Մենք լավ զինվորականի կորցրինք. ողբերգական պատահարի հետեւանքով մահացածն ու վիրավորները սպաներ են

Լուսանկարում՝ Խաչատուր Խաչատրյանը

Երեկ Էջմիածնի Զվարթնոց թաղամասում տեղի ունեցած ողբերգական պատահարի հետեւանքով մահացածը 57-ամյա Հովիկ Քոսակյանը Վազգեն Սարգսյանի անվան ռազմական համալսարանի դասախոսներից էր: Իսկ վիրավորները՝ նույն ռազմական համալսարանի դասախոսներ, 58-ամյա Աշոտ Շեկիկյանը, պահեստազորի գնդապետ, 57-ամյա Պավել Թոփչյանը և 36-ամյա Գևորգ Հարությունյանը:

Ավելի վաղ հայտնել էինք, որ Էջմիածնի «Բիշարյան» կահույքի սրահի մոտակայքում այրվել է «Մազդա» մակնիշի ավտոմեքենա, ինչի հետևանքով կա մեկ զոհ և 3 տուժած։

Հրշեջ-փրկարարները կրակը մարելուց հետո գրեթե ամբողջովին մոխրակույտի վերածված ավտոմեքենայում հայտնաբերել են փոխգնդապետ Հովիկ Քոսակյանի դին:

ՀՀ ՊՆ Վազգեն Սարգսյանի անվան ռազմական համալսարանի պետ, գնդապետ Խաչատուր Խաչատրյանը ՀԺ-ի հետ զրույցում՝ անդրադառնալով դեպքին՝ ասաց, որ քննություն է ընթանում, որն էլ կպարզի, թե ինչ պայմաններում է դեպքը տեղի ունեցել։ 

«Սա շատ ծանր դեպք է մեզ համար. փոխգնդապետ Հովիկ Քոսակյանը լավ սպա էր, բավականին լավ անձնավորություն։ Մենք լավ մարդ կորցրինք, ճանապարհ անցած մարդ, լավ զինվորականի եւ հայրենասեր անձնավորության»,- ասաց Խաչատրյանը։

Ռազմական համալսարանի պետը պատմեց, որ Հովիկ Քոսակյանը հրետանու ֆակուլտետի ավագ դասախոս էր, ուներ որդի եւ դուստր, մարտական գործողությունների մասնակից էր:

Նա նշեց, որ Հովիկ Քոսակյանի հուղարկավորությունը տեղի է ունենալու վաղը եւ պաշտպանության նախարարի որոշմամբ լինելու է զինվորական կարգով՝ Եռաբլուր պանթեոնում:

Ռազմական համալսարանի պետն ընդգծեց՝ արդեն նախատեսում են համալսարանի հրետանու ֆակուլտետի լսարաններից մեկն անվանակոչել Հովիկ Քոսակյանի անունով։ Առաջարկությունը կա եւ բոլորն էլ կողմ են, որ նրա անունով լսարան անվանակոչեն։

Անդրադրառնալով դեպքից տուժած մյուս դասախոսների վիճակին Խաչատրյանն ասաց, որ Գեւորգ Հարությունյանը եւ Պավել Թոփչյանը այս պահին գրեթե խնդիր չունեն, իսկ Աշոտ Շեկիկյանը, որը մեքենայի ղեկին էր՝ այրվածքներ է ստացել. «Բայց նրանց կյանքին այս պահի դրությամբ վտանգ չի սպառնում»։

Նա նշեց նաեւ, որ Թոփչյանը եւ Շեկիկյանը եւս մարտական գործողությունների մասնակից են։

«Այս տարի մենք մշակել էինք տարբեր պարապմունքներ, այսօր վերջին օրն էր պարապմունքների եւ ես նրանց փոխարեն այլ մարդկանց եմ ուղարկել։ Պատկերացրեք՝ այս վիճակում մենք դասապրոցեսը չենք դադարեցնում։ Մենք պետք է կարողանանք մեր ապագա հրետանավորներին պատրաստել՝ վաղվա անելիքների համար»,- ասաց ռազմական համալսարանի պետը։  

Տպել
2322 դիտում

Ադրբեջանը Թուրքիայի լայնածավալ աջակցությամբ իր ամբողջ ռեսուրսն ու արսենալն է ներդրել այս ոտնձգության մեջ. Ավինյան

Մինչ այս ժամը մարդիկ ՊԲ-ին օգնություն են բերում. Հովսեփ Կուբատյան

Հանրային խորհրդում ՀՀ-ում ՌԴ դեսպանի հետ քննարկվել է տարածաշրջանային բարդացող իրավիճակը

ՀՀ ներկայացուցիչը ՄԻԵԴ է ուղարկել տվյալներ նաեւ Վարդենիսի դեպքերի մասին. Եղիշե Կիրակոսյանի խոսքով՝ իրավիճակն աննախադեպ է

Կապի միջոցներն անջատելու կարիք չկա. բարձր ճառագայթահարման մասին լուրը կեղծ է

Ադրբեջանի խոցված տեխնիկայի թվերն այնքան մեծ են, որ սկսել ենք դրանք մոտավոր գրել. Հակոբ Արշակյան

Հայկական բանակը խոցել է հակառակորդի 137 տանկ և զրահատեխնիկա, 72 ԱԹՍ, 7 ուղղաթիռ, 1 ինքնաթիռ․ Արծրուն Հովհաննիսյան

Ջորջ Բաղումյանը 1 մլն դոլար է նվիրաբերում «Իմ քայլը» հիմնադրամին, գումարը կծախսվի ի շահ մեր պետության. Աննա Հակոբյան

Երեւանի ավագանու կամավորագրվածերի թիվն արդեն հասնում է տասի

Այս պահին պարենային դեֆիցիտի առաջացման վտանգ չունենք․ Արցախի պետական նախարար

Ամիրյան փողոցի երթևեկելի հատվածում քաղաքացի է վրաերթի ենթարկվել

Նիկոլ Փաշինյանը հեռախոսազրույց է ունեցել Վլադիմիր Պուտինի հետ

Ողջ միջազգային հանրությունը պետք է ստիպի Թուրքիային դուրս գալ այս հակամարտությունից. վարչապետը՝ BBC-ի հետ հարցազրույցում

Իրենց բնակավայրից ժամանակավորապես հեռու գտնվող դպրոցականները կսովորեն փաստացի բնակության վայրին մոտ դպրոցներում. ԿԳՄՍՆ

Թուրքական իշխանությունների ներգրավվածությունը հակամարտության մեջ հղի է լրջագույն հետևանքներով. Զոհրաբ Մնացականյան

Ալիեւը փոխզիջման համար տեղ չթողեց. սա բռնապետության պատերազմն է ընդդեմ ժողովրդավարության. Ն. Փաշինյան. The Spectator

Արցախի նախագահը ընդունել է ՊՆ մի խումբ նախկին բարձրաստիճան հրամանատարների

Այսօր ևս ՊԲ ստորաբաժանումները հետ են վերցրել նախկինում կորցրած որոշ դիրքեր․ՊԲ հրամանատարի տեղակալ

Խոցվել է հակառակորդի զինամթերքով բեռնված մեքենաների շարասյունը. ՊՆ (տեսանյութ)

Թուրքական F-16-ի կիրառում գրանցվել է նաեւ Արցախի օդային տարածքում. ՊԲ հրամանատարի տեղակալ