Nissan ընկերությունը նվազեցնում է արտադրությունն ու փակում գործարաններ. աշխատակիցները բողոքում են

Nissan-ը հայտարարել է, որ մտադիր է փակել Իսպանիայում եւ Ինդոնեզիայում  իր գործարանները, ինչպես նաեւ հեռանում է հարավկորեական շուկայից եւ հրաժարվում Ռուսաստանի դաշնությունում գործող Datsun անվանումով բրենդից:

Eurօnews-ը հայտնում է, որ մասնավորապես, լիկվիդացիա է սպասվում է Բարսելոնայում գործող Nissan-ի գործարանում, որտեղ ավելի քան 3 հազար մարդ է աշխատում: Nissan-ի գլխավոր տնօրեն Մակոտո Ուտիդան հավաստիացնում է, որ ընկերության ղեկավարությունն ուսումնասիրել է բազմաթիվ տարբերակներ՝ աշխատանքները չկասեցնելու համար, սակայն այլ տարբերակ չունեն եւ ստիպված են գնալ այս «ոչ այնքան հեշտ» քայլին:

Նոր ռազմավարությունը դարձել է Renault-Nissan դաշինքի նախաձեռնած խոշոր բարեփոխումների  մի մաս, որի ընթացքում գործընկերները պայմանավորվել են միավորել մեքենաների արտադրությունն ու շուկայի բաժանումը: Ըստ Renault-ի կառավարման խորհրդի նախագահ  Ժան-Դոմինիկ Սենարդի ՝ սա պետք է օգնի դաշինքին կենտրոնանալ աշխարհի ողջ տարածքում խոշոր ավտոմոբիլային շուկաներում.

«Nissan-ի պատասխանատվության ոլորտը Ճապոնիան է, Չինաստանը եւ Հյուսիսային Ամերիկան: Renault-ինը՝ Եվրոպան, Ռուսաստանը, Լատինական Ամերիկան եւ  Հյուսիսային Աֆրիկան:  Mitsubishi-ի շրջանակն էլ  Հարավարեւելյան Ասիան ու Օվկիանիան են»,-նշել է Սենարդը:

Պատասխանատվության ոլորտի այս բաժանումը, սակայն, ըստ խորհրդի նախագահի, չի նշանակում, որ Nissan-ը վերջնականապես դուրս է գալիս եվրոպական շուկայից: Ընկերությունը մտադիր է պահպանել Սանդերլենդում առկա գործարանը: Այն խոշորագույն մեքենաշինական ձեռնարկություն է Հյուսիսային Թագավորությունում, այնտեղ աշխատում է ավելի քան 7 հազար մարդ: Ավելի վաղ տեղեկություններ են եղել այն մասին, որ տնտեսական ճգնաժամի պատճառով այստեղ էլ սպասվում են արտադրության զգալի կրճատումներ:

Nissan-ի՝ Բարսելոնայում տեղակայված գործարանի աշխատակիցները չեն կարողացել թաքցնել զայրույթը՝ կոնցեռնի համատեղ որոշման մասին տեղեկանալուց հետո:  3 հազար մարդ արդեն համարվում է փաստացի գործազուրկ: Նրանք բողոքի մեծ ալիք են բարձրացրել եւ հայտարարել, որ ընկերության ղեկավարությունն իրենց ազատումը ծրագրել է վաղուց, սակայն աշխարհում առկա իրավիճակը հարմար առիթ է եղել՝ նախկինում ծրագրածն իրականացնելու համար: Աշխատակիցները հայտարարել են՝ իրենց թողնում են բախտի քմահաճույքին եւ նշել, որ սուտ է տեղեկատվությունը, թե Բարսելոնայի գործարանի արտադրանքը ոչ եկամտաբեր է:

Բարսելոնայի գործարանի աշխատակիցների բողոքը

Բանն այն է, որ Nissan-ը որոշել է մինչեւ 2023 թվականը 20 տոկոսով նվազեցնել ավտոմեքենաների արտադրությունն ամբողջ աշխարհում:

Ի նշան իրենց գործարանի փակման դեմ բողոքի, աշխատակիցները մայրուղիներում տասնյակ անվադողեր են այրել: Նրանք նշում են, որ աշխատակիցների մեծ մասը 10 տարուց ավելի է՝ աշխատում է գործարանում, իսկ համաշխարհային ճգնաժամի եւ համավարակի պայմաններում նոր աշխատանք գտնելու հեռանկարն անորոշ է, քանի որ կրճատումներ են բոլոր խոշոր արտադրություններում:

Սա 11 տարվա ընթացքում Nissan-ի առաջին գործարանն է Իսպանիայում, որ փակվում է: Հաշվի առնելով մատակարարներին ու ենթակապալառուներին, արհմիությունները համոզված են, որ գործարանի փակումը կազդի 20 հազար մարդու վրա:

Իսպանիայի արդյունաբերության, առեւտրի եւ զբոսաշրջության նախարար Մարիա Ռեյես Մարոտոն, սակայն, դեռ լավատես է. «Մենք տեղյակ ենք տնտեսական դժվարությունների մասին, որոնք Nissan- ն է ապրում, հատկապես COVID-19- ի պատճառով: Բայց մենք հավատում ենք, որ պետք է մտածել միջնաժամկետ եւ երկարաժամկետ հեռանկարների մասին: Մենք համոզված ենք, որ Nissan- ը կկարողանա հենակետ ձեռք բերել Իսպանիայում եւ մնալ եվրոպական շուկայում»,-ասել է նա:

Ավտոմեքենաների արտադրությունը կազմում է Իսպանիայի Համախառն ներքին արդյունքի 10% -ը: Սկզբնապես Բարսելոնայի գործարանը նախատեսված է եղել տարեկան 200 հազար մեքենա արտադրելու համար, բայց նույնիսկ համավարակի բռնկումից առաջ գործարանի կարողությունը կրճատվել էր մեկ երրորդով, այդ մասին են փաստում դիտորդները:

Նշենք, որ այս տարվա մարտին էլ Nissan ընկերությունը որոշում էր կայացրել կրճատել Սանկտ-Պետերբուրգի իր գործարանի աշխատանքները՝ երկհերթափոխային համակարգից անցնելով 1 հերթափոխի: Ընկերության ներկայացուցիչը հայտնել էր, որ այդ որոշումը մեքենաների պահանջարկի կտրուկ անկման հետ է կապված, համաճարակի հետ կապ չունի եւ առնչվում է միայն շուկայում տիրող իրավիճակին: Նա հավելել էր, որ մի քանի ամսից՝ հնարավոր է վերականգնվի նախկին աշխատաձեւը: Nissan-ի Պետերբուրգի ավտոգործարանն արտադրում է X-Trail, Qashqai եւ Murano մոդելները:

Իր հերթին Renault ընկերությունը կասեցրել էր Ֆրանսիայի իր գործարանների աշխատանքը՝ տուն ուղարկելով 12 արտադրական ձեռնարկության մոտ 18 հազար աշխատակցի՝ անորոշ ժամանակով: Փակվել էին նաեւ դեպի Եվրոպա արտադրանք ապահովող Թուրքիայի եւ Մարոկկոյի գործարանները, սակայն ի տարբերություն Nissan-ի վերը թվարկված գործարանների, դրանք կվերաբացվեն՝ կորոնավիրուսի համաճարակի տեմպերի թուլացման հետ մեկտեղ:

Տպել
1549 դիտում

Ազատամուտ գյուղում այրվել է փայտյա տնակ (տեսանյութ)

Ներքաղաքական պայքարի անվան տակ

Սևանավանքի տարածքում մարդկային կուտակումներ և անկանոն հերթեր չեն արձանագրվել․ ԲԸՏՄ

Վաղը քննությունների ամենածանրաբեռնված օրն է. մաթեմատիկայից քննություն կհանձնի ավելի քան 5000 դիմորդ. նախարար

Հուլիսի 7-ին տեղի կունենա Վորոնեժ-Երևան չվերթը

Սևանում և Գավառում խստացված ստուգումներ են. ՍԱՏՄ-ն շարունակում է մշտադիտարկումները սննդի շղթայի օբեկտներում

Աթլետիկայի համաշխարհային ֆեդերացիան պաշտոնապես հայտարարել է մի քանի համաշխարհային ռեկորդների վավերացման մասին

Եկեղեցու տոնացույցով այս տարի Վարդավառը հուլիսի 19-ին է

Հայ-ռուսական հարաբերությունների մասին

Հրդեհ Նուբարաշեն վարչական շրջանում. այրվել է մոտ 200 խմ տոլ (տեսանյութ)

Սիրիայում թուրքական օդուժը մեկ ամիս շարունակ ռմբակոծել է Աֆրինի և Շահբայի շրջանները

ԱԻՆ ջրափրկարարները վերսկսել են հունիսի 26-ից կորած քաղաքացու ստորջրյա որոնողական աշխատանքները

Վթար Ապարան-Վարդենիս ավտոճանապարհին․ տուժածի վիճակը գնահատվել է բավարար

Կիևյան կամրջի տակ դի է հայտնաբերվել

Իրենց արշինով են չափում

Մոտ օրերին ուլտրամանուշակագույն ճառագայթումը նորմայից բարձր է լինելու․ խորհուրդ է տրվում խուսափել ուղիղ ճառագայթներից

Ռեփեր Քանյե Ուեսթը կրկին հայտարարել է ԱՄՆ-ի նախագահի ընտրություններում առաջադրվելու մասին

«ՎԱԶ-2106» մակնիշի ավտոմեքենան բախվել է կայանած ավտոքարշակին. կա տուժած

Ոստիկանների ստուգումներով հայտնաբերվել է օրինախախտման 3072 դեպք, խախտումների ընդհանուր թիվը 68.305 է

Արցախի ՊԲ հրամանատարը շնորհավորել է ծառայության անցնող զորակոչիկներին