Մինչեւ մարտի 13-ի արդյունքները հաշվի առնելու նպատակը բոլոր սովորողների հավասարությունն ապահովելն է

ՀՀ կրթության, գիտության, մշակույթի եւ սպորտի նախարարի տեղակալ Ժաննա Անդրեասյանը լրագրողների հետ զրույցում այսօր պարզաբանեց, թե ինչո՞ւ կիսամյակային գնահատականի համար հաշվի չեն առնվելու հեռավար կրթության արդյունքները։ 

«Բոլոր խնդիրները շատ երկար քննարկվել են նախարարությունում։ Հաշվի են առնվել հնարավորինս բոլոր հանգամանքները, բոլոր կողմերի դեպքում առաջացող խնդիրները։ Որոշումները կայացվել են՝ աշակերտների շահերից ելնելով»,- ասաց նա:

Փոխնախարարի խոսքով՝ հեռավար կրթությունը համազգային փորձ էր, որից գոհ են, սակայն հանրակրթական դպրոցների աշակերտների 15-20%-ը համապատասխան սարքեր չունենալու պատճառով չի մասնակցում դասապրոցեսին։

«Մենք պետք է կարողանանք ունենալ հավասար իրավիճակ բոլոր սովորողների տեսանկյունից»,- նշեց Անդրեասյանը։

Այսօր շատերն են առաջ քաշում խնդիրը, թե ի՞նչ մոտիվացիա պետք է ունենա դպրոցականը լավ սովորելու համար, եթե որպես կիսամյակային գնահատական հաշվարկվելու է աշակերտի՝ մինչեւ մարտի 13-ն ունեցած արդյունքը: Պատասխանելով այդ մասին մեր հարցին՝ Ժաննա Անդերասյանը նշեց, որ սա հարց է՝ ինչպե՞ս ենք պատկերացնում կրթության նշանակությունն ու նպատակը մեր կյանքում։

«Արդյոք մենք սովորում ենք՝ գնահատականի համա՞ր, թե՞ սովորում ենք, որովհետեւ մեզ հետաքրքիր է եւ ուզում ենք ինչ-որ բան իմանալ»,- նշեց նա՝ հավելելով, որ այս ուղերձը բոլորը՝ նախարարությունը, ծնողներն ու ուսուցիչները, պետք է հղեն աշակերտներին։

Նրա խոսքով՝ եթե մենք ի սկզբանե երեխաներին դնում ենք այն իրավիճակում, որ սովորելու իմաստն այն գնահատականն է, որ պիտի ստանան վերջում, կստանանք երեխաներ, որոնք վերջում մեզ հարցնելու են՝ ի՞նչ իմաստ կա սովորելու, եթե չենք գնահատվելու։

Անդրեասյանն ընդգծեց, որ այս իրավիճակը հնարավորություն է՝ նման մոտեցումը վերանայելու։ Հեռավար կրթության ժամանակ տեսանք՝ ինչպես կարելի է դասերն իրականացնել հեռուստացույցով, նոր տեխնոլոգիաներով։ Աշակերտները, ծնողներն ու ուսուցիչները միավորվեցին: Արդյո՞ք այս ամենը միայն գնահատականի համար էր: Ինքն այդպես չի կարծում։

Լրագրողի այն հարցին էլ, թե այս ամենը մի՞թե ձեւական բնույթ էր կրում, փոխնախարարը չհամաձայնեց․ նրա խոսքով՝ ի սկզբանե, երբ սկսվեց հեռավար դասապրոցեսը, նպատակը կրթության շարունակական գործընթացն էր, որը պետք չէ կապել տարեկան արդյունքների հետ։ Սա կարելի է ասել առանձին է։ 

Ըստ նրա՝ գնահատելի է այս ընթացքում կուտակված փորձը, այն թեմաները, որոնք անցել են, չեն կրկնվելու, իսկ բացթողումների համար կլինեն պահուստային օրեր։

Տպել
1567 դիտում

Թուրքական օդուժը Իրաքի հյուսիսում թիրախավորել է բնակավայրեր. կա 2 զոհ

Հրետանավորներն անցկացրել են մասնագիտական պարապմունքներ. ՊՆ

Թրամփն ու ընտանիքը տեղափոխվել է ստորգետնյա բունկեր. ԱՄՆ-ում ցույցերի հետեւանքով 20 զոհ, 4 000 բերման ենթարկված կա

Հաշմանդամություն ունեցող երեխային պետք է սովորեցնել ինքնուրույն կյանք վարելու հմտություններ. ՄԻՊ (լուսանկարներ)

13-ամյա Նազելիի խնամակալությունը կստանձնի Գյումրիում ապրող հորաքույրը. կապրեն այլ հասցեում

Սահմանամերձ Բարեկամավանի միակ շրջանավարտի ավարտական երեկոն․ մի կողմից հակառակորդի հետ սահման, մյուսից՝ անտեսանելի թշնամի

Ամենահաճախակի խախտումները՝ գեղեցկության սրահներում, դեղատներում եւ ստոմատոլոգիական կենտրոններում․ ԱԱՏՄ

Սահմանադրական փոփոխությունների մասին քվեարկությունը ՌԴ-ում կանցկացվի հուլիսի 1-ին

Ակնկալվում է մի քանի անգամ մեծացնել Հայաստան ներմուծվող գազի և Իրան ներմուծվող էլեկտրաէներգիայի ծավալները

Լացող փոքրիկներ, մարզերից եկած հուսախաբ երեխաներ. հունիսի մեկն առանց ատրակցիոնների առաջվանը չէր

ՄԻԵԴ-ի պատասխանից առնվազն պետք է մտահոգվեն այն մարդիկ, որոնք ուղղել են հարցերը․ Վլադիմիր Վարդանյան

Եվրոպայում ֆուտբոլասերներին աստիճանաբար վերադարձնում են խաղադաշտ

ՍԱՏՄ-ն Կենտրոն վարչական շրջանում կասեցրել է կրկնակի խախտում կատարած երկու հանրային սննդի օբյեկտների աշխատանքը 48 ժամով

Օդային հաղորդակցության վերաբացումը կթույլատրվի հուլիսի կեսից. քննարկումն ու ժամկետը նախնական է

22-ամյա երիտասարդը աղջկա մերկ լուսանկարները չտարածելու դիմաց 3 միլիոն դրամ էր պահանջել. երիտասարդը ձերբակալվել է

Վարչապետին ծննդյան օրվա առթիվ շնորհավորական ուղերձ է հղել Ղազախստանի նախագահը

Վաղը հայկական արտադրության թեստերի առաջին խմբաքանակը՝ 350 հատ, կհանձնվի ՀՎԿԱԿ-ին. Տիգրան Ավինյան

Սահմանին գազի ներկա գնի պահպանման պարագայում, կարծում եմ, ՀԾԿՀ-ի հաշվարկները ողջամիտ են․ փոխվարչապետ

Ռեանիմացիոն եւ ինտենսիվ թերապիայի մահճակալային ֆոնդը կհամալրվի մոտ 120 մահճակալով

Տեղից չի շարժվել «Հարսնաքար»-ի սպանության գործը, ինչը դրա հեղինակներին դրդել է նորանոր հանցագործությունների․Բաբաջանյան