«Կոշ» ՔԿՀ-ի նախկին պետ Լյովա Բաղդասարյանի եւ մյուսների գործը մակագրվել է դատավոր Դավիթ Բալայանին

«Կոշ» քրեակատարողական հիմնարկի նախկին պետ Լյովա Բաղդասարյանի եւ մյուսների գործը մակագրվել է Երեւանի ընդհանուր իրավասության դատարանի Շենգավիթի նստավայրի դատավոր Դավիթ Բալայանին:

Այս մասին «Հայկական ժամանակ»-ը տեղեկացավ դատական տեղեկատվական համակարգից:

Ըստ մեղադրական եզրակացության համառոտ նկարագրի՝ Լյովա Բաղդասարյանին մեղադրանք է առաջադրվել այն բանի համար, որ նա, 2015թ․ մարտի 23-ին ՀՀ արդարադատության նախարարի հրամանով զբաղեցնելով ՀՀ ԱՆ «Կոշ» ՔԿ հիմնարկի պետի պաշտոնը, հանդիսանալով պաշտոնատար անձ, մշտապես իրականացնելով իշխանության ներկայացուցչի լիազորություններ և հանդիսանալով պետական հատուկ ծառայություն իրականացնող պաշտոնատար անձ, նշված հիմնարկում ազատազրկման ձևով պատիժ կրող դատապարտյալների օգտին ակնհայտ ապօրինի անգործության դիմաց ստացել է խոշոր չափի՝ 700 հազար դրամի կաշառք: Հիշյալ անգործությունը, ըստ մեղադրանքի, դրսեւորվել է ռեժիմի խախտման դեպքերը չարձանագրելու, շրջանառությունն արգելված իրեր հայտնաբերելուն ուղղված միջոցառումներ չիրականացնելու, որոշ դատապարտյալների համար արտոնյալ պայմաններ ստեղծելու տեսքով: Լյովա Բաղդասարյանը նշված գումարը ստացել է քրեական հեղինակություն վայելող, այսպես կոչված, զոն նայող դատապարտյալ Հայկ Կարապետյանի, ինչպես նաև քրեական հեղինակություն վայելող Արսեն Հովհաննիսյանի կազմակերպմամբ հավաքագրված գումարներից՝ նույն «Կոշ» ՔԿՀ-ի նախկին դատապարտյալ Արթուր Հովհաննիսյանի միջոցով: Դա տեղի է ունեցել 2019թ․ սեպտեմբերի 17-ին Երևան քաղաքի Նորք-Մարաշ վարչական շրջանի Արմենակյան փողոցի 197 հասցեում գործող ավտոլվացման կետում, որտեղ նրանք բռնվել են ԱԱԾ աշխատակիցների կողմից։

Հայկ Կարապետյանին մեղադրանք է առաջադրվել այն բանի համար, որ նա, դատապարտված լինելով դիտավորյալ սպանության և ապօրինի զենք պահելու համար, պատիժը կրելով ՀՀ արդարադատության նախարարության «Կոշ» ՔԿ հիմնարկում և հանդիսանալով քրեական հեղինակություն վայելող անձ, իր և նշված հիմնարկում ազատազրկման ձևով պատիժ կրող դատապարտյալների օգտին ակնհայտ ապօրինի անգործության դիմաց իր և այլոց կազմակերպմամբ հավաքագրված գումարներից նույն ՔԿՀ-ի դատապարտյալ Արթուր Հովհաննիսյանի միջոցով 2019թ․ սեպտեմբերի17-ին Երևան քաղաքի Նորք-Մարաշ վարչական շրջանի Արմենակյան փողոցի 197 հասցեում գործող ավտոլվացման կետում խոշոր չափերով՝ 700 հազար ՀՀ դրամ կաշառք է տվել վերը նշված քրեակատարողական հիմնարկի պետ Լյովա Բաղդասարյանին։

Արթուր Հովհաննիսյանին էլ մեղադրանք է առաջադրվել 2019թ․ սեպտեմբերի 17-ին Լյովա Բաղդասարյանին խոշոր չափերով կաշառք տալու հարցում հիշյալ Հայկ Կարապետյանին օժանդակությամբ հանցակցելու համար:

Հիշեցնենք, որ օրերս գործով նախաքննությունն ավարտվել էր, եւ նյութերը տրամադրվել էին կողմերին՝ ծանոթացման համար: Այսօր արդեն Դատախազությունը հայտնեց, որ նշված անձանց մեղադրանքները հաստատվել են, եւ գործն ուղարկվել է դատարան: Նշենք, որ Արթուր Հովհաննիսյանի նկատմամբ խափանման միջոց է ընտրված երկրից չհեռանալու մասին ստորագրությունը, Հայկ Կարապետյանի նկատմամբ՝ կալանավորումը, իսկ Լյովա Բաղդասարյանը նախաքննության փուլում գրավի դիմաց ազատ է արձակվել կալանքից:

Տպել
497 դիտում

Փոստատարները նպաստներն ու թոշակները կառաքեն հասցեներով՝ ոստիկանների ուղեկցությամբ

Արցախում հայկական ոչ մի հեռուստաալիք չի փակվել, տեխնիկական խնդրի պատճառով ժամանակավոր դադարեցվել է հեռարձակումը

Կորոնավիրուսից մահացել է 6 մարդ, ամենաերիտասարդը՝ 44, ամենատարեցը՝ 90 տարեկան

Մեկնարկել է ՀՀ Կառավարության հերթական նիստը․ այն հեռավար անցկացնում է վարչապետ Նիկոլ Փաշինյանը

Ուժեղացված ստուգայցեր Երեւանի Աջափնյակ վարչական շրջանում. իրավախախտման 870 ընդհանուր դեպք՝ ՀՀ տարածքում

Արայիկ Հարությունյանը գլխավոր դատախազի պաշտոնի համար խորհրդարանի քննարկմանը կներկայացնի Մհեր Աղաջանյանի թեկնածությունը

Ճամբարակ քաղաքի ավտոտնակներից մեկում այրվել է ավտոմեքենա

Լուսաձոր գյուղում խոշոր եղջերավոր անասունն ընկել է ժայռից, մոտ 6 մ բարձրությունից

Համաճարակային վիճակը էլ ավելի է վատանում. երեկ արձանագրել ենք կորոնավիրուսի 697 նոր դեպք. վարչապետ

Երկրում ինձ նման 20 հազար մարդ կա, որ ասիմպտոմ կորոնավիրուս է տանում. վարչապետ (տեսանյութ)

Ամենախոշոր փոստային բաժանմունքների դիմաց իրականացվել են գծանշումներ, թոշակն ու նպաստը բացառապես կհանձնվի տներում

Այսօրվանից հանրային բոլոր վայրերում դիմակի կրումը պարտադիր է. արգելվում է սրճարաններում կենդանի երաժշտություն, պարեր

Այվազովսկու նկարը Լոնդոնում վաճառվել է օնլայն աճուրդի համար ռեկորդային գնով՝ 2,3 մլն ֆունտով

Միշիկն ու Ադրբեջանն ընդդեմ ԱԹՍ խոցող «ջարդոնի». Դավիթ Գալստյանը զենքի վաճառքով զբաղվում է, իսկ Կառավարությունը կապ չունի

Պարետի որոշմամբ արգելվել է համար 24 եւ 122 մանկապերտեզների գործունությունը

Սա «սեւ թուղթ» է Հայաստանի ամբողջ ավիացիայի համար, բայց կարելի է շատ արագ դրությունը փրկել. փորձագետ Նավիկ Խաչատրյան

Լուկաշենկոն Բելառուսի կառավարությունը ցրելու մասին որոշում է կայացրել

Չփորձեք հակադրվել համոզման մեթոդին. հակաօրինական գործողություններին կտրվի կոշտ հակազդեցություն. ՀՀ ոստիկանապետ

Արցախում ճանապարհատրանսպորտային պատահարի հետեւանքով մահացած զինծառայողի եւ 6 վիրավորների դեպքով քրեական գործ է հարուցվել

Չինաստանին ուղղված նոր հարցերի, Շվեդիայի սխալների և իրական սոցիալական հեռավորության մասին. COVID-19