Կան դիտորդներ, որ կորոնավիրուսի պատճառով «հուշտ են լինում», բայց ունենք մեծ ռեզերվ. Արցախի ընտրություններին մնաց 6 օր

Թեեւ մինչ օրս Արցախում կորոնավիրուսով հիվանդացության որեւէ հաստատված դեպք չկա, սակայն առաջիկա համապետական ընտրությունների մասնակիցներից ոմանք շարունակում են սպասվող նախագահական եւ խորհրդարանական ընտրությունները հետաձգելու կոչերով հանդես գալ: Նախօրեին մասնավորապես այդպիսի կոչով հանդես եկավ նախագահի թեկնածուներից Քրիստին Բալայանը: Նա, ինչպես նաեւ մարտի 31-ին սպասվող ընտրությունները հետաձգելու կոչ անող այլ թեկնածուներ մտավախություն ունեն նախեւառաջ քարոզարշավի սահմանափակումների մասով: Ինչպես հայտնի է, Արցախում շուրջ մեկ շաբաթ է՝ թեկնածուները հրաժարվել են փակ տարածքներում հանդիպումներ անցկացնելու մարտավարությունից եւ նախընտրական հավաքներն անցկացնում են միայն բաց վայրերում:

Երեկ էլ Արցախի նախագահի թեկնածուներից Արայիկ Հարությունյանը հայտարարեց, թե հաշվի առնելով օրըստօրե վարակի ներթափանցման ու տարածման վտանգը՝ որոշել են մարտի 25-ին եզրափակել հանդիպումները նաեւ բաց տարածքներում:

Մյուս պատճառը, որի համար, ըստ թեկնածուների, պետք է հետաձգել ընտրությունները, դիտորդական առաքելությունն է: Ոմանք մտավախություն ունեն, որ կորոնավիրուսի տարածմամբ պայմանավորված՝ երեւանյան դիտորդները չեն կարողանա վերահսկել Արցախի ընտրական պրեցեսը, ինչը լուրջ վտանգի տակ կդնի դրանց արդարությունը: Մենք զրուցեցինք Արցախում դիտորդական առաքելություն իրականացնող հասարակական կազմակերպություններից «Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանի հետ:

- Պարո՛ն Իոաննիսյան, Արցախի նախագահի որոշ թեկնածուներ առաջարկում են հետաձգել ընտրությունները: Հիմնական մտավախությունն այն է, որ դիտորդները չեն կարողանա այդ օրը տեղամասերում հսկողություն իրականացնել: Ձեր կազմակերպությունը դիտորդություն իրականացնող կազմակերպություններից է, նման խնդիր տեսնո՞ւմ եք:

- Մենք մեր դիտորդությունը նախատեսում ենք իրականացնել նախատեսված ծավալով, նույնիսկ նախատեսված ծավալից մի քիչ ավելի շատ: Մեր դիտորդները բոլորը Հայաստանից են, բոլորի համաճարակաբանական շփումները պարզելու ենք, այսինքն՝ այն դիտորդները, որոնք շփվել են նման ախտանիշներով հիվանդ մարդկանց հետ, էդ դիտորդներին չենք ներգրավի: Դեռ Հայաստանից շարժվելուց առաջ իրականացնելու ենք ջերմաչափում, բազմաթիվ այլ կանխարգելիչ միջոցառումներ, բայց մեր դիտորդները գնալու են, տեղամասերում վերահսկելու են ընտրությունները:

- Քանի՞ դիտորդ է նախատեսված, եւ արդյոք այս պահին կա՞ն դիտորդներ, որոնք վատառողջ են, կամ նրանց չեք ներգրավելու:

- Այո՛, կան դիտորդներ, որոնք կորոնավիրուսի տարածման պատճառով «հուշտ են լինում», չեն գալիս, բայց մենք ունենք շատ մեծ ռեզերվ, որ կարողանանք լրացնել դիտորդների թիվը: Կառավարության դրամաշնորհային ծրագրով նախատեսում ենք նվազագույնը 140 դիտորդ ունենալ տեղամասերում:

- Դա բավարա՞ր է բոլոր տեղամասերը վերահսկելու համար:

- Արցախում կա 281 ընտրական տեղամաս, եւ եւս մեկը Երեւանում՝ Արցախի ներկայացուցչությունում, բայց տեղամասերի զգալի մասը շատ փոքր է, մեծ տեղամասերում առավոտից երեկո լինելու են դիտորդեներ, իսկ առավել փոքր տեղմասերում շրջիկ խմբեր են գործելու:

- Իսկ ինչպե՞ս է իրականացվելու տեղամասերից դուրս վերահսկողությունը: Հիմա էլ ահազանգեր են հնչում, որ քաղաքական առումով լարվածություն կա Արցախում: Դուք որեւէ խախտում արձանագրե՞լ եք:

- Այո՛, մենք արձանագրել ենք որոշակի խախտումներ, հանցագործության մասին 3 հաղորդում ենք ներկայացրել Արցախի դատախազություն, խնդրահարույց երեւույթներ տեսել ենք: Օրինակ՝ Մարտունու դեպքը, երբ Մարտունու քաղաքապետը մի խումբ համակիրների հետ միասին փակել էին կուսակցություններից մեկի մուտքը Մարտունի, նույնիսկ հրապարակային կարծեմ ընդունել էին, որ, այո՛, այդ կուսակցությունը գալիս էր Մարտունի՝ քարոզչություն անելու, բայց իրենք չեն թողել: Այդ դեպքն էր մեզ համար մտահոգիչ, մտահոգիչ է, որ ոստիկանությունն առ այսօր գործ չի հարուցել, նյութեր են նախապատրաստում, թեեւ հանցակազմ ակնհայտ կա:

Բարեգործության հետ կապված խնդրահարույց երեւույթներ կան, բայց ընդհանուր առմամբ գոնե այս պահին տեղի ունեցող պրոցեսներով կարող ենք դատողություն անել, որ բոլոր թերություններով հանդերձ՝ պրոցեսն ավելի լավն է, քան նախկինում: Նախկինում մենք դիտորդություն չենք արել՝ համապետական ընտրությունների ժամանակ, բայց զրույցներ ունեցել ենք, եւ բոլորը ասում են, որ պրոցեսը տարբերվում է: Այսպիսի մրցակցային ընտրություն մենք նաեւ Հայաստանում շատ չենք տեսել. Հայաստանում համարյա միշտ բոլորս գիտենք, թե ով է հաղթելու: Նույնիսկ 2018 թվականի ընտրություններում շատ կանխատեսելի էր, չէ՞, որ «Իմ քայլն» է հաղթելու: Ընտրությունները, իհարկե, չկեղծվեցին, շատ լավ անցան, բայց բոլորն էլ գիտեին, թե ով է հաղթելու: Իսկ Արցախում մրցակցությունն այնքան մեծ է, որ տրիվիալ (միանշանակ) չի, թե ով է հաղթելու:

- Թեկնածուներից ոմանք հայտարարում են, որ հայաստանյան նախկին իշխանությունները սատարում են այս կամ այն թեկնածուին: Խոսվեց նաեւ արցախյան կուսակցություններից մեկի կողմից Հայաստանում բացված շտաբի մասին: Ձեզ դիմո՞ւմ են նման խնդիրներով:

- Այո՛, կան նման տեղեկություններ, կան թեկնածուներ, որոնց տարբեր տեսակի աջակցություններ ցույց են տալիս հայաստանյան որոշ ուժեր: Բայց պետք է ասեմ, որ դա ընտրական օրենսդրության խախտում չէ, եւ ոչ մի իրավական խնդիր չկա նրա մեջ, որ հայաստանյան նախկին իշխանության շատ ներկայացուցիչներ սատարում են Արցախում կոնկրետ մի թեկնածուի: Քաղաքական առումով խնդիր է, թե ոչ, ես զերծ կմնամ գնահատական տալուց: Ինչ վերաբերում է Երեւանում Վիտալի Բալասանյանի շտաբի բացմանը, այս առումով Կուսակցությունների մասին օրենքն արգելում է Հայաստանում օտարերկրյա կուսակցությունների գործունեությունը, իսկ Արցախի օրենսնդրության մասով այդքան էլ հստակ չի արգելքը. մի քիչ սուր իրավիճակ է, երեւի դրա համար էլ ոչ ոք օրենսդրությունում էդ իրավիճակը չի էլ կանխատեսել, որ թույլատրի, կամ արգելի:

- Պարո՛ն Իոաննիսյան, կրկին վերադառնալով կորոնավիրուսի հետեւանքով ստեղծված իրավիճակին՝ Արցախի ԿԸՀ-ն հայտարարում է, որ միջոցներ են ձեռնարկում տեղամասերում վիրուսի հետ կապված: Այս ամենը կերաշխավորի՞ դրանց անվտանգ անցկացումը:

- Բավականին շատ եւ լուրջ կանխարգելիչ միջոցառումներ Արցախի իշխանություններն իրականացնում են, հիմնականում դա պետնախարարն է համակարգում: Կառավարություն, ԿԸՀ, Ստեփանակերտի քաղաքապետարան. գոնե ինձ հայտնի այս երեք օղակներն աշխատում են մինիմալի հասցնել կորոնավիրուսի տարածման վտանգն ընտրությունների օրը:

Ի դեպ, արդեն սկսվել է ընտրությունների քվեաթերթիկների տպագրությունը: Նախագահական ընտրությունների քվեաթերթիկները լինելու են վարդագույն՝ ներառելով 14 թեկնածուների անունները, իսկ խորհրդարանական ընտրությունների քվեաթերթիկը լինելու է սպիտակ՝ ներառելով 10 կուսակցությունների, 2 դաշինքների, ինչպես նաեւ դրանցից յուրաքանչյուրի ցուցակից երեքական թեկնածուների անուններ: Արցախի ԿԸՀ նախագահը հայտարարել է, որ հանձնաժողովների անդամներն ու նախագահները, ինչպես նաեւ ընտրողները կստանան անհատական ձեռնոցներ եւ դիմակներ, տեղամասերն ապահովված կլինեն ախտահանիչ նյութերով: Բացի այդ, յուրաքանչյուր ընտրողի կտրվի անհատական գրիչ՝ քվեարկությունից հետո գրիչը չօգտագործելու պայմանով:

Տպել
2054 դիտում

3 տարեկան Մարիամը հաղթահարել է COVID ասոցացված կավասակիանման հիվանդությունը

Ազգային ժողովի ինքնալուծարման ճանապարհ ստեղծելու հարցում «Իմ քայլին» եւս 5 ձայն է պետք. Բաբաջանյանը կաջակցի, եթե ...

Ազգային ժողովը սկսում է թվային խորհրդարանի ստեղծման աշխատանքները

Սուրբ Գրիգոր Լուսավորիչ բուժկենտրոնի վերակենդանացման նոր բաժանմունքն արդեն գործում է

Կայացել է «Բնակչության պաշտպանության ուժեղացումը Հայաստանում» ԵՄ Թվինինգ ծրագրի համատեղ կոորդինացիոն հանդիպումը

Հանդիպել են Սերգեյ Կոպիրկինն ու ԲՀԿ առաջնորդ Գագիկ Ծառուկյանը

Զարիֆը վաղը կհանդիպի ՀՀ ղեկավարության հետ. ինչ է քննարկվել ավելի վաղ Բաքվում ու այսօր Մոսկվայում

Ակնկալում ենք, որ ԱԹՍ-ների տեղական արտադրություն կստեղծվի եւ տարեկան 1700-ից ավելի մասնագետ կունենանք․ Քասսարջյան

Այս տարի սիրո բարեխոս Սուրբ Սարգսի տոնը կնշվի հունվարի 30-ին

Կառավարությունն առաջարկում է Ազգային ժողովի արտահերթ նիստ հրավիրել

Արմեն Ղուլարյանը կնշանակվի քաղաքաշինության կոմիտեի նախագահ

ՀՀ տարածքում կան փակ և դժվարանցանելի ավտոճանապարհներ

Հրազդանի բնակիչը զենք-զինամթերքը է կամավոր հանձնել. նշանակվել են փորձաքննություններ (տեսանյութ)

Մեկնարկել են 2021 թվականի գյուղատնտեսական տարվա համար ապահովագրական պայմանագրերի կնքման աշխատանքները

ԱԱՏՄ աշխատակիցների հանդիպել են Կենտրոն և Դավթաշեն վարչական շրջանների մանկապարտեզների ու դպրոցների պատասխանատուների հետ

ԱՄՆ իրավապահների պատվիրակությունն այցելել է ՀՀ ոստիկանություն

Շուշիի պետական թատրոնի տնօրենն ու պրոդյուսերը աշխատանքի են անցել Գյումրու տիկնիկային թատրոնում

Ռազմիկ Գրիգորյանը նշանակվել է Հայաստանի Մ19 հավաքականի գլխավոր մարզիչ

Հայաստանի հավաքականի նախկին ֆուտբոլիստը կարող է դատի տալ ռուսաստանցի ֆուտբոլային գործչին

Վարդենյաց լեռնանցքը կցորդիչով տրանսպորտային միջոցների համար դժվարանցանելի է

Մհեր Գրիգորյանը Բելառուսի դեսպանի հետ քննարկել է երկկողմ հարաբերությունների խորացմանն առնչվող հարցեր

Շիրակի ոստիկաններն առանձնապես խոշոր չափի մարիխուանա են հայտնաբերել(տեսանյութ)

Ծովինար Սողոմոնյանը նշանակվել է վարչապետի աշխատակազմի ղեկավարի առաջին տեղակալ

Սեղմ ժամկետում պետք է փաստաթղթերը ներկայացնել Զինծառայողների ապահովագրության հիմնադրամ. ԱՀ ՊՆ

Հավաք-պարապմունք է անցկացվել 5-րդ զորամիավորումում

Օկուպացիայի տակ հայտնված տարածքներում հայկական մշակութային ժառանգության ամբողջական ոչնչացման իրական սպառնալիք կա. ԱՀ ԱԳՆ

Կառավարություն ներխուժած անձինք հափշտակել են նաև վարչապետի դիվանագիտական անձնագիրը. այն չեղարկվել է. «Արմենպրես»

Վարչապետ Նիկոլ Փաշինյանն ընդունել է «իԳործ» ծրագրի մասնակիցներին (լուսանկարներ)

Մանե Գեւորգյանը պատրաստվում է բողոքարկել Գագիկ Խաչատրյանի եւ նրա որդիների գործով դատարանի վճիռը

Իրանի հետ քննարկվում է Հյուսիս-հարավ միջազգային տրանսպորտային միջանցքի ձևավորման գործընթացը. ԱԳՆ

Բանակում գտնվող ուսանող զինծառայողները, եթե մասնակցել են մարտական գործողություններին, աջակցության ծրագրի շահառու են

Անպտղության բուժման արդյունքում լույս աշխարհ է եկել 49 երեխա․ ԱՆ

Վաղարշակ Հարությունյանը կարևորել է հայ-ռուսական ռազմական համագործակցության խորացման անհրաժեշտությունը (լուսանկարներ)

Արմեն Սարգսյանը շնորհավորել է Մարսելո Ռեբելո Դե Սոուսային՝ Պորտուգալիայի նախագահի պաշտոնում վերընտրվելու առթիվ

Երևանի շենքերից մեկի վրա նոր շինություն է խոյացել․ թաղապետարանը ապամոնտաժելու մասին հայտնեց, բայց լուսամուտ էլ հայտնվեց

Քանի դեռ քրեական գործը չի հանգուցալուծվել, մենք չենք կարող որեւէ դիտարկում անել․ նախարարը՝ Ամուլսարի խնդրի մասին

Արցախին հումանիտար օգնության որոշակի հատված կտրամադրվի Ռուս-հայկական մարդասիրական արձագանքման կենտրոնի միջոցով

Հրետանավորներն գործնական պարապմունք են անցկացրել

Խոսրովի արգելոցում մի քանի երթուղիներով արշավային տուրիզմի ծրագրեր են մշակվել․ նախարար

Բուհերում առկա դասապրոցեսը կվերսկսվի․ Տնտեսագիտականում մագիստրատուրայի ուսանողները դասի կհաճախեն երեկոյան ժամը 6-ից հետո