Քանի ես եմ քաղաքապետը, էդպիսի բաներ չեն կարող կատարվել. լարված խոսակցություն՝ Մարությանի եւ Խաժակյանի միջեւ

Այսօր ավագանու նիստի ընթացքում «Լույս» Խմբակցության անդամ Դավիթ Խաժակյանը երկու հարց ուղղեց քաղաքապետին, որից հետո նրանք ունեցան բավականին լարված խոսակցություն: Խաժակյանը նշեց, որ այս օրերին ասֆալտապատման աշխատանքներ են իրականացվում, եւ հետեւելով գնումների գործընթացին՝ հասկանում է, որ գնման մրցույթ հայտարարված չէ, բայց ինչ-որ կազմակերպություններ ասֆալտապատում են իրականացնում:

Նա հարց ուղղեց, թե ինչ հիմունքերով են այդ աշխատանքներն իրականացվում. «Ինչպե՞ս ենք վճարելու, թե՞ ուղղակի գիտենք, որ հետո իրենք են հաղթելու, դրա համար ասել ենք՝ դու հիմա աշխատանքն արա, հետո սրան կանդրադառնանք»:

Խաժակյանի երկրորդ հարցը վերաբերում էր ոռոգման ցանցերին. «154 միլիոն դրամ նախատեսել էինք այդ աշխատանքի համար, եւ սրա համար հայտարարվել էր ընդամենը 3 մրցույթ: Աշխատանքների ընդամենը 28 տոկոսն է կատարվել, ինչպես կբացատրեք»:

Քաղաքապետ Մարությանը նշեց, որ ոռոգման ցանցերի վերաբերյալ հնչած հարցին կպատասխանի համապատասխան մասնագետներից մեկը: Ինչ վերաբերում է Խաժակյանի այն պնդմանը, թե աշխատանքը հանձնարարել են՝ նախապես իմանալով, թե ում են մրցույթում հաղթող ճանաչելու, Մարությանը նկատեց. «Դա տեղի էր ունենում ձեր կողմից շատ սիրված Վահե Նիկոյանի եւ Տարոն Մարգարյանի ժամանակ: Այո՛, այդպիսի բաներ տեղի էին ունենում տարբեր քաղաքապետների եւ փոխքաղաքապետների ժամանակ։ Էն ժամանակ…»: Խաժակյանը, չցանկանալով լսել շարունակությունը, ընդհատեց Մարությանի խոսքը՝ ասելով՝ դուք վիրավորական խոսքեր եք ասում, եւ ես չեմ ուզում լսել ձեզ:

«Այն ժամանակ այդպիսի բաներ կատարվում էին, հիմա չեն կարող կատարվել, միգուցե դուք կուզենայիք, որ լինեիք քաղաքապետ եւ նման բաներ կատարվեին, բայց քանի ես եմ քաղաքապետը, էդպիսի բաներ չեն կարող կատարվել»,- ասաց Մարությանը: Խաժակյանն էլ վրա բերեց, որ, ուրեմն, քաղաքապետն անտեղյակ է: 

Վերջինս նաեւ Մարությանին հիշեցրեց աշխատանքից ազատված կոմունալ վարչության պետ Արարատ Խաչիկյանի մասին, որին Մարությանն էր այդ պաշտոնում  նշանակել: «Ձեզ հիշեցնեմ, որ նրա հայտարարած մրցույթները դուք եք հաստաել, որի քրոջ որդին հաղթել էր միանգամից երկու մրցույթ եւ ազատել էիք նրան այն ժամանակ, երբ ինֆորմացիան հասու էր դարձել մամուլին եւ բոլորին»,- ասաց Խաժակյանը: Մարությանը նշեց, որ կոմունալ վարչության պետը դիմում է գրել ու հեռացել, միեւնույն ժամանակ դատախազությունում գործը քննվում է եւ ավելի ճիշտ կլինի այդ գործով զբաղեն պրոֆեսիոնալները:

Փոխքաղաքապետ Հրաչյա Սարգսյանն անդրադառնալով Խաժակյանի բարձրացրած առաջին հարցին, նշեց, որ 2019 թվականին է հաստատվել բավականին շատ մրցույթներ, եւ բյուջեն հաստատելուց հետո աշխատանքներն սկսվել են: Նշեց՝ քանի որ անցած տարի գնումների հետ կապված մի փոքր խնդիր կար, այդ իսկ պատճառով որոշում է կայացվել, որ յուրաքանչուր տարի իրականացվի հաջորդ տարվա գնումները: Ասֆալտապատման մրցույթը հայտարարվել է 2019 թվականին՝ առանց ֆինանսական միջոցների առկայության:

«2019 թվականին, երբ որ բյուջեն հաստատվեց, արդեն մեզ հնարավորություն տրվեց, որ 2020 թվականին պայմանագրեր կնքվեն համապատասխան կապալառուների հետ»,- ասաց նա: 

Տպել
2049 դիտում

«Atlantis European Airways» -ի չվերթով Հնդկաստանից Հայաստան վերադարձան մեր 68 հայրենակիցներ

Չարենցավանում սահմանափակումներ մտցնելու որոշում այս պահին չկա, պարետի որոշումը պատահաբար է հրապարակվել․ խոսնակ

Ստուգման արդյունքները մարտի 31-ի ժամը 9-ից 12-ի դրությամբ. 96 անձի նկատմամբ կազմվել է արձանագրություն

ԱԺ-ն չընդունեց զանգերի և տեղաշարժի մասին տեղեկությունները ֆիքսելու նախագիծը

Ոչ թե ճգնաժամ, այլ աղետ է սպասվում. Արայիկ Հարությունյանը ընտրատարածք է գնացել կնոջ եւ դստեր հետ (լուսանկար)

Մինչեւ ապրիլի 5-ը կարգելվի մարդկանց եւ տրանսպորտային միջոցների մուտքն ու ելքը Չարենցավան. պարետի նոր որոշումը

ՀԿԵ-ն շարունակում է ապահովել երկաթուղային բեռնափոխադրումների իրականացումը

Հայաստանում կորոնավիրուսով վարակվածների ընդհանուր թիվը հասել է 532-ի

Պարո՛ն նախարար, եթե ձեր սխալները դնեմ ֆեյսբուքյան քվեարկության, հետեւանքները ձեզ հաճույք չեն պարգեւի. Լուսինե Բադալյան

Պաշտոնական տվյալներով՝ մինչ այս Իտալիայում գտնվող մեկ հայ է վարակվել կորոնավիրուսով․ փոխնախարար

Հայաստան վերադառնալու համար կան 3 օբյեկտիվ դժվարություններ․ Ավետ Ադոնց

Ոստիկանները թույլ չեն տալիս, որ 3 հոգուց ավելի ընտրողներ մուտք գործեն Արցախի ընտրատեղամասեր. ՀՀ ԱԺ պատգամավորներ

Մնա տանը, վճարիր և փոխացիր անհպում. Idram-ի և IDBank-ի համատեղ թվային հարթակն արդեն իրականություն է

Սիրիայում հայ առաքելության բժիշկները բուժօգնություն են ցուցաբերել 1169 սիրիացու. ականազերծվել է 19697 քմ տարածք

Հայտնի է Հրայր Թովմասյանի եւ նրա սանիկ Նորայր Փանոսյանի գործով առաջին դատական նիստի օրը

Նա Հայաստանի լավ բարեկամն էր, մեր երկրի զարգացման բազմաթիվ նախաձեռնությունների հեղինակ. վարչապետը՝ Կաոլիի մասին

Կառավարության փաթեթը ոնց որ «ֆորդ բոյար»-ը լինի՝ 10 փուլ պետք է անցնես, որ հասնես բարիքի․ Էդմոն Մարուքյան

Իրավիճակի ամբողջ պատասխանատվությունը Բակո Սահակյանի եւ նրա նեղ շրջապատի վրա է. Հայկ Խանումյանը կատարեց իր ընտրությունը

Առողջապահության նախարարությունը համալրվելու է 100 շնչառական նոր սարքով, 60 հազար թեստերով

Սլովակիայի ամենահայտնի ֆուտբոլային թիմերից մեկը լուծարվում է. այնտեղ է խաղում Վահան Բիչախչյանը