Մշտադիտարկում է իրականացվել 487 կազմակերպությունում, ժամանակավորապես դադարեցվել է 55-ի գործունեությունը

ՀՀ առողջապահական եւ աշխատանքի տեսչական մարմինն արդեն մի քանի օր է, որ մշտադիտարկումներ է անում շինարարական կազմակերպություններում. այս մասին այսօր ասուլիսին ասաց առողջապահական եւ աշխատանքի տեսչական մարմնի աշխատողների առողջության պահպանման եւ անվտանգության ապահովման վարչության պետ Աշոտ Հարությունյանը:

«Կարող է թվալ, թե վարակի կանխարգելման համար սահմանված կանոնների մի մասը վերաբերելի չէ որոշ կազմակերպությունների, սակայն պրակտիկ աշխատանքում պարզվում է, որ այս կանոնների յուրաքանչյուր էլեմենտը որոշակի նպատակ ունի եւ կարեւոր է: Դրանցից յուրաքանչյուրն էական է: Օրինակ՝ կարող է թվալ, որ շինարարական հրապարակը բացօթյա է, բայց բացօթյա շինարարական հրապարակում կա նաեւ աշխատողների հանգստի ժամ, եւ այդ հանգստի ժամն օգտագործում են հանգստի կամ սնվելու համար: Դա ուղեկցվում է սանիտարահիգիենիկ կառույցներից կամ ծորակներից օգտվելով: Դրանց առկայությունից բխում է, թե կուտակումներից խուսափելը որքանով է հնարավոր»,- ասաց նա՝ հավելելով, որ իրենց հանգստի պահին շինարարները սովորաբար առանց դիմակների են լինում:

Աշոտ Հարությունյանը նշեց, որ շինարարական կազմակերպություններն ունեն նորմատիվ՝ սաղավարտների, արտահագուստի տրամադրում, մեքենաների սարքինության ապահովում: «Գործատուները պիտի պահեն ոչ միայն պարետի կանոնները, այլեւ՝ իրենց շինարարական նորմերը: Այս օրերին շատ կարեւոր է նաեւ դժբախտ դեպքերի կանխարգելումը»,- ասաց նա՝ ընդգծելով, որ կանոնները կիրառելի են բոլոր կազմակերպությունների համար, եւ դրանք պետք է պահպանել բոլոր պարագաներում:

Անդրադառնալով մշտադիտարկումների ընթացակարգին՝ նա նշեց, որ պարետի՝ վարակի տարածման կանխարգելման կանոնների հրապարակումից ի վեր՝ տեսչական մարմինն սկսել է մշտադիտարկումներ անցկացնել գործունեության իրավունք ունեցող բոլոր սուբյեկտների մոտ: Նրանց այցելելուց առաջ, ըստ Հարությունյանի, նրանք իրազկվել են պարետի սահմանած գործունեության կանոնների վերաբերյալ: 487 կազմակերպություններում եւ դրանց մասնաճյուղերում իրականացվել են մշտադիտարկումներ, կազմվել են հաշվետվություններ: 55 կազմակերպությունների կամ մասնաճյուղերի գործունեությունը ժամանակավորապես դադարեցվել է:

«Օրինակ՝ առեւտրի վայրերում արձանագրված խախտումները հիմնականում վերաբերում են հաճախորդների հետ շփումներ ունեցող կազմակերպությունների աշխատակիցների դիմակներ չկրելուն, տնային եւ սանիտարական հագուստի կամ արտահագուստի համար առանձին պահարաններ չունենալուն, անհրաժեշտ ծորակների քանակ, փակվող աղբամաններ չունենալուն, այսինքն՝ հիմնական կանոնները, որ ուղղված են վարակի տարածման կանխարգելմանը, տարբեր չափերով խախտվում են»,- ասաց նա՝ հավելելով, որ կան կազմակերպություններ, որտեղ խախտումներ չեն եղել:

Ըստ ընթացակարգի՝ տեսչական մարմնի՝ խախտումների հայտնաբերումից հետո տնտեսվարողի գործունեությունը կարող է դադարեցվել պարետի համապատասխան որոշմամբ: Այդ որոշումը ստանալուց, եւ դրա մասին տնտեսվարողին իրազեկելու պահից սկսած՝ դադարեցումն ուժի մեջ է մտնում: «Մենք իրազեկում ենք համապատասխան հրամանի վերաբերյալ, փակվում է վայրը, եւ այդ ժամանակը պիտի օգտագործվի խախտումները վերացնելու համար»,- ասաց Աշոտ Հարությունյանը:

Սակայն, նրա խոսքով, մշտադտարկումները տնտեսվարողի գործունեությունը դադարեցնելու խնդիր չունեն. «Դրանք կրում են ոչ միայն վերահսկողական, այլեւ խորհրդատվական բնույթը: Մենք խախտումների վերաբերյալ դիտարկումներ ենք անում՝ ինչ պետք է անի, ինչպես պետք է անի»,- ասաց նա:

Աշոտ Հարությունյանը հիշեցրեց, որ կորոնավիրուսի տարածման կարնխարգելման համար պարետի որոշմամբ գործատուները պարտավոր են.

Ապահովել ձեռքերի կանոնավոր եւ մանրակրկիտ լվացման պայմաններ աշխատողների համար,

Ապահովել աշխատավայրում ջրի, օճառի, ալկոհոլային հիմքով ձեռքերի ախտահանիչների, եռաշերտ դիմակների եւ ձեռնոցների առկայությունը,

Ապահովել դիմակների կրումն այն աշխատողների, որոնք անմիջական շփում ունեն հաճախորդների հետ,

Ապահովել յուրաքանչյուր տաս աշխատողի հաշվարկով մեկ ծորակի առկայություն,

Փակվող աղբամաններ,

Յուրաքանչյուր աշխատակցի ջերմությունն օրը երկու անգամ չափելու հնարավորություն՝ գրանցելով տվյալները գրանցամատյանում,

Ախտահանման համար կիրառել քլորի հիմքով կամ 60-70 տոկոս սպիրտ պարունակող ախտահանիչներ օրը երկու անգամ՝ բոլոր մակերեւույթները ախտահանելու համար,

Ապահովել աշխատակիցների միմյանցից առնվազն 2մ հեռավորությունը,

Անձնական, դրսի եւ տնային, աշխատանքային հագուստի համար ապահովել արտահագուստի, սանիտարական հագուստի համար նախատեսված հանդերձապահարաններ,

Հնարավորինս սահմանափակել ներգնա եւ արտագնա գործուղումները,

Հարգելի համարել սուր-շնչառական վարակների բնորոշ ախտանշաններով աշխատակիցների բացակայությունն աշխատանքից, բացառել նրանց մուտքն աշխատավայր, իսկ եթե ախտանիշներն ի հայտ են գալիս աշխատանքի ընթացքում, անհապաղ հայտնել Առողջապահության նախարարություն,

Վիրուսով աշխատակից հայտնաբերելու դեպքում անհապաղ առանձնացնել վարակակիր աշխատակցի հետ շփում ունեցածների շրջանակն ու նրանց մասին տեղեկացնել Առողջապահության նախարարությանը,

Անհրաժեշտության դեպքում ապահովել մեկուսացված անձանց հեռավար աշխատանքի հնարավորությունը:

Աշոտ Հարությունյանն ընդգծեց, որ առանձնացված են նաեւ կանոններ առավել խոցելի խմբի աշխատողների համար. 60 տարեկանից բարձր, շաքարային դիաբետ, սրտանոթային շնչառական հիվանդություններ, քրոնիկ հիվանդություններ ունցող անձանց համար, հիվանդների եւ երեխա խնամող աշխատակիցների համար գործատուն պիտի սահմանի աշխատանքային ճկուն գրաֆիկներ, աշխատավայրում հիվանդության կասկածի վերաբերյալ, վարակին ոչ բնորոշ ախտանշների վերաբերյալ հրահանգի աշխատակցին անհապաղ անցնել տնից աշխատանքի ռեժիմի, իսկ եթե դա հնարավոր չէ, լքի աշխատավայրը:

Տպել
427 դիտում

Հրդեհ Էջմիածին քաղաքի մթերային խանութներից մեկում․ տուժածներ չկան

Հրդեհ Վանաձորում. 7-ամյա երեխային այրվող բնակարանից դուրս են բերել հարեւանները, տան տիրոջը՝ փրկարարները (լուսանկարներ)

Վանաձորում մեքենան բախվել է շինության պատին. վարորդը տեղում մահացել է (լուսանկարներ)

ՍԱՏՄ-ն գյուղատնտեսական մի քանի շուկաներում խախտումներ է արձանագրել. տվյալները կներկայացվեն պարետատուն

Տեսչական մարմնի աշխատակիցները կրկնակի այց և մշտադիտարկում են իրականացրել Երևան երկաթուղային կայարանում

Ոստիկանությունն արգելափակել է Ղալթաղչիի Սուրբ Հովհաննես մատուռ տանող ճանապարհները

Վրաստանը մեզ համար եղբայրական երկիր է, և շատ ջերմացնում է մեզ նման պատրաստակամությունը. վարչապետ

Ռեվանշիստները հիմա էլ ուրի՞շ «պլացդարմ» են փնտրում

Նախատեսված է 100.000 հայկական թեստի արտադրություն. ՄԿԻ-ն ավարտել է լաբորատոր փորձարկումները

358 պացիենտ գտնվում է ծանր, 58-ը՝ ծայրահեղ ծանր վիճակում. Նիկոլ Փաշինյան (տեսանյութ)

Առաջին դասարանցիների առցանց գրանցումը կսկսվի հունիսի 1-ից

Ունենք քաղաքական կամք՝ ֆիզիկական անձանց եկամուտների համատարած հայտարարագրում ներդնելու համար. վարչապետ

Ոստիկանները պարզել են Իջևանում կրակոցներ արձակած անձի ինքնությունը. ոստիկանություն է ներկայացել 42-ամյա տղամարդ

Արմավիրի նախկին քաղաքապետն ապօրինաբար 75 տարով տարածք է հատկացրել ՀՀ ֆուտբոլի ֆեդերացիայի նախկին նախագահին (տեսանյութ)

Պարետի որոշմամբ 24 ժամով արգելվել է 24, և 48 ժամով՝ 2 տնտեսվարողի պատկանող մասնաճյուղերի գործունեությունը

Արցախի նախագահը 2020 թվականի ամառային զորակոչ անցկացնելու եւ զորացրում կատարելու մասին հրամանագիր է ստորագրել

ՊԲ-ում այսօր սանիտարական օր է. ախտահանվել են զորանոցները, բուժկետերը, կենցաղային նշանակության շինությունները(տեսանյութ)

Դելի-Երևան հատուկ չվերթով Հայաստան է ժամանել ՀՀ 23 քաղաքացի, Հնդկաստան է վերադարձել 130 հնդիկ ուսանող

Համավարակը սահման և ազգություն չի ճանաչում. այն ազդեցություն է թողել յուրաքանչյուրիս վրա. Մհեր Գրիգորյանն ուղերձ է հղել

Հասարակության «լրջության կորագիծը»