկարարները մարել են խոտածածկ տարածքներում բռնկված հրդեհները՝ ընդհանուր ընդգրկելով մոտ 1.7 հա տարածք