Արկադի Համբարձումյանն արձագանքում է. «18-հարկանի շենքերի կառուցումը իմ տան հարեւանությամբ իմ իրավունքների ոտնահարում է»

ՀՀԿ-ական նախկին պատգամավոր, գործարար Արկադի Համբարձումյանն արձագանքում է իր մասին մեր կայքում հրապարակված տեղեկատվությանը:

Օրերս «Լույսեր» ՓԲԸ-ից ՀԺ-ի խմբագրություն էին դիմել՝ տեղեկացնելով, որ Երեւան քաղաքի Մոնթե Մելքոնյան փողոցում՝ սեփականության իրավունքով իրենց պատկանող տարածքում, օրենքով նախատեսված բոլոր փաստաթղթերի հիման վրա բազմաբնակարանային համալիրի շինարարություն են սկսել, սակայն Դերժավայի Արկադ անունով հայտնի ՀՀԿ-ական նախկին պատգամավոր Արկադի Համբարձումյանն իր թիմով ժամանել է շինհրապարակ եւ իրենց աշխատակիցներին փորձել արգելել աշխատել՝ ըստ էության իրականացնելով ինքնիրավչություն:

Ընկերությունը այդ կապակցությամբ նամակով դիմել էր ՀՀ վարչապետին, փոխվարչապետ Տիգրան Ավինյանին, ԱԱԾ տնօրենին, ՀՀ արդարադատության նախարարին, Երեւանի քաղաքապետին, ՀՀ ոստիկանության պետին: Նամակից որոշ հատված հրապարակել էինք մեր կայքում՝ փորձելով նաեւ մեկնաբանություն ստանալ Համբարձումյանից: Նա, սակայն, հեռախոսին չէր պատասխանել:

Խմբագրության էլ հասցեին ուղարկված նամակում, ահա՛, Համբարձումյանը պահանջում է հերքել իր վերաբերյալ հրապարակված տեղեկատվությունը:

«Գործարար Արկադի Համբարձումյանը ամբողջությամբ հերքում է տարածված հերյուրանքը եւ հայտնում, որ վերը նշված անանուն քողարկված ներդրողների կողմից գործադրվել է «Հին ու բարի» ապատեղեկատվություն, զրպարտություն եւ փաստերի աղավաղում, որի միջոցով արդի ժամանակներում լայն տարածում ստացած՝ «Ցեխ շպրտելու» եւ «Պիտակավորելու» եղանակով փորձ է կատարվում քողարկել եւ թիրախավորվել միանգամայն անօրինական նպատակներ»,- ասվում է Համբարձումյանի գրությունում:

Նա նաեւ տեղեկացնում է, որ 10 ամիս առաջ տեղեկանալով հարևանությամբ բազմաբնակարան շենքերի կառուցապատում իրականացնելու մասին՝ նույն խնդրի կապակցությամբ 17.07.2019թ.-ին դիմել է Երևանի քաղաքապետին ՀՀ սահմանադրությամբ և ՀՀ քաղաքաշինական օրենսդրությամբ սահմանված իր և ընտանիքի իրավունքներն ու շահերը անօրինական միջամտությունից պաշտպանելու խնդրանքով:

«Երևանի քաղաքապետարանի աշխատակազմի քաղաքաշինական գործունեության հատուկ կարգավորման ծրագրերի բաժնի պետ ժ/պ Ս. Մելիք-Քարամյանի 26.07.2019թ. թիվ 50/1-6973 գրությամբ ինձ հայտնվել է, որ. «Երևանի քաղաքապետի կողմից՝ վերոնշյալ հասցեում քաղաքաշինական գործունեության իրականացման նպատակով որևէ քաղաքաշինական փաստաթուղթ չի տրամադրվել: Միաժամանակ տեղեկացնում եմ, որ քաղաքաշինական գործունեության իրականացման նպատակով Երևանի քաղաքապետարան ներկայացված ցանկացած հայտ կքննարկվի բացառապես ՀՀ գործող նորմերի և սահմանված ընթացակարգերի համաձայն հաշվի առնելով հարակից կառուցապատումը»:

Մեջբերված պատասխանը ստանալով վստահ եմ եղել, որ մեր տարածքը ընդգրկված չի եղել բազմաբնակարան շենքերի կառուցապատման գոտիում, համենայնդեպս պատասխանից հետևում էր, որ նման ծրագրերի մշակման դեպքում Ա.Համբարձումյանը կընդգրկվի հարակից կառուցապատման հարցի քննարկման մեջ: Իսկապես Ա. Համբարձումյանը դեմ չէ տվյալ տարածքում կառուցապատում իրականացնելուն, հաշվի առնելով շենքերի հարկայնությունը, որոնք չեն կարող լինել 5-ից բարձր, ինչպես նաև զերծ լինեն դեպի մեր և կառուցապատմանը հարակից այլ մասնավոր տարածքները բացված պատուհաններից: Սակայն 4 բազմաբնակարան 18-հարկանի շենքերի կառուցապատումը իմ բնակելի տարածքի անմիջապես հարևանությամբ կոպտորեն ոտնահարում է ՀՀ սահմանադրությամբ ինձ և իմ ընտանիքին երաշխավորված մասնավոր կյանքի իրավունքը: Տվյալ տարածքում նման բազմաբնակարան բնակելի համալիրի կառուցման հետևանքով ընտանիքս կրելու է անդառնալի նյութական և բարոյական վնասներ:

Անդրադառնալով կառուցապատողի այն հայտարարությանը՝ իբրև կառուցապատողը Երևանի քաղաքապետարանից ստացված շինարաության թույլտվության տառին համապատասխան սույն թվականի ապրիլի 15-ից սկսել է շինարարական ծրագրի շրջանակներում համապատասխան շինարարական (հողային) աշխատանքները, ապա պետք է հայտնենք, որ ուսումնասիրելով շինթույլտվությունը, այն տրամադրելու ընթացակարգը և համեմատելով դրանք «Վարչարարության հիմունքների և վարչական վարույթի մասին» ՀՀ օրենքի և «ՀՀՇՆ 30-01-2014 «Քաղաքաշինություն. Քաղաքային և գյուղական բնակավայրերի հատակագծում և կառուցապատում»» մի շարք նորմերի հետ, ինչպես նաև հաշվի առնելով այն հանգամանքը, որ Երևանի քաղաքապետարանը հանրային իրավահարաբերությունների ոլորտում գործունեություն է իրականացնում և որպես վարչական մարմին` արտաքին ներգործություն ունեցող գործողություններ է կատարում, որոնք ի վերջո եզրափակվում են վարչական ակտերի ընդունմամբ, ինչպես նաև գործողություններ է կատարում կամ անգործություն է դրսևորում, որն անձանց համար առաջացնում է փաստական հետևանքներ, ուստի հանգել ենք այն հետևության, որ ոչ իրավաչափ շինարարության թույլտվություն տրամադրելով Երևանի քաղաքապետարանը խախտել է ՀՀ օրենսդրության պահանջները, որն անթույլատրելի է պետության անունից լիազորված մարմնի կողմից վարչարարություն իրականացնելու ժամանակ:

Տվյալ պարագայում անվիճելի է, որ կառուցապատողին վիճարկվող շինարարության թույլտվության տրամադրումը անմիջականորեն շոշափում է իմ և ընտանիքիս իրավունքները, քանի որ «Լույսեր» ընկերությունը վիճելի տարածքում իրականացնում է կառուցապատում, որը ոչ միայն խաթարում է իմ և ընտանիքիս մասնավոր կյանքի միջամտությունից զերծ մնալու իրավունքը, այլև ուղղակիորեն խախտում է մի շարք քաղաքաշինական նորմեր»,- մասնավորապես նշվում է Համբարձումյանի անունից խմբագրություն ուղարկված գրությունում:

Տպել
1792 դիտում

Տեսչական մարմինները խախտումներ են հայտնաբերել Երևանի մանկապարտեզներում

«Քննությանը խոչընդոտելու վտանգը չի վերացել». դատարանի որոշումը՝ Ռոբերտ Քոչարյանին ազատ չարձակելու վերաբերյալ

Կրիր դիմակ, փրկիր կյանքեր. վարչապետը լուսանկար է հրապարակել

Մհեր Գրիգորյանը հարգանքի տուրք է մատուցել Բաշ-Ապարանի ճակատամարտի հերոսների հիշատակին

Քաջարանի հավաքի մասնակիցներից այս պահին 20-ի վերաբերյալ կազմվել է վարչական իրավախախտումների արձանագրություն

Մայիսի 29-ին կիրականացվի Մոսկվա-Երևան չվերթը, 30-ին՝ Մինսկ-Երևան-Մինսկ չվերթը. Քաղավիացիա

Նոր Պարեկային ծառայության ստեղծման հետեւանքով ոստիկանությունը աշխատանքի է հրավիրում աշխատակիցների

Նախարարությունը հրապարակել է կորոնավիրուսային հիվանդության թեթև դեպքերի տնային բուժման ուղեցույց

ԱՄՆ-ում բողոքի ցույցեր են. ոստիկանը սեւամորթ ամերիկացու մահվան պատճառ է դարձել (լուսանկարներ)

18-րդ միջոցառման շրջանակներում 12.200 տնտեսվարողի շահառու հանդիսանալու ծանուցում է ուղարկվել․ Մկրտչյան

Արմեն Սարգսյանը Սարդարապատի հուշահամալիրում հարգանքի տուրք է մատուցել հերոսամարտի զոհերի հիշատակին (տեսանյութ)

ԿԳՄՍ փոխնախարար դառնալու զրո ցանկություն ունեմ. Արսեն Ջուլֆալակյան

Հրդեհ «Պապա-ֆուդ» պանդոկում. հայտարարվել է հրդեհի բարդության «1-ԲԻՍ» կանչ. տուժածներ չկան (տեսանյութ)

Սրբության պես պետք է պահենք մեր պետականությունն ու ինքնիշխանությունը, որ արժանապատիվ կյանքի երաշխավորն են. ՄԻՊ-ի ուղերձը

Մհեր Գրիգորյանը հանդիպել է Արցախի Հանրապետության նախագահի հետ. քննարկվել են սոցիալ-տնտեսական իրավիճակի մասին հարցեր

ԱԺ նախագահ Արարատ Միրզոյանը շնորհավորական ուղերձ է հղել Առաջին հանրապետության օրվա կապակցությամբ

Վարչապետը շնորհավորական ուղերձ է հղել Եթովպիայի վարչապետին Ազգային տոնի կապակցությամբ

Տեղի է ունեցել Նիկոլ Փաշինյանի և Արայիկ Հարությունյանի առաջին պաշտոնական հանդիպումը Երևանում (տեսանյութ)

Լոռու մարզում գրանցվել է կորոնավիրուսից մահվան առաջին դեպքը. քաղաքացին վերջերս էր ժամանել Ֆրանսիայից

Շարժական մամոգրաֆիան վերջապես ժամանեց Իտալիայից. մեկնարկը կլինի Լոռու մարզից. Արսեն Թորոսյան (տեսանյութ)