Կորոնավիրուս է հայտնաբերվել Գյումրու ինֆեկցիոն հիվանդանոցի բժիշկներից մեկի մոտ

Երեկ կորոնավիրուս է հաստատվել Գյումրու ինֆեկցիոն հիվանդանոցի բժիշկներից մեկի մոտ: Այս մասին այսօր լրագրողների հետ զրույցում ասաց Շիրակի մարզպետ Տիգրան Պետրոսյանը: Ըստ մարզպետի՝ վարակված բժիշկը չի աշխատել ինֆեկցիոն հիվանդանոցի տուբերկուլոզային բլոկում, որտեղ գտնվում են կորոնավիրուսի հաստատված դեպքերով հիվանդներն ու բարձր ռիսկի խմբի մարդիկ, սակայն վարակն առկա է:

«Ճիշտ է, նա այդ հատվածում չի աշխատել, բայց մեծ հավանականությամբ շփում է ունեցել այնպիսի մարդու հետ, որը մինչեւ թեստավորում անցնելը բուժօգնության կարիք է ունեցել: Հիմա նրանց օղակն է ամբողջությամբ մեկուսացվել»,- ասաց մարզպետը:

Ընդհանուր առմամբ այս պահին Գյումրու ինֆեկցիոն հիվանդանոցում կորոնավիրուսով հիվանդ 13 քաղաքացի կա: Կորոնավիրուսից մահվան մեկ դեպք է արձանագրվել. Անի համայնքի բնակչի մահն է եղել: Մարզում մեկուսացված եւ ինքնամեկուսացված է 100-ից ավելի մարդ: Կորոնավիրուսի դեպքեր հայտնաբերվել են միայն Գյումրիում եւ Շիրակի մարզի Անի խոշորացված համայնքում: Այլ բնակավայրերում չկա խնդիր: Մեկուսացվածների ճնշող մեծամասնությունը Գյումրիի բնակիչներն են:

«Մեկուսացվածների թիվը հարաբերական է, քանի որ մի մասը մեկուսացվել է մեզ մոտ, մի մասն ինքնամեկուսացվել է: Բուժման ավարտին մոտեցող մարդկանց թիվ կա արդեն: Նաեւ մեկ հոգի ունենք, որն արդեն դուրս է գրվել ինֆեկցիոն հիվանդանոցից: Մոտ օրերս կրկին սպասում ենք դուրս գրվողների։ Մեկուսացվածների մեջ կան ե՛ւ ռիսկի գոտում գտնվողներ, ե՛ւ կոնտակտավորներ, ե՛ւ ռիսկի գոտուց վերադարձածներ: Հատկապես մեծ է վերադարձածների թիվը, որոնք որեւէ առողջական խնդիր չեն ունեցել, սակայն ուշադրության կենտրոնում են, եւ առաջնային օղակը, ոստիկանությունն իրենց հետ շարունակում են աշխատել»,- ասաց Տիգրան Պետրոսյանը:

«Գյումրի» ԲԿ-ից մեկուսացված 29 բուժաշխատողներն իրենց լավ են զգում: Մարզպետն ասաց՝ դեռ որեւէ մեկի մոտ առողջական խնդիր չի առաջացել․ «Այս պահին նրանց հետ կոնտակտավորների շրջանակն է քննարկվում, եթե կարիք լինի, մենք մեկուսացման միջավար ունենք Շիրակի մարզում, կմեկուսացնենք: Երեկ եմ խոսել «Գյումրի» ԲԿ տնօրենի հետ, ինքն անընդհատ կապի մեջ է իր աշխատակիցների հետ, նրանց վիճակը նորմալ է, որեւէ մեկի մոտ դեռ առողջական խնդիր չկա, եւ հույս ունենք, որ այդ տվյալը կպահպանվի»:

Այս պահին Գյումրու ինֆեկցիոնն աստիճանաբար մոտենում է գերծանրաբեռնվածության շեմին, քանի որ յուրաքանչյուր հիվանդի ու մեկուսացվածի (որոնց մի մասը նույնպես հիվանդանոցում է տեղավորվել), մեկ սենյակ է տրամադրվում, սակայն, ըստ Տիգրան Պետրոսյանի, հավանաբար այլ տարածքում մեկուսացումներ կազմակերպելու կարիք չի առաջանա, քանի որ ե՛ւ դուրս գրվող քաղաքացիների, ե՛ւ մեկուսացումից դուրս եկողների զգալի թիվ է լինելու առաջիկայում: Բայց եթե նման կարիք առաջանա, մարզը պատրաստ է նաեւ դրան: Ամեն ինչ, ըստ մարզպետի, քննարկված, հստակեցված է:

Տպել
2774 դիտում

Արթուր Դավթյանն Արցախում հանդիպել է ԱՀ գլխավոր դատախազի եւ դատախազության աշխատակիցների հետ

ԿԸՀ-ն վաղվա նիստում կքննարկի «Լուսավոր Հայաստան» խմբակցության ղեկավարի դիմումը` մանդատ ստանալու մասին

Սոցփաթեթների գումարները տնօրինելու համար առաջարկվում է պարտադիր չհամարել բուժզննում անցնելը

Մամեդյարովից «խլում են» ԱԳՆ-ն. «անատամ դիվանագիտության» հետեւանքները

Հուլիսի 8-ին կիրականացվեն «Ձյունիկ սառնարան»-ի շենքի պայթեցման աշխատանքներ. փակ կլինեն փողոցներ

Առանց դիմակների ու առանց սոցիալական հեռավորության կյանք․ պատվաստանյութ կլինի

Երեւանի 3 դպրոցներ կառուցվում ու բարեկարգվում են. աշխատանքները կավարտվեն մինչեւ տարեվերջ

ԿԳՄՍ նախարարն Արցախում է. նախագահի հետ միասին քննարկել են կրթության ոլորտին առնչվող հարցեր

Մարտի 16-ից մինչեւ արտակարգ դրության ավարտը վավերականության ժամկետը լրացած անձնագրերը կհամարվեն վավեր

Ռ. Քոչարյանին ազատ արձակելուց հետո դատավոր Արսեն Նիկողոսյանին սպառնալու փաստով նյութեր են նախապատրաստվում

ԱԻՆ ջրափրկարարները վերսկսել են արդեն 11 օր կորած քաղաքացու ստորջրյա որոնողական աշխատանքները

Պետք է զգույշ լինենք, եթե վարակվել ու լավացել ենք, 100% երաշխիք չէ, որ երկրորդ անգամ չենք վարակվի․ Արսեն Թորոսյան

Նախագահի պասիվ դերակատարումը կասկածների առիթ է տալիս. Արման Բաբաջանյան

Մեկնարկում է Հայաստանում աշնանացան ցորենի արտադրության խթանման պետական աջակցության ծրագիրը

3 արջերը շարունակում են տանջվել Սիսիանի Resort MJA հանգստյան գոտում․ «Daily mail» (լուսանկարներ)

«Միասին երեխաների համար» խորագրով բարեգործական համերգի շրջանակում հավաքվել է 4,6 միլիոն դրամ

Սահմանադրական դատարանի նիստը չկայացավ քվորումի բացակայության պատճառով

Վերաքննիչ դատարանում սկսվել է Գագիկ Ծառուկյանի խափանման միջոցի վերաբերյալ բողոքների քննությունը

Ստեփանակերտում կորոնավիրուս է հաստատվել 1 քաղաքացու մոտ. պացիենտներից մեկի վիճակը ծանր է

Հաստատվել է կորոնավիրուսի 349 նոր դեպք, գրանցվել՝ 12 մահ, կա 605 առողջացած