«Սրանից հետո դուք եք հերքելու ամեն ինչ. դե, գնացեք հերքեք, տեսնեմ՝ ոնց եք հերքում». Նիկոլ Փաշինյանը՝ ԼՀԿ պատգամավորին

«Լուսավոր Հայաստան» խմբակցության պատգամավոր Արմեն Եղիազարյանը ԱԺ-Կառավարություն հարցուպատասխանի ժամանակ պարզաբանում խնդրեց ՀՀ վարչապետից՝ ընդդիմության ատկատների մասին նրա այսօրվա հայտարարության կապակցությամբ:

Նշելով, որ Փաշինյանը եւս եղել է ընդդիմություն՝ Եղիազարյանը հիշեցրեց վարչապետի այն միտքը, որ «յուրաքանչյուր մարդ դիմացինի մասին մտածում է իր փչացածության աստիճանով»:

Վարչապետն ի պատասխան՝ նշեց, որ շատ դեպքեր կան, երբ ինքը մարդկանց մասին մտածում է իրենց փչացածության աստիճանին համապատասխան:

«Երբ որ որեւէ մեկը կարող է ակնարկ անել, որ ես կոռուպցիայի հետ որեւէ առնչություն կարող եմ ունենալ, ես, այո՛, ամենակոշտ ձեւով եմ հակազդում, ես այդպես մտածողների վերաբերյալ կարող եմ մտածել իրենց իսկ փչացածության աստիճանին համապատասխան: Ինչո՞ւ, ոչ թե նրա համար, որ ես հրեշտակ եմ, այլ որովհետեւ ես այս ամբիոնում եւ այս կարգավիճակում հայտնվելու պատմություն ունեմ եւ որեւէ մեկին թույլ չեմ տա կասկածի տակ դնել այդ պատմությունը՝ լինի դա ընդդիմություն, լինի իշխանություն՝ ներկա, թե նախկին»:

Շարունակելով իր հարցը՝ Եղիազարյանն ասաց, թե վարչապետն իր ֆեյսբուքյան էջում կիսվել է Գորգիսյանի հարցին իր պատասխանի տեսանյութով եւ այն վերնագրել այսպես. «Իսկ կարո՞ղ է, քանի որ իշխանությունը ատկատ չի վերցնում, ասֆալտ ուտողները ատկատը սկսել են ընդդիմությանը տալ»։ Նա խնդրեց իրենց օրինակ չբերել:

«Կներեք, եթե ձեր խմբակցությունը մեզ հարցնում է՝ կարո՞ղ ա դուք ատկատ եք վերցնում, կարո՞ղ ա դուք կոռումպացված եք, մենք էլ ասում ենք՝ կարո՞ղ ա դուք եք կոռումպացված: Էդ ո՞նց ա՝ ձեզ կարելի է հարց տալ, մեզ չի կարելի հարց տալ, այսինքն՝ էդ ձեզ կարելի է ինչ ասես ասել, մտածում եք՝ հակադարձում չե՞ք ստանալու: Դուք ասում եք՝ երբ որ ընդդիմություն եք եղել, ես էլ ասում եմ, երբ որ ընդդիմություն եմ եղել, իշխանությունն է ատկատ վերցրել, հիմա հարցս հետեւյալն է. կարո՞ղ ա, որ իշխանությունը չի վերցնում, ընդդիմությունն է սկսել վերցնել: Հարցս հռետորական է, եթե պատասխան ունեք, պատասխանեք: Ասում են՝ ճի՞շտ է, որ մաքսանենգություն եք անում, դե պատասխանեք, դե հերքեք: Դուք գնացեք հերքեք, կարո՞ղ ա էդ ծխախոտի մաքսանենգությունից փայ ունեն նրանք, ովքեր բարձրաձայնում են: Դե, գնացեք հերքեք, ձեզ թվում է՝ մեզ կարող եք անընդհատ դնել մի վիճակի մեջ, մենք հերքենք, դուք ապահովագրվա՞ծ եք: Սրանից հետո դուք եք հերքելու ամեն ինչ: Դե, գնացեք հերքեք, տեսնեմ՝ ոնց եք հերքում»,- արձագանքեց Փաշինյանը:

Տպել
2270 դիտում

«Տոնոյանը խոսում է նոր բարենպաստ դիրքերի զբաղեցման մասին, իսկ ադրբեջանցիները՝ 2 դիրքի կորստի և 17 հոգու մահվան մասին»

Դավիթ Տոնոյանը մշտական կապի մեջ է ԵԱՀԿ գործող նախագահի անձնական ներկայացուցիչ Անջեյ Կասպրշչիկի հետ

Խստորեն դատապարտում ենք ադրբեջանական զինված ուժերի կողմից Տավուշի մարզի ուղղությամբ հրադադարի խախտումները. ԱԳՆ

Հակառակորդի բոլոր փորձերը չեզոքացվում են, հայկական զինված ուժերը կորուստներ և վիրավորներ չունեն. ՊՆ խոսնակ

Կարևոր եմ համարում միջազգային համարժեք արձագանքը, այդ թվում ՀԱՊԿ–ի կողմից՝ ուղղված Ադրբեջանին․ Լիլիթ Մակունց

Հակառակորդը թանկարժեք թռչնակ էլ կորցրեց՝ ԱԹՍ. Արծրուն Հովհաննիսյան

Այս պահին Արցախի սահմանի ամբողջ երկայնքով հարաբերական հանգիստ է տիրում. Վահրամ Պողոսյան

Ադրբեջանական կողմը վերսկսել է հրետակոծել ՀՀ նույն դիրքի ուղղությամբ 82 մմ ականանետից և տանկից. ՊՆ

Հրապարակվել են ՀՀ ԶՈՒ կողմից սահմանին խոցված ադրբեջանական «ՈՒԱԶ»-ի լուսանկարները

Կորոնավիրուսն ու դրա դաշնակիցները

Փաստորեն մեր զինծառայողները շատ հմտորեն են ցավեցրել ադրբեջանցի զինծառայողներին. Շուշան Ստեփանյան

Պետություն-հասարակություն հարաբերությունների հիմնաքարը

Փրկարարները դադարեցրել են արդեն 3 օր կորած համարվող քաղաքացու որոնողական աշխատանքները

Նորմերի խախտման դեպքերով երեկվա դրությամբ կայացվել է 4372 կազմակերպության գործունեության դադարեցման որոշում

Շենգավիթ վարչական շրջանում վերահսկողություն է իրականացվել հանրային տրանսպորտում

Կուրթան համայնքի 5 բնակիչ սնկային թունավորմամբ տեղափոխվել է հիվանդանոց. 2-ի վիճակը ծանր է

Ադրբեջանի ՊՆ-ն հայտնում է 2 սպանվածի ու 5 վիրավորի մասին

Նուբարաշենի աղբավայրում hրդեհաշիջման աշխատանքները վերսկսվել են. աշխատանքներ են տարվում արդեն մի քանի օր

Ինչպես է բերման ենթարկվել «Վստրեչի ապեր»-ը. ոստիկանությունը տեսանյութ է հրապարակել

Շենգավիթ վարչական շրջանում խախտումներ են արձանագրվել միայն մեկ խանութում