Ռեսուրսները պետք է օգտագործել այնպես, որ մաքսիմալ երկար դիմակայենք, քանի որ սա կարող է երկար տեւել․ Ալեն Սիմոնյան

Հիմա շատ հեշտ է տարբեր բաներ առաջարկել, որ ամեն անկյունում մարդ կանգնի եւ բոլոր անցնողներին գումար բաժանի, որ ոչ ոք որեւէ բան չվճարի, որեւէ մեկը կոմունալ վճար չանի։ Այս մասին այսօր ԱԺ-ում լրագրողների հետ զրույցի ժամանակ ասաց ԱԺ փոխխոսնակ Ալեն Սիմոնյանը։ Նա շեշտեց, որ ինչ հնարավոր է, կառավարությունն անելու է առանց Էդմոն Մարուքյանի առաջարկի, առանց որեւէ մեկ այլ առաջարկի, անում է, արել է եւ շարունակելու է անել։

«Հիմա այնպիսի իրավիճակ է, երբ շատ սահմանափակումներ են մտցնում, ասում են՝ բա, հիմա տնտեսությունը, այս հարցը, այն հարցը, քիչ սահմանափակում են մտնցում, ասում են՝ հեսա մարդիկ կմեռնեն, հեսա այս կլինի, այն կլինի։ Եզրը շատ բարակ է, եւ իշխանությունը գործում է՝ ըստ իրավիճակի հրամայականի»,- ասաց Սիմոնյանը՝ վստահեցնելով, որ Հայաստանը համաշխարհային այս իրավիճակում գտնվում է ամենալավ տեղում եւ ամենաքիչ տուժած երկրներից է։

Նրա կարծիքով՝ աշխարհի տնտեսությունն ամենայն հավանականությամբ փլվելու է, եւ հնարավոր է, որ ունենանք իրավիճակ, որը շատ ավելի վատ կլինի, քան 200 թվականին։

«Պետք է անենք ամեն ինչ, որ մաքսիմալ մեղմացնենք հարվածը բոլորի համար։ Պետությունը հիմա ունի այդքան ներուժ, քանի որ վերջին 2 տարվա ընթացքում պաշտոնյաները բյուջեից գումար չեն գողացել, բյուջեն գերակատարվել է, ավելի շատ ՀԴՄ կտրոն է տպվել, հարկ է մուծվել»,- նկատեց ԱԺ փոխխոսնակը։

Անդրադառնալով Էդմոն Մարուքյանի այն հայտարարությանը, թե իր հնչեցրած բոլոր առաջարկներին իշխանությունները ձեռք էին առնում՝ Սիմոնյանն ասաց՝ չի տեսել, որ իր գործընկերները ձեռք առնեն։ «Քաղաքացիների կողմից եթե պարոն Մարուքյանն արժանացել է ձեռք առնոցիի, միգուցե ամպագոռգոռ եւ դեմագոգիկ հայտարարություններ անելուց առաջ մտածի։ Անընդհատ ասել, որ եկեք սենց անենք, նենց անենք՝ չունենալով ոչ մի պատասխանատվության զգացում, որեւէ տեղեկատվություն, դրա հետեւանքն է, որ ձեռք են առնում»,- ասաց Սիմոնյանը։

Նա շեշտեց, որ իրեն հետաքրքիր չէ, թե ինչ է ասում Էդմոն Մարուքյանը, մյուս ընդդիմախոսը,  որովհետեւ կա փաստ, որ Հայաստանում չկան սննդի դատարկ խանութներ, որ ամբողջ ինֆորմացիան տրամադրվում է, որ մաքսիմալ վերահսկվում է, չկան շատ ծայրահեղ դեպքեր։

«Մենք մեր ռեսուրսները պետք է օգտագործենք այնպես, որ կարողանանք մաքսիմալ երկար դիմակայել, քանի որ այս ամենը կարող է երկար տեւել»,- եզրափակեց Սիմոնյանը։

Տպել
402 դիտում

Իքս մարդը բարեգործություն է արել, որի գովազդային գինը կպանահջեր ավելի մեծ գումար․ Նիկոլ Փաշինյան

3 օր առաջ իմ աչքերով տեսել եմ ռազմաարդյունաբերական համալիրի մի նմուշ, որին մի քիչ հեշտ չէր հավատալ․ Նիկոլ Փաշինյան

Հայաստանյան գրանցումով ինքնաթիռներն Աֆրիկայում ներգրավված են եղել ապօրինի գործունեության, զենքի վաճառքի մեջ. վարչապետ

Օժանդակություն ստանալու համար կինը մարտի 30-ի դրությամբ պետք է լինի առնվազն 12, առավելագույնը 34 շաբաթական հղի

Բոլորը սկսել են հավատալ, որ իմբիրը կորոնավիրուսի պատվաստանյութ է, դրա համար էլ անվերահսկելիորեն թանկացել է․ վարչապետ

Դա ինձ համար կլինի բարոյական ավարտ. Փաշինյանը՝ նախկին իշխանություններին նմանվելու, նրանց թալանածը հետ բերելու մասին

Տիգրան Համասյանի «ոչՊաշտոնական» համերգը Լոս Անջելեսից. Կառավարության ուղիղ եթերում

Ճամբարակում այս տարի կրկնակի կավելանա գարնանացանը

Տնտեսական փլուզումները բացելու են հնարավորություններ․ Նիկոլ Փաշինյան

Ապրիլյանի հանձնաժողով են հրավիրվել Յուրի Խաչատուրովն ու Սերժ Սարգսյանը. դա կլինի աշխատանքների կուլմինացիան

Ես չեմ ասում՝ Արցախի ընտրությունները կատարյալ են եղել. Փաշինյանը պատասխանեց հարցին՝ ինչո՞ւ է աչք փակում կեղծիքների վրա

Աննախադեպ իրավիճակը թելադրեց շտապ լուծումներ գտնել. դատավորը՝ էլեկտրոնային դատավարության մասին

Գործատուի կողմից տրամադրվող տեղեկանքը ենթարկվել է որոշակի փոփոխությունների. պարետի որոշումը

Արցախում ՀՀ-ից ժամանած երկու քաղաքացիներ են մեկուսացվել. նրանց թեստերի պատասխանները կստացվեն վաղը

Մոտ 550 հազար դոլարի ներդրում ենք արել՝ Հայաստանում թեստերի տեղական արտադրություն ունենալու համար․ ՀՀ վարչապետ

Մասնագիտական պատրաստության պարապմունք է անցկացվել 3-րդ զորամիավորումում. ՊՆ

Կրակոցներ Երևանում. մոտ 40 տարեկան տղամարդը հրազենային վնասվածքներով հիվանդանոցում է

Եթե պարգեւավճարներն ուղղվեին թոշակների բարձրացմանը՝ դրանք կբարձրանային 165 դրամով. վարչապետը հաշվարկ ներկայացրեց

Եթե բոլորին տանք օգնություն, կնշանակի, որ ռեսուրսը օգտագործում ենք նաեւ նրանց համար, որոնք դրա կարիքը չունեն․ վարչապետ

Արմավիրում գյուղատնտեսական աշխատանքներն ակտիվորեն շարունակվում են