Ամեն ամիս իմ հոսանքը 56.000 դրամ է գալիս, ես չգիտեմ՝ որտեղից․ վարչապետը զանգահարել էր ՀՀ քաղաքացիներին

ՀՀ վարչապետ Նիկոլ Փաշինյանն այսօր զանգահարել էր էլեկտրաէներգիայի անջատումից տուժած քաղաքացիներին՝ իմանալու, թե ինչ պատճառներով է դա եղել:

Քաղաքացիներից մեկը, որն այս պահին չուներ էլեկտրաէներգիա, ասաց, որ աշխատում է Ազգային պատկերասրահում, ստանում է իր աշխատավարձը նույն չափով, բայց եւ չի կարողացել վճարել, որովհետեւ կուտակումներ են եղել: «Իսկ կարո՞ղ է այն հայտարարությունը, որ ֆորս մաժոր է, մի քիչ օգնել է ձեզ՝ չվճարելու»,- հարցրեց վարչապետը, ինչից հետո քաղաքացին պատասխանեց, որ ուղղակի ձմռանը դժվար է եղել, կուտակումներ են եղել: «Այս երկու օրը կվճարեմ գումարը»,- ասաց քաղաքացին՝ հավելելով, որ ստանում է նվազագույն՝ 67 հազար դրամ աշխատավարձ, ունի 3.5 տարեկան երեխա, ամուսինն էլ մահացել է: Այս քաղաքացու էլեկտրաէներգիայի պարտքը կազմում է 90 հազար դրամ: «Ես նշեցի ինձ մոտ ձեր տվյալները, ես առնվազն կհետաքրքրվեմ ձեր տվյալներով»,- եզրափակեց վարչապետը:

Մյուս քաղաքացին, որը նույնպես այս պահին չուներ էլեկտրաէներգիա, ասաց, որ ունի առաջին կարգի հաշմանդամություն ունեցող հայր, երկու անչափահաս երեխա, ապրում է Վարդաշենի հանրակացարանում: «Չունեմ աշխատանք, քանի որ անկողնային հիվանդ հայրս իմ խնամքին է»,- հավելեց քաղաքացին: Նա ասաց նաեւ, որ չի ստացել կառավարության տրամադրած օգնությունը: Փաշինյանն ասաց, որ պետք է դիմել ծրագրով եւ ստանալ այդ աջակցությունը, ինչից հետո քաղաքացին հարցրեց՝ ո՞նց դիմեմ: «Համակարգիչ չունենք, նույնիսկ երեխաներս դպրոցի դասերը չեն կարողանում անել, որովհետեւ չունենք ո՛չ ինտերնետի, ո՛չ համակարգչի հնարավորություն: Զանգահարել եմ ԿԳՄՍՆ, ասել եմ, որ չունեմ»,- ասաց նա: Քաղաքացին ասաց նաեւ, որ նպաստառու է եւ չի կարող մասնակցել այդ ծրագրերին, ստանում է 29.000 դրամ, այս ամիս ստացել է 39.000 դրամ: «Հունվարից մեր հոսանքն անջատված է: Հարեւանից հոսանք ենք վերցնում, մի փոքր գումար տալիս ենք նրան: Ես, ճիշտն ասած, զանգահարել եմ սոցապնախարարություն, առողջապահության նախարարություն, հայրիկիս համար դիմել եմ, օգնություն չեմ ստացել»,- հավելեց քաղաքացին:

«Ես նշեցի ձեր դեպքն ինձ մոտ, կմտածեմ, թե ինչով կարող եմ երեխաներին նաեւ օգնել»,- եզրափակեց վարչապետը:

Մյուս քաղաքացին, որը նույնպես չուներ էլեկտրաէներգիա, ասաց, որ դիմել է ծրագրին, 2 անչափահաս երեխա ունի, բայց համակարգը ցույց է տալիս, որ երեխաների տվյալները գոյություն չունեն: Նա ասաց, որ երեխաներն ունեն ծննդական, ՀՀ քաղաքացի են: 

«Ես հիմա նշեցի ինձ մոտ, եթե ամեն ինչ այնպես է, ինչպես դուք եք ասում, ամեն երեխայի համար 26.500 դրամ աջակցություն կստանաք»,- ասաց վարչապետը, ինչից հետո քաղաքացին նշեց, որ ամեն ամիս իր հոսանքը 56.000 դրամ է կազմում: «Ես չգիտեմ՝ որտեղից, մի լույս եմ վառում, հեռուստացույց, սառնարան: Ես անելանելի վիճակում եմ գտնվում»,- ասաց նա՝ հավելելով, որ տունն ունի 3 փոքր սենյակ, 2 հյուրասենյակ, ձմռանն էլ փայտից վառարան է օգտագործել։ 

«Բա, 140 հազար դրամ որտեղի՞ց է պարտք գոյացել»,- հարցրեց վարչապետը, ինչից հետո քաղաքացին պատասխանեց՝ չգիտեմ։ Նա նաեւ ասաց, որ երեխաներն էլ համակարգիչ չունեն. «Դասատուները զանգում, հեռախոսով թելադրում են, մենք գրում ենք»:

«Հարգելի՛ Նարինե, դուք 9-րդ ծրագրի շահառու եք, կասեմ, որ ձեր այդ հարցով զբաղվեն եւ ձեր հոսանքի հարցով էլ կզբաղվեն»,- ասաց վարչապետը՝ հավելելով, որ կզբաղվեն նաեւ երեխաների դասերի հարցով։

Զանգերի ավարտից հետո Փաշինյանն արձանագրեց, որ հոսանքի անջատումների մասին իրենց վիճակագրությունն ամբողջական չէ եւ շեշտեց, որ պետք է այն ամբողջացնել։

Տպել
1406 դիտում

Աշխատանքի և սոցիալական հարցերի նախարարությունը և «Հայ առաջադեմ երիտասարդություն» ՀԿ-ն ստորագրել են փոխըմբռնման հուշագիր

Փարիզը կարող է հրաժարվել 2024թ. օլիմպիական խաղեր անցկացնելուց

Կստեղծվի Փաստահավաք հանձնաժողով՝ 9 անդամով. կուսումնասիրվեն 1991-ից մինչեւ հեղափոխությունը տեղի ունեցած իրավախախտումները

ԲՀԿ-ն ակնարկում է՝ իշխանությունը վախենում է հանրաքվեն անցկացնել, «Իմ քայլը» արձագանքում է՝ ժամը մեկ կարող ենք անցկացնել

IDBank-ը պետական ֆինանսավորմամբ հատուկ ծրագրի շրջանակում նվազեցրել է ուսանողական վարկերի տոկոսադրույքը

ՄԻԵԴ-ը Քոչարյանի գործով խորհրդատվական կարծիքը կհրապարակի մայիսի 29-ի առավոտյան

Մայիսի 28-ին քաղաքացիներին չի թույլատրվի այցելել Սարդարապատի հուշահամալիր

Հայտարարվել են Մ11-Ախպրաձոր ճանապարհի 2 հատվածների վերականգնման աշխատանքների մրցույթներ

ԱՀԿ-ն՝ COVID-19-ի տարածման, բուժման եւ արեւի, ճանճերի, պղպեղի, ասպիրինի, քլորի ու 5G ցանցերի կապի մասին

ՏՄՊՊՀ-ն պաշտպանիչ և բժշկական ձեռնոցների շրջանառության ոլորտում վարույթ է հարուցել մի շարք տնտեսվարողների նկատմամբ

Ակնալիճ գյուղի 56-ամյա բնակիչը ձերբակալվել է՝ համագյուղացուն դանակահարելու կասկածանքով

Ոստիկանությունը հորդորում է առաջիկա օրերին զերծ մնալ մասսայական միջոցառումներից

Փլուզման եզրին գտնվող տանիքը կվերականգնվի

ՀՀ նախագահի հրամանագրերով ԵՏՄ դատավորն ու Վճռաբեկ դատարանի քրեական պալատի նախագահը պարգեւատրվել են

Գույքահարկը առավելապես ավելանալու է այն գույքերի վրա, որոնք մենք անվանում ենք դղյակներ, ապարանքներ․ վարչապետ

Մանվել Շահվերդյանը Երեւանի առաջին ատյանի ընդհանուր իրավասության դատարանի դատավոր է նշանակվել

Հացադուլ դատախազության շենքի դիմաց. քաղաքացին պահանջում է գործին տալ իրավական ընթացք

Արմավիր քաղաքի «Դրիմ Գարդեն» ՍՊԸ գրասենյակի շենքի արտաքին պատի քարերը թուլացել են

Փոխնախարարը շփոթմամբ, վարչապետին ի պատասխան, դիմեց՝ «Ո՛չ, հարգելի՛ դատարան»

Բիզնես ստեղծելու գաղափար ունեցող սկսնակներին օժանդակություն կտրամադրվի․ կառավարությունը հաստատեց 19-րդ միջոցառումը