Եղեռնից 105 տարի անց հայ-թուրքական սահմանին՝ Նորշենում, 21 մետր բարձրությամբ եռագույն է տեղադրվել, բացվել է խաչքար

Եղեռնից 105 տարի անց՝ ի նշան հիշատակի ու պահանջատիրության հայ-թուրքական սահմանին՝ նախկին Խարկով զգյուղում 21 մետր բարձրության վրա հսկա եռագույն է տեղադրվել: Դրոշը 10 մետր երկարություն և 5 մետր լայնություն ունի: Հայկական կողմում կծածանվի և պարզ կերևա մի քանի քայլ հեռավորությամբ գտնվող Անիում:

Նորշենում նաև խաչքար է բացվել: Արարողություններին մասնակցել են Շիրակի մարզպետ Տիգրան Պետրոսյանը, Գյումրու քաղաքապետ Սամվել Բալասանյանը, պաշտոնատար այլ անձինք, հյուրեր։ Շիրակի մարզպետը միջոցառումը հուզիչ ու ոգևորող համարեց:

«Այսօր բոլորիս համար շատ խորհրդանշական ու կարևոր օր է: Ցեղասպանության տարելիցի օրը սահմանին վեր է խոյանում հայոց վեհաշուք եռագույնը, որն իր մեջ ամփոփում է կարևոր մի միտք՝ եղել ենք, կանք ու կլինենք։ Իսկ այս սահմաններն ու այս բնակավայրերը պետք է հայի շնչով լցվեն և առավել ամուր լինեն։ Մենք շնորհակալություն ենք հայտնում հեղինակներին այսպիսի կարևոր նախաձեռնության համար»,-ասաց մարզպետը։

ՀԺ-ի հետ զրույցում Անիավանի վարչական ղեկավար Մարտիրոս Միրոյանն ասաց, արտակարգ դրության պայմանները չեն խախտել, հավաք չեն կազմակերպել: «Չենք նստել, հաց չենք կտրել: Բոլորս եղել ենք բաց տարածքում: Մի հարկի տակ չենք հավաքվել, փակ սենյակում չենք եղել: Դրոշն ենք դրել բարձունքում, խաչքարն ենք բացել: Ու վերջ»,-ասաց Միրոյանը:

Նախաձեռնությունն, ըստ Շիրակի մարզպետարանի, կյանքի է կոչվել ռուսաստանաբնակ Ասլանյան, Խռանյան, Գրիգորյան ընտանիքների աջակցությամբ։

Այս գյուղում միայն Վահանդուխտ տատիկն է ապրում, մյուսները տասնամյակների ընթացքում լքել են գյուղը: ՀՀ վարչապետ Նիկոլ Փաշինյանի կողմից հայրենի հողին անմնացորդ նվիրումի եւ երկարամյա անխոնջ աշխատանքի համար ՀՀ Շիրակի մարզի Նորշենում (Խարկով) ապրող միակ բնակիչ Վահանդուխտ Մելքոնյանը 2019 թվականի դեկտեմբերին շնորհակալագիր եւ դրամական պարգև էր ստացել: 

Հիշեցնենք, որ դրոշ տեղադրելու մի ձեռնարկ էլ իրականացվել էր ավելի վաղ՝ 2019 թվականի մարտի 13-ին: Նախաձեռնությունը եղել է Անիավանի վարչական ղեկավար Մարտիրոս Միրոյանինը: Նախորդ դրոշը տեղադրվել էր գյուղի խոնարհված եկեղեցու մոտ:

Նորշեն (Խարկով) գյուղն Անի բերդաքաղաքից բաժանվում է ընդամենը Ախուրյան գետով: Սահմանային գյուղ ազատ մտնել ներկա պահին հնարավոր չէ: Պարտադիր պետք է ստանալ սահմանապահ ուղեկալի թույլտվությունը, որը երկարատեւ, երբեմն  շուրջ մեկ ամիս տեւող գործընթաց է: Այս հարցը դեռ նախորդ տարի էր քննարկվել, եւ ՀՀ վարչապետ Նիկոլ Փաշինյանի, ՏԿԵ նախարարության եւ Շիրակի մարզպետի համատեղ աշխատանքի արդյունքում որոշվել էր հասնել սահմանային ռեժիմի փոփոխության: Այսինքն հասնել մի փուլի, որի ժամանակ Նորշեն մտնելու համար այլեւս անցաթութղ պետք չի լինի: Սա զբոսաշրջության զարգացման առումով եւս մեկ կարեւոր եւ հզոր քայլ կլինի Շիրակի մարզի համար:

Տպել
791 դիտում

Ստեփանավանի դենդրոպարկի մուտքի մոտ սահմանափակումներ են դրվել. նախօրեին 10 000 մարդ էր այցելել այնտեղ (լուսանկարներ)

Գեղարքունիքի մարզում կորոնավիրուսի 6 նոր դեպք է հաստատվել

Մինչ այս քրեական հետապնդման մարմինների կողմից իրականացված գործողությունները եղել են ու մնում են իրավաչափ. Գոռ Աբրահամյան

Շիրակի մարզում առաջին անգամ սոյա կմշակվի. ծրագիրը փորձնական է

Անցյալի եւ ապագայի միջեւ գիծ պետք է քաշվի, պետք է հասկանալ՝ ինչ է տեղի ունեցել 1996-ին, 1999-ին, 2008-ին...Ա. Ջուլհակյան

Երևանում տերմինալներից գողություն կատարողների խումբ է բռնվել. ձերբակալվել են 22 և 26-ամյա երկու երիտասարդներ

Այգեձոր բնակավայրի «Այգեձորի գոմեր» կոչվող հանդամասում մոտ 5 հա խոտածածկ տարածք է այրվել

ՍԱՏՄ մշտադիտարկումներն ու կրկնայցերը Երեւան քաղաքում. կրկնակի խախտում է թույլ տվել 2 կազմակերպություն

Նախագահը կրթության փորձագետ Անահիտ Բախշյանի հետ խոսել է Լանզարոտի կոնվենցիայի վերաբերյալ իր մտահոգությունների մասին

Հյուրանոցային համալիրի սեփականատիրոջ կազմակերպմամբ տնօրենին զրկել են ազատությունից, ապա ունեզրկել

Ոստիկանությունում Ռուբեն Հայրապետյանին առնչվող նոր քրեական գործ է հարուցվել

Առողջապահության նախարարը հանդիպել է ՀՎԿԱԿ-ի մասնաճյուղերի տնօրեններին

Գալուստ Սահակյանի որդին ներգրավվել է որպես մեղադրյալ ՔԿ-ում քննվող քրեական գործով

Սննդի անվտանգության տեսչական մարմինը մշտադիտարկումներ է իրականացրել Երեւանում․ հայտնաբերվել են մի շարք խախտումներ

ԱԻՆ-ը շրջայց է իրականացնում ՀՀ տարածքում (Տեսանյութ)

ՀՀ վարչապետը ցավակցական հեռագիր է հղել Իսպանիայի կառավարության նախագահին

Նախագահը ստորագրել է սեռական բռնություններից երեխաների պաշտպանության մասին կոնվենցիան վավերացնելու օրենքը և վավերագիրը

Մենք գնում ենք այս ճանապարհով՝ փոխանցելով «կրիր դիմակ, փրկիր կյանքեր» ուղերձը

Կորոնավիրուսի դեմ պայքարող բուժաշխատողների վարձատրությունը 2-3 անգամ բարձրացել է. ռեանիմատոլոգների պակաս կա

Կորոնավիրուսից մահացած մոր հուղարկավորության ժամանակ վարակված աղջիկները եւս մահացել են