Լոռու մարզի 4 համայնքում հայտնաբերվել է կորոնավիրուսով վարակվելու 8 դեպք, մեկուսացածների մեջ բուժաշխատողներ էլ կան

Լոռու մարզում մինչ այս պահը կորոնավիրուսով վարակվելու 8 հաստատված դեպք է գրանցվել: Նոր տիպի կորոնավիրուսով վարակման դեպքեր գրանցվել են մարզի 4 համայնքներում: Շուրջ 30 քաղաքացի էլ մեկուսացվել է որպես կոնտակտային անձ: Մարզում տիրող իրավիճակի, վարակի տարածման կանխարգելմանն ուղղված աշխատանքների շուրջ «Հայկական ժամանակ»-ը զրուցել է Լոռու մարզպետ Անդրեյ Ղուկասյանի հետ:

- Պարոն Ղուկասյան, ինչ իրավիճակ է այս պահին մարզում:

- Այս պահին Լոռու մարզում կա կորոնացվիրուսով վարակված 8 քաղաքացի, որոնցից մեկ կամ երկուսը վաղը արդեն առողջացած դուրս կգրվեն: Ունենք նաեւ մոտ 30 կոնտակտավոր անձ, որոնք հայտնաբերվել ու մեկուսացվել են Ծաղկաձորում կամ այլ վայրերում:

- Տեղեկություններ կան, որ վարկավածների, ինչպես նաեւ կոնտակտավորների մեջ նաեւ բուժաշխատողներ են, մասնավորապես խոսվում է, որ Ստեփանավանի բժշկական կենտրոնի շտապօգնության 6 աշխատակից է մեկուսացվել:

- Բուժաշխատողները ոչ թե վարակակիրներ են, այլ որպես կոնտակտային անձինք մեկուսացվել են: Նրանք Ստեփանավանի բժշկական կենտրոնի ամբուլատորիայի աշխատակիցներն են:

- Խոսվում է նաեւ Վանաձորի ինֆեկցիոն հիվանդանոցի աշխատակցի՝ վարակակիր լինելու կամ մեկուսացվելու մասին:

- Ես միտումնավոր չեմ ուզում բացահայտել ոչ այդ մարդկանց ինքնությունը, ոչ էլ բնակության վայրը: Նախ դա կոռեկտ չէ, եւ հետո, եթե հայտարարում ենք, որ օրինակ Ստեփանավանում ունենք դեպք, ապա  Ալավերդիում ասում են, որ իրենց մոտ դեպք չկա եւ թուլացնում են զգոնությունը, իսկ Ստեփանավանում էլ խուճապի են մատնվում: Բայց  որեւէ մեկս չունենք որեւէ երաշխավորություն, որ օրինակ վաղը չենք ունենա դեպքեր տարբեր բնակավայրերում: Ես որպես մարզպետ կոչ եմ անում հետեւել ցուցումներին, լինել մաքսիմալ զգույշ, որպեսզի վարակի տարածումը կանխարգելենք: Այսօր մեր խնդիրը վարակի  տարածելը կանխելն է, որը տարածվում է մարդկային շփումների միջոցով:

- Ինչ իրավիճակ է տիրում Վանաձորի ինֆեկցիոն հիվանդանոցում:

- Վանաձորի ինֆեկցիոն հիվանդանոցում ամեն օր փոխվում է հիվանդների թիվը, որովհետեւ պարբերաբար դուրսգրումներ ու նոր հիվանդներ են ընդունում: Միջինում 10-15 վարակակիր ենք ունենում, որոնք Հայաստանի տարբեր վայրերից են:

- Պարոն մարզպետ, հատկապես Վանաձորում, ցերեկային ժամերին, փողոցներում մարդկանց ակտիվություն է նկատվում, ինչով է դա պայմանավորված ըստ Ձեզ:

- Այո, շարժն իսկապես նկատելի է, բայց ամսվա առաջին օրերն են, հավանաբար այդ ակտիվությունը կապված է թոշակների ու աշխատավարձերի՝ բանկերից ստանալու հետ: Երեկվա համեմատ շարժն այսօր մի փոքր ավելի քիչ էր: Կարծում եմ՝ այսուհետ ավելի կնվազի: Մարզում ոստիկանական 6 հենակետեր են տեղադրված, որոնք հսկում են մեքենաների տեղաշարժը, դա էլ իր դրական ազդեցությունը կունենա:

- Ինչպես եք գնահատում վիրուսի կանխարգելման ու տարածմանն ուղղված աշխատանքները մարզում, կա՞ արդյոք որեւէ խնդիր այդ առումով:

- Որեւէ խնդիր չկա, վիճակը վերահսկվում է: Մենք ՀՎԱԿ-ի մարզային կենտրոնի աշխատակիցների հետ համագործակցում ենք, կա ձեւավորված շտաբ: Այստեղ շատ կարեւոր է, որ մեր քաղաքացիները համագործակցեն մեզ հետ, ու այն կոնտակտները, որ ունեցել են, ազնվորեն ասեն, որպեսզի մենք որեւէ մեկին բաց չթողնենք եւ մեկուսացման աշխատանքները ճիշտ կատարենք՝ հետագայում վարակի տարածում չունենալու համար:

- Կա՞ն արդյոք արդեն իսկ մարզում առնձնացված տեղեր՝ անհրաժեշտության դեպքում վարակակիրներին կամ կոնտակտավոր անձանց մեկուսացնելու համար:

- Մենք ընտրել ենք թե՛ դայլիճներ, թե՛ առանձին շենք-շինություններ, որոնք անհրաժեշտության դեպքում կարող են օգտագործվել: Ամբողջը գույքագրված է, բայց ես հույս ունեմ, որ դրա կարիքը չի զգացվի:

Հ.Գ․  Հարցազրույցի վերջում Լոռու մարզպետ Անդրեյ Ղուկասյանը իր շնորհակալությունը փոխանցեց բուժաշխատողներին, ոստիկաններին ու փրկարարներին՝ նշելով, որ պատրաստվում են ինֆեկցիոն հհիվանդանոցի բոլոր աշխատակիցներին պարգեւատրել:

Տպել
29191 դիտում

Դալմա գարդեն մոլում եւ Մեգամոլում պայթուցիկի որոնողական աշխատանքները շարունակվում են. աշխատակիցները տարհանվել են

Կասեցումներ սոցիալական ապահովման ծառայության տարածքային բաժիններում եւ Ազգային արխիվում (տեսանյութ)

Հուլիսի 8-ին Մոսկվա-Երևան չարտերային չվերթի որոշ քանակի տոմսեր կարելի է ձեռք բերել ազատ վաճառքից

Այսօր ցավով տեղեկացա, որ Նուրհան Յոսուփովիչը մահացել է. Նիկոլ Փաշինյան

Արմեն Ամիրյանը 2-րդ հայցն է ներկայացրել ընդդեմ Հովհաննես Գալստյանի. վերջինս էլ պատրաստվում է նրան դատի տալ

Հայտարարություն մրցակցային բանակցությունների մասին

Սկսում ենք կենսաթոշակների նշանակման գործընթացների վերակազմակերպումը. այն խնդրահարույց է. Զարուհի Բաթոյան

Ֆիզիկապես լավ էի, բայց ինձ շատ վատ էի զգում, երեխեքիս աչքերում այնքան թախիծ կար. մի վարակակրի պատմություն

«Եղեգ» ՓՀԷԿ-ն իրականացրել է սահմանված ջրաքանակից ավելի ջրառ՝ շրջակա միջավայրին հասցնելով 3,8 մլն դրամի վնաս

Երևանի «Մեգամոլ Արմենիա» առևտրի կենտրոնի 1-ին և 2-րդ հարկերում ռումբերի առկայության մասին ահազանգ է եղել

ԱՀԿ-ն հայտարարել է աշխարհում կորոնավիրուսի ցուցանիշների կտրուկ աճի եւ նոր հակառեկորդի մասին

Ա. Սարգսյանը հրամանագիր է ստորագրել՝ Տավուշի մարզի առաջին ատյանի դատարանի դատավոր նշանակելու մասին

Արցախում կորոնավիրուսից բուժվել է 8 քաղաքացի. պացիենտներից մեկի առողջական վիճակը ծանր է

Լոնդոնում ուսանող Ալեքսանդր և Գեորգի Ձավարյանները 30.000 հատ դեմքի պաշտպանիչ վահաններ են ուղարկել Հայաստան

Նորքի տուն-ինտերնատում նոր կորոնավիրուսով վարակված բոլոր տարեցներն առողջացել են

Արմեն Սարգսյանը ծննդյան 80-ամյակի առթիվ շնորհավորել է Ղազախստանի առաջին նախագահ Նուրսուլթան Նազարբաևին

Բերդավան գյուղի 4 փողոց լուսավորվել է լեդ լուսատուներով. վարչապետը կիսվել է տեսանյութով

Արտակարգ դրությանն առնչվող հարցերով Մարդու իրավունքների պաշտպանը ստացել է 2249 բողոք

ՀՀ ոստիկանությունը շտաբի նոր պետ ունի

Հենրիխ Մխիթարյանի գոլը, բարձր գնահատականն ու «Ռոմայի» պարտությունը «Նապոլիի» դեմ խաղում (տեսանյութ)