Ուհանում Covid-19-ից մահացությունը 50%-ով ավելի է եղել. վարակն աշխարհում թե նահանջում է, թե նոր տարածքներ է նվաճում. BBC

Նոր կորոնավիրուսի ծագման էպիկենտրոն համարվող չինական Հուբեյ նահանգի Ուհան քաղաքի իշխանություններն ասել են, որ իրականում կորոնավիրուսից այստեղ մահացել է 3.3 հազարով ավելի մարդ, քան հաղորդվել էր նախկինում: Այսպիսով, այստեղ մահացությունների ցուցանիշը բարձրացել է 50%-ով եւ կազմել 4.6 հազար մարդ:

Ուհանի իշխանությունները նշում են, որ տվյալները դիտավորյալ չեն թաքցրել: Ըստ նրանց՝ բժիշկները շարունակում են կազմել զեկույցներ Ուհան քաղաքում հունվար-փետրվարին տեղի ունեցածի վերաբերյալ, եւ շարունակաբար նոր տեղեկություններ են ի հայտ գալիս: Բացի այդ, վերջապես հաշվառվել են նաև այն մահերը, որ գրանցվել են հիվանդանոցներից դուրս:

Չինաստանում Covid-19-ի վիճակագրությունն աշխարհում անվստահությամբ էր ընդունվում: Ֆրանսիայի նախագահ Էմանուել Մակրոնը կարծիք էր հայտնել, որ միամտություն կլիներ Պեկինի տեղեկատվությանը հավատալը: Ուրբաթ օրը Չինաստանի իշխանությունների կողմից տրամադրված տվյալների համաձայն՝ երկրում գրանցվել է 83.7 հազար կորոնավիրուսակիր:

Ինչպես հայտարարել են ԱՄՆ Կենտրոնական հետախուզական վարչության մի խումբ պաշտոնյաներ, դեռեւս հունվարին ամերիկյան հետախուզությունը նախագահ Թրամփին հաղորդել էր, որ Չինաստանը թաքցնում է վարակի տարածման իրական պատկերը, բայց, նրանց խոսքով, Թրամփը նախընտրել էր մեծ կարեւորություն չտալ այդ զեկույցներին:

Ուհանում, որտեղ ապրում է 11 միլիոն մարդ,  խիստ կարանտին էր շուրջ 11 շաբաթ, եւ քաղաքը վերաբացվեց միայն վերջերս:

Չինաստանի տնտեսությունը, որ երկրորդն է աշխարհում, այսպես զգալիորեն կրճատվում է առաջին անգամ տասնամյակների վերելքից հետո: Միայն այս տարվա առաջին եռամսյակում կորուստները կազմել են 6.8%:

Ինչ է կատարվում Եվրոպայում

Մեծ Բրիտանիայում կարանտինը երկարաձգվել է եւս երեք շաբաթով, եւ, ինչպես նախօրեին հայտարարել է ժամանակավոր վարչապետի գործառույթներն իրականացնող Արտաքին գործերի նախարար Դոմինիկ Ռաաբը, հավանական է, որ կշարունակվի նաեւ այդ ժամկետի ավարտից հետո:

Բրիտանիայում կորոնավիրուսով վարակվածների թիվը մոտենում է 100 հազարի, մահացել է մոտ 14 հազար մարդ: Սակայն նշում են, որ իրականում մահվան դեպքերն ավելի շատ են, քանի որ հիմա էլ այստեղ է վիճակագրությունը ցույց տալիս միայն այն դեպքերը, երբ հիվանդները մահացել են հիվանդանոցներում՝ չեն հաշվառվում ծերանոցներում եւ տանը մահացողները:

Միացյալ Թագավորության Գանձապետարանը հաղորդել է, որ խոշոր ընկերությունները եւս կառավարության 330 միլիարդ ֆունտ ստերլինգանոց ֆինանսական աջակցության փաթեթից գումարներ կստանան: Նախկինում խոսքը միայն փոքր եւ միջին բիզնեսին աջակցելու մասին էր:

Բելառուսի նախագահ Ալեքսանդր Լուկաշենկոն շարունակում է հավատալ, որ համավարակը պատճառ չէ, որ երկրում կյանքը կաթվածահար անեն: Հաղթանակի շքերթի փորձերը Մինսկում կշարունակվեն մինչեւ մայիսի 9-ը, իսկ ապրիլի 25-ին նշանակվել է համազգային շաբաթօրյակ: Ռուսաստանում որոշվել է Հաղթանակի շքերթը հետաձգել:

Բելառուսի դպրոցներում գարնանային արձակուրդը երկարաձգվել էր մեկ շաբաթով՝ դառնալով ընդհանուր երեք շաբաթ, բայց այսօր Լուկաշենկոն հրամայել է երկուշաբթվանից վերադառնալ դպրոց:

Այսօրվա տվյալների համաձայն՝ Covid-19 հայտնաբերվել է Բելառուսի 4779 բնակչի մոտ, վերջին օրվա ընթացքում գրանցվել է 575 նոր դեպք, մահացել է 42 մարդ: Հաղորդվում է նաեւ, որ կորոնավիրուս ախտորոշվել է 116 երեխայի մոտ:

Ուրբաթ օրը Գերմանիայի առողջապահության նախարար Յենս Սփանն ասել է, որ երկրում կորոնավիրուսային համաճարակը վերահսկողության տակ է վերցվել: Նրա խոսքով՝ վարակվածների թիվը զգալիորեն նվազել է:

Ջոն Հոփկինսի համալսարանի տվյալներով՝ համաճարակի սկզբից ի վեր Գերմանիայում գրանցվել է վարակման գրեթե 138 հազար դեպք, մահացել է 3868 մարդ: Այս հարաբերակցությունը համարվում է Եվրոպայում առավել բարենպաստներից մեկը:

Ըստ միջազգային փորձագետների՝ համաճարակի հաղթահարման հարցում Գերմանիայի հաջողության գաղտնիքն առավել շատ թեստավորումներ անելու համակարգի՝ ժամանակին ներդրումն է:

Գերմանիան սկսեց մեղմացնել կարանտինային միջոցառումները: Հաջորդ շաբաթվանից երկրում կբացվեն փոքր խանութները, դպրոցներում դասերը նախատեսվում է վերսկսել մայիսի սկզբին:

Դանիան եւս շարունակում է մեղմացնել կարանտինը: Իշխանությունները հայտնել են, որ ապրիլի 20-ին կվերաբացվեն վարսավիրանոցները, գեղեցկության սրահները, վարորդական դպրոցները եւ մի շարք փոքր եւ միջին ձեռնարկություններ:

Չորեքշաբթվանից դպրոց են գնում 11 տարեկանից ցածր դպրոցականները: Վերաբացվել են նաեւ այնպիսի խանութներ, որոնց աշխատանքը կենսական կարեւորության չէ:

Ռեստորանները, բարերը եւ մարզադահլիճները կմնան փակ: Կպահպանվի զանգվածային միջոցառումների արգելքը: Դանիայի սահմաններն էլ դեռ փակ կլինեն:

Համաճարակի սկզբից ի վեր երկրում հաստատվել է վարակի մոտ 7 հազար դեպք, մահացել է 321 մարդ:

Աշխարհում էլ ինչ կա-չկա

Թուրքիայում ամեն օր վարակվածների թիվը աճում է գրեթե 5 հազարով, եւ այժմ, Ջոն Հոփկինսի համալսարանի տվյալներով, հասել է գրեթե 70 հազարի. մահացել է ավելի քան 500 մարդ:

Վարակի տարածման վիճակագրության կտրուկ թռիչքի մասին է հաղորդել երկրի առողջապահության նախարար Ֆահրեդին Խոջան: Ըստ նրա՝ դա պայմանավորված է Թուրքիայում ներդրված լայնածավալ թեստավորմամբ: Վաղվանից Թուրքիայի խոշոր քաղաքներում լիարժեք կարանտին է. բնակիչներին արգելվելու է տնից դուրս գալ:

ԱՄՆ նախագահ Դոնալդ Թրամփի դուստրը ՝ Իվանկա Թրամփը, կոշտ քննադատության է ենթարկվել կարանտինային կանոնները խախտելու համար. նա ամուսնու եւ երեք երեխաների հետ միասին Վաշինգտոնից իր հայրենի Նյու Ջերսի  էր ուղեւորվել՝ Զատիկը տոնելու:

Միացյալ Նահանգներում հարցնում են՝ ինչ հիմքերով է նախագահի դուստրը խախտել դաշնային կառավարության՝ տանը մնալու կարգադրությունը:

Սպիտակ տունը պաշտպանել է Իվանկային՝ նշելով, որ նրա գործողությունները ոչնչով չեն տարբերվում աշխատանքից տուն մեկնող մյուս քաղաքացիների գործողություններից, եւ նա պարզապես որոշել է արձակուրդներն անցկացնել բոլորից հեռու, մի վայրում, որտեղ ի տարբերություն Վաշինգտոնի իր տարածքի՝ շատ ավելի քիչ մարդ կա:

Այս պահին ԱՄՆ-ում վարակվածների թիվը գերազանցում է 650 հազարը, մահացել է մոտ 31 հազար մարդ:

Պակիստանում իսլամական բազմաթիվ քարոզիչներ հայտարարել են, որ, չնայած հասարակական միջոցառումների արգելքին՝ ուրբաթօրյա աղոթքները կատարելու են իրենց մզկիթներում: Մուֆթիներից մեկը՝ Տակի Ուսմանին, ասել է, որ այժմ ավելի, քան երբեւէ, անհրաժեշտ է պահել ամենօրյա աղոթքները, իսկ ուրբաթօրյա աղոթքը սրբություն է:

Պակիստանցի գիտնականները նշել են, որ մզկիթները կարող են ազատվել կարանտինի պարտադրանքից, եթե նախարարներն ապահովեն վարակի տարածման կանխարգելիչ միջոցառումները, օրինակ՝ հաճախակի մաքրումը եւ մզկիթների ներսում երկրպագուների թվի սահմանափակումը:

Տանզանիայի նախագահ Ջոն Մագուֆուլին կոչ է արել քաղաքացիներին գալիք հանգստյան օրերն անցկացնել աղոթքի մեջ: Երկրում փակված են դպրոցները, քոլեջները եւ մի շարք ընկերություններ, քանի որ համավարակի դեմ պայքարի միջոցներ են ձեռնարկվում, բայց կրոնական հավաքների արգելք չի մտցվել:

Այժմ Տանզանիայում հայտնաբերվել է Covid-19 վարակի միայն 94 դեպք, մահացել է 4 մարդ: Սակայն մտավախություն կա, որ որպես տարանցիկ երկիր ծառայող Տանզանիայում լուրջ համաճարակ է սպասվում:

Իրավիճակն Աֆրիկայում, ընդհանուր առմամբ, կտրուկ վատթարանում է, եւ Առողջապահության համաշխարհային կազմակերպությունը նախազգուշացրել է, որ այս մայրցամաքը կարող է դառնալ համավարակի հերթական էպիկենտրոնը: Մինչ այժմ աֆրիկյան երկրներում գրանցվել է մոտ 18 հազար դեպք եւ գրեթե հազար մահ:

Տպել
2135 դիտում

Նոր Արմավիր գյուղի տներից մեկում հրդեհ է բռնկվել․ դեպքի վայրում է հրշեջ-փրկարարական ջոկատների երեք մարտական հաշվարկ

Հովտաշատում օծվել է Արցախյան պատերազմում զոհվածների հիշատակը հավերժացնող խաչքար (տեսանյութ)

Ընդդիմությունը ցանկալին ներկայացնում է իրականություն․ ՏԻՄ ընտրությունը չի կարող համեմատվել համապետական ընտրության հետ

Ստեփանավանի ոլորաններ կոչվող հատվածում, Վանաձոր-Դիլիջան և Արթիկ-Ալագյազ ավտոճանապարհներին տեղ-տեղ առկա է մերկասառույց

Պատրաստակամ ենք ընդլայնել համագործակցությունը․ Նարեկ Մկրտչյանն ընդունել է ՄԱԿ-ի մանկական հիմնադրամի ներկայացուցչին

Դոլարն ու եվրոն թանկացել են․ Կենտրոնական բանկը սահմանել է նոր փոխարժեքներ

Իջևան-Դիլիջան ճանապարհահատվածում բեռնատարն ու թեթեւ մարդատարը բախվել են․ բեռնատարի վարորդը հոսպիտալացվել է

Հայաստանում անցկացվել է անվասայլակներով բասկետբոլի ու հաշմանդամություն ունեցող անձանց սեղանի թենիսի առաջնությունը

Բուհ ընդունվելու համար դիմորդներն այսուհետ կհանձնեն երկու միասնական քննություն. բանավոր քննությունները հանվել են

Ընտրապայքարն ավարտված է, և առանց ժամանակ կորցնելու պետք է լծվենք մեր համայնքի շենացման գործին․ Արամ Խաչատրյան

Երևանի ամենատարեց ծառերն անձնագրեր կստանան (տեսանյութ)

Ամենայն հայոց կաթողիկոսն ընդունել է Կաթողիկե հայոց պատրիարքին, անդրադարձել հայ ժողովրդի առջև ծառացած մարտահրավերներին

Խախտումներ են հայտնաբերվել Էրեբունի և Նուբարաշեն վարչական շրջանների տրանսպորտային միջոցներում

Անցկացվել է մարտական հերթապահության մեկնող անձնակազմի շարային ստուգատես

ՀՀ-ում կորոնավիրուսի դեմ ավելի շատ տղամարդիկ են պատվաստվել, քան կանայք

Ստանիսլավսկու անվան պետական ռուսական դրամատիկական թատրոնը Տաշքենդում մասնակցում է երիտասարդական թատերական ֆորումին

Քաղաքական խորհրդակցություններ են կայացել Հայաստանի և Ֆինլանդիայի արտաքին գործերի գերատեսչությունների միջև

Ողբերգական դեպք Գեղարքունիքի մարզում, հայտնաբերվել է Ակունք գյուղի բնակչի հոշոտված դին․ shamshyan

24 հարց՝ դեկտեմբերի 7-ին գումարվող հերթական նիստերի օրակարգի նախագծում

Արմեն Սարգսյանը ցավակցական հեռագիր է հղել ԱՄՆ նախկին սենատոր և նախագահի թեկնածու Ռոբերտ Դոուլի մահվան կապակցությամբ

ՀՀ յուրաքանչյուր պետական այր որևէ տառ արտասանելուց առաջ պետք է լավ գիտակցի իր խոսքի կշիռն ու հետևանքը. Աղաջանյան

Ոստիկանությունը տեսանյութ է հրապարակել՝ ինչպես է բերման ենթարկել հետախուզման մեջ գտնվող Ստեփանավանի նախկին քաղաքապետին

«Սևան» ՔԿՀ-ում հայտնաբերվել է ներնետված փաթեթ (լուսանկարներ)

Կոալիցիաների շուրջ բանակցությունները դրական ընթացք ունեն. Ալեքսանյանը՝ ՏԻՄ ընտրությունների և արդյունքների մասին

Ներկայացված 14-օրյա թեստի ժամկետը լրանալուց հետո նոր կգործի 7 օրը մեկ ՊՇՌ թեստի պատասխան ներկայացնելու պահանջը

1 քրեական գործ և 11 նախապատրաստվող նյութեր՝ 4 մարզերի ՏԻՄ ընտրություններում առերևույթ ընտրական հանցագործության դեպքերով

Հայաստանն արտադրում է «Սպուտնիկ Լայթ» պատվաստանյութ

Նախագահ Արմեն Սարգսյանը հանդիպել է Միացյալ Թագավորության արտակարգ և լիազոր դեսպանի հետ

Մարտական հենակետերում ստուգայցեր են իրականացվել

ԿԳՄՍ նախարարության պատվիրակությունը Վրաստանում կքննարկի համագործակցության խթանմանն ուղղված հարցեր

«Դալմա Գարդեն մոլ» առեւտրի կենտրոնը տուգանվել է. չեն պահպանվել հակահամաճարակային կանոնները

Երախտապարտ եմ ինձ հասցեագրված յուրաքանչյուրիդ վստահության համար. Վահագն Արսենյան

Տեղեկացված ես՝ պաշտպանված ես. IDBank

Ավազի հանքարդյունահանմամբ և վերամշակմամբ զբաղվող ընկերության գործունեությունը կասեցվել է

ՀՀ նախագահը կրթական, տեխնոլոգիական ոլորտներում համագործակցության հարցեր է քննարկել Մոսկվայի «Սկոլկովո»-ի ռեկտորի հետ

Երևանում հացի արտադրամասի գործունեություն է կասեցվել, հայտնաբերվել են սանիտարահիգիենիկ նորմերի կոպիտ խախտումներ. ՍԱՏՄ

Պողոս Աբրահամյանն ազատվել է Շիրակի մարզպետի տեղակալի պաշտոնակատարի պաշտոնից

Ուժեղացված ծառայություն մարզերում. հայտնաբերվել է ճանապարհային երթևեկության կանոնների 4570 խախտում (տեսանյութ)

Շուտով կիրառության մեջ կդրվի Հայաստանում արտադրված «Սպուտնիկ լայթ» պատվաստանյութը. այն կօգտագործվի որպես խթանիչ դեղաչափ

Կարեն Սարուխանյանն ազատվել է ՀՀ ԱԻ նախարարի տեղակալի պաշտոնից