Քաղաքացիների՝ տարբեր մեսենջերներից օգտվելու իմաստը ես չեմ հասկանում․ դրանք աբսուրդային մտքեր են․ Ռուստամ Բադասյան

Մենք 2 օր շարունակ ԱԺ-ում նախագծի բովանդակային կարգավորումների մասին խոսելու փոխարեն ստիպված էինք հերքել տեղեկությունները, որ այս նախագիծը գաղտնալսման մասին է։ Այս մասին այսօր կառավարությունում հրավիրած ասուլիսի ժամանակ հայտարարեց արդարադատության նախարար Ռուստամ Բադասյանը։ 

Հիշեցնենք, որ երեկ ԱԺ-ը երկրորդ ընթերցմամբ եւ ամբողջությամբ ընդունեց կառավարության ներկայացրած օրենքների նախագծերի փաթեթը, որով նախատեսվում է կորոնավիրուսով վարակված անձանց կոնտակտավորներին հնարավորինս շուտ գտնելու նպատակով ֆիքսել նրանց հեռախոսազանգերը:

Բադասյանը հավաստիացրեց, որ այն մասնագետները, որոնք տեսնելու են առաջնային ինֆորմացիան, լինելու են շատ սահմանափակ թվով։ Նրանք արդեն զտված ինֆորմացիան փոխանցելու են ԱԻՆ-ին, ոստիկանությանը, որոնք էլ զանգեր են կատարելու եւ քաղաքացիների հետ մեկուսացման, ինքնամեկուսացման աշխատանքներ կատարելու։

Նախարարը կրկին հիշեցրեց, որ համակարգն ավտոմատ կերպով գտնելու է հավանական վարակակիրներին՝ զանգերի եւ տեղորոշման արդյունքում։ «Եթե մի անձը 20 անգամ զանգել է Գյումրիում գտնվող իր ծանոթին, ապա համակարգն անտեսում է այս փաստը»,- ասաց նախարարը՝ հավելելով, որ համակարգը գտնում է մի տեղանքում գտնվելու փաստը։

Հարցին, թե արդյոք նախատեսել են այն սցենարը, որ քաղաքացիները կնախընտրեն օգտվել տարբեր «մեսենջերներից»՝ խուսափելու համար իրենց հեռախոսազանգերի հավանական ֆիքսումը, նախարարը պատասխանեց, որ չի հասկանում այդ քայլի իմաստը։

«Ես մեր բոլոր քաղաքացիներին կոչ եմ անում կարեւորել իրենց, իրենց հարազատների եւ բոլորի առողջությունը եւ որեւէ կերպ չփորձել խուսափել դրանից։ Նախ՝ ամբողջ ծավալով խուսափել որեւէ դեպքում հնարավոր չէ, բայց ես չեմ հասկանում՝ ինչի՞ համար նման քայլի պետք է գնանք։ Եթե բոլորս պոտենցիալ վարակակիր ենք, ես ինչո՞ւ պետք է նախընտրեմ շփվել այլ պլատֆորմներում, որ եթե հետո ռիսկի գոտում հայտնվեմ, իմ հարազատները չիմանան դրա մասին։ Սրանք աբսուրդային մտքեր են, որեւէ կերպ չեմ կարող մեկնաբանել»,- ասաց Բադասյանը։

Հարցին, թե ինչպես քաղաքացիները վստահ լինեն, որ հեռախոսազանգերը չեն ձայնագրվելու, նախարարը պատասխանեց․ «Եթե որեւէ հարազատ ունեք իրավապահ համակարգում, նրանք կարող են որոշակի տեղեկություն փոխանցել, թե ինչպես է իրականացվում ընդհանրապես գաղտնալսումը, եւ որ այս նախագծով նախատեսված կարգավորումների համաձայն՝ ուղղակի հնարավոր չէ իրականացնել ո՛չ գաղտնալսում, ո՛չ էլ բովանդակության վերաբերյալ տեղեկությունների ստացում»։

Նա նշեց նաեւ, որ ՔԿՀ-ներում եղել են կորոնավիրուսի թեստ հանձնողներ, բայց բոլորի դեպքում արդյունքը եղել է բացասական։ «Այս պահին քրեակատարողական հիմնարկներում վարակակիր չունենք։ Ամեն դեպքում, կանխարգելիչ միջոցառումներ են իրականացվում տվյալ դեպքերին արագ արձագանքելու համար։ Քանի որ երկար ժամանակ է՝ շահարկվում է այն հարցը, որ քրեակատարողական հիմնարկներում այլ երկրների օրինակով պետք է համաներում իրականացնել, ես խորհուրդ եմ տալիս՝ Իտալիայում, Իրանում բեռնվածության վիճակագրական տվյալները ուսումնասիրել՝ 120, 150, 200%, իսկ Հայաստանում բեռնվածության ցուցանիշը 43-44%-ի շրջակայքում է։ Մենք չունենք այնպիսի իրավիճակ, որ կրիտիկական է եւ դիմենք ծայրահեղ միջոցների, համաներմամբ բեռնաթափենք մեր քրեակատարողական հիմնարկները»,- եզրափակեց նախարարը։

Տպել
973 դիտում

Տիգրան Ավինյանի մամուլի քարտուղարն ազատվել է պաշտոնից

Արցախի վերահսկողությունից դուրս մնացած համայնքների բնակիչներին հյուրընկալելու համար փոխհատուցում կտրվի

Սյունիքի եւ Գեղարքունիքի մարզերում պատերազմի հետեւանքով անշարժ գույքին հասցված վնասները կփոխհատուցվեն

Պատերազմի ընթացքում զոհված քաղաքացիական անձանց ընտանիքներին եւ վիրավորներին փոխհատուցում կտրվի

Հաստատվել է կորոնավիրուսի 1277 նոր դեպք. գրանցվել է 26 մահ, եւս 11-ն էլ՝ այլ հիվանդության հետեւանքով

Մեկնարկել է ՀՀ Կառավարության հերթական նիստը․ օրակարգում ներառված է 66 հարց

Պաշտոնեական կեղծիքի գործով Ռուբեն Հայրապետյանի նկատմամբ քրհետապնդում չի իրականացվի․ գործն ուղարկվել է դատարան

Սահմանամերձ Այգեձոր գյուղում ժամանակակից բժշկական կենտրոն կկառուցվի. նախագիծը պատրաստ է

Արագածոտնի եւ Շիրակի մարզի մի շարք բնակավայրերում մառախուղ է

ՀՀ ԱԳ նախարար Արա Այվազյանը հեռախոսազրույց է ունեցել Իտալիայի ԱԳ և միջազգային համագործակցության նախարարի հետ

Գիշերը հրդեհ է բռնկվել պոլիէթիլենային տոպրակների հումքի մշակման արտադրամասում

Վթարի պատճառով 24 ժամ ջուր չի լինելու Աջափնյակում

Երևանի և 4 մարզի մի շարք հասցեներում էլեկտրաէներգայի պլանային անջատումներ կլինեն

Աննա Հակոբյանն ու Լենա Նազարյանն այցելել են զոհված կամավորական Վրեժ Պողոսյանի ընտանիքին (լուսանկարներ)

Պատերազմի օրերին վիրավորված պայմանագրային զինծառայողին հարկավոր է հաստ աղիքի փոխպատվաստում․ այն Հայաստանում չեն անում

Ադրբեջանը խոշտանգում, տանջում, նվաստացնում է հայ ռազմագերիներին. Human Rights Watch-ի զեկույցը

Պետությունը կազմալուծված է. ինչպե՞ս է Արցախում եւ Հայաստանում ընդունվել Վիտալի Բալասանյանի նշանակումը

Մայիսյան համայնքի Սարգս թաղամասի գլխավոր փողոցի ասֆալտապատման աշխատանքներն ավարտվել է

ՊՎԾ-ում առանցքային փոփոխություններ են սպասվում, մոտ 10 աշխատակից է ազատվել․ Տիգրան Ուլիխանյան

Աստղաձորում ավարտվել է Զորավար Անդրանիկ փողոցի ասֆալտապատումը