Օնլայն ներկայացումներ՝ թատրոնների ֆեյսբուքյան էջերում․ #ՄնաՏանը եւ մշակույթին հաղորդակցվիր հեռվից

Երկրում հայտարարված արտակարգ դրության ֆոնին մի շարք մշակութային հաստատություններ հանդիսատեսի հոգեւոր եւ մշակութային քաղցը փորձում են հագեցնել օնլայն տարբերակով:

Թե որքանո՞վ է սա նրանց մոտ ստացվում կամ արդյո՞ք թատերասեր հայ հանդիսատեսին կարելի է գոհացնել քառակոսի փոքրիկ էկրանին ներկայացում հրամցնելով՝ այս պահին դժվար է ասել: Համենայն դեպս սկիզբը խոստումնալից է, արձագանքները դրական. մարդիկ նայում են տվյալ թատրոնի օնլյան ներկայացման մասին հայտարարությունը եւ մեկնաբանություններում նշում, թե ինչ այլ ներկայացում կուզենային տեսնել:

Այս պահին օնլայն տարբերակով հասանելի են մի քանի թատերական ներկայացումներ, օպերային կատարումներ եւ ներկայացումներ: Մի շարք թատրոններ իրենց ֆեյսբուքյան էջերին ներկայացման հղման հետ միասին տեղադրում են նաեւ փոքրիկ տեղեկատվական նախաբան՝ տվյալ գործի մասին:

Մեր նշած բոլոր մշակութային հաստատություններն օգտագործում են «#ՄնաՏանը» հեշթեգը: Մի կողմից էլ տպավորություն է, թե այս քայլով մի քանի թատրոններ մարտահրավեր են նետում նաեւ մյուսներին, քանի որ դեռեւս ոչ բոլորն են միացել մշակութային այս նախաձեռնությանը:

Երեւանի Հրաչյա Ղափլանյանի անվան  դրամատիկական թատրոնն օնլայն հարթակում ցուցադրելու է 9-ից 10 բեմադրություն, որոնք թատրոնի ընթացիկ խաղացանկում չկան: Այս մասին Ֆեյսբուքյան իր պաշտոնական էջում հայտնել է թատրոնի գեղարվեստական ղեկավար Արմեն Խանդիկյանը: Թատրոնն իր online ցուցադրությունները սկսել է մարտի 19-ից՝ «Ավտոբուս» ներկայացումով:

Խանդիկյանը նշել է, որ օնլայն տարբերակով հանդես կգան մինչեւ կորոնավիրուսի վտանգի վերացումը՝ համոզմունք հայտնելով, որ բոլորի ջանքերի շնորհիվ հանդիպումը կլինի շատ շուտով։ «Մենք ձեզ համար կցուցադրենք 9-10-ը տարբեր ներկայացումներ, որոնք մեր ընթացիկ խաղացանկում չկան: Սա մեր 50-ամյա պատմությունն է։ Ներողություն ենք խնդրում տեսանյութերի ոչ բարձր որակի համար։ Բարի դիտում եւ առողջություն բոլորիս»,- նշել է նա: 

Տեսանյությում՝ «Ավտոբուս» ներկայացումը

 լինկ

Ալեքսանդր Սպենդիարյանի անվան օպերայի եւ բալետի ազգային ակադեմիական թատրոնը մարտի 17-ից սկսել է ցուցադրել խաղացանկային ներկայացումների ու համերգների տեսաձայնագրություններ:

#ՄնաՏանը հեշթեգով թարոնի պաշտոնական էջին հերթով տեղադրվում են հղումներ: Առաջինը Կ. Խաչատրյանի «Չիպոլինո» բալետային ներկայացումն էր, որի հղումն այլեւս հասանելի չէ: Հանդիսատեսներից ոմանք մեկնաբանություններում հետաքրքրվել էին, թե ուր են հղումները, որին թարոնի աշխատակազմը հայտնել էր. «Ցուցադրությունը հասանելի է եղել մոտ 12 ժամ, այժմ՝ ոչ: Տեխնիկական խնդիրների պատճառով ոչ բոլոր ցանկացողները կարողացան դիտել բալետային ներկայացումը»: Օպերային թատրոնից խոստանում են այն կրկին ցուցադրել:

Այս պահին առկա ներկայացումների ցանկում է Ա. Սպենդիարյանի «Ալմաստ» օպերայի III գործողությունից՝ «Դավաճանություն» սիմֆոնիկ պատկերից «Հարբած զինվորների պարը»:

Իսկ մեկ այլ հղումով Տ․Չուխաջյանի «Արշակ Բ» օպերայից Կատարում է Հայաստանի օպերային թատրոնի մենակատար Հայկ Տիգրանյանը: Դիրիժոր՝ ՌԴ վաստակավոր արտիստ Կոնստանտին Օրբելյան, Հայաստանի օպերայի եւ բալետի թատրոնի սիմֆոնիկ նվագախումբ:

Իսկ այս հղումով՝ https://clck.ru/MaJC2 անցնելով կարող եք վայելել ՀՀ վաստակավոր արտիստ, մենակատար Մարինե Դեինյանի ելույթները: Կատարաումները Օդաբելլայի արիան Ջ. Վերդիի «Աթթիլա» օպերայից են: Դիրիժոր՝ Հարություն Արզումանյան:

Օպերային թատրոնի էջում «Թագակիրներն ընդդեմ թագավարակի: Արվեստը որպես լավագույն դեղամիջոց» գրառմանը կից տեղադրել է նաեւ Օպերային թատրոնի մի շարք արտիների լուսանկարներ:

Պատանի հանդիսատեսի թատրոնը նույնպես «Մնա տանը» նախաձեռնության շրջանակում առաջարկում է թատրոնի ներկայացումները դիտել օնլայն հարթակում: «Հարգելի հանդիսատես, տեղեկացնում ենք, որ «Փայտե մարդը» ներկայացումը նախապես տեսագրվել էր, այժմ այն հանձնվում է ձեր ուշադրությանը՝ ֆեյսբուքյան ուղիղ եթերով»,- գրված է նրանց էջում: Մարտի 21-ին Պատանի հանդիսատեսի թատրոնի ֆեյսբուքայն էջի ուղիղ եթերում  ժամը 20:00-ին կարող եք դիտել «Վերջին ուսուցիչը» ներկայացումը: 

Գ. Սունդուկյանի անվան ազգային ակադեմիական թատրոնը եւս մարտի 19-ին տեսագրություն է հրապարկել, որով հայտարարել էր, որ շուտով կսկսի իր լավագույն ներկայացումների տեսագրությունների առցանց ցուցադրությունը: Դեռեւս դրանք առկա չեն: 

Տպել
1023 դիտում

Իքս մարդը բարեգործություն է արել, որի գովազդային գինը կպանահջեր ավելի մեծ գումար․ Նիկոլ Փաշինյան

3 օր առաջ իմ աչքերով տեսել եմ ռազմաարդյունաբերական համալիրի մի նմուշ, որին մի քիչ հեշտ չէր հավատալ․ Նիկոլ Փաշինյան

Հայաստանյան գրանցումով ինքնաթիռներն Աֆրիկայում ներգրավված են եղել ապօրինի գործունեության, զենքի վաճառքի մեջ. վարչապետ

Օժանդակություն ստանալու համար կինը մարտի 30-ի դրությամբ պետք է լինի առնվազն 12, առավելագույնը 34 շաբաթական հղի

Բոլորը սկսել են հավատալ, որ իմբիրը կորոնավիրուսի պատվաստանյութ է, դրա համար էլ անվերահսկելիորեն թանկացել է․ վարչապետ

Դա ինձ համար կլինի բարոյական ավարտ. Փաշինյանը՝ նախկին իշխանություններին նմանվելու, նրանց թալանածը հետ բերելու մասին

Տիգրան Համասյանի «ոչՊաշտոնական» համերգը Լոս Անջելեսից. Կառավարության ուղիղ եթերում

Ճամբարակում այս տարի կրկնակի կավելանա գարնանացանը

Տնտեսական փլուզումները բացելու են հնարավորություններ․ Նիկոլ Փաշինյան

Ապրիլյանի հանձնաժողով են հրավիրվել Յուրի Խաչատուրովն ու Սերժ Սարգսյանը. դա կլինի աշխատանքների կուլմինացիան

Ես չեմ ասում՝ Արցախի ընտրությունները կատարյալ են եղել. Փաշինյանը պատասխանեց հարցին՝ ինչո՞ւ է աչք փակում կեղծիքների վրա

Աննախադեպ իրավիճակը թելադրեց շտապ լուծումներ գտնել. դատավորը՝ էլեկտրոնային դատավարության մասին

Գործատուի կողմից տրամադրվող տեղեկանքը ենթարկվել է որոշակի փոփոխությունների. պարետի որոշումը

Արցախում ՀՀ-ից ժամանած երկու քաղաքացիներ են մեկուսացվել. նրանց թեստերի պատասխանները կստացվեն վաղը

Մոտ 550 հազար դոլարի ներդրում ենք արել՝ Հայաստանում թեստերի տեղական արտադրություն ունենալու համար․ ՀՀ վարչապետ

Մասնագիտական պատրաստության պարապմունք է անցկացվել 3-րդ զորամիավորումում. ՊՆ

Կրակոցներ Երևանում. մոտ 40 տարեկան տղամարդը հրազենային վնասվածքներով հիվանդանոցում է

Եթե պարգեւավճարներն ուղղվեին թոշակների բարձրացմանը՝ դրանք կբարձրանային 165 դրամով. վարչապետը հաշվարկ ներկայացրեց

Եթե բոլորին տանք օգնություն, կնշանակի, որ ռեսուրսը օգտագործում ենք նաեւ նրանց համար, որոնք դրա կարիքը չունեն․ վարչապետ

Արմավիրում գյուղատնտեսական աշխատանքներն ակտիվորեն շարունակվում են