Ճանապարհաշինություն, մշակույթի տան հիմնանորոգում ու ոչ միայն. Լոռիում եւս 10 սուբվենցիոն ծրագիր է հաստատվել

Կառավարության միջգերատեսչական հանձնաժողովը Լոռու մարզում 2020թ-ին իրականացվելիք սուբվենցիոն ծրագրերից հաստատել է եւս 10-ը: Մինչ այդ հաստատված ծրագրերը 19 էին: Այս մասին ՀԺ-ի հետ զրույցում ասաց մարզպետ Անդրեյ Ղուկասյանը:

Հավանության են արժանացել՝ Սարամեջ համայնքի գիշերային լուսավորության ցանցի ընդլայնման, Դարպաս համայնքի ճանապարհային պատվածքի եւ ծածկի ամբողջական փոխարինման, Մեծ Պարնի համայնքի մշակույթի տան ամրացման եւ մարզադահլիճի հիմնանորոգման, Գուգարք համայնքի էներգետիկների 5-րդ փողոցի 9-րդ շենքի տանիքի վերանորոգման, Սպիտակ քաղաքի կարիքների համար գրեյդեր եւ փոշեկուլ մեքենաների ձեռքբերման, Սարահարթ համայնքի ֆուտբոլի դաշտի կառուցման, Սարչապետ համայնքի Սարչապետ եւ Նորաշեն բնակավայրի հուշարձանների վերանորոգման եւ շրջակա պուրակների բարեկարգման, Ախթալա համայնքի Ճոճկան գյուղի մանկապարտեզի շենքի հիմնանորոգման եւ մշակույթի տան գույքի ձեռքբերման, ինչպես նաեւ Լոռի Բերդ համայնքի Սվերդլով բնակավայրի համայնքային կենտրոնի 2-րդ հարկի կապիտալ նորոգման ու տարածքի բարեկարգման ծրագրերը:

Մինչ օրս հաստատված ծրագրերի մի մասով արդեն իսկ մրցույթներ են հայտարարվել, մի մասով էլ՝ շահող կազմակերպություններն են հայտնի: Որոշ համայնքներում շինարարական աշխատանքները շուտով արդեն կմեկնարկեն: Անդրեյ Ղուկասյանն ասում է՝ կոնկրետ ճանապարհաշինության մասով մոտեցում է փոխվել, ըստ որի, ճանապարհաշինական ծրագրերին այլեւս կարող են մասնակցել այն կազմակերպությունները, որոնք բանկային երաշխիք կներկայացնեն:

«Ելնելով նախորդ տարվա դառը փորձից, երբ շատ տեղերում մենք անորակ ճանապարհաշինություն ունեցանք (գումարները չեն վճարվել-հեղ), որոնց մասնակցել էին փոքր ընկերություններ եւ բացասական արդյունք տվել, որոշում է կայացվել բոլոր փոքր ճանապարհաշինական ծրագրերը խմբավորել: Մարզպետարանը կհայտարարի մրցույթ, ըստ որի, մինչեւ 150 մլն դրամի ճանապարհաշինական ծրագրերը կխմբավորվեն եւ 1 մրցույթ կհայտարարվի, որպեսզի ներգրավենք ավելի կայացած շինարարական ընկերությունների»,- ասաց մարզի ղեկավարը՝ նշելով, որ ճանապարհաշինության համար կհայտարարվի 3 մրցույթ՝ ասֆալտապատում (Վանաձորը առանձին մրցույթով կմասնակցի, քանի որ ծավալը 450 մլն դրամ է), քարերով սալապատման եւ ջրահեռացման համակարգերով ճանապարհաշինություն:

Անդրեյ Ղուկասյանի խոսքով՝ հավանաբար մինչեւ հունիսի վերջ բոլոր ծրագրերը արդեն հաստատված կլինեն:

Անդրադառնալով նախորդ տարի չավարտված եւ այս տարի շարունակվող ծրագրերին, մարզի ղեկավարն ասաց, որ ամենախնդրահարույց ծրագրերը  շարունակում են մնալ վանաձորյան ծրագրերը.  «Մասնավորապես՝ ասֆալտապատման եւ պուրակների բարեկարգման ծրագրերը: Մենք եթե պուրակների մասով լավատեսական ենք, ապա ճանապարհաշինության հետ կապված կան խիստ կասկածներ, որ այդ աշխատանքները կավարտվեն այս տարի ու այն էլ որակով: Մեր բաժնի աշխատողները կապի մեջ են համայնքապետարանի աշխատողնբերի հետ, կարծում եմ մոտ օրերս որոշում կկայացվի՝ խզել պայմանագիրը այդ ընկերության հետ եւ նոր մրցույթ հայտարարել, որպեսզի գոնե 2020թ-ին ունենանք այդ ճանապարհները, որը պետք է ունենայինք 2019թ-ին»:

Տպել
577 դիտում

Երբ դիմորդները թթվածնի պակաս են զգում, ԳԹԿ աշխատակցի հետ դուրս են գալիս օդ շնչելու. այսօր անցկացվեց 3-րդ քննությունը

Աղամալ Հարությունյանի նկատմամբ խափանման միջոց է ընտրվել ստորագրությունը. դատախազություն

«Մեգամոլ Արմենիա» առևտրի կենտրոնում ռումբ չի հայտնաբերվել

Պողոս Պողոսյանի սպանության գործով դատավճիռը բեկանվել է, գործն ուղարկվել առաջին ատյանի դատարան՝ նոր քննության. «Հետք»

Արցախի նախագահը հանձնարարել է առավելագույն խստություն ցուցաբերել պետական համակարգի աշխատողների և տնտեսվարողների նկատմամբ

Մեծ Բրիտանիան հոլիվուդյան աստղերին թույլ է տվել չհետեւել կարանտինի կանոններին

«Դալմա գարդեն մոլում» եւ «Մեգամոլում» պայթուցիկի որոնողական աշխատանքները շարունակվում են. աշխատակիցները տարհանվել են

Կասեցումներ սոցիալական ապահովման ծառայության տարածքային բաժիններում եւ Ազգային արխիվում (տեսանյութ)

Հուլիսի 8-ին Մոսկվա-Երևան չարտերային չվերթի որոշ քանակի տոմսեր կարելի է ձեռք բերել ազատ վաճառքից

Այսօր ցավով տեղեկացա, որ Նուրհան Յոսուփովիչը մահացել է. Նիկոլ Փաշինյան

Արմեն Ամիրյանը 2-րդ հայցն է ներկայացրել ընդդեմ Հովհաննես Գալստյանի. վերջինս էլ պատրաստվում է նրան դատի տալ

Հայտարարություն մրցակցային բանակցությունների մասին

Սկսում ենք կենսաթոշակների նշանակման գործընթացների վերակազմակերպումը. այն խնդրահարույց է. Զարուհի Բաթոյան

Ֆիզիկապես լավ էի, բայց ինձ շատ վատ էի զգում, երեխեքիս աչքերում այնքան թախիծ կար. մի վարակակրի պատմություն

«Եղեգ» ՓՀԷԿ-ն իրականացրել է սահմանված ջրաքանակից ավելի ջրառ՝ շրջակա միջավայրին հասցնելով 3,8 մլն դրամի վնաս

Երևանի «Մեգամոլ Արմենիա» առևտրի կենտրոնի 1-ին և 2-րդ հարկերում ռումբերի առկայության մասին ահազանգ է եղել

ԱՀԿ-ն հայտարարել է աշխարհում կորոնավիրուսի ցուցանիշների կտրուկ աճի եւ նոր հակառեկորդի մասին

Ա. Սարգսյանը հրամանագիր է ստորագրել՝ Տավուշի մարզի առաջին ատյանի դատարանի դատավոր նշանակելու մասին

Արցախում կորոնավիրուսից բուժվել է 8 քաղաքացի. պացիենտներից մեկի առողջական վիճակը ծանր է

Լոնդոնում ուսանող Ալեքսանդր և Գեորգի Ձավարյանները 30.000 հատ դեմքի պաշտպանիչ վահաններ են ուղարկել Հայաստան