Անասուններին էլ դաշտ չենք տանում. Արցախի Միրիկ գյուղը, որտեղ հարսի եւ սկեսրոջ մոտ կորոնավիրուս է հաստատվել, մեկուսացած է

Արցախի Քաշաթաղի շրջանի Միրիկ (նախկինում Լաչին) գյուղը, որտեղ հայտնաբերվել է կորոնավիրուսով վարակվածության առաջին դեպքը, մեկուսացման մեջ է: Գյուղից մուտքն ու ելքը հսկվում է, գյուղացիներին հրահանգված է տներից դուրս չգալ, նույնիսկ անասուններին չեն տանում արածելու: Մեր հարցերին պատասխանել է համայնքի ղեկավար Դավիթ Ստեփանյանը:

- Պարո՛ն Ստեփանյան, հայտնի է, որ Արցախում առաջին անձը, որի մոտ կորոնավիրուս է հաստատվել, Ձեր գյուղի բնակիչ է: Այդ դեպքից հետո ինչպե՞ս է փոխվել կյանքը գյուղում:

- Գյուղում բոլորը մեկուսացած են, ամեն մեկն էլ վախենում է իր երեխայի համար, մեկուսացել են տներում, դուրս չեն գալիս: Գիտեք, որ գյուղն անասնապահական գոտի է, անասուններին արդեն 20 օր է՝ դուրս էինք տանում, հիմա դա էլ չենք անում եւ չենք անի՝ մինչեւ այս վիրուսի ավարտը:

- Իսկ ինչպե՞ս եք պահելու անասուններին, անասնակերի խնդիր չկա՞:

- Մեր վարչակազմը, Կառավարությունն անասնակեր են բերել բաժանել, խնդիր չկա: Հենց այս պահին էլ գնում եմ՝ սնունդ բերեմ, որ բաժանենք այն գյուղացիներին, որոնք ունեն դրա կարիքը:

- Ձեր համագյուղացի կինն ինչպե՞ս է վարակվել:

- Նա եղել էր Արտաատում, որտեղ ինչ-որ բարեկամ է ունեցել կորոնավիրուսով վարակված, շփում է ունեցել, շփումից հետո եկել է Միրիկ, վարակել հարսին:

- Հարսն էլ Մոշաթաղում է, չէ՞, ընտրությունների մասնակցել:

- Այո՛, նա այնտեղ է գրանցված եւ մինչեւ ամուսնու մահանալն այնտեղ է ապրել, հետո տեղափոխվել է Միրիկ՝ սկեսուր, սկեսրայրի մոտ:

- Ընտանիքում ուրիշ ո՞վ կա: Երեխաներ ունե՞ն:

- Այո՛, երկու երեխա, հարսը, սկեսուր, սկեսրայրը:

- Մյուսներն առո՞ղջ են:

- Դեռ պարզ չէ, մեկուսացրել են ընտանիքին:

Հիշեցնենք, որ ապրիլի 7-ին Արցախի տեղեկատվական շտաբից տեղեկացրել էին, որ մեկ անձի թեստի պատասխանը դրական է եղել, վերջինս ապրիլի 2-ի առավոտյան շտապօգնության մեքենայով տեղափոխվել էր Քաշաթաղի բուժմիավորում եւ մեկուսացվել, որովհետեւ Արցախ էր վերադարձել ՀՀ-ից՝ «վարակի օջախ» համարվող բնակավայրից:

Արցախի Համաճարակաբանության եւ հիգենիայի կենտրոնը նրա հետ հնարավոր շփումների շրջանակը ճշտելուց հետո օրեր առաջ ինքնամեկուսացված քաղաքացիների առանձնատներում անհրաժեշտ ախտահանիչ աշխատանքներ է իրականացրել:

Երեկ կորոնավիրուս էր հաստատվել եւս երկու անձի մոտ, որոնցից մեկն առաջին վարակվածի հարսն է:

Տպել
1517 դիտում

Կապանի գործով Մարատ Ստեփանյանը կմնա ազատության մեջ. դատարանը մերժեց նրան կալանավորելու միջնորդությունը

Տեսչական մարմինները խախտումներ են հայտնաբերել Երևանի մանկապարտեզներում

«Քննությանը խոչընդոտելու վտանգը չի վերացել». դատարանի որոշումը՝ Ռոբերտ Քոչարյանին ազատ չարձակելու վերաբերյալ

Կրիր դիմակ, փրկիր կյանքեր. վարչապետը լուսանկար է հրապարակել

Մհեր Գրիգորյանը հարգանքի տուրք է մատուցել Բաշ-Ապարանի ճակատամարտի հերոսների հիշատակին

Քաջարանի հավաքի մասնակիցներից այս պահին 20-ի վերաբերյալ կազմվել է վարչական իրավախախտումների արձանագրություն

Մայիսի 29-ին կիրականացվի Մոսկվա-Երևան չվերթը, 30-ին՝ Մինսկ-Երևան-Մինսկ չվերթը. Քաղավիացիա

Նոր Պարեկային ծառայության ստեղծման հետեւանքով ոստիկանությունը աշխատանքի է հրավիրում աշխատակիցների

Նախարարությունը հրապարակել է կորոնավիրուսային հիվանդության թեթև դեպքերի տնային բուժման ուղեցույց

ԱՄՆ-ում բողոքի ցույցեր են. ոստիկանը սեւամորթ ամերիկացու մահվան պատճառ է դարձել (լուսանկարներ)

18-րդ միջոցառման շրջանակներում 12.200 տնտեսվարողի շահառու հանդիսանալու ծանուցում է ուղարկվել․ Մկրտչյան

Արմեն Սարգսյանը Սարդարապատի հուշահամալիրում հարգանքի տուրք է մատուցել հերոսամարտի զոհերի հիշատակին (տեսանյութ)

ԿԳՄՍ փոխնախարար դառնալու զրո ցանկություն ունեմ. Արսեն Ջուլֆալակյան

Հրդեհ «Պապա-ֆուդ» պանդոկում. հայտարարվել է հրդեհի բարդության «1-ԲԻՍ» կանչ. տուժածներ չկան (տեսանյութ)

Սրբության պես պետք է պահենք մեր պետականությունն ու ինքնիշխանությունը, որ արժանապատիվ կյանքի երաշխավորն են. ՄԻՊ-ի ուղերձը

Մհեր Գրիգորյանը հանդիպել է Արցախի Հանրապետության նախագահի հետ. քննարկվել են սոցիալ-տնտեսական իրավիճակի մասին հարցեր

ԱԺ նախագահ Արարատ Միրզոյանը շնորհավորական ուղերձ է հղել Առաջին հանրապետության օրվա կապակցությամբ

Վարչապետը շնորհավորական ուղերձ է հղել Եթովպիայի վարչապետին Ազգային տոնի կապակցությամբ

Տեղի է ունեցել Նիկոլ Փաշինյանի և Արայիկ Հարությունյանի առաջին պաշտոնական հանդիպումը Երևանում (տեսանյութ)

Լոռու մարզում գրանցվել է կորոնավիրուսից մահվան առաջին դեպքը. քաղաքացին վերջերս էր ժամանել Ֆրանսիայից