Վաղվա ընտրությունը կազմակերպում ենք ոչ ստանդարտ պայմաններում. համոզված եմ՝ գիտակցում եք պահի լրջությունը. ԱՀ ԿԸՀ նախագահ

Արցախի ԿԸՀ նախագահ Սրբուհի Արզումանյանի՝ այսօր նախատեսված մամուլի ասուլիսը կորոնավիրուսի տարածման վտանգի պատճառով տեղի ունեցավ ոչ թե լրագրողների ու դիտորդների մասնակցությամբ, այլ առցանց:

«Արցախի ընտրական պատմության մեջ առաջին անգամ Ազգային ժողովի եւ նախագահական ընտրությունները կանցկացվեն համաժամանակյա»: Վաղը կայանալիք համապետական ընտրությունների նախօրեին անցկացվող ասուլիսի մեկնարկին այս մասին հայտարարեց Արզումանյանը: Ըստ նրա՝ առաջին անգամն է նաեւ, որ Ազգային ժողովի ընտրությունները կանցկացվեն միայն համամասնական ընտրակարգով: Սա նախատեսված է 2017 թվականի փետրվարի 20-ին ընդունված նոր Սահմանադրությամբ:

Արզումանյանն ընդգծեց նաեւ, որ 29 տարվա անկախ պետության համար վաղվա համապետական ընտրությունները 15-րդն են:

Խոսելով ընտրությունների նկատմամբ դիտորդների եւ ԶԼՄ-ների ուշադրության մասին՝ ԿԸՀ նախագահը ներկայացրեց անկախությունից ի վեր այդ առումով գրանցված դինամիկան: Մասնավորապես, ըստ Արզումանյանի, եթե 1991 թվականի հանրաքվեն դիտարկել են 40 դիտորդներ, ապա 2019-ին տեղի ունեցած վերջին ՏԻՄ ընտրությունները դիտարկել են 324 դիտորդներ:

«Այսօր պատկերը շատ ավելի ընդգրկուն է. վաղը կայանալիք ընտրությունները դիտարկելու համար ԿԸՀ-ում հավատարմագրվել է 963 դիտորդ, 231 ԶԼՄ ներկայացուցիչ»,- հայտարարեց Արզումանյանը՝ միեւնույն ժամանակ հավելելով, որ կորոնավիրուսի տարածման վտանգով պայմանավորված՝ 38 դիտորդներ եւ 40 ԶԼՄ-ների ներկայացուցիչներ հնարավորություն չունեն ներկա գտնվելու այս ընտրություններին:

Շնորհակալություն հայտնելով հրավերն ընդունած եւ Արցախ ժամանած դիտորդներին ու լրագրողներին՝ Արցախի ԿԸՀ նախագահը վստահեցրեց, որ նրանք էլ բավարար են՝ ընտրությունների լեգիտիմությունը ապահովելու համար: Մասնավորապես, ըստ Արզումանյանի, հաշվի առնելով, որ, Արցախում կազմավորվել է 280 ընտրական տեղամաս, ապա կարելի է ասել, որ յուրաքանչյուր տեղամասում գոնե 3 դիտորդ կարող է լինել: Եթե սրան էլ գումարում ենք լրագրողներին, ապա ստացվում է, որ ցանկության դեպքում բոլոր տեղամասերը եւ տեղամասերից դուրս իրավիճակը հնարավոր է վերահսկել:

Խոսելով նոր Ընտրական օրենսգրքի ընձեռած հնարավորությունների մասին՝ Սրբուհի Արզումանյանը նկատեց, որ երեկ Արցախի նախագահի թեկնածուների մասնակցությամբ տեղի ունեցած բանավեճը նոր ԸՕ պահանջ էր:

Որպես նորություն՝ վաղը կկիրառվեն նաեւ մեկանգամյա օգտագործման պարկեր, որոնք թույլ են տալիս ընտրությունների արդյունքների ամփոփումից հետո առկա փաստաթղթերը ներկայացնել տեղամասեր: Տեղամասերում կլինեն նաեւ նոր քվեախցիկներ, որոնք ապահովում են ընտրության գաղտնիությունը, ինչպես նաեւ խոշորացույցներ՝ տեսողության խնդիրներ ունեցող մարդկանց համար:

Ինչ վերաբերում է կորոնավիրուսի տարածման վտանգին, այս իմաստով ԿԸՀ նախագահի առաջին խորհուրդը կուտակումներից հնարավորինս խուսափելուն էր վերաբերում: Մնացած մասով, մասնավորապես՝ տեղամասերի ախտահանման, անհատական դիմակների, ձեռնոցների, գրչի տրամադրման, ԿԸՀ-ն արդեն ամեն ինչ հոգացել է:

Արզումանյանն անդրադարձավ նաեւ ընտրողների թվին՝ հայտարարելով, որ Արցախում 103,663 ընտրող կա:

Խոսելով քարոզարշավի ընթացքում թեկնածուների հայտարարությունների, արձանագրված խախտումների, հնչած դժգոհությունների մասին՝ Արզումանյանն ասաց. «Քարոզարշավը աչքի ընկավ հուզական բարձր մակարդակով: Դա պայմանավորված էր նաեւ թեկնածուների մեծ թվով: Այս պարագայում ընտրական պրոցեսը չէր կարող զերծ լինել որոշակի թերություններից, անգամ՝ խախտումներից»: ԿԸՀ նախագահը վստահեցրեց, որ բոլոր ահազանգերով զբաղվել են իրավապահ մարմինները, խախտումները, թերությունները, բացթողումները կամփոփվեն, եւ ԿԸՀ-ն կներկայցնի հանրության դատին:

Իր խոսքում Արզումանյանը նաեւ ընդգծեց.

«Արցախում ընտրություններ են տեղի ունենում մի իրավիճակում, երբ կորոնավիրուսի համավարակը աշխարհի գրեթե բոլոր երկրներին ստիպել է գնալ սահմանափակումների: Մենք ընտրությունները կազմակերպում ենք ոչ ստանդարտ պայմաններում, համոզված եմ՝ յուրաքանչյուրդ գիտակցում եք այս պահի լրջությունը: Հավատացնում եմ՝ Արցախի Հանրապետության իշխանությունների կողմից ձեռնարկվել են այնպիսի աշխատանքներ, որոնք ձեզ համար կստեղծեն ապահովության զգացողություն»:

ԿԸՀ նախագահը ասուլիսի ավարտին տեղեկացրեց, որ վաղը նախատեսված ընտրությունների նախնական արդյունքները կհրապարակվեն մինչեւ ապրիլի 1-ի ժամը 20:00-ն: Այսօրվանից սկսած՝ ԿԸՀ-ում կգործի թեժ գիծ. 8008 կարճ համարին կարող են զանգահարել բոլոր նրանք, ովքեր կցանկանան հարցեր ուղղել ընտրական գործընթացի վերաբերյալ: 

Տպել
2728 դիտում

Աղվանի-Տաթև միջպետական ավտոճանապարհի երթևեկությունը կկազմակերպվի որոշակի սահմանափակումներով

Դատարանը Շիրակի մարզպետարանին պարտավորեցրել է նախկին պաշտոնում վերականգնել ազատած աշխատակցին. վճիռը կբողոքարկվի

Կարեն Փթուկյանը նշանակվել է ՀՀ քննչական կոմիտեի Կոտայքի մարզային քննչական վարչության Աբովյանի քննչական բաժնի պետ

Կալանավորի համար ՔԿՀ տարված վերարկուի գրպանից հայտնաբերվել են թմրամիջոցին նմանվող զանգվածներ

ՀՀ վարչապետին ներկայացվել է Էկոնոմիկայի նախարարության 2022թ. գործունեության հաշվետվությունը

Երևանում և Գյումրիում կոլոռեկտալ քաղցկեղի վաղ հայտնաբերման անվճար սքրինինգային փորձարարական ծրագիր է իրականացվում

Անգլիական համալսարանների հետ մենք, կարծում եմ, չիրացված մեծ ներուժ և հնարավորություններ ունենք․ Վահրամ Դումանյան

Տիղմ ու կենցաղային աղբ. Երևանյան լճի մաքրման աշխատանքները շարունակվում են (լուսանկարներ, տեսանյութ)

Տարածաշրջանի լարված իրավիճակը ոչ միայն ՀՀ-ի և Արցախի, այլև միջազգային հանրության ուշադրության կենտրոնում պետք է լինի

ՀՀ վարչապետը Տոյվո Կլաարի հետ զրույցում ընդգծել է Պրահայի հանդիպման ձևաչափի համաձայն հետագա քննարկումների կարևորությունը

Էրիկ Իսրայելյանը հյուրընկալվել է ԿԳՄՍՆ-ում և ընդգծել, որ մշտապես զգացել է պետական աջակցություն

Նիկոլ Փաշինյանը կհանդիպի Վլադիմիր Պուտինի հետ․ ՀՀ վարչապետն աշխատանքային այցով կմեկնի Ղրղզստան

«Լուսակերտ» ուսումնական բազայում ԱԻՆ-ն ուսումնավարժանք է անցկացրել, որին հետևել են ԱԻ նախարարն ու Մայքլ Հայեսը

Ադրբեջանի շարունակական սադրիչ գործողությունները բերում են անվտանգային փխրուն իրավիճակի սրման․ Միրզոյանը՝ Տոյվո Կլաարին

Ռուբեն Ռուբինյանը հրաժեշտի հանդիպում է ունեցել Հայաստանում ԱՄՆ դեսպանի հետ

ՊՆ-ն հայտարարում է մրցույթ 2023թ. ձմեռային զորակոչին ենթակա զորակոչիկների համար․ ինչպես և ովքեր կարող են դիմել

Գերմանիայի Բունդեսթագի պատգամավոր Քրիստիան Հաասեի գլխավորած պատվիրակությունն այցելել է Հայոց ցեղասպանության հուշահամալիր

Իրանը Հայաստանին հակատանկային հրթիռային համակարգեր և հրթիռներ չի փոխանցել․ ՊՆ

Հանրապետության հրապարակում ապամոնտաժվել է հանրապետական նշանակության հուշարձանի տեսքն աղավաղող կրպակը

Ինքնասպանության փորձ՝ ընտանեկան բռնության պատճառով․ մեղադրանք է ներկայացվել 25-ամյա կնոջ ամուսնուն և վերջինիս մորը

Սիգի ձվադրման ժամանակահատվածով պայմանավորված՝ ուժեղացված հսկողություն կիրականացվի Հայաստանի ողջ տարածքում

Ամեն օր 1000-ից ավելի մարդ է աշխատում բեմում հիշարժան շոուի համար, կատարվել է հսկայական աշխատանք. Մարտին Օսթերդալ

Գնահատման և թեստավորման կենտրոնը Ջերմուկում խորհրդաժողով է կազմակերպել. մասնակցել է նաև Ժաննա Անդրեասյանը

Հայաստանն իր լրացումներն ու փոփոխություններն է կատարում տեքստում. ԱԽ քարտուղարը՝ խաղաղության պայմանագրի մասին

Աղվանի գյուղից Սատանի կամուրջն ընկած ճանապարհահատվածը երկկողմանի փակ է բոլոր տեսակի տրանսպորտային միջոցների համար

Պաշտոնական Անկարան Մոսկվային կդիմի ռուսական գազի ներկրման՝ Թուրքիայի համար ավելի քան 25 տոկոս զեղչի առաջարկով

Գույքահարկն այսուհետ կարելի է վճարել՝ մուտք գործելով Երևանի քաղաքապետարանի կայքէջ. ուղեցույց

Դեկտեմբերի 10-ին և 11-ին ժամանակ առ ժամանակ փակ են լինելու Աթենքի փողոցն ու Ծիծեռնակաբերդի խճուղին

Մոսկվայում հանդիպել են Ռուսաստանի, Հայաստանի և Ադրբեջանի գլխավոր դատախազները

Մենք խելքներս չենք թռցրել, տեղյակ ենք, թե ինչ է միջուկային զենքը. Պուտին

Լավրովը դեկտեմբերի 12-ին Մոսկվայում հանդիպում կունենա ԱՊՀ երկրների դեսպանների հետ

Խորհրդարանն ընդունեց 2023 թվականի պետական բյուջեի նախագիծը

«Հայաստան» դաշինքը խորհրդարանում կներկայացնի 4 նոր պատգամավոր. ովքեր են նրանք

Գագիկ Ջհանգիրյանի և Ռուբեն Վարդազարյանի զրույցի ձայնագրության մասով հարուցված քրեական վարույթը կարճվել է

Փարիզը միշտ կլինի Արցախի և նրա ժողովրդի կողքին. Անն Իդալգոն՝ Արայիկ Հարությունյանին

«Լավ չեմ, ազատեցեք ինձի». Բաքվի բանտից ահազանգում է շինծու գործով դատապարտված Վիգեն Էուլջեքյանը. Ազատություն

Աբովյանցի 46-ամյա տղամարդն ավտոբուսում գողացել է մի կնոջ բջջային հեռախոսը. նրան գտել, ձերբակալել են

Ալժիրի Հանրապետության նորանշանակ դեսպանն իր հավատարմագրերի պատճենն է հանձնել ՀՀ ԱԳ նախարարի տեղակալին

Շիրակի մարզի Անի խոշորացված համայնքում ավագանու արտահերթ ընտրություններ կանցկացվեն

Քրեական վարույթի շրջանակներում որոնվում է տեսագրության մեջ պատկերված անձը (տեսանյութ)