Շնչո՞ւմ է, թե՞ չի շնչում․ Լուսինե Բադալյանի եւ Արսեն Թորոսյանի վեճը սոցհարթակներից ԱԺ ամբիոն է տեղափոխվել ու թեժացել

Կորոնավիրուսային հիվանդությամբ պայմանավորված թեժ վեճերը սոցհարթակներից մինչեւ ԱԺ ամբիոն են հասել։ Այս անգամ դա հարուցել է COVID-2019-ի հետեւանքով մահացածներին չդիահերձելու մասին օրինագիծը։

Երեկվանից սոցցանցերում ակտիվորեն տարածվում էին Ազգային Ժողովի «Իմ քայլը» խմբակցության պատգամավոր Լուսինե Բադալյանի հարցազրույցի վերնագրի նկարները (screenshot)։ Ծաղրական մեկնաբանությունները վերաճեցին ՀՀ առողջապահության նախարարի հետ հեռակա վեճի՝ խիստ ու կոշտ մեկնաբանություններով։

Պատմությունը սկսվեց «Բնակչության բժշկական օգնության եւ սպասարկման մասին» օրենքում լրացումներ կատարելու մասին նախագծից։ ԱԺ-ում կառավարության արտահերթ նիստի ժամանակ ՀՀ արդարադատության նախարար Ռուստամ Բադասյանը նշել էր, որ տարածված վիրուսի վարակելիության աստիճանը եւ դիակի մեջ ապրելու ժամանակահատվածը ամբողջությամբ բացահայտված չեն: Անհրաժեշտ է տվյալ վիրուսի առաջացրած հիվանդության հետեւանքով անձի մահվան դեպքում չիրականացնել հերձում։

Այս նախագծի ընդդիմախոսներից էր Լուսինե Բադալյանը, որն էլ ավելի ուշ «24TV» լրատվականի հետ խոսել էր նախագծի վերաբերյալ իրեն մտահոգող հարցերի շուրջ։

Նա ընդգծել էր, որ կորոնավիրուսը փոխանցվում է օդակաթիլային ճանապարհով, իսկ մահացած մարդը չի շնչում։ Այս դեպքում վարակը կարող է տարածվել մակերեսների շփման արդյունքում, իսկ նման դեպքում վտանգն առկա է նաեւ մնացած վարակիչ հիվանդությունների ժամանակ։ Ուրեմն՝ որքանո՞վ է կորոնավիրուսով դին հերձելն ավելի վտանգավոր, քան տուբերկուլոզով, ՁԻԱՀ-ով եւ այլն։ Եթե նույնիսկ այդ աստիճանի պատրաստ չենք, ինչո՞ւ հանգանակված գումարները չենք տրամադրում՝ դիահերձարանները պատրաստելու համար։

Պատգամավորը նաեւ ընդգծել է, որ կարող են լինել դեպքեր, երբ մարդը, որը մինչեւ այդ չի թեստավորվել, պատահարի զոհ դառնա եւ կատարվի դիահերձում, մինչդեռ վստահ չենք կարող լինել, որ տվյալ անձը վարակակիր չէր։

Հարցազրույցի վերնագիրը՝ «Դիակն ինչպե՞ս է վարակակիր համարվելու, եթե չի շնչում. Բադալյան» շատ օգտատերերի շրջանում ծաղրի առարկա դարձավ։ Շատերը սկսեցին տարածել այն՝ նույնիսկ չծանոթանալով հարցազրույցի բուն բովանդակությանը։

Այս ամենին անդրաձարձավ նաեւ ՀՀ առողջապահության նախարար Արսեն Թորոսյանը, որն իր Ֆեյսբուքյան էջի «սթորի» հատվածում տեղադրել էր նյութի նկարը՝ կից անցկացնելով հարցում՝ «Շնչո՞ւմ է, թե՝ ոչ»։ Հարցմանը սկսել էին մասնակցել ու քվեարակել մի շարք քաղաքացիներ։

Նշենք, որ «սթորի»-ի բաժնի այդ հարցումը շուտով հեռացվել է, սակայն չի վրիպել Բադալյանի մտերիմների աչքից։ Նա պատասխան հարվածը տվել է ոչ թե «Ֆեյսբուք»-ում, այլ արդեն ԱԺ ամբիոնից։

«Մի փոքրիկ «սպռավչկա» հատուկ նախարարի ու այն մարդկանց համար, որոնք չեն հասկանում։ Կորոնավիրուսը փոխանցվում է օդակաթիլային ճանապարհով, հետեւաբար դիահերձման ժամանակ, քանի որ դիակը չի շնչում, չի հազում եւ փռշտում, դիահերձման կանոնները պիտի համապատասխանեն վարակիչ կամ սուր վարակիչ հիվանդություններից մահացած մարդկանց դիահերձման կանոններին»,-նշել է պատգամավորը։

Նա առաջարկել է ոլորտին եւ նախագծին վերաբերող հարցազրույցներն ու ելույթները լսել ամբողջությամբ, հնարավոր է՝ շատ բան սովորեն։

«Պարո՛ն նախարար, եթե ես հանկարծ մեկ օր որոշեմ ձեր բոլոր սխալները մանիպուլացնել կամ դնել ֆեյսբուքյան քվեարկության կամ էլ այստեղից հայտնել, հետեւանքները վստահ եմ՝ Ձեզ հաճույք չեն պարգեւի»,-նշել է Բադալյանը՝ հավելելով, որ որեւէ մեկն իրավունք չունի ծաղրել պատգամավորին արտահայտած մտքի համար։

«Առողջապահության նախարարն էլ, որ մի քիչ ֆեյսբուքյան չարաճճիությունների փոխարեն գործով զբաղված լիներ, շատ հնարավոր է, որ այսօր մենք չունենայինք այս նախագծերի անհրաժեշտությունները»,- եզրափակել է պատգամավորը։ Առողջապահության նախարարը նրան չի արձագանքել, փոխարենը նրան աջակցող գրառումներ են հայտնվել։ Առողջապահության նախարարի խորրհրդական, Երեւանի ավագանու անդամ Աշոտ Սարգսյանն իր ֆեյսբուքյան էջում գրել է, որ Թորոսյանը մեծատառով Մարդ է ու Առողջապահության Նախարար, պատիվ ունի այս դժվարին օրերին աշխատել նրա թիմում։

«Երբ ամսից ավել նախարարից մինչեւ սանիտարկա 24-ժամյա ռեժիմով աշխատում են, երբ ամսով չենք տեսնում ծնողներ ու երեխաներ, որովհետեւ ամբողջ աշխարհը ահաբեկող վիրուսը կա նաեւ Հայաստանում ու ամեն քաղաքացու կյանքը մեր սեփական կյանքից ավելի թանկ է, որոշ պղտոր ջրում ձուկ բռնողներ, առողջպահությունից 0 պատկերացում ունենալով, հանճարեղ մտքեր են արտահայտում։ Տո դուք ինչ գիտեք մարտի դաշտի մասին, տո դուք ինչ գիտեք բուժանձնակազմի անձնազոհ նվիրվածության մասին, որը ֆեյսբուքից դուրս է»,- գրել է Սարգսյանը։

Տպել
6941 դիտում

Որոշ քաղաքական ուժերի մոտ այդպես էլ չի ստացվում ճիշտ քաղաքական հաշվարկ անել. Մակունցը՝ Ծառուկյանի հայտարարության մասին

Արցախում կորոնավիրուս է հաստատվել ևս 2 քաղաքացու մոտ. վարակակիրներից մեկի վիճակը ծանր է

Մեկնարկել է Արմավիրի համար կենսական նշանակության Երևանյան փողոցի կապիտալ նորոգման աշխատանքը

Խանջյան փողոցի վերջնամասում բախվել են ավտոմեքենաներ․ բռնկվել է հրդեհ

547 նոր դեպք և 207 առողջացած. կորոնավիրուսից անցած 1 օրում 4 կին եւ 3 տղամարդ է մահացել

Խնդիր ունենք, որ կորոնավիրուսով հիվանդների թիվը համապատասխանի հիվանդանոցային կարողությունների թվին. վարչապետ (տեսանյութ)

Գյումրիում երկհարկանի տուն է հրդեհվել. Բարդության «թիվ 2» կանչ դեպքի վայր է մեկնել 5 մարտական հաշվարկ

Դեռ շատ կհանդիպեն պետականությունից խոսող պետական դավաճաններ. Հակոբ Արշակյան

Եթե պարոն Ծառուկյանը կարծում է, որ իր քաղաքական հայտարարությունները կշեղեն քննության բնականոն ընթացքը, սխալ հաշվարկ է

«Անցյալին վերադարձ չի լինելու` ՀՀԿ կլինի, քոչարյանականներ կլինեն, ով ուզում ա լինի»

Թուրքիան վերսկսելու է ավիահաղորդակցությունը շուրջ 40 երկրի հետ

Արեւաշող համայնքի «Յազիկ» թաղամասում կկառուցվի մանկական խաղահրապարակ

ՌԴ-ից Ադրբեջան ռազմական արտադրանք է մատակարարվել կաշառքի միջոցով. ձերբակալվել են պաշտոնյաներ

Արդենիսում 1730 մետր նոր ջրագիծ կկառուցվի

ԿԳՄՍ նախարարությունը սկսել է ԵՊՀ հոգաբարձուների խորհրդի ձեւավորման գործընթացը. բուհ գրություն է ուղարկվել

Արթուր Վանեցյանը դատի է տվել վարչապետին եւ նրա խոսնակին․ պահանջում է նաեւ 2 մլն դրամ

Ամբերդ համայնքում 80 տնտեսություն կապահովվի կապույտ վառելիքով

ՊՎԾ ուսումնասիրությունը ՊԵԿ նախագահի հրաժարականի հետ կապելը իրատեսական չէ․ ՊՎԾ ղեկավարի պարտականությունները կատարող

Անցկացվել են մեքենավարման և հրաձգության գործնական պարապմունքներ

Կառավարական թիվ 1 և 3 տներում գործող հանրային սննդի կետերը կասեցվել են. Արթուր Ասոյան