Անվտանգ հպում․ համավարակի առիթով հայ հեղինակների ստեղծած դետալը կօգնի ձեռքով չդիպչել վարակի աղբյուր մակերեսներին

Վիրուսից պաշտպանվելու համար հաճախ հնչող հորդորներից է բռնակին, ծորակին, վերելակի եւ բանկոմատի կոճակներին դիպչելուց հետո ձեռքերն անպայման ախտահանել կամ լվացվել։ Բայց պատկերացրեք՝ առավել անվտանգ կլինի դրանց ընդհանրապես չդիպչելը։

Հայազգի հեղինակների ստեղծած «Shield20»-ը հենց այդ նպատակի համար է:

Shield բառը թարգմանաբար վահան է նշանակում, իսկ 20-նն էլ խորհրդանշում է այս տարի տարածված վիրուսը։

Արույրից (լատուն) պատրաստված դետալի օգնությամբ կարելի է բացել դուռը, բարձրացնել ծորակը, սեղմել կոճակը՝ առանց ձեռքով դիպչելու:

Ինչպես մեր զրույցում պատմեց «Makichyan Consulting» ընկերության հիմնադիր տնօրեն Գրիգոր Մակիչյանը, համաձուլվածքի մեջ 70%-ը պղինձ է։ «Shield20»-ը, դետալից բացի, կազմված է կաշվե պատյանից, ներսում առկա է կտոր, որտեղ էլ անհրաժեշտ է լցնել սպիրտ կամ այլ ախտահանիչ նյութ։ Այն օգտագործելուց հետո, երբ փակում ես, ախտահանվում է։

«Safe Touch Save Lives» կամ թարգմանված տարբերակով՝ «Անվտանգ հպումը կյանք է փրկում»․ սա ապրանքի կարգախոսն է։

Թե ինչու հենց արույր, սա էլ իր բացատրությունն ունի, Մակիչյանի խոսքով՝ մասնագետները վստահեցնում են, որ այդ նյութը կարճ ժամանակ է վիրուսն իր վրա պահում։

Հպումն անվտանգ դարձնող ապրանքը նորություն չէ աշխարհում, սակայն հայկականը կտարբերվի մնացածից, քանի որ առանձին դետալից բացի այն ունի կաշվե պատյան, ներսում կտոր։ Այլ նման ինքնախտահանվող տեսակ չկա։

Համավարակի ֆոնին հետաքրքիր ապրանքը դեռեւս չի վաճառվում։ Զանգվածային արտադրություն առայժմ չկա: Արդեն պայմանավորվել են տարբեր արտադրողների հետ, կաշին, պատյանը մեկ հոգի է արտադրում, դետալը լազերով մեկ ուրիշն է ստանալու։ Այժմ մուտք են գործել հատուկ հարթակ, տեղադրել ապրանքն ու մարքեթինգային արշավ են իրականցնում։

«Դրանք հարթակներ են, որտեղ ապրանքը տեղադրվում է, մարդկանց ասվում է, որ նման բան ենք ցանկանում արտադրել, եւ իրենք նախապես գումարը տրամադրում են»,- նշեց Մակիչյանը՝ հավելելով՝ իմաստն այն է, որ մարդիկ ապրանքը հավանում են, դրա ստեղծման համար կանխավճար տրամադրում, որ հետո իրենց առաքեն։

Այժմ պլանավորած է ամբողջ արտադրական ընթացքը։ Սպասում են գումարը հավաքվի, մոտ մեկ ամսից Հայաստանում կսկսվի արտադրությունն ու առաքումը։

Ինչպես պատմեց մեր զրուցակիցը, «Makichyan Consulting»-ը խորհրդատվական ընկերություն է։ Տարիների ընթացքում կուտակված փորձը, կապերը մղում են վերը նշված գործունեությամբ զբաղվելու։ 3 տարի է՝ մտածում են՝ նման հարթակներում ապրանքներ տեղադրելու եւ արտադրություն կազմակերպելու մասին։ Համավարակն էլ առիթ է հանդիսացել այս դետալը սարքելու։

Այս պահին հարթակում ապրանքի նկատմամբ հետաքրքրվածությունը դեռ այնքան էլ մեծ չէ, թեեւ հարցերը շատ են։ Սպասում են, որ արդեն հաջորդ շաբաթներին աշխուժություն կլինի:

«Shield20»-ը Մակիչյանն ընդամենը միջոց է համարում՝ մեծ նպատակին հասնելու համար։ Իր խոսքով՝ կարեւորը գործընթացն է, որը ցանկանում են իրականացնել։ Կսովորեն, հետագայում մնացած ապրանքները կսկսեն ավելի լավ ներկայացնել դրսի հարթակներում եւ արտադրել Հայաստանում։

Արդեն մոտ 10 նախագիծ ունեն։ Դրանց մի մասը հնարավոր է կարճատեւ բնույթ կրեն, ինչպես օրինակ՝ այս մեկը, որը համավարակի շրջանն անցնելու հետո հնարավոր է այլեւս հետաքրքրություն չառաջացնի։ Հույս ունեն՝ մնացած նախագծերի մեծ մասն այստեղ սերիական արտադրություն ունենա։

Գլոբալ նպատակն, ըստ ընկերության հիմնադիրի, Հայաստան ֆինանսական հոսքեր բերելն է։

«Մենք ուզում ենք Հայաստանում տնտեսությունը զարգանա, տնտեսությունը զարգացնելու ամենալավ ճանապարհը տեղական արտադրությունը զարգացնելն է»,- նշեց Մակիչյանը՝ հավելելով, որ արտադրությունը զարգացնելու համար էլ պետք ունենալ ֆինանսական ներդումներ, իսկ այդ տարբերակներից մեկն էլ իրենց ընտրածն է։

Տպել
4235 դիտում

Սևան քաղաքի բոլոր մուտքերն ու ելքերը փակ են. ոստիկանության արտակարգ ծառայությունը Սևանում (տեսանյութ)

Վանաձորի Շիրակացի փողոցի հանրակացարանի տանիքի պոկված ճաղավանդակները հեռացվել են

Հասարակության «լրջության կորագիծը»

ԱՄԷ-ում գտնվող ՀՀ քաղաքացիները կարող են Հայաստան վերադառնալ Դուբայ-Թբիլիսի չվերթով

Կիևում լույս է տեսել նոր հայագիտական ժողովածու, որն ընդգրկել է 30 ուկրաինացի գիտնականների աշխատություններ

23–ամյա վարորդն Աբովյանում Opel-ով վրաերթի է ենթարկել 48-ամյա հետիոտնին. նրան հոսպիտալացրել են

ՔՏՀԱ տեսչական մարմինը արտակարգ ռեժիմով վերահսկում է հանրային տրանսպորտի գործունեությունը

Վեդի քաղաքում այրվել է մոտ 30 հակ կուտակած անասնակեր

ՍԱՏՄ-ը շարունակում է մշտադիտարկումները հանրային սննդի օբյեկտներում. կասեցվել է մի շարք տնտեսվարողների աշխատանքը

Հայաստանում սպասվում է առանց տեղումների եղանակ, ջերմաստիճանը կբարձրանա 2-4 աստիճանով

Կորոնավիրուսի հետեւանքով մահացել է Սարհատ Պետրոսյանի մայրը՝ Ռուբինա Ղազարյանցը

KFS, «Փարվանա» ռեստորան, «Թումանյանի շաուրմա». կասեցվել է մի շարք տնտեսվարողների գործունեությունը (տեսանյութ)

Սիլիկյան թաղամասի 5-րդ փողոցում ճանապարհահատվածը փլուզվել է, դարձել մասամբ երթեւեկելի

Քննադատելու բարոյական իրավունքը

Արայիկ Հարությունյանը՝ Լանզարոտեի կոնվենցիայի շուրջ կեղծ պնդումների մասին (տեսանյութ)

Հոգեկան առողջության պահպանման ազգային կենտրոնում կորոնովիրուսի 8 դեպք կա. 1-ը՝ կենտրոնի հիվանդներից

«Մեյմանդար» շուկայի գյուղմթերք վաճառողները չեն կրել դիմակներ. խախտումները կներկայացվեն պարետատուն

Ուժեղացված ստուգայցեր մայրաքաղաքի Կենտրոն, Էրեբունի և Նորք-Մարաշ վարչական շրջաններում

Այսօր կիրականացվեն Մինսկ-Երևան-Մինսկ եւ Մոսկվա-Երևան չվերթները. քաղավիացիա

Նոր Նորք վարչական շրջանում տեղակայվել են անցակետեր․ ոստիկանություն (տեսանյութ)