Նորքի տուն-ինտերնատի տարեցներից 3-ի վիճակը ծանր է. ենթադրվում է, որ կորոնավիրուսը բերել է բուժումից վերադարձած տատիկը

Հայաստանում COVID-19-ի նոր՝ վտանգավոր օջախներից մեկում՝ Երեւանի «Նորքի տուն-ինտերնատ»-ում վարակվածների թվում են թե՛ այնտեղ բնակվող տարեցները եւ թե՛ հաստատության աշխատակիցները: Թեստավորվել է 70 անձ։ Այս պահին հաստատվել է կորոնավիրուսի 45 դեպք։ Նրանցից 28-ն աշխատակիցներ են, որոնք մեկուսացվել են հյուրանոցներում, քանի որ չունեն սիմպտոմներ։ Վարակվածներից 17-ը տարեցներ են, որոնցից 3-ն այժմ մեկուսացված են ինտերնատի տարածքում։ Մնացած 14-ը հոսպիտալացվել են տարբեր բժշկական հաստատություններում։ Այս պահին 14-ից 3-ի վիճակը ծայրահեղ ծանր է: 
Ինչպես մեզ տեղեկացրեց ՀՀ աշխատանքի եւ սոցիալական հարցերի նախարարության հասարակայնության հետ կապերի բաժնի պետ Սոնա Մարտիրոսյանը, ցուցակներով հերթով կատարվել է վարակվածների տեղափոխումը բժշկական հաստատություններ։ Վարակվածների մեջ կան քաղաքացիներ, որոնք ինտերնատում անկողնային բաժնում են գտնվում, այսինքն՝ հիմնականում պառկած են լինում, եւ նրանց առողջական վիճակը, անկախ վիրուսի առկայությունից, ծանր է։
Ե՞րբ եւ ինչպե՞ս է հաստատություն ներթափանցել վարակը, ըստ Սոնա Մարտիրոսյանի, հանելուկ է։ Փետրվարի 27-ից այն փակ է եղել, ելք ու մուտք չի եղել, նույնիսկ տնօրինությունն ու աշխատակիցները գիշերել են այնտեղ։
Հաշվի առնելով այն հանգամանքը, որ տուն-ինտերնատը COVID-19-ի դեմ պայքարի առաջնագծից՝ «Նորք»-ի ինֆեկցիոն հիվանդանոցից 20 մետր հեռավորության վրա է գտնվում՝ հատկապես ուշադիր են եղել, անգամ դարպասներից դուրս չեն եկել։
Սոնա Մարտիրոսյանի խոսքով՝ ընթացքում կառույցից դուրս գալու ընդամենը մեկ բացառություն է եղել։ Անկողնային բաժնում գտնվող մի տատիկի տեղափոխել են «Էրեբունի» ԲԿ, քանի որ առողջական վիճակը վատացել է։ Դուրս գրելուց անմիջապես հետո թեստավորել են, պատասխանը բացասական է եղել։
Այժմ կասկածում են՝ հնարավոր է՝ վիրուսը գաղտնի եղել է օրգանիզմում։
Արդյոք հաստատությունը մի որոշ ժամանակով կփակվի՞, եւ այնտեղ ախտահանիչ միջոցառումներ կիրականցվեն՝ այս պահին չեն կարող ասել։
«Առաջին անհրաժեշտությունն այն է, որ առողջ եւ հիվանդ մեր քաղաքացիներն իրարից առանձին լինեն, «Նորքի տուն-ինտերնատ»-ում մենք կարողացել ենք այդ պայմանները ստեղծել»,- նշեց Մարտիրոսյանը։
Ամենայն հավանականությամբ կկատարվի ամբողջական ախտահանում, սակայն դեռ պարզ չէ՝ բոլորը կտեղափոխվե՞ն, թե՞ հերթով՝ սենյակ-սենյակ կիրականացվի։ Տեղափոխումն էլ իր հերթին կարող է ռիսկային լինել, ամեն դեպքում, տեսնեն՝ զարգացումներն ինչպես կլինեն։
Հիշեցնենք, որ օրեր առաջ Գեմաֆին Գասպարյանը սեփական դիմումի համաձայն՝ ազատվել էր ՀՀ աշխատանքի եւ սոցիալական հարցերի նախարարի առաջին տեղակալի պաշտոնից։ Մարտիրոսյանի խոսքով՝ այս ազատումը բացարձակ կապ չունի ինտերնատում վարակի դեպքերի հետ։ Գասպարյանը համակարգել է արտակարգ դրության իրավիճակում միայնակ տարեցների ու հաշմանդամություն ունեցող անձանց տրվող սոցիալական աջակցության ծրագիրը եւ որեւէ կերպ չի առնչվում այս դեպքի հետ։
«Ընդհանրապես փակ եւ շուրջօրյա խնամքի հաստատություններն ամբողջ աշխարհում ամենառիսկայինն են համարվել, այդ պատճառով մենք բոլոր քայլերը ձեռնարկել ենք, բայց վարակի դեմ որեւէ մեկս ապահովագրված չէ»։
 
Տպել
1347 դիտում

Ղարա դաշ. համացանցում հայտնվել է լուսանկար, որում հավանաբար գրավված ադրբեջանական դիրքն է

«ՈւԱԶ»-ային սադրանք հայ-ադրբեջանական սահմանին. 2 օրվա խրոնիկա

Մնացականյանը ԵՄ բարձրաստիճան պաշտոնյային ներկայացրել է հայ-ադրբեջանական սահմանին տիրող իրավիճակը

Ամբողջ սելավը կարկուտի տեսքով լցվել է մեր տուն. գյումրեցի Ավագյաններն արտակարգ իրավիճակում են հայտնվել (լուսանկարներ)

Ադրբեջանի գործողությունները կարող են ավերիչ ազդեցություն ունենալ տարածաշրջանի համար. Ադամ Շիֆ

Հակամարտությունը սրվել է. աշխարհի առաջատար լրատվականների ուշադրության կենտրոնում հայ-ադրբեջանական սահմանի իրավիճակն է

Զինված ուժերից զորացրվում են ժամկետային ծառայությունն ավարտած զինծառայողները

Իտալացի պատգամավորները համերաշխություն են հայտնել հայ ժողովրդին՝ շուտափույթ խաղաղություն ակնկալելով

ՊՆ-ն կոչ է անում ԶԼՄ-ներին ձեռնպահ մնալ հավանական մարտական գործողությունների տարածք հանդիսացող գոտիներ մուտք գործելուց

Դատապարտում ենք բնակչության հանցավոր թիրախավորումը, ինչը միջազգային հումանիտար իրավունքի բացահայտ խախտում է. Նաղդալյան

Ադրբեջանական բանակը ռազմական առումով ջախջախիչ պարտություն է կրել․ Արծրուն Հովհաննիսյան

Գայանե Աբրահամյանը երեկվանից մշտական կապի մեջ է միջազգային տարբեր հարթակների գործընկերների հետ

Գյումրու փողոցները մաքրվում են սառույցից, շենքերի նկուղները՝ ջրից. ԱԻՆ-ը արդեն 125 կանչ է ստացել (լուսանկարներ)

Չտրվեք սադրանքներին. մենք կորուստներ չունենք. Արծրուն Հովհաննիսյան

Զոհրաբ Մնացականյանը հեռախոսազրույց է ունեցել Վրաստանի ԱԳ նախարար Դավիդ Զալկալիանիի հետ

Կեղծ լուր տարածող օգտատիրոջ էջը կոտրել են. կարճ ժամանակ անց ճշտվել է օգտատիրոջ անձը

Արցախի ԱԳՆ-ն դատապարտել է Ադրբեջանի կողմից Տավուշի ուղղությամբ հայ-ադրբեջանական սահմանին հրադադարի ռեժիմի կոպիտ խախտումը

Արման Եղոյանը հեռախոսազրույց է ունեցել Հայաստանում Եվրամիության պատվիրակության ղեկավար Անդրեա Վիկտորինի հետ

Ղազախստանի ԱԳՆ-ն խորապես մտահոգված է հայ-ադրբեջանական սահմանին տեղի ունեցածի առնչությամբ

ՌԴ-ում Հայաստանի և Ադրբեջանի դեսպաննները «Խոսում է Մոսկվան» ռադիոկայանի եթերում մեկնաբանել են սահմանային միջադեպը