Տեղի է ունեցել բանավոր, փչացած հեռախոսի մեխանիզմով գործողություն. Գյումրու ՀՈԱԿ-ների աշխատակիցները կրկին անհանգիստ են

Գյումրու համայնքապետարանի ենթակայությամբ գործող ՀՈԱԿ-ների աշխատակիցները կրկին անհանգիստ են: Արդեն հստակ ձեռագիր դարձած նույն վարքով, առանց տեսանկարահանվելու ցանկության, տեղեկացնում են, որ քաղաքապետարանից տեղյակ են պահել, թե աշխատավարձերն այսուհետ վճարելու են 2/3-ով, այսինքն որպես հարկադիր պարապուրդ: Ըստ աշխատակիցների, իրենց նաև ասվել է, որ որոշումը կայացրել է ավագանին:

«Սուտ է, թարս ու շիտակ բաներ են: Ի՞նչ ավագանի, ի՞նչ որոշում: Նախ ավագանին չունի նման իրավունք մարդկանց արձակուրդ ուղարկելու, աշխատավարձի չափ որոշելու, հետո էլ ավագանին նիստ չի արել, նման հարց չի քննարկել: Եթե որոշում լիներ, կարող էին դրա մասին բոլորն էլ իմանային, ավագանու որոշումները հրապարակային դրվում են կայքում: Իզուր տեղը ավագանու անունից բաներ թող չհայտարարեն»,- ՀԺ-ի հետ զրույցում ասաց Գյումրու ավագանու անդամ Լևոն Բարսեղյանը:

Զրույցի ընթացքում պարզվեց, որ ՀՈԱԿ-ների աշխատակիցներն իրենց հուզող հարցով նաև Լևոն Բարսեղյանին են դիմել: Վերջինս էլ բացատրել է, որ գնան, հարցերը տեղում ճշտեն, ավագանին ոչ իրենց արձակուրդ ուղարկելու որոշում է կայացրել, ոչ էլ կիսատ-պռատ վճարելու:

«Էդ 2/3-ի մասին որ ասում են, չկա իրականում որևէ որոշում: Ոչ ավագանին ունի, ոչ քաղաքապետը: Ուղղակի տեղի է ունեցել բանավոր, փչացած հեռախոսի մեխանիզմով գործողություն: Որոշ տեղերում համայքնապետարանից չգիտեմ ով ՀՈԱԿ-ների տնօրեններին ասել է աշխատակիցներին ասեք ու էդպես տարածվել է»,- ասաց ավագանու անդամը:

ՀՈԱԿ-ների աշխատակիցների առաջ քաշած հարցը անհիմն որակեց քաղաքապետարանի պատասխանատուն: Քաղաքապետի մամուլի քարտուղար Սոնա Առաքելյանն ասաց՝ ոչ նման որոշում է եղել, ոչ առավելևս՝ հայտարարություն:

«Խոսակցություններ են իրենք շրջանառել ընդամենը, բայց որևէ մեկին չի ասվել, որ պակաս աշխատավարձ է ստանալու: Իրենք են ուղղակի մտածել, որ կիսատ են վճարվելու: Դա է եղել հավանաբար»,- ասաց Առաքելյանը:

Վճարման չափի ու կարգի մասին քննարկումներ, սակայն, ըստ մամուլի քարտուղարի, կառույցում եղել են: Դիմել են տարբեր ատյաններ՝ հստակեցնելու համար, թե ինչպես է վճարվելու ապրիլի աշխատավարձը: ՀՀ աշխատանքի և սոցիալական հարցերի նախարարությունից էլ ստացել են 100 տոկոսով վճարելու որոշում: «Որոշումը ստացել ենք, ապրիլ ամիսը 100 տոկոսով բոլոր ՀՈԱԿ-ների բոլոր աշխատակիցները վճարվել են: Որևէ մեկը պակաս աշխատավարձ չի ստացել»,- վստահեցրեց Առաքելյանը:

Թե մայիսին ինչ են անելու ՀՈԱԿ-ների աշխատակիցները և ինչպես են վճարվելու, դեռ հստակ չէ: Այս պահին, ըստ Առաքելյանի, մայիսի համար ոչ քննարկում կա, ոչ էլ որոշում, ոչ աշխատանքի մասով, ոչ վճարման:

Ի դեպ, պաշտոնական պատասխանից ստացվում է, որ արդեն երկրորդ անգամ Գյումրու քաղաքապետարանի ենթակայությամբ գործող ՀՈԱԿ-ների աշխատակիցներն իրենց վերաբերող խնդիրը սխալ ընկալում, սխալ մեկնաբանում, դատարկ խոսակցություններ են տարածում: Նման հարց ծագել էր նաև ապրիլի 27-ին, երբ  Գյումրու քաղաքապետարանի ենթակայությամբ գործող գրեթե բոլոր ՀՈԱԿ-ների աշխատակիցները տեղեկացրել էին, որ իրենց քաղաքապետարանի կողմից սկզբում առաջարկվել էր մեկ ամսով  չվճարվող արձակուրդ վերցնել, այնուհետ որոշումը փոխվել և բոլորին պարտադրվել էր վերցնել ամենամյա հասանելիք արձակուրդը: Այդ օրը ևս ՀԺ-ի հարցմանն ի պատասխան Գյումրու քաղաքապետի մամուլի քարտուղար Սոնա Առաքելյանն ասել էր, թե որևէ աշխատակցի նման բան չի պարտադրվել: Իրենց ցանկությունն է, երբ ուզեն, կգնան իրենց արձակուրդը:

Տպել
2074 դիտում

Արման Եղոյանը հեռախոսազրույց է ունեցել Հայաստանում Եվրամիության պատվիրակության ղեկավար Անդրեա Վիկտորինի հետ

Ղազախստանի ԱԳՆ-ն խորապես մտահոգված է հայ-ադրբեջանական սահմանին տեղի ունեցածի առնչությամբ

ՌԴ-ում Հայաստանի և Ադրբեջանի դեսպաննները «Խոսում է Մոսկվան» ռադիոկայանի եթերում մեկնաբանել են սահմանային միջադեպը

Սահմանադրական բարեփոխումների մասնագիտական հանձնաժողովը հուլիսի 15-ին սկսում է հանրային քննարկումները

ԵԱՀԿ Մինսկի խմբի համանախագահները դատապարտել են հրադադարի ռեժիմի վերջին խախտումները

Հուլիսի 12-ի դրությամբ Տեսչական մարմիններն իրականացրել են 48917 ստուգում

Հեղեղում Գյումրիում. կարկուտն ու անձևը ջրածածկ են արել ամբողջական փողոցներ (լուսանկարներ, տեսանյութ)

Արմեն Աֆանդյանը նշանակվել է ՀՀ գլխավոր դատախազի տեղակալ

Մաշա Մնջոյանը հասել է ավստրալական «Ձայնը» նախագծի կիսաեզրափակիչ (տեսանյութ)

Ադրբեջանի պաշտպանության նախկին նախարարը ձերբակալվել է 12 զոհի մասին հայտարարության պատճառով

Հիվանդության բարդացման հիմնական պատճառներից է բժշկին չլսելը. իրական դեպքեր՝ վերակենդանացման բաժանմունքից

Չինարի գյուղից ՄԻՊ-ի աշխատակազմ են փոխանցվել հրետանակոծությունից փաստեր․ նոր զեկույց կուղարկվի միջազգային կառույցներին

ԳՇ պետ Օնիկ Գասպարյանն ընդունել է ՀՀ-ում ՌԴ արտակարգ և լիազոր դեսպանին եւ դեսպանության ռազմական և ռազմաօդային կցորդին

«Արարատ-Արմենիա»-«Նոա»՝ եւս մեկ եզրափակիչ. վրե՞ժ, թե՞ ոսկե դուբլ

Այդ մենք ենք կոչ անում Թուրքիայի իշխանությանը սթափվել, ապա սթափեցնել իրենց ադրբեջանցի գործընկերներին․ Ռուբեն Ռուբինյան

Ռուբեն Ռուբինյանը նամակներ է հղել ԵԽ գլխավոր քարտուղարին և ԵԽ Մարդու իրավունքների հանձնակատարին

Հուլիսի 12-ին Շիրակի մարզում կորոնավիրուսի 48 նոր դեպք է հաստատվել, ինքնամեկուսացված է 967 քաղաքացի

Ադրբեջանը որերորդ անգամ վերահաստատեց իր հակամարդկային կեցվածքը. Արման Աբովյան

Ավարտին է մոտենում Ստեփան Ավագյանի հուշամրցաշարը. աղյուսակը 6 միավորով գլխավորում է Մանուէլ Պետրոսյանը

Ավելացվում է ՔԿՀ-ներում պահվող անձանց տրամադրվող տեսազանգից օգտվելու քանակը. Ռուստամ Բադասյան