Covid-19-ը կարող է ներթափանցել ուղեղ, ազդել նյարդային համակարգի, սրտի, արյան շրջանառության վրա

Նոր կորոնավիրուսը կարող է ներթափանցել ուղեղ, ազդել նյարդային համակարգի վրա, առաջացնել ստամոքս-աղիքային տրակտի հիվանդություններ, սրտի խնդիրներ, արյան մակարդման խանգարումներ եւ այլ բարդություններ. հաղորդում է BBC-ն:

Covid-19 վարակն, այսպիսով, ախտահարում է ոչ միայն շնչառական ուղիները: Ինչպես ցույց են տալիս դիտարկումները, վարակն ազդել է զգալի թվով հիվանդների նաեւ նյարդային համակարգի վրա:

Նյարդային բջիջների վրա վարակի ազդեցության մեխանիզմը դեռեւս ուսումնասիրված չէ, սակայն համի կամ հոտի զգացողությունների ժամանակավոր կորուստն արդեն իսկ ճանաչվել է որպես Covid-19-ին բնորոշ ախտանիշ:

Դրանից բացի, շնչուղիներից վիրուսը կարող է թափանցել գլխուղեղ, ինչն էլ կարող է առաջացնել մի շարք բարդություններ՝ խաթարելով, կարելի է ասել, ցանկացած օրգանի բնականոն գործունեությունը:

Այս վարակի հնարավոր ուղեկցող հիվանդությունների ցանկը հսկայական է՝ մարսողական խնդիրներից եւ խցանված անոթներից մինչեւ սրտի անբավարարություն ու էնցեֆալիտ:

Բազմադեմ վարակ

Covid-19-ն սկսել է տարածվել շուրջ չորս ամիս առաջ, սակայն գիտնականները մինչ օրս շատ քիչ բան գիտեն հիվանդության հարուցիչ SARS-CoV-2 վիրուսի եւ մարդու մարմնի վրա դրա ազդեցության մասին:

Վարակի մասին ընդհանուր պատկերն ստացվում է գիտական ամսագրերի՝ կորոնավիրուսով հիվանդներին բուժելու իրենց փորձը ներկայացնող բժիշկների հարյուրավոր հոդվածներից վերցվող պատառիկներից:

Շարունակում է ընդլայնվել Covid-19-ի՝ հնարավոր ախտանիշների ցանկը (դրանք արդեն տասնյակից ավելի են): Եւ միաժամանակ առավել ընդգրկուն է դառնում մեր պատկերացումն այն մասին, թե այլ ինչ օրգաններ կարող է ախտահարել վիրուսը եւ, բացի թոքաբորբից, այլ ինչ բարդությունների կարող է հանգեցնել հիվանդությունը:

Ամենից հաճախ բժիշկները Covid-19-ի հետ դիտարկում են նյարդային համակարգի խանգարումներ: Միաժամանակ երկու ուսումնասիրություն՝ Ֆրանսիայում եւ Չինաստանում կատարված, հիմնավորում են, որ վարակվածների ավելի քան մեկ երրորդն այս կամ այն տիպի նյարդաբանական ախտանիշներ է ունենում:

Ընդհանուր առմամբ, այս նոր վարակը բնութագրվում է՝ որպես շատ բազմակողմանի հիվանդություն, որի ընթացքն ամեն առանձին օրգանիզմի դեպքում կարող է այլ լինել:

Ինչպես նշել են բժիշկները, Covid-19-ի առաջացրած բարդությունների ցանկում կան ստամոքս-աղիքային տրակտի հիվանդություններ, սրտի խնդիրներ եւ արյան մակարդման խանգարումներ:

Նյարդային համակարգն այն վնասում է տարբեր ձեւերով, եւ դա զգայարանների ընդամենը ժամանակավոր չգործելը չէ:

Covid-19-ով հիվանդների մոտ, մասնավորապես, գրանցվել են էնցեֆալիտի (ուղեղի բորբոքման) դեպքեր: Երբեմն էլ հիվանդի իմունային համակարգն է սկսել հարձակվել սեփական նյարդային բջիջների վրա, ինչը հանգեցրել է մկանային թուլության, իսկ ծանր դեպքերում՝ կաթվածի: Գրանցվել են նաեւ ինսուլտի դեպքեր: Որպես բորբոքման կողմնակի ազդեցություն, կորոնավիրուսից խոշոր անոթներում երբեմն թրոմբներ են ձեւավորվել, ինչը, ի վերջո, հանգեցրել է ուղեղում արյան շրջանառության էական խախտման:

Եվ թեպետ, նյարդային խանգարումներ հիմնականում նկատվել են միայն ծանր հիվանդների մոտ, բայց արդեն իսկ ակնհայտ է, որ այդ ախտանիշները երբեմն կորոնավիրուսից ապաքինվելուց հետո էլ մնում են:

Ինչու են բարդություններն այդքան տարբեր

Վիրուսը կարող է հասցնել նյարդային համակարգի խաթարման ինչպես անուղղակիորեն՝ իմունային համակարգի չափազանց ակտիվացման (այսպես կոչված, ցիտոկինային փոթորկի) միջոցով, այնպես էլ ուղղակիորեն: Դա բացահայտվել է վարակակիր մահացածների դիահերձման արդյունքում. վիրուսային մասնիկներ հայտնաբերվել են նաեւ ուղեղներում: Կա վարկած, որ վարակը հասնում է ուղեղ շնչուղիների միջոցով:

Այնպես չէ, որ սա հատուկ է միայն նոր կորոնավիրուսին: Ուղեղի նմանատիպ ախտահարման են հանգեցնում նաեւ այլ հիվանդությունների՝ գրիպի, կարմրուկի հարուցիչներ. եւ դրանք եւս երբեմն (կարելի է ասել՝ հազվադեպ) հանգեցնում են նյարդային հիվանդությունների:

Covid-19-ի դեպքում իրավիճակն, անշուշտ, մի փոքր ավելի բարդ է: Նախ, վարակվածների թիվն արդեն շատ մեծ է՝ գերազանցել է 3 միլիոնը: Եվ երկրորդ, եթե վիրուսն, այնուամենայնիվ, հասնում է ուղեղ, վարակի հետագա տարածումը գրեթե անխուսափելի է. ուղեղի բջիջների մակերեւույթում կա նույն ACE2 մեմբրանային ընկալիչը, որի միջոցով վիրուսը ներթափանցում է հեշտությամբ՝ առաջացնելով բորբոքում:

Այդ նույն ընկալիչն ունեն արյան անոթների ներքին մակերեսը պատող բջիջները, հենց դրանցով էլ ծանր հիվանդների մոտ վիրուսը շնչառական օրգաններից դուրս է գալիս արյան մեջ: Արդյունքում, թրոմբոցիտային բարդություններ են նկատվում կորոնավիրուսային թոքաբորբ տանող յուրաքանչյուր երրորդ հիվանդի մոտ:

Վերջում հիշեցնենք, որ նոր կորոնավիրուս Covid-19-ը մեծամասամբ ընթանում է ընդհանրապես առանց ախտանիշների կամ շատ թեթեւ՝ մեկ-երկու օր ջերմությամբ, հազով, համուհոտի զգացողության կորստով: Այն առավելապես ծանրանում է տարեցների եւ քրոնիկ հիվանդություններ ունեցողների օրգանիզմում, եւ նշված բարդությունները զարգանում են այդ ծանր դեպքերի պարագայում:

Տպել
1340 դիտում

ԱՄՆ-ում ցույցերի ժամանակ պղծվել է Դենվերում գտնվող հայկական խաչքարը (լուսանկար)

Հրդեհ Էջմիածին քաղաքի մթերային խանութներից մեկում․ տուժածներ չկան

Հրդեհ Վանաձորում. 7-ամյա երեխային այրվող բնակարանից դուրս են բերել հարեւանները, տան տիրոջը՝ փրկարարները (լուսանկարներ)

Վանաձորում մեքենան բախվել է շինության պատին. վարորդը տեղում մահացել է (լուսանկարներ)

ՍԱՏՄ-ն գյուղատնտեսական մի քանի շուկաներում խախտումներ է արձանագրել. տվյալները կներկայացվեն պարետատուն

Տեսչական մարմնի աշխատակիցները կրկնակի այց և մշտադիտարկում են իրականացրել Երևան երկաթուղային կայարանում

Ոստիկանությունն արգելափակել է Ղալթաղչիի Սուրբ Հովհաննես մատուռ տանող ճանապարհները

Վրաստանը մեզ համար եղբայրական երկիր է, և շատ ջերմացնում է մեզ նման պատրաստակամությունը. վարչապետ

Ռեվանշիստները հիմա էլ ուրի՞շ «պլացդարմ» են փնտրում

Նախատեսված է 100.000 հայկական թեստի արտադրություն. ՄԿԻ-ն ավարտել է լաբորատոր փորձարկումները

358 պացիենտ գտնվում է ծանր, 58-ը՝ ծայրահեղ ծանր վիճակում. Նիկոլ Փաշինյան (տեսանյութ)

Առաջին դասարանցիների առցանց գրանցումը կսկսվի հունիսի 1-ից

Ունենք քաղաքական կամք՝ ֆիզիկական անձանց եկամուտների համատարած հայտարարագրում ներդնելու համար. վարչապետ

Ոստիկանները պարզել են Իջևանում կրակոցներ արձակած անձի ինքնությունը. ոստիկանություն է ներկայացել 42-ամյա տղամարդ

Արմավիրի նախկին քաղաքապետն ապօրինաբար 75 տարով տարածք է հատկացրել ՀՀ ֆուտբոլի ֆեդերացիայի նախկին նախագահին (տեսանյութ)

Պարետի որոշմամբ 24 ժամով արգելվել է 24, և 48 ժամով՝ 2 տնտեսվարողի պատկանող մասնաճյուղերի գործունեությունը

Արցախի նախագահը 2020 թվականի ամառային զորակոչ անցկացնելու եւ զորացրում կատարելու մասին հրամանագիր է ստորագրել

ՊԲ-ում այսօր սանիտարական օր է. ախտահանվել են զորանոցները, բուժկետերը, կենցաղային նշանակության շինությունները(տեսանյութ)

Դելի-Երևան հատուկ չվերթով Հայաստան է ժամանել ՀՀ 23 քաղաքացի, Հնդկաստան է վերադարձել 130 հնդիկ ուսանող

Համավարակը սահման և ազգություն չի ճանաչում. այն ազդեցություն է թողել յուրաքանչյուրիս վրա. Մհեր Գրիգորյանն ուղերձ է հղել