Մեկնարկում է Սիրիայի կոնֆլիկտի բանակցությունների 14-րդ փուլը. կհանդիպեն ՌԴ-ի, Թուրքիայի, Իրանի ներկայացուցիչները

Սիրիայի հարցով «Աստանայի ձեւաչափով» եռակողմ հանդիպում տեղի կունենա ապրիլի 22-ին՝ հեռավար կարգով: Կհանդիպեն Թուրքիայի, Ռուսաստանի եւ Իրանի ներկայացուցիչները: Այս մասին հայտնում են ռուսական եւ թուրքական լրատվամիջոցները: Տեղեկատվությունը հաստատել է նաեւ ՌԴ ԱԳՆ պաշտոնական ներկայացուցիչ Մարիա Զախարովան: Նա նշել է, որ հանդիպումը լինելու է այս անգամ ոչ թե նախագահների, այլ ԱԳ նախարարների ձեւաչափով:

Հանդիպման ժամանակ քննարկում կլինի Սիրիայի Սահմանադրական կոմիտեի եւ Իդլիբ նահանգում տիրող իրավիճակի վերաբերյալ։ Հանդիպման  մասին ապրիլի 20-ին հայտարարել է Իրանի արտգործնախարար Մուհամմադ Ջավադ Զարիֆը եւս՝ Սիրիայի նախագահ Բաշար Ասադի հետ զրույցի ընթացքում։

Այս կապակցությամբ Իրանի ԱԳՆ-ն հանդես է եկել պաշտոնական հաղորդագրությամբ, որում ասվում է.

«Զարիֆը նշել է, որ նախօրեին հեռախոսազրույց է ունեցել Սիրիայի հարցերով ՄԱԿ-ի հատուկ հանձնակատար Ջեյար Փեդերսենի հետ։ Նա նաեւ տեղեկացրել է Սիրիայի նախագահին, որ առաջիկայում կկազմակերպվեն բանակցություններ Իրանի, Թուրքիայի եւ Ռուսաստանի միջև, որոնք հանդիսանում են Աստանայի գործընթացի երաշխավոր երկրներ:

Ջավադ Զարիֆն ու Բաշար Ասադը քննարկել են նաեւ Սահմանադրական կոմիտեի հարցն ու Սիրիայում ընթացող քաղաքական գործընթացները, Իդլիբում առկա իրավիճակն ու հետագա գործընթացները:

Սիրիայում ռազամական կոնֆլիկտը շարունակվում է 2011 թվականից: Ռազմական գործողությունների դադարեցման նպատակով բանակցությունները մեկնարկել են 2017-ի հունվարի 23-24-ին՝ Աստանայում։ 2018 թվականի հունվարի28-ին Սոչիում էլ տեղի է ունեցել սիրիական ազգային երկխոսության կոնգրեսը, որը  Սիրիայի հակամարտությունից ի վեր  դարձել էր մեկ միասնական երկխոսության սեղանի շուրջ հակամարտող կողմերի լայն կազմի հավաքման առաջին փորձը: Կոնգրեսի գլխավոր արդյունքը դարձել էր այն, որ որոշում էր կայացվել սահմանադրական կոմիտեի ստեղծման մասին, որն աշխատում է Ժնեւում եւ որի հիմնական առաքելությունն էսահմանադրական բարեփոխումների նախապատրաստումը:

Ի սկզբանե Աստանայի  բանակցություններին մասնակցում էին 7 պատվիրակություններ՝ Ռուսաստանի Դաշնության, Իրանի, Թուրքիայի, ԱՄՆ-ի եւ ՄԱԿ-ի ներկայացուցիչները, ինչպես նաեւ՝ Սիրիայի նախագահ Բաշար Ասադի եւ ընդդիմադիր ուժերի ներկայացուցիչները։

Հանդիպումից հետո Ռուսաստանի, Իրանի և Թուրքիայի մասնակցությամբ ձեւավորվեց «Աստանայի եռյակը», որը հանդես եկավ որպես Աստանայում ընդունված որոշումների իրագործման հիմնական երաշխավոր։ «Աստանայի եռյակի» վերջին հանդիպումը տեղի էր ունեցել 2019թ․ դեկտեմբերի 10-11-ին՝ Նուրսուլթանում։

Մինչ կորոնավիրուսի համավարակի տարածումը նախատեսված էր, որ երեք երկրների նախագահների հաջորդ հանդիպումը կանցկացվի 2020թ․ մարտին՝ Թեհրանում։ Հայտնի է, որ նախագահների՝ համավարակի պատճառով հետաձգված հանդիպումը կիրականացվի առաջին իսկ հնարավորության դեպքում։ Այդ մասին այսօր խոսել է նաեւ ՌԴ ԱԳՆ ներկայացուցիչ Մարիա Զախարովան՝ նշելով, որ հանդիպումն առայժմ հետաձգված է, սակայն չեղարկված չէ՝ քանի դեռ հակամարտության խնդիրը առկա է:

3 երկրների ԱԳ նախարարների հեռակա բանակցությունները Սիրիայի հարցով առաջին օնլայն հանդիպումն են եւ համարվում են սիրիական կոնֆլիկտի հարթեցման փորձի 14-րդ փուլը:

Սիրիայի հարցով վերջին կարեւոր հանդիպումը տեղի էր ունեցել նախորդ ամսվա 10-ին, Ռուսաստանում: Վլադիմիր Պուտինի եւ Ռեջեփ Թայիփ Էրդողանի տետատետ բանակցությունները տեւել էին 6 ժամ, որոնց արդյունքներով կողմերը հանդես էին եկել մի քանի կետերից կազմված համատեղ հայտարարությամբ: Որոշվել էր դադարեցնել կրակը, ստեղծել հումանիտար միջանցք եւ համատեղ հերթապահություն սահմանել՝ նախագծված կետերում:

Կրակը Սիրիայում, սակայն չի դադարել: Ընդամենը 2 օր առաջ՝ ապրիլի 19-ին, ՌԴ-ի՝ հակամարտող կողմերի հաշտեցման կենտրոնը հայտնել էր, որ Ռուսաստանում արգելված համարվող «Ան-Նուսրա» ահաբեկչական խմբավորման զինյալները գնդակոծել էին սիրիական Իդլիբ նահանգի բնակավայրերը: Նախորդ շաբաթ էլ՝ ապրիլի 15-ին հայտնի էր դարձել, որ 27 ահաբեկիչ-զինյալներից կազմված խումբը հանձնվել էր Սիրիայի կառավարական ուժերին: Նրանք պատմել էին, որ իրենց նախապատրաստել են ԱՄՆ-ի հրահանգիչները՝ սիրիական նավթագազային օբյեկտներում եւ տրանսպորտային ենթակառուցվածքներում դիվերսիայի անցկացման, ինչպես նաեւ ահաբեկչական գործողությունների իրականացման նպատակով: Նրանք նաեւ հսկայական քանակությամբ զինամթերք են հանձնել՝ հայտնելով, որ դրանք իրենց են տրամադրվել ամերիկյան կողմի ներկայացուցիչների կողմից:

Տպել
492 դիտում

Սա կարևորագույն իրադարձություն է պետության կյանքում. Ա.Բաբաջանյանը՝ ազգային անվտանգության ռազմավարության ընդունման մասին

ՀՀ ԶՈՒ ԳՇ պետն ընդունել է ՌԴ դեսպանության ռազմական կցորդին

Փրկարարները հայտնաբերել են Արզնի-Շամիրամ ջրանցքն ընկած 37-ամյա քաղաքացու դին

200 միլիոն դրամի ներդրում է կատարվել Ախթալա խոշորացված համայնքում

Արագածի փողոցում կատարված դանակահարության դեպքը բացահայտվել է. 23-ամյա երիտասարդ է ձերբակալվել

ԱՀ պաշտպանության նախարարն ընդունել է ծառայողական հետագա առաջխաղացման ներկայացված սպաներին

Մալաթիա-Սեբաստիա վարչական շրջանում ՔՏՀԱ Տեսչական մարմինը իրականացրել է հերթական վերահսկողական աշխատանքները

Երկուշաբթի՝ հուլիսի 13-ին, ՀՀ կառավարության արտահերթ նիստ տեղի կունենա

ՍԱՏՄ-ն այսօր 24 ժամով կասեցրել է 3 տասնակից ավելի տնտեսավարողի գործունեություն

Խախտումներ են հայտնաբերվել Մալաթիա-Սեբաստիա վարչական շրջանում են

ՀՀ պաշտպանության նախարար Դավիթ Տոնոյանն ընդունել է «Ալիխանյանի անվան ազգային գիտական լաբորատորիա» հիմնադրամի տնօրենին

Նոր դիահերձարանը կգործի օգոստոսի 1-ից. այնտեղ կհերձվեն կորոնավիրուսից մահացած անձինք

Դավիթ Տոնոյանն ընդունել է ՌԴ հերոս Վյաչեսլավ Յուրիի Ավերյանովին և Եվգենի Վյաչեսլավի Ավերյանովին

Արզնի-Շամիրամ ջրանցքն ընկած քաղաքացու որոնողական աշխատանքները շարունակվում են

Հակոբ Արշակյանն ու ԱՄՆ արտակարգ և լիազոր դեսպանը մտքեր են փոխանակել փոխգործակցության հնարավորությունների շուրջ

«Ազգային ինքնության» ձևախեղված հիմքերը

Մեկ տարվա վաղեմության գողության դեպք է բացահայտվել. Էջմիածնի 2 բնակիչ կալանավորվել է

Կեղծ ահազանգ Adjarabet.am-ի գլխավոր գրասենյակում տեղադրված ռումբի մասին

Ինքնամեկուսացած քաղաքացիների համար գործում է StayHome հավելվածը (տեսանյութ)

Ստեփանակերտի նոր՝ 110/35/10 կՎ ենթակայանը 2021թ.-ին կհանձնվի շահագործման