Գյումրիում տրանսպորտը շահագործվեց դիմակ-ձեռնոց-ալկոգել-մետաղադրամ սկզբունքով՝ 14 համարի երթուղու փոփոխությամբ

Դիմակներով, ձեռնոցներով, դռների վրա ամրացված ալկոգելով. այնպես, ինչպես պարետի որոշումն է: Գյումրիում երթուղայիններն ու ավտոբուսները վերագործարկվել են հենց այս պահանջով՝ առանց ժամանակային գրաֆիկի փոփոխությունների: Նաև մեկ նոր առաջարկ կա քաղաքացիներին՝ հնարավորության դեպքում մանրադրամով բարձրանալ երթուղային տաքսի, թղթադրամով չվճարել:

ՀԺ-ի հետ զրույցում Գյումրու քաղաքապետարանի Տրանսպորտի բաժնի պետ Արտյոմ Սարգսյանը բացատրեց, որ դա արվել է մեկ նպատակով, որպեսզի վարորդներն ու ուղևորները ինչքան հնարավոր է զերծ մնան մետաղադրամների հետ կրկնակի շփումներից: Դրանց համար մեքենաներում հատուկ տուփ է ամրացված: Ուղևորը գումարն անմիջապես դրա մեջ է գցում:

«Ես առավոտից դուրսն եմ, գրեթե բոլոր կանգառներով անցել եմ, ոստիկաների հետ մեքենաները ստուգել եմ: Բոլորը դիմակներով, ձեռնոցներով են: Ծանրաբեռնված չեն, դպրոց, ինստիտուտ չկա: Իրենք էին հիմնական ուղևորահոսքն ապահովում: Հիմա քիչ մարդ կա: Մենք 9 մետրանոց փոխադրամիջոց չունենք, ոչ էլ տրոլեյբուս: Գյումրիում նստատեղերի քանակով ենք ուղևորափոխադրումները կազմակերպում»,-ասաց տրանսպորտի բաժնի պետը:

Մեկ բողոք է ընդամենը ստացվել ավտոբուսի վարորդից: Ուղևորը ցանկացել է բարձրանալ առանց դիմակի, վարորդը թույլ չի տվել: Կատարվածի մասին էլ տեղյակ է պահել: Ոլորտի պատասխանատուն ասում է՝ վարորդները նախ վախենում են, հետո էլ իմացել են, որ տուգանքը մեծ թիվ է, խիստ զգուշանում են, ուշադիր են:

Գյումրիում հանրային տրանսպորտը շահագործող ՍՊԸ-ները պայմանագիր են կնքել համապատասխան կազմակերպության հետ, համաձայն որի, մեքենաներում օրական երկու անգամ ախտահանման աշխատանքներ են իրականացվելու՝ ժամը 15։00-16:00-ն ընկած ժամանակահատվածում և յուրաքանչյուր երթուղու աշխատանքային ժամի ավարտին։

Երթուղիները սպասարկող ընկերությունները, սակայն, այսօր բոլոր մեքենաները չէ, որ շահագործել են: ՍՊԸ-ներն առաջիկա օրերին կաշխատեն ոչ լրիվ շարժակազմով, յուրաքանչյուր երթուղում 2-3 մեքենայի պակասով: Այդ ժամանակահատվածը բավարար է, որ հասկանալի լինի, թե քանի մեքենայի կարիք կա, և ներկայում շահագործվող տրանսպորտի պարագայում կանգառներում կուտակումներ առաջանալու են, թե՝ ոչ:

Գյումրիում հանրային տրասպորտը վերագործարկվել է հիմնական երթուղիներում: Փոփոխություն կա միայն թիվ 14 և 24 համարների երթուղիների  հետ կապված: Թիվ 24 համարի երթուղին դարձել է թիվ 6 և այսուհետ սպասարկելու է թիվ 14 համար ուղեգիծը: Մեկնակետը Գյումրու Մսի կոմբինատ թաղամասն է, երթուղին ավարտվում է նախկին Ապակու գործարանի տարածքում:

«14 համարի երթուղի ունեինք, բայց արդեն 2 տարի ոչ մի ընկերության այն չէր  հետաքրքրում, մրցույթները չէին կայանում, մնում էր թափուր: Հիմա 14 համարը փոխարինել ենք 6 համարի երթուղով (նախկինում՝ 24): Մինչ արտակարգ դրությունը 24 համարը մինչև Հաղթանակի պողոտա էր գնում, հիմա արդեն մինչև կոմբինատ կգնա: 5-6 մեքենայով 10 րոպե ինտերվալով երթուղի է դարձել: Միակ փոփոխությունը դա է»,-ասաց Սարգսյանը:

Տպել
725 դիտում

Ստեփանավանի դենդրոպարկի մուտքի մոտ սահմանափակումներ են դրվել. նախօրեին 10 000 մարդ էր այցելել այնտեղ (լուսանկարներ)

Գեղարքունիքի մարզում կորոնավիրուսի 6 նոր դեպք է հաստատվել

Մինչ այս քրեական հետապնդման մարմինների կողմից իրականացված գործողությունները եղել են ու մնում են իրավաչափ. Գոռ Աբրահամյան

Շիրակի մարզում առաջին անգամ սոյա կմշակվի. ծրագիրը փորձնական է

Անցյալի եւ ապագայի միջեւ գիծ պետք է քաշվի, պետք է հասկանալ՝ ինչ է տեղի ունեցել 1996-ին, 1999-ին, 2008-ին...Ա. Ջուլհակյան

Երևանում տերմինալներից գողություն կատարողների խումբ է բռնվել. ձերբակալվել են 22 և 26-ամյա երկու երիտասարդներ

Այգեձոր բնակավայրի «Այգեձորի գոմեր» կոչվող հանդամասում մոտ 5 հա խոտածածկ տարածք է այրվել

ՍԱՏՄ մշտադիտարկումներն ու կրկնայցերը Երեւան քաղաքում. կրկնակի խախտում է թույլ տվել 2 կազմակերպություն

Նախագահը կրթության փորձագետ Անահիտ Բախշյանի հետ խոսել է Լանզարոտի կոնվենցիայի վերաբերյալ իր մտահոգությունների մասին

Հյուրանոցային համալիրի սեփականատիրոջ կազմակերպմամբ տնօրենին զրկել են ազատությունից, ապա ունեզրկել

Ոստիկանությունում Ռուբեն Հայրապետյանին առնչվող նոր քրեական գործ է հարուցվել

Առողջապահության նախարարը հանդիպել է ՀՎԿԱԿ-ի մասնաճյուղերի տնօրեններին

Գալուստ Սահակյանի որդին ներգրավվել է որպես մեղադրյալ ՔԿ-ում քննվող քրեական գործով

Սննդի անվտանգության տեսչական մարմինը մշտադիտարկումներ է իրականացրել Երեւանում․ հայտնաբերվել են մի շարք խախտումներ

ԱԻՆ-ը շրջայց է իրականացնում ՀՀ տարածքում (Տեսանյութ)

ՀՀ վարչապետը ցավակցական հեռագիր է հղել Իսպանիայի կառավարության նախագահին

Նախագահը ստորագրել է սեռական բռնություններից երեխաների պաշտպանության մասին կոնվենցիան վավերացնելու օրենքը և վավերագիրը

Մենք գնում ենք այս ճանապարհով՝ փոխանցելով «կրիր դիմակ, փրկիր կյանքեր» ուղերձը

Կորոնավիրուսի դեմ պայքարող բուժաշխատողների վարձատրությունը 2-3 անգամ բարձրացել է. ռեանիմատոլոգների պակաս կա

Կորոնավիրուսից մահացած մոր հուղարկավորության ժամանակ վարակված աղջիկները եւս մահացել են