ԵՄ-ն 37 միլիարդ եվրո կտրամադրի կորոնավիրուսի համաճարակից տուժած իր անդամներին՝ վերականգնման համար

Այսօր Եվրամիության խորհուրդը հավանություն է տվել օրենսդրական նախաձեռնությանը, որը միության անդամ երկրներին հնարավորություն է տալիս 37 միլիարդ եվրո մուտք անել՝ որպես ներդրումային նախաձեռնության մաս ՝ ի պատասխան կորոնավիրուսի համաճարակի ստեղծած բարդությունների: Միջոցները պետք է օգնեն առողջապահության ազգային համակարգերին, փոքր եւ միջին ձեռնարկություններին, կարճաժամկետ զբաղվածության մեխանիզմներին եւ տեղական նախաձեռնություններին :

Ընդհանուր գումարից 8 միլիարդ եվրոն փոխանցվել է ԵՄ կառուցվածքային ֆոնդերից: Սրանք ֆոնդեր են, որոնց միջոցները չեն ծախսվել 2019 թվականին եւ մնացել են բյուջեում: Եվս 29 միլիարդ եվրո կվճարվի այն միջոցներից , որոնց գոյացում նախատեսված է ընթացիկ տարում:

Ֆինանսավորումը հասանելի է հետին ամսաթվով. 2020 թվականի փետրվարի 1-ից հաշվարկված գումարներով նախատեսվում է ծածկել ծախսերը, որոնք «արդեն իսկ կատարվել են ՝ կյանքը փրկելու եւ քաղաքացիներին պաշտպանելու ջանքերի արդյունքում»:

Մեկ այլ օրենսդրական ակտով խորհուրդը երկարաձգել է ԵՄ համերաշխության հիմնադրամի քայլերը հանրային առողջապահության ոլորտում: Նախկինում այն նախատեսված էր միայն բնական աղետների դեպքում ֆինանսավորում տրամադրելու համար: Այս միջոցը նախատեսված է օգնելու համար «կորոնավիրուսային համաճարակի ժամանակ մարդկանց անհապաղ կարիքների բավարարմանը»:

Ավելի վաղ Իտալիայի վարչապետ Ջուզեպպե Կոնտեն նախազգուշացրել էր, որ ԵՄ-ն կկորցնի իր առաքելությունը, եթե չկարողանա լուրջ արձագանքել կորոնավիրուսային համաճարակին եւ դրա հետ կապված ճգնաժամին Եվրոպայում: Իտալական կառավարության ղեկավարը հիշեցրել է, որ ԵՄ-ի պատմության մեջ առաջինը պետք է թողարկվեն համաեվրոպական պարտատոմսեր `վարկեր ներգրավելու համար, տնտեսությունը խթանելու եւ Եվրամիության առավել տուժած երկրներին աջակցելու համար: Իտալիան և Իսպանիան ամենաշատն են պնդում պարտատոմսերի անհրաժեշտության մասին, քան մյուսները, որոնք տուժել են կորոնավիրուսից:

Հիշեցնենք, մարտի 26-ին անցկացվող 6-ժամյա տեւողությամբ տեսակոնֆերանսի ընթացքում ԵՄ 27 անդամ երկրների ղեկավարները չկարողացան միասնական դիրքորոշում մշակել ֆինանսավորման հարցում, եւ, որպես արդյունք, ֆինանսների նախարարներին հանձնարարվեց երկու շաբաթվա ընթացքում ձևակերպել մոտեցում, որը ընդունելի կլինի հավասարապես Հռոմի եւ Մադրիդի համար:

Միության անդամ երկրների տարածքում տնտեսական ոլորտին ֆինանսական աջակցություն տրամադրելու համար Եվրամիությունը նոր  արտակարգ գագաթնաժողով է անցկացնելու, որը սպասվում է երկու շաբաթվա ընթացքում ՝ ապրիլի կեսերին:

ԵՄ անդամ պետությունների մի շարք առաջնորդներ, որոնց թվում են Ֆրանսիան, Իտալիան, Իսպանիան, նախաձեռնել են այսպես կոչված «կորոնաբոնդային պարտատոմսեր», որոնց թողարկումից կօգտվեն բոլոր ԵՄ անդամները, իսկ վճարումները երաշխավորված կլինեն միության բոլոր պետությունների կողմից: Եվրախորհրդի նախագահ Շառլ Միշելը այս առիթով գտնում է, որ պետք է գտնել լուծման տարբերակներ՝ հավասարապես ընդունել միության բոլոր անդամների համար եւ այդ լուծումները պետք է լինեն ինչպես կարճաժամկետ, այնպես էլ երկարաժամկետ  բնույթի, քանի որ ԵՄ-ին պետք է հավասարակշռության մեջ պահել Եվրամիության ընդհանուր շուկան:

ԵՄ տարածքի ընդհանուր պարտատոմսերի թողարկման գաղափարին աջակցել են Ֆրանսիան, Իտալիան, իսպանիան, ինչպես նաեւ ԵՄ 6 այլ  երկրների առաջնորդներ ու կառավարությունների ղեկավարներ: նախատեսվում է, որ կորոնաբոնդը (կորոնավիրուսի հետեւանքոց ստեղծված պարտատոմսեր), որը լինելու է ամբողջ միասնական Եվրոպայի հավաքական պարտքը, պետք է թողարկվի Եվրոպական ներդրումային բանկի (EIB) կողմից:

Տպել
26758 դիտում

Ղարա դաշ. համացանցում հայտնվել է լուսանկար, որում հավանաբար գրավված ադրբեջանական դիրքն է

«ՈւԱԶ»-ային սադրանք հայ-ադրբեջանական սահմանին. 2 օրվա խրոնիկա

Մնացականյանը ԵՄ բարձրաստիճան պաշտոնյային ներկայացրել է հայ-ադրբեջանական սահմանին տիրող իրավիճակը

Ամբողջ սելավը կարկուտի տեսքով լցվել է մեր տուն. գյումրեցի Ավագյաններն արտակարգ իրավիճակում են հայտնվել (լուսանկարներ)

Ադրբեջանի գործողությունները կարող են ավերիչ ազդեցություն ունենալ տարածաշրջանի համար. Ադամ Շիֆ

Հակամարտությունը սրվել է. աշխարհի առաջատար լրատվականների ուշադրության կենտրոնում հայ-ադրբեջանական սահմանի իրավիճակն է

Զինված ուժերից զորացրվում են ժամկետային ծառայությունն ավարտած զինծառայողները

Իտալացի պատգամավորները համերաշխություն են հայտնել հայ ժողովրդին՝ շուտափույթ խաղաղություն ակնկալելով

ՊՆ-ն կոչ է անում ԶԼՄ-ներին ձեռնպահ մնալ հավանական մարտական գործողությունների տարածք հանդիսացող գոտիներ մուտք գործելուց

Դատապարտում ենք բնակչության հանցավոր թիրախավորումը, ինչը միջազգային հումանիտար իրավունքի բացահայտ խախտում է. Նաղդալյան

Ադրբեջանական բանակը ռազմական առումով ջախջախիչ պարտություն է կրել․ Արծրուն Հովհաննիսյան

Գայանե Աբրահամյանը երեկվանից մշտական կապի մեջ է միջազգային տարբեր հարթակների գործընկերների հետ

Գյումրու փողոցները մաքրվում են սառույցից, շենքերի նկուղները՝ ջրից. ԱԻՆ-ը արդեն 125 կանչ է ստացել (լուսանկարներ)

Չտրվեք սադրանքներին. մենք կորուստներ չունենք. Արծրուն Հովհաննիսյան

Զոհրաբ Մնացականյանը հեռախոսազրույց է ունեցել Վրաստանի ԱԳ նախարար Դավիդ Զալկալիանիի հետ

Կեղծ լուր տարածող օգտատիրոջ էջը կոտրել են. կարճ ժամանակ անց ճշտվել է օգտատիրոջ անձը

Արցախի ԱԳՆ-ն դատապարտել է Ադրբեջանի կողմից Տավուշի ուղղությամբ հայ-ադրբեջանական սահմանին հրադադարի ռեժիմի կոպիտ խախտումը

Արման Եղոյանը հեռախոսազրույց է ունեցել Հայաստանում Եվրամիության պատվիրակության ղեկավար Անդրեա Վիկտորինի հետ

Ղազախստանի ԱԳՆ-ն խորապես մտահոգված է հայ-ադրբեջանական սահմանին տեղի ունեցածի առնչությամբ

ՌԴ-ում Հայաստանի և Ադրբեջանի դեսպաննները «Խոսում է Մոսկվան» ռադիոկայանի եթերում մեկնաբանել են սահմանային միջադեպը