Պետական ապարատում աշխատավարձերի բարձրացումը հեղափոխական ամբիոնից իմ տված խոստումն է, որն արել եմ․ Նիկոլ Փաշինյան

Այսօր ԱԺ-ում կառավարության հետ հարցուպատասխանի ժամանակ «Իմ քայլը» խմբակցության պատգամավոր Արմեն Փամբուխչյանն անդրադարձավ պետական համակարգում աշխատողների պարգեւավճարների եւ աշխատավարձերի թեմային։ Նա խնդրեց վարչապետ Նիկոլ Փաշինյանին ներկայացնել սեփական դիրքորոշումը, քանի որ հանրության շրջանում սա բավականին քննարկվող թեմա է։

«Ես մի գաղտնիք բացեմ. դուք երեկ ինձ զգուշացրել էիք, որ այս թեմայով հարց եք տալու, ես պատրաստվել եմ։ Վերջին քննարկումներից ես հասկացա, որ թյուրըմբռնում ունեմ այս թեմայի հետ կապված։ Նախկինում ինձ թվում էր, որ խոսքը միայն բարձրաստիճան պաշտոնյաների մասին է, բայց հիմա հասկանում եմ, որ ընդհանրապես պետական ապարատում աշխատավարձերի բարձրացման թեմայի մասին է։ Ես հիմա ձայնագրություն կօգտագործեմ՝ պատասխանելու, որ պետական ապարատում աշխատավարձերի բարձրացումը Հանրապետության հրապարակի հեղափոխական ամբիոնից իմ տված խոստումն է, որը տրվել է ժողովրդի աչքի առաջ։ Դա պարտավորություն է, որը ես ստանձնել եմ Հայաստանի ժողովրդի առաջ։ Որպեսզի կասկած չլինի, ես հիմա կդնեմ այդ ձայնագրությունը»,- ասաց վարչապետը, այնուհետեւ միացրեց հեղափոխության ժամանակ արված տեսաձայնագրությունից մի հատված, որտեղ հայտարարել է․ «Պետական աշխատողների եւ ոստիկանների աշխատավարձը կբարձրացվի, որ նրանք շաբաթ-կիրակի օրերին ստիպված չլինեն բետոն թափել սրա-նրա հայաթներում․․․»։ Այնեւհետեւ Փաշինյանը նկատեց, որ այս հայտարարությունն արել է 2018 թվականի ապրիլի 19-ին, որից հետո էլ ժողովուրդը պարտադրել է, որ իրեն ընտրեն վարչապետ։

«Ես հիմա տեսնում եմ, որ քննարկում կա, թե ինչու եմ պետական համակարգի աշխատողների աշխատավարձը բարձրացրել, կներեք, դա անընդունելի է։ Խոստացել եմ, ժողովուրդը հաստատել է խոստումը, եւ բարձրացրել ենք»,- ասաց Փաշինյանը՝ շեշտելով, որ այստեղ հետ ճանապարհ չկա, սրանից հրաժարվելու ճանապարհը հետհեղափոխություն անելն է, որն էլի լեգիտիմ է։ «Ժողովուրդը ցանկացած պահի կարող է անել նոր հեղափոխություն, մեզ այստեղից քշի, բերի հին բարի ժամանակների պաշտոնյաներին, որոնք ցածր աշխատավարձ էին ստանում եւ լափում էին պետական համակարգը»,- նկատեց վարչապետը։ Նրա համոզմամբ՝ այսօր բարձրաստիճան պաշտոնյան, որը 24 ժամ պայքարում է ինչ-որ բանի դեմ, պետք է 100 տոկոսով կենտրոնացած լինի իր աշխատանքի վրա եւ դրա համար պետք է հնարավորություն ունենա շատ-քիչ կտրված լինել ամենօրյա մանր կենցաղային բաներից։ «Եվ ընդհանրապես, պետական ծառայության պրեստիժը պետք է բարձրացվի, եւ սա իմ սկզբունքային դիրքորոշումն է, եւ ՀՀ քաղաքացիներն ունեն այս քաղաքականությունը կտրելու հնարավորություն։ Թող ասեն՝ սրանց տարեք, Գագիկ Խաչատրյանին ու Սերժ Սարգսյանին հետ բերեք»,- ասաց Փաշինյանը։ Այնուհետեւ պատգամավորներից մեկը տեղից բարձրաձայնեց՝ բա, որ մարդիկ լո՞ւրջ ընդունեն, ինչից հետո էլ Փաշինյանը պատասխանեց՝ լուրջ կընդունեն, թող լուրջ ընդունեն, դա լեգիտիմ իրավունք է։

Տպել
3379 դիտում

Արմեն Սարգսյանը շնորհավորել է վարչապետ Նիկոլ Փաշինյանին՝ ծննդյան օրվա առթիվ

Ռոբերտ Քոչարյանի՝ մինչեւ արտակարգ դրության ավարտը ԲԿ-ում մնալու որոշումը կարող է բողոքարկվել․ Արթուր Դավթյան

«Արարատ 73»-ի լեգենդար ֆուտբոլիստների գողացված արձանները չեն գտնվել

Կալանավորվել է Մարմաշենում 21-ամյա երիտասարդի սպանության գործով ձերբակալված անչափահասը

Չեմ ուզում գնալ հիվանդանոցից. Գյումրիում բռնության ենթարկված 13-ամյա Նազելին դուրս է գրվել «Սուրբ Աստվածամայր» ԲԿ-ից

2019 թվականին Զինված ուժերում հանցագործությունների թիվը նվազել է 18,5%-ով․ Արթուր Դավթյան

Քննիչը հանձնարարել էր պարզել Սանասարյանի դրամական միջոցների ծագումը, փոխհարաբերությունը ՊՎԾ աշխատակիցների հետ

Գյումրիում շների հարձակման հետևանքով Երևան տեղափոխված 2.5 տարեկան երեխան գիտակցության է եկել, ինքնուրույն շնչում է

Նիկոլ Փաշինյանն ու Վլադիմիր Պուտինը քննարկել են կորոնավիրուսային համաճարակի հետ կապված իրավիճակը

Թմրամիջոցների հայտնաբերման դեպքեր քրեակատարողական ծառայողների կողմից

14-ամյա պատանին իր մոտ եղած դանակով հարվածել է 16-ամյա տղայի թիկունքին՝ պատճառելով մարմնական վնասվածք

Յուրաքանչյուր երեխա ապագայի խորհրդանիշն ու երաշխիքն է. Արմեն Սարգսյանի շնորհավորանքը

Պատերազմներից, սովից, բռնությունից տառապող յուրաքանչյուր երեխա մեր՝ մեծերիս, պարտությունն ու ամոթն է. Աննա Հակոբյան

Վալենտինա Մատվիենկոն շնորհավորական ուղերձ է հղել Նիկոլ Փաշինյանին ծննդյան օրվա առթիվ

Միջազգային 20 կինոփառատոններ հասանելի են մեկ հարթակում տասն օր բոլորի համար անվճար

Բարոյական եւ հոգեբանական փլատակների մի՛ վերածվեք. Աննա Հակոբյանը՝ իրենց ընտանիքի վարակման փաստը շահարկողներին

Ժամանակավորապես կդադարեցվի բնական գազի մատակարարումը Հայաստան

Արցախի նախագահի հաստատմամբ Մարտակերտի շրջանի վարչակազմը նոր ղեկավար ունի

Պարետի կողմից սահմանված նորմերի խախտման դեպքերով դադարեցվել է 1376 կազմակերպության գործունեություն

Արայիկ Հարությունյանը հրամանագրեր է ստորագրել նախարարների եւ ՊԵԿ նախագահի նշանակման մասին