Մեր վարակված և վտանգված գործընկերներին է նվիրվում

01/04/2020 schedule14:58

Ազգաբնակչության որոշ մասը, գուցե և գերակշռող հատվածն սկսել է գիտակցել, որ բուժաշխատողներն ավելիին են արժանի, քան մինչ այդ: Մարդկանց մի ստվար զանգված անգամ սկսել է աստվածացնել մեր գործընկերներին: Սակայն ինչ-որ տեղի է ունենում այսօր, եղել է նաև երկրաշարժի օրերին և կրկնվել է Արցախյան պատերազմի ժամանակ:

Ամեն մի նոր վարակվածի և ողբերգական մահվան մասին լուրի հետ զուգահեռ, աճող անպաշտպանվածության տագնապի ֆոնին «սպիտակ խալաթավորների» հանդեպ վերաբերմունքը դառնում է ավելի բարիդրացիական, իսկ հետագայում՝ նաև ընդգծված հարգալից:

Իհարկե, կլինեն որոշ «ընդդիմախոսներ», ինչի ապացույցն էր օրեր առաջ «Ուլտրաիմիջինգ» բժշկական կենտրոնի հոսանքազրկումը։ Սակայն նրանց ձայնը կորչում է համընդհանուր ծափողջույնների և շնորհակալական բացականչությունների ներքո: Անորոշության հանդեպ վախը մարդկանց ստիպում է որոշում ընդունելու պատասխանատվությունը դնել ավելի տեղեկացվածների ուսերին: Մարդիկ անգամ պատրաստ են նրանցից կուռքեր ձևավորել: Այդ գործընթացին արդեն սկսել են նպաստել մամուլը, հեռուստատեսությունը և սոցցանցը: Կարծես թե նրանք չէին, որ ոչ վաղ անցյալում խառնելով «թացը» «չորի» հետ՝ մեծ պատրաստակամությամբ ուռճացնում էին բժշկական սխալների մասին տեղեկատվությունը և սենսացիոն նյութերի պատրվակով, կամա թե ակամա տրամադրում էին հասարակությանը իր մի հատվածի՝ բուժաշխատողների դեմ: Այդ ամենի արդյունքում եզակի չէին դեպքերը, երբ հայտնվում էին լուրեր, որ հերթական անգամ «կոշիկ են մաքրել» «սպիտակ խալաթի վրա»:

Իրականում ում, որ այսօր հերոսացնում են, թե՛ նախկինում, թե՛ հիմա այդ «սպիտակ խալաթավորները» նույն բժիշկներն ու բուժքույրերն են: Նրանք մեկ օրում չդարձան ավելի անսխալ և սրտացավ: Նրանց արհեստավարժությունը և հնարավորությունը ուղիղ համեմատական են երկրի մնացած ոլորտներում տիրող իրավիճակին:

Եթե, այնուամենայնիվ, հասարակությունն ավելի ցավագին է մոտենում «սպիտակ խալաթավորի» թերացումներին, քան այլ ոլորտների մասնագետների սխալներին, ապա պետք է պատրաստ լինի նաև փոխել իր վերաբերմունքը բուժաշխատողների աշխատանքը գնահատելիս:

Դա պետք է տեղի ունենա ոչ միայն արտակարգ իրավիճակներում, այլ նաև առօրյայում՝ «վիրուսներից ստերիլ» և խաղաղ պայմաններում: Պետական այրերի և հասարակ մարդկանց համար իրենց հարազատների առողջությունն ավելի թանկ է, քան սեփականը: Եթե այդ դիրքերից փորձենք գնահատել բուժաշխատողի ներդրումը հիվանդին փրկելու գործում, ամեն բան կընկնի իր տեղը:

Բուժաշխատողները և՛ անցյալում, և՛ այսօր կատարում են իրենց մասնագիտությանը բնորոշ ամենօրյա գործը: Ուղղակի այդ աշխատանքը մեր որոշ գործընկերների մոտ հիմա ավելի է շատացել և դարձել խիստ վտանգավոր, իսկ դա, անշուշտ, պետք է փոխհատուցվի: Նրանք դա անում են այնքանով, ինչքանով որ իրենց կրթել են, վերապատրաստել են և ինչքանով որ հանգիստ են իրենց ընտանիքների համար բոլո՛ր առումներով:

Բուժաշխատողներից երբեք պետք չէ պահանջել ավելին, քան Դուք նրանց պատրաստ եք եղել տալու ֆորս-մաժորներից զերծ ժամանակներում:

Աստված մի արասցե, որ բուժաշխատողների շարքերը նոսրանան (դա էլ մեր մասնագիտության վերապահումներից է): Շատ կարևոր է որպեսզի վաղը բոլոր նրանք, ովքեր որ կբուժվեն կամ չեն էլ վարակվի, այդ թվում՝ որոշ լրագրողներ և տարբեր տրամաչափի «չինովնիկներ», հերթական անգամ այս օրերը մոռացության չմատնեն, ինչպես դա տեղի է ունեցել բազմիցս:

Այս պահին ավելորդ պաթոսությունը և հետմահու պարգևատրելու պատրաստակամությունն այնքան էլ կարևոր չեն.

«Սա էլ կանցնի»...

Հարգանքներով՝

Բ.գ.թ. ՀՀ-ում ՄՌՏ-ի հիմնադիր, բժիշկ-ռադիոլոգ Արամ Քոչարյան

Տպել
19276 դիտում

Վանաձորում մեքենան բախվել է շինության պատին. վարորդը տեղում մահացել է (լուսանկարներ)

ՍԱՏՄ-ն գյուղատնտեսական մի քանի շուկաներում խախտումներ է արձանագրել. տվյալները կներկայացվեն պարետատուն

Տեսչական մարմնի աշխատակիցները կրկնակի այց և մշտադիտարկում են իրականացրել Երևան երկաթուղային կայարանում

Ոստիկանությունն արգելափակել է Ղալթաղչիի Սուրբ Հովհաննես մատուռ տանող ճանապարհները

Վրաստանը մեզ համար եղբայրական երկիր է, և շատ ջերմացնում է մեզ նման պատրաստակամությունը. վարչապետ

Ռեվանշիստները հիմա էլ ուրի՞շ «պլացդարմ» են փնտրում

Նախատեսված է 100.000 հայկական թեստի արտադրություն. ՄԿԻ-ն ավարտել է լաբորատոր փորձարկումները

358 պացիենտ գտնվում է ծանր, 58-ը՝ ծայրահեղ ծանր վիճակում. Նիկոլ Փաշինյան (տեսանյութ)

Առաջին դասարանցիների առցանց գրանցումը կսկսվի հունիսի 1-ից

Ունենք քաղաքական կամք՝ ֆիզիկական անձանց եկամուտների համատարած հայտարարագրում ներդնելու համար. վարչապետ

Ոստիկանները պարզել են Իջևանում կրակոցներ արձակած անձի ինքնությունը. ոստիկանություն է ներկայացել 42-ամյա տղամարդ

Արմավիրի նախկին քաղաքապետն ապօրինաբար 75 տարով տարածք է հատկացրել ՀՀ ֆուտբոլի ֆեդերացիայի նախկին նախագահին (տեսանյութ)

Պարետի որոշմամբ 24 ժամով արգելվել է 24, և 48 ժամով՝ 2 տնտեսվարողի պատկանող մասնաճյուղերի գործունեությունը

Արցախի նախագահը 2020 թվականի ամառային զորակոչ անցկացնելու եւ զորացրում կատարելու մասին հրամանագիր է ստորագրել

ՊԲ-ում այսօր սանիտարական օր է. ախտահանվել են զորանոցները, բուժկետերը, կենցաղային նշանակության շինությունները(տեսանյութ)

Դելի-Երևան հատուկ չվերթով Հայաստան է ժամանել ՀՀ 23 քաղաքացի, Հնդկաստան է վերադարձել 130 հնդիկ ուսանող

Համավարակը սահման և ազգություն չի ճանաչում. այն ազդեցություն է թողել յուրաքանչյուրիս վրա. Մհեր Գրիգորյանն ուղերձ է հղել

Հասարակության «լրջության կորագիծը»

Մոսկվա-Երևան չարտերային հերթական թռիչքը կկայան վաղը՝ մայիսի 31-ին՝ «Դոմոդեդովո» օդանավակայանից

Սեպտեմբերին մենք կարող ենք դասերը լիարժեք սկսել, սակայն պետք է խստագույնս հետևենք ցուցումներին. ԿԳՄՍ նախարար (տեսանյութ)