ԱՄՆ-ում սովորող մի խումբ հայ ուսանողներ բաց նամակ են հղել ՀՀ կառավարությանը. դեսպանատունն արձագանքել է

30/03/2020 schedule11:45

ԱՄՆ-ում սովորող մի խումբ ուսանողներ բաց նամակով դիմել են ՀՀ կառավարությանը: Ստորև ներկայացնում ենք նամակն ամբողջությամբ՝

8 պատճառ՝ ինչու ենք մենք ուզում վերադառնալ Հայաստան և ինչու հենց հիմա.

  1. Մենք բոլորս ապրում ենք ԱՄՆ-ում՝ աշխարհի ամենաթանկ բուժօգնություն ունեցող երկրում: Մեզնից շատերը չեն կարող թույլ տալ պատշաճ ապահովագրություն, որը թույլ կտա հարկավոր բուժօգնություն ձեռք բերել,
  2. ԱՄՆ-ը 3 օր առաջ դարձավ աշխարում COVID-19 ամենաշատ գրանցված դեպքեր ունեցող երկիրը,
  3. Շատերիս համալսարանները փակվելու մասին հայտարարեցին 3-4 օր առաջ, հետևաբար մենք չգիտեինք՝ ինչպես վարվել,
  4. Շատերիս համալսարանները աստիճանաբար մեզ զրկում են սնուցարար ուտեստներից, ուտելիք ձեռք բերելու տարբերակներից և ստիպում են սննդի պակաս ունեցող մթերային խանութներից պատվերներով ապրել, երբ շատերը կա՛մ չեն մատակարարում, կա՛մ սնունդ չունեն մատակարարելու,
  5. Համալսարանները ստիպում են մեզ հասարակական ճաշարաններում սնվել, որտեղ բոլորս վարակի մեծ վտանգի տակ ենք,
  6. Համալսարանում մնացած բոլոր ուսանողներին տեղափոխում են մեկ ընդհանուր հանրակացարան՝ հաշվի չառնելով ուսանողների նախնական առողջական դրությունը, ստիպելով բոլորին օգտվել նույն հասարակական պետքարաններից և սանհանգույցներից՝ կրկին մեծացնելով վարակի վտանգը,
  7. Շատերիս եկամուտը և ֆինանսական օգնությունը կախված էր մեր՝ կապուսում կատարված աշխատանքից: Քանի որ աշխատատեղերը փակվել են, չունենք մեզ ապահովելու դրամական միջոցներ,
  8. Այս մտահոգ իրավիճակը մեզ վրա ունի նաև լուրջ հոգեբանական ազդեցություններ: Լինելով հեռու ընտանիքից և հարազատներից, անդադար անհանգստությունների և սթրեսի մեջ գտնվելով միմյանց առողջության և ապահովության մասին՝ նաև մեր ընտանիքներին ենք պահում անդադար լարվածության մեջ: Այս ուժեղ սթրեսային իրավիճակն ազդում է նաև մեր ֆիզիկական առողջության վրա՝ կրկին թուլացնելով իմուն համակարգը, և այն դարցնելով է՛լ ավելի խոցելի թագավարակին:

Մենք հասկանում ենք, որ բարդ և կրիզիսային իրավիճակում են գտնվում բոլորը, և որ կան մարդիկ, որոնք շատ ավելի կրիտիկական իրավիճակում են գտնվում: Մենք չենք ուզում ֆինանսական նեղություն պատճառել մեր երկրին՝ հասկանալով, որ կան ավելի շտապ ծախսեր, հետևաբար մենք պատրաստ ենք կրել ճանապարհորդելու բոլոր ծախսերը և կառավարությունից խնդրում և ակնկալում ենք միմիայն դիպլոմատական և կազմակերպչական աջակցություն: Նաև հասկանում ենք ռիսկերը մեզ հետ վիրուսը Հայաստան բերելու և պատրաստ ենք ինքնամեկուսացվել սահմանված 14 օր ժամկետով՝ մինչև անվտանգ կլինենք՝ մեր ընտանիքներին միանալու։ 

Հեղինակներ՝
Տաթև Գեւրոգյան (Tatev Gevorkyan)
Ելիզա Մելքոնյան (Eliza Melkonyan)
Սեդա Բագիրյան (Seda Bagiryan)

Նամակի հեղինակներից մեկը նաեւ ֆեյսբուքյան գրառում է կատարել՝ նշելով, որ նամակին ի պատասխան՝ Հայաստանի դեսպանատունն իրենց տարբերակ է տվել Մինսկով ամսի 4-ին վերադառնալ Հայաստան: Տվյալ պահին այս տարբերակը հնարավոր և նպատակահարմար է միայն 6-ի համար:

«Կա վախ ռեյսերի չեղարակման դեպքում օդանավակայաններում անորոշ ժամանակով մնալուց: Որոշներս՝ մասամբ ես, ում տվյալ պահի իրադրությունը առավել անբարենպաստ է, համաձայն ենք այդ ռիսկին դիմելու: Դեսպանատան ներկայացուցիչները վստահեցրին, որ բոլոր կետերում ունեն Հայաստանի դեսպանատան ներկայացուցիչներ, որոնք կկարողանան մեզ օգնել, եթե հարկավոր լինի: Կոնկրետ ինձ և իմ համալսարանի ուսանողների հետ հյուպատոսը գտնվում է մշտական կապի մեջ, ինչի համար շնորհակալ ենք:

Տոմսեր գնողներս գիտակցում ենք իրավիճակի լրջությունը եւ նույնիսկ վստահ չլինելով արդյոք կհաջողվի հասնել Հայաստան՝ արդեն պայմանավորվածություններ ունենք մեզ 14 օրով ինքնամեկուսացնելու նպատակով: Հավաստի եղեք, որ ո՛չ մեր երկրի ժողովրդին և հատկապես մեր ընտանիքներին վտանգի տակ դնելու միտում չունենք, քանզի հասկանում ենք իրավիճակի ծայրահեղ լրջությունը:

Շնորհակալ եմ բոլորից, ով օգնության ձեռք մեկնեց և արձագանքեց»,- գրել է Տաթեւ Գեւորգյանը:

Տպել
682 դիտում

Քաղաքացիների ուղարկած խախտումների լուսանկարներն ու տեսանյութերը վարչապետը հրապարակել է ֆեյսբուքյան իր էջում

Կապանի գործով տուժողի նկատմամբ անվտանգության միջոց է կիրառվել. պաշտպանական կողմը աննախադեպ է որակում

Բժիշկները պայքարում են արդեն 50 օր թոքերի արհեստական օդափոխության սարքով շնչող պացիենտի կյանքի համար. Գևորգ Սիմոնյան

Եվրամիությունն այնքան էլ ուրախ չէ G7-ի կազմում Ռուսաստանին հետ կանչելու Թրամփի առաջարկով

Պարետի որոշմամբ ՀՀ-ում կարգելվեն շղթայական ռեակցիայի (ՊՇՌ) մեթոդով լաբորատոր հետազոտությունները

Դժգոհ չենք լինի, եթե այս տարի ՀՀ-ում ներքին զբոսաշրջության 150 տոկոս աճ ունենանք, 2019-ին 41 տոկոս ունեինք. վարչապետ

Խնդրում եմ հակահամաճարակային կանոնների խախտման դեպքերը նկարահանեք եւ ուղարկեք իմ ֆեյսբուքյան էջին. վարչապետ

Վանաձորի «Գլորիա» ֆաբրիկան պարետի որոշմամբ վաղը առավոտից կփակվի 72 ժամով. վարչապետ

Այրվել են Թումանյան եւ Նալբանդյան խաչմերուկում տեղադրված 4 աղբամանները. հրդեհողները 26-ամյա տղա ու 23-ամյա աղջիկ են

Երկրում դե յուրե շատ խիստ ռեժիմ է սահմանված այսօր, խնդիրը դե ֆակտոյի մեջ է. վարչապետ

Վանաձորի «Գլորիա» ֆաբրիկայի աշխատողները տեղափոխվում են գերբեռնված ավտոբուսով. վարչապետը լուսանկար է հրապարակել

Sputnik-ի պրոդյուսերից բացի, ԱՄՆ-ում տուժել են այլ ԶԼՄ-ների աշխատակիցներ. նահանգապետը ներողություն է խնդրել (տեսանյութ)

Դեպի ԵՄ երկրներ թռիչքների արգելքը չի վերաբերում միջազգային ավիաընկերություններին. քաղավիացիայի կոմիտեի արձագանքը

Իրավապահների վրա առանձնակի պատասխանատվություն է դրված. սահմանված կանոնների խախտումներին կլինի կոշտ ու չոր վերաբերմունք

Հայկական ավիացիայի մուտքը Եվրոպական Միության օդային տարածք արգելվեց. Հայաստանն այդպիսի 16 երկրներից մեկն է

Արարատ Միրզոյանը եւ իր ընտանիքի անդամները կորոնավիրուսի թեստ են հանձնել, պատասխանները բացասական են

Ուժեղացված վերահսկողություն է իրականացվել Մալաթիա-Սեբաստիա վարչական շրջանի նախադպրոցական ուսումնական հաստատություններում

Մարտի համեմատությամբ կորոնավիրուսային հիվանդության դեպքերն ապրիլին աճել են 3, մայիսին՝ 13 անգամ. ՀՎԿԱԿ տնօրեն

12 մարզադաշտերը, որոնք 10 օրից պետք է սկսեին ընդունել Եվրո 2020-ի խաղերը, եթե չլիներ կորոնավիրուսը

Կայացվել է 1393 կազմակերպության գործունեության դադարեցման որոշում