Բանտարկությունից մինչեւ սեփական թեստերի կիրառում. ինչպես Սինգապուրը դարձավ կորոնավիրուսի արդյունավետ պայքարի օրինակ

Չնայած այն հանգամանքին, որ Սինգապուրն իր աշխարհագրական դիրքով բավական մոտ է Չինաստանին, այդուհանդերձ փոքրիկ քաղաք-պետությանը հաջողվել է կորոնավիրուսի դեմ արդյունավետ պայքարի օրինակներից մեկը դառնալ աշխարհում: Պատճառը չափազանց խիստ մոտեցումներն են եւ արագ արձագանքման մեխանիզմը:

Սկզբում, երկրի տարածքում գրանցված ցանկացած դեպքի նկատմամբ երկրում չափազանց հետեւողական  արձագանք էր լինում: Անմիջապես հստակեցվում էր շփման շրջանակը, այնուհետ՝ մեկուսացվում էին բոլորը, անգամ՝ հեռավորության վրա վիրուսակրի հետ շփված անձինք: Առհասարակ, Սինգապուրում չափազանց լուրջ էին վերաբերվում կորոնավիրուսի հնարավոր տարածմանը՝ դեռ Չինաստանում առաջին մի քանի դեպքերի հայտնաբերման ժամանակ:

Սինգապուր քաղաք-պետությունը Չինաստանի հիմնական եւ կարեւոր  գործընկերներից է: Զարմանալի չէ, որ Covid-19 վիրուսի առաջին դեպքերն այստեղ գրանցվել էին Չինաստանում համաճարակի սկզբնական փուլում արդեն, սակայն լուրջ բռնկումից Սինգապուրին հաջողվեց խուսափել:

Technology Review-ի գիտական հոդվածներից մեկում նշվում է, որ Սինգապուրի իշխանությունները դեռ վիրուսի առաջին օրերին հասկացել էին իրավիճակի լրջությունը եւ համապատասխան միջոցներ ձեռնարկել:

Հաշվի առնելով 2002-2003 թվականներին SARS վիրուսի բռնկման ժամանակ ձեռք բերված փորձը, Սինգապուրը սկսեց ուշադիր հետեւել վարակի յուրաքանչյուր դեպքի՝ կոնտակտավոր անձանց գտնելու համար: Սա թույլ տվեց  մի քանի օրում նույնականացնել վիրուսի փոխանցման շղթան մեկ անձից մյուսին եւ մեկուսացնել վարակի բոլոր հնարավոր կրողներին: Վարակի յուրաքանչյուր աղբյուրի շփման շրջանակով զբաղվում էր «բժշկական հետախուզությունը»՝ նվազեցնելով վիրուսի տարածումը:

Վիրուսի դեմ պայքարում Սինգապուրի հաջողության երկրորդ գրավականը արագ ախտորոշիչ թեստերի մշակումն ու ձեռքբերումն էր: Սա հնարավորություն տվեց 3 ժամվա ընթացքում ստուգել երկիր ժամանող բոլոր անձանց, որոնց սկզբում տեղավորում էին 3-ժամանոց կարանտինում՝ մինչ արագ թեստերի պատասխանների ստացումը:

Համեմատության համար կարելի է նշել ԱՄՆ-ի օրինակը, որտեղ տեղի ունեցավ ճիշտ հակառակը: Սկզբում կորոնավիրուսի բռնկմանն առհասարակ կարեւորություն չտրվեց, քանի որ օջախը գտնվում էր ԱՄՆ-ից հազարավոր կիլոմետրեր հեռու գտնվող Չինաստանում: Երկրի առողջապահական համակարգը չափազանց ուշ հասկացավ իրավիճակի լրջությունը, երբ արդեն, թույլ վերահսկողության պայմաններում, Միացյալ Նահանգներ էին այլ երկրներից փոխանցվել տասնյակ բերովի դեպքեր: Բազմաթիվ մարդիկ, չիմանալով իրենց մոտ վիրուսի առկայության մասին, հաճախել էին աշխատանքի, ապրել առօրյա կենցաղով՝ անգամ ախտանշանների առկայության դեպքում: Բացի այդ, երկրում մշակված Covid-19 թեստերը, ինչպես ավելի ուշ պարզվեց, պիտանի չէին կիրառման համար եւ չափազանց թույլ արդյունավետություն ունեին, ինչի հետեւանքով երկրում դեպքերի թվի աննախադեպ աճ է գրանցվում:

Օրեր առաջ էլ Սինգապուրի իշխանությունները կորոնավիրուսի դեմ պայքարում նոր օրենքներ են մշակել, խիստ սահմանափակումներ մտցրել: Մասնավորապես, բանտում կհայտնվեն այն մարդիկ, որոնք գիտակցաբար կխախտեն այլ մարդկանց մոտ գտնվելու սոցիալական հեռավորությունը:

The Strait Times-ը, ներկայացնելով այս ամենը, նշում է, որ մարտի 27-ից ընդունված որոշման համաձայն, այն մարդը, որը 1 մետրից ավելի մոտ կնստի կամ կկանգնի այլ անձանց, ստիպված կլինի բանտում պատիժ կրել 6 ամիս կալանքով կամ՝ 7 հազար դոլար տուգանք վճարել:

Պատիժ է սահմանված նաեւ կազմակերպությունների եւ ընկերությունների ղեկավարներին, որոնք չեն կարողանա ապահովել իրենց աշխատակիցների միջեւ առնվազն 1 մետր հեռավորություն:

Ընդհանուր առմամբ, դեկտեմբերից՝ Չինաստանում համաճարակի բռնկումից ի վեր, մինչ օրս Սինգապուրում COVID-19 վիրուսի 631 հաստատված դեպք է գրանցվել, որոնցից 160-ը ամբողջական առողջացմամբ արդեն դուրս են գրել, 404 մարդ դեռ գտնվում է բուժման փուլում, նրանցից 17-ի վիճակն է գնահատվում ծանր, եղել են ընդամենը 3 մահվան դեպքեր, վերջինը՝ մարտի 29-ին: 3 դեպքերում էլ մահացածները տարեց անձինք են, որոնք ունեցել են ուղեկից հիվանդություններ:

Ի դեպ, 5 օր առաջ, Սինգապուրի NanoBio լաբորատորիան՝ Գիտության, տեխնոլոգիաների եւ հետազոտությունների գործակալության հետ համատեղ հայտարարեց, որ ստեղծել է արագ թեստ, որը կարող է ընդամենը մի քանի րոպեում բացահայտել անձի մոտ կորոնավիրուսի առկայությունը: Սա կարող է դառնալ կորոնավիրուսային հիվանդության հաստատման ամենաարագ թեստն աշխարհում, երբ այն պաշտոնապես գործածության մեջ դրվի: The Straits Times-ի փոխանցմամբ, այս թեստերով հնարավոր է կորոնավիրուս ախտորոշել առավելագույնը 10 րոպեում: Այն Սինգապուրում արդեն քանիցս փորձարկել են եւ բավական հաջող արդյունքներ արձանագրել: Այս թեստերը կարող են հաստատման եւ լիցենզավորման դրվել մեկ ամսից միայն, այնուհետ՝ փոխանցվել լայն կիրառման ամբողջ աշխարհում:

Տպել
4450 դիտում

Ինչպես են բաշխվել մանդատները 6 համայնքների ավագանիներում. ԿԸՀ-ն հրապարակել է ամբողջական ցանկը

Տեխնոլոգիական զարգացումները և դրանց ազդեցությունը տարբեր ոլորտների վրա. քննարկումներ «Մտքերի հայկական գագաթնաժողով»-ում

Առողջապահության նախարարն այցելել է «Եկեք պատվաստվենք» միջոցառմանը

Հայտնի է՝ Գյումրու ՏԻՄ ընտրություններին մասնակցած ուժերից որը քանի մանդատ է ստացել. ՏԸՀ-ն ամփոփել է արդյունքները

Երևան-Գյումրի ավտոճանապարհին կատարվում են անվտանգության բարելավման հավելյալ միջոցառումներ

ԿԳՄՍ փոխնախարար Կարեն Գիլոյանը մեկնել է Բելգրադ

Ինչ ունեցվածք է հայտարարագրել ՀՀ արդարադատության նախարար Կարեն Անդրեասյանը

Բռնցքամարտի Հայաստանի հավաքականը 2 մարզում է անցկացրել Սերբիայում

Հայտնի են «Էլ Կլասիկոյում» թիմերի մեկնարկային կազմերը

Հայաստանն ի թիվս եվրոպական տարածաշրջանի երկրների, հռչակվել է «պոլիոմիելիտից ազատ» երկիր

Հայտնի է Կապանի ՏԻՄ ընտրություններում «Շանթ դաշինքի» նախընտրական ցուցակը

Ուզբեկստանում նախագահական ընտրություններ են. դիտորդները անակնկալներ չեն կախատեսում

Բրիտանական Կոլումբիայի ափերի մոտ հրդեհ է բռնկվել նավերից մեկի վրա. բնապահպանական աղետի վտանգ կա

Հրշեջ-փրկարարները 3 օրում մարել են ընդհանուր 341.7 հա տարածքում բռնկված հրդեհները

Դադարեցվել է Երևան քաղաքի Ղափանցյան փողոցի մի հատվածի առանձնատների գազամատակարարումը

ՀՀ նախագահը և Yandex-ի փոխտնօրենը «Մտքերի հայկական գագաթնաժողով»-ում քննարկել են տեխնոլոգիաների հնարավորությունները

Հայտնի է Իջևանի ՏԻՄ ընտրություններում «Քաղաքացիական պայմանագիր» կուսակցության նախընտրական ցուցակի առաջին 20 անունը

Թալիբները չեն մասնակցի Աֆղանստանի հարցով 6 երկրների նախարարական հանդիպմանը

Օդի ջերմաստիճանը կնվազի 8-11 աստիճանով. առաջիկա օրերին սպասվում է անձրև

Երևանում տեղի կունենա Yerevan Jazz Fest միջազգային 7-րդ ջազ փառատոնը

Արփունք գյուղում այրվել է պահեստավորված մեծաքանակ անասնակեր

Թուրքիայի տնտեսությունը նման է վերակենդանացման բաժանմունքում գտնվող հիվանդի. Կարո Փայլան

Հայտնի է Կապանի ՏԻՄ ընտրություններում «Քաղաքացիական պայմանագիր» կուսակցության նախընտրական ցուցակը

Մահճակալային ֆոնդը սպառման եզրին է. բոլորս պետք է համախմբվենք և երկու բան անենք. Ավանեսյան

Արման Եղոյանը հանդիպել է Իտալիայի խորհրդարանի արտաքին հարաբերությունների հանձնաժողովների նախագահների հետ

«Մտքերի գագաթնաժողով»-ներն ավելի լավ աշխարհ ունենալու համար գաղափարներ ու լուծումներ որոնելու ճանապարհ են. Ռոջեր Գրեյսի

Հրդեհ «Հոգեկան առողջության պահպանման ազգային կենտրոն»-ի նկուղում. 60 մարդ է տարհանվել

Երևանի Բաղրամյան պողոտայում 6 ավտոմեքենաներ են բախվել․ կան տուժածներ

Հրդեհ Զանգակատուն գյուղում. այրվել է մոտ 300 հա խոտածածկ

Արցախում կորոնավիրուսային հիվանդության 47 նոր դեպք է գրանցվել

Կիրակի Երևանում պատվաստումների օր է. շարժական կետերը կաշխատեն մինչև երեկո

Հիմնանորոգվում է Ստեփանավանի կենտրոնական` Բաղրամյան փողոցն` իր բոլոր ենթակառուցվածքներով․ Պապիկյան

Մահճակալային ֆոնդն այլևս չի բավարարում, հիվանդանոցներն աշխատում են խիստ ծանրաբեռնված. Թորոսյան

Կորոնավիրուսի մեկօրյա վիճակագրությունն օր օրի աճում է. հաստատվել է 2354 նոր դեպք, գրանցվել՝ 38 մահ

Հայաստանը բռնցքամարտի Եվրոպայի երիտասարդների առաջնության 2 չեմպիոն ունի (տեսանյութեր)

Առողջապահության նախարարն ու տեղակալն այցելել են քովիդ կլինիկայի մանկաբարձագինեկոլոգիական բաժանմունք

20 հայ գերիների անհետացումների ու սպանությունների վերաբերյալ նոր գործեր են ներկայացվել ՄԻԵԴ

«Հանուն Հանրապետության» կուսակցությունը հաստատապես մասնակցելու է տեղական ընտրություններին․ Արման Բաբաջանյան

2 զինված ադրբեջանցիներ տարել են Կոռնիձորի բնակչին պատկանող 107 ոչխար և 5 այծ. ՄԻՊ

Հայաստանի հումանիտար առաքելության խմբի ականազերծած տարածքները հանձնվել են Հալեպի իշխանություններին