Հեռավար դասընթացների գնահատականներն անտեսելը դժգոհության ալիք է բարձրացրել. ԿԳՄՍՆ-ն որոշումը վերանայելու նպատակ չունի

ՀՀ կրթության, գիտության, մշակույթի եւ սպորտի նախարար Արայիկ Հարությունյանի ֆեյսբուքյան ուղիղ եթերով հնչած նորությունները ոչ միանշանակ ընդունվեցին։ Եթե դպրոցականների դեպքում հիմնականում դրական արձագանքներ էին, մի շարք ուսուցիչների եւ ծնողների պարագայում մտահոգություններ եւս կային։

Խոսքը 2019-20թթ․ ուստարին մինչեւ մարտի 13-ը ստացած գնահատականներով ամփոփելու մասին է։

Ինչպե՞ս պետք է աշակերտին ստիպեն պահել մոտիվացիան, արդյո՞ք դրան հաջորդած հեռավար դասերը զուր ու ձեւական բնույթ չունեին։ Նմանատիպ հարցերը ներկայացվում են սոցցանցերում մեկնաբանությունների տեսքով։

«Հայ ասպետ» հիմնադրամի տնօրեն, մանկավարժ Կարին Տոնոյանն իր ֆեյսբուքյան էջում գրում է․

«Կան երեխաներ, որոնք այս հեռավար կրթության օրերին դրսեւորել են աննախադեպ ակտիվություն եւ առաջադիմություն, որը չգնահատելն ամենամեծ անարդարությունը կլինի, այն դեպքում, երբ այդ 20-25%-ի մեջ կան երեխաներ, որոնք, ունենալով տեխնիկական հնարավորություններ, պարզապես դրսեւորեցին ծուլություն եւ անպատասխանատվություն եւ շատ քիչ կամ բնավ չեն մասնակցել հեռավար դասերին»։

Տոնոյանի խոսքով՝ ուսուցիչներն այս օրերին աննկարագրելի նվիրվածությամբ են աշխատել նաեւ գնահատականի համար, որը նրանց, աշակերտի, ծնողի աշխատանքի գնահատումն է։

Արտաշես Շահինյանի անվան ֆիզիկամաթեմատիկական դպրոցի փոխտնօրեն Անժելա Նազարեթյանն էլ իր գրառումով առաջարկում է, որ սովորողների 80%-ի կիսամյակը փակվի ամբողջ ընթացքում ստացած գնահատականների հիման վրա (նաեւ հեռավարի), իսկ մյուս 20%-ինը, որոնք չեն կարողացել մասնակցել դասապրոցեսին, ԿԳՄՍՆ-ի առաջարկած տարբերակով։

Հարցի վերաբերյալ նախարարության դիրքորոշումը բոլոր սովորողների հավասարությունն ապահովելն է: Հեռավար կրթության փորձից գոհ են, սակայն հանրակրթական դպրոցների աշակերտների 15-20%-ը, համապատասխան սարքեր չունենալու պատճառով, չի մասնակցում դասապրոցեսին։

ԿԳՄՍՆ նախարարի տեղակալ Ժաննա Անդրեասյանը լրագրողների հետ զրույցում օրեր առաջ տարակուսել էր՝ արդյոք սովորում ենք՝ գնահատականի՞ համար: Նրա խոսքով՝ ի սկզբանե, երբ սկսվեց հեռավար դասապրոցեսը, նպատակը կրթության շարունակական գործընթացն էր, որը պետք չէ կապել տարեկան արդյունքների հետ։

ԿԳՄՍՆ հասարակայնության հետ կապերի եւ տեղեկատվության վարչությունից տեղեկացանք, որ ուսուցիչների շրջանում դժգոհություն առաջ բերած որոշումը վերանայելու հարց գոնե առայժմ չի քննարկվում:

Տպել
2466 դիտում

Թուրքական օդուժը Իրաքի հյուսիսում թիրախավորել է բնակավայրեր. կա 2 զոհ

Հրետանավորներն անցկացրել են մասնագիտական պարապմունքներ. ՊՆ

Թրամփն ու ընտանիքը տեղափոխվել է ստորգետնյա բունկեր. ԱՄՆ-ում ցույցերի հետեւանքով 20 զոհ, 4 000 բերման ենթարկված կա

Հաշմանդամություն ունեցող երեխային պետք է սովորեցնել ինքնուրույն կյանք վարելու հմտություններ. ՄԻՊ (լուսանկարներ)

13-ամյա Նազելիի խնամակալությունը կստանձնի Գյումրիում ապրող հորաքույրը. կապրեն այլ հասցեում

Սահմանամերձ Բարեկամավանի միակ շրջանավարտի ավարտական երեկոն․ մի կողմից հակառակորդի հետ սահման, մյուսից՝ անտեսանելի թշնամի

Ամենահաճախակի խախտումները՝ գեղեցկության սրահներում, դեղատներում եւ ստոմատոլոգիական կենտրոններում․ ԱԱՏՄ

Սահմանադրական փոփոխությունների մասին քվեարկությունը ՌԴ-ում կանցկացվի հուլիսի 1-ին

Ակնկալվում է մի քանի անգամ մեծացնել Հայաստան ներմուծվող գազի և Իրան ներմուծվող էլեկտրաէներգիայի ծավալները

Լացող փոքրիկներ, մարզերից եկած հուսախաբ երեխաներ. հունիսի մեկն առանց ատրակցիոնների առաջվանը չէր

ՄԻԵԴ-ի պատասխանից առնվազն պետք է մտահոգվեն այն մարդիկ, որոնք ուղղել են հարցերը․ Վլադիմիր Վարդանյան

Եվրոպայում ֆուտբոլասերներին աստիճանաբար վերադարձնում են խաղադաշտ

ՍԱՏՄ-ն Կենտրոն վարչական շրջանում կասեցրել է կրկնակի խախտում կատարած երկու հանրային սննդի օբյեկտների աշխատանքը 48 ժամով

Օդային հաղորդակցության վերաբացումը կթույլատրվի հուլիսի կեսից. քննարկումն ու ժամկետը նախնական է

22-ամյա երիտասարդը աղջկա մերկ լուսանկարները չտարածելու դիմաց 3 միլիոն դրամ էր պահանջել. երիտասարդը ձերբակալվել է

Վարչապետին ծննդյան օրվա առթիվ շնորհավորական ուղերձ է հղել Ղազախստանի նախագահը

Վաղը հայկական արտադրության թեստերի առաջին խմբաքանակը՝ 350 հատ, կհանձնվի ՀՎԿԱԿ-ին. Տիգրան Ավինյան

Սահմանին գազի ներկա գնի պահպանման պարագայում, կարծում եմ, ՀԾԿՀ-ի հաշվարկները ողջամիտ են․ փոխվարչապետ

Ռեանիմացիոն եւ ինտենսիվ թերապիայի մահճակալային ֆոնդը կհամալրվի մոտ 120 մահճակալով

Տեղից չի շարժվել «Հարսնաքար»-ի սպանության գործը, ինչը դրա հեղինակներին դրդել է նորանոր հանցագործությունների․Բաբաջանյան